9/04/2010 10:38:00 ص | 
مـ دمـاغ ــن
أع ـقل مـ ج ـنـونــة
رمضان قرب يخلص ..
هيوحشني أوي ..
مش عارفة ربنا هيطول ف عمري لرمضان القادم ولا لاء !
بس هادعي .. اللهم بلغني رمضان القادم
--------------------------
ليلة امبارح كنت حاسة انها ليلة القدر
مش عارفة ليه
ولما النهار طلع وشكل السما كانت منورة اوي من الساعة 6 !
والساعة 7 بقي نور وشمس رهيبة ولما ابص للسما عيني توجعني من كتر النور
حسيت انها فعلا ممكن تكون ليلة القدر
يارب تكون ليلة القدر بجد !
وبرده اللهم بلغني ليلة القدر لو مكنتش هي دي !--------------------------
مسلسلات رمضان ..
كتيرة اوي اوي
اول اسبوع قولت مش هتابع الا عايزة اتجوز .. لانها للمدونة غادة عبد العال
وقولت هتابع معاها كمان كليوباترا لاني اثرية قديمة زي مانتو عارفين :D :D
بس كليوباترا معجبنيش علي الاطلاق للمغالطات الكتيرة الموجودة سواء ف اللبس ولا الصور ولا المناظر !!
تاني اسبوع ابتديت ااتفرج علي شيخ العرب همام .. لانه بيكون شغال علي الفطار وماما وبابا واخويا بيتفرجو عليه !
عجبني جدا ..
اذكر اني مبحبش اتابع حاجة ليحيي الفخراني .. ولما بتفرج علي مسلسلاته حلقتين ورا بعض بلاقيها حلوة جدا :)
مشهد موت الشيخ سلام خلاني ابكي
كنت حاسة فيه بطيبة وقرب من الله غريبة .. يارب اكون نص كدا :)
تالت اسبوع .. زودت علي الشوية دول مسلسل برة الدنيا بتاع شريف منير
عجبني ..
وحيرني دور حسام المهدي " احمد زاهر " .. طيب ولا شرير ولا واطي ولا ايه بالظبط !!
وبنته زي العسل " ليلي أحمد زاهر " بجد ربنا يوعدني ببنوتة شقية وجميلة زيها كدا
أخيرا بئة ودا المهم
في رابع اسبوع ابتديت اشوف العااااااار
بجد لاقيته تحففففففففة جدااااااااااا
مصطفي شعبان عامل دور يجنن بجد
شخصية الراجل اللي عامل نفسه متدين ادام الناس لكن من جواه واطي واطي واطي
والغريبة انه مقتنع انه صح مليون ف المية وان البني آدم خطاء لكن الايمان ف القلب :D :D
" شوفتي فين الشخصية دي قبل كدا يابنت ياريمو :D "
شدني لمتابعته اني سمعت وانا متدبسة في المواعين :D
والتليفزيون شغال .. انه هيتاجر ف غشاء البكارة الصيني
وبعدها بحلقتين باين اللي هو امبارح او اول
اتفرجت وشوفته وهو هيتجوز علي مراته واحدة مركبة نفس ذات الغشاء دا !!
وياسبحان الله .. حامل كمان !!
شوفو ..
يمهل ولا يهمل
ومحدش يفتكر انه بعملة عملها هباب هيفلت !
كلــنــا كدا مننا لله ..
فانحترم نفسنا أحسن
ومن يتق الله يجعل له مخرجــا
:)--------------------------
أخر حاجة بئة
مش عارفة حاسة ليه انكو بتوحشوني اوي ^_^
وعاوزة اقولكو خبر جديد عن سموي حفظني الله
بعد ما قولت باي باي للتعليم بأكمله و17 سنة من عمري ضاعو في التعليم المصري !
ولان ربنا بعتلي صاحبة انتيمة زي سها صاحبتي صاحبة مدونة الشط التاني من نفسي ..
ولان ربنا مديني أم حنينة زي أمي ..
قررت بعد خوف ورعب وعلي غفلة ..
اني اكمل واعمل دراسات عليا في كليتي المصونة " اثار "
فــادعولي
لاني غير الموضوع دا محتاجة الدعوات جدا
ومش لازم كل شوية اقولكو ادعولي
ادعولي منكو لنفسكو بئة بعد كدا
دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ
هــا .. مين هيخلي الملائكة تقوله ولك مثله !
يالا كفاية رغي ..
والكلمتين والسلام زادو شوية
بس يالا
اهو كلام والسلام
^_^
الكلام دا تبع ..
الاشتراك في:
تعليقات الرسالة (Atom)
25 CoMeNTaToOoOoZ:
ربنا معاكي يا ملكه المجانين لارد الله اليكي عقلا لان المجانين في نعيم
وبعدين مشروب ايه في الصيام كل سنه وانتي طيبه
ربنا معاكى ويوفقك
وكل سنه وانت طيبه
ربنا معاكى دايما
و على فكرة بأدعى للكل (:
علشان السواب يكون كتير بقا
طماع طماع يعنى (:
المسلسلات مبشفهاش علشان الشغل بس متابع شيخ العرب همام بس (:
ربنا معاكى دايما و يكون معاكى فى كل أمور حياتك
ربنا معاكي ياااااارب
ويهديكي ويوفقك لكل ماهو خير ليكي
اللهم امين:)
هندعيلك اكيد يا جنونة
و ربنا يا حبيبتى يستجيب
صديقة ليا معجبة برضو بالعار
بس انا مركزة مع اهل كايرو و غير كدا
مش مهتمة اتابع حاجة
و بقول بعد رمضان بقى و علينا خير
امسكهم واحد واحد على مهلهم هما هيطيروا
ما الفضائيات هتعقد تذيع فيهم تانى و تالت و عاشر
مجتيش ابو الريش ليه يا هااااانم ؟؟؟
طيب معلش
هفوتها النوبة دى
بس كان نفسى اشوفك
خالص حبى يا حبيبتى
كل سنة وانتي طيبة..
وربنا يبلغنا رمضان القادم..
:)
شيخ العرب همام افضل مسلسل ف التاريخ دا الوحيد الى انا شوفته اصل معنديش قنوات مصرى فبضر احمل الحلقات من مواقع كل يوم
فالمسلس دا بقى الى علق معايا بجد عبقرى يحى الفخرانى وبرضه كنت عاوز اعيط ف نفس اللقكه بتاعته اخوه لما مات
على العموم ربنا يوفقكك ف الدراسات العاليا الى انا شابف انها ملهاش لازمه
ربنا معاكي يا ريموز ^_^
رمضان عدى بسرعة اوي بجد ده اسرع رمضان عشته :( هيوحشني اوي عمو رمضان
اما بالنسبة للمسلسلات ما تابعتش ولا مسلسل كويس :D يعني ممكن مسلسل عاوزة اتجوز عشان كنت قريت الكتاب بتاعه قبل كدا ^_^ بس ناوية اشوف شيخ العرب همام في الاعادة عشان ناس كتير بتشكر فيه : )
بس اهم حاجة نكون استغلينا رمضان كويس وربنا يتقبل مننا يا رب
مش عارفة حسيت ان امبارح كانت ليلة القدر انا كمان ^_^ بس ما عرفتش اشوف السما
ربنا يوفقك لما فيه الخير ليكي يا رب ويكون دايما في عونك :)
كل سنه وانت بالف خير
وربنا يوفقك فى دراستك وتاخدى مكان زاهى حواس
نهار ليلة القدر تكون الشمس هادئه ليست بالحارقه ولا المختفيه
ليله
تكون السماء صافيه
والهواء ساكن
معتدلة الحراره لا هي قيظ ولا برد
وتصمت الحيوانات تماما فلا يسمع لها أي صوت
ماشي
هتروحي فين يعني ما هتفضلي في أرابيزنا لحد ما تنتقلي الى بيت الزوجيه
وساعتها ربنا يتولاكي
بس أحنا هننبسط وهنفررح فيكي أو ليكي مش مهم
أعتقد ليلة القدر لسا ربنا يسهل
@ سواح في ملك الله ..
الله يخليك يا مستر سواح
وبعدين انت كدا بتدعي عليا ولا ايه :D
انا صحيح مجنونة بس مجنونة بعقل
وبرده عاقلة بس دايما عاقلة بجنان :D :D
والمشروب خليه معك لبعد الفطار مش قضيو يعني :D :D
@ عمرو يسري ..
الله يخليك ومنور المدونة بمرورك ووجودك
وحضرتك طيب وبخير :)
رامي ..
انت من الناس النقية اللي بتدعي كتير ومحبوبة كتير
ربنا يخليك يارب ومايحرمنا من دعواتك ابدا :)
ولك مثله كل الخير ان شاء الله
سوني ..
تسلميلي ياحبيبتي انا وانتي والجميع ياااارب العالمين
فاتيمـــــاااا..
تسلميلي ياحبيبتي ايون كدا ادعيلي :D
العار حلو اوي ويمكن فعلا بيبين حاجات موجودة بشدة في مجتمعنا حاليا
متفكرنيش بيوم ابو الريش
كان نفسي اكون معاكم والله .. بس ظروف حصلتلي بس كنت معاكم بقلبي والله ودعيتلكم كلكم انه يكون يوم جميل عليكم كلكم ^_^
انا كمان كان نفسي اشوفك جدا
ان شاء الله ف اللقاء البناويتي نكون سوا حتي نكون براحتنا بعيدا عن الرجال :D :D
تسلمي لمرورك ياحبيبتي يا احلي فاتيما ف الدنيا كلها
مصطفي ..
اللهم آمين يارب
وحضرتك طيب وبخير
ادمن ..
ايون الله يكون ف عونك
وفعلا شيخ العرب تحفة
ربنا يهون عليك غربتك يارب ^_^
تسلم لمرورك نورت المدونة :)
بيسو ..
الحمدلله يابيسو
بجد رمضان السنة دي من أفضل السنين اللي عدو عليا
رغم اني كنت بمر ببعض الظروف اللي مش لطيفة بس بجد كنت مبسوطة اوي ف كل لحظة فيه وحاسة انى قربت من ربنا كتيرررر
هيبان بعد رمضان .. هستمر ولا هارجع زي ماكنت قبل رمضان :)
رمضان هيوحشنا اوي
ويارب يبلغنا ليلة القدر لو مكنتش امبارح :)
نورتي ياقمرتي
sal
وحضرتك طيب وبخير
يااه لو خدت مكان زاهي حواس هاعملكم دعوات مجانية لكل الاماكن الاثرية :D :D
نورتني
مصري جدا..
ميرسي جدا علي المعلومة دي ..
مقرأتهاش كدا قبل كدا :)
وعدين ان شاء الله افضل ف ارابيزكم لحد ماتزهقو مني ان شاء الله :D :D
اللهم بلغنا ليلة القدر :)
ههههههههههههههه
طب سؤال وانتي بتتفرجي ع المسلسلات اللي ف تالت اسبوع كنتي متابعة بتوع اول اسبوعين ^_^
حقيقي كويس انك هترجعي لسلك التعليم عشان مشوفكيش ادام التي في ده
طب اقولك انا قررت اني هتفرج ع عايزة اتجوز برضه ويارتني متابعة ده هيا حلقة ف السبوع عشان العلم واللي عاوزين يتعلموه يا اوختشي
ربنا معاكي ويوفقك ان شاء الله
بما إني ماليش في المسلسلات ولا في التليفزيون اصلا
بس كل سنة وانتي طيبة يا جنونة
وربنا يوفقك في دراستك
لأني بحب الآثار اوي
متزعليش لو زعلتي اسمعي اغنيه شريف منير ومدحت صالح ده جناني ده عين العقل والعقل ده شئ بيعيي ده جناني ده شئ مش سهل تقدر تتجنن زيي
كل عام وانتم بخير
إرسال تعليق
♥
WelCome To
~ A32l MaGNoNa ~
♥