كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


http://thawra.alwehda.gov.sy/images/NEWS3%5CM08%5CD07%5C8-4.jpg

للسرقة ألوان وفنون 
والحرامي موهوب بطبعه

  • فـي الاتوبيس ممكن تتسرق ويتنشل محفظتك ومتحسش الا وانت بتدفع الاجرة :D


  • وانتي ماشية ف الشارع ممكن حد يجي يلطش شنطتك ويجري

والناس تتفرج عليكي وتمصمص ف شفايفها وبس !

ولان الحرامي حرامي!
ولان السرقة ممكن تكون مهنة وممكن تكون هواية

فـ العادي ان الحرامي يواكب التطور التكنولوجي الموجود حاليا !

فمثلا اذ ربما نلاقي حرامية الافكار المنتشريين في جميع شوارع وحارات وأزقة الانترنت الحبيب

ع الفيس توك.. وع المدونات .. وع المنتديات ..وعلي اي حاجة بئة

هواية ان حد يشوف اي حاجة تعجبه ياخدها ويكتبها باسمه ولا كأنه عمل حاجة !

الغريب انهم بيصدقو انهم موهوبين وان الكلام دا كلامهم 

ويردو علي الناس اللي بتشكرهم علي مواهبهم الفذة دي بتواضع شديد قائلين 
" دا أقل ماعندي "

سـارة درويش بنوتة لاسعة اتكلمت عن الموضوع دا قبل كدا
وعملت بيدج ع الفيس بوك اسمه امسك حرامي!

وعلي صفحتها كانت بتمسك فـ حرامية كتير:D

انا اتعرضت لسرقة كتير .. قبل ما اعمل المدونة

ودلوقتي لو شوفت موضوع واحد منقول ف اي مكان تاني ممكن اعض اللي اخدها :D

الحرامية دول بئة كدابين متأصلين برده

لانهم بيحاولو ع اد مايقدرو يقنعو اللي ادامهم انهم اصحاب الموهبة الفذة دي !

وفي حرامية انفوهات " جمع انفو"

من كام يوم لاقيت واحدة واخدة الانفو بتاعتي بالنص

بعتلها رساله .. وطبعا ولا عبرتني :D :D

في حرامية تانيين وكدابين متأصليين بيلعبو بالانفو

  • يعني مثلا واحد معاه ابتدائية .. يكتب انه معاه ماجستير فـ كيفية استغلال الموارد الانترنتية


  • وواحد كان فـ مدرسة كولامبور الصين الشعبية ..

يكتب انه من مدرسة امريكانا للتعليم الاروبي

  • وواحد خريج معهد لاسلكي .. يكتب انه خريج هندسة اتصالات


وهكذا وهكذا

:D

وفـ الاول والآخر ..

للسرقة فنون ^_^

فـ ارحمونا بئة ياحرامية ياتييييييييت 
مليتو البلد

الحرامي ف الحاجات الهايفة دي بكرة يكون حرامي ف حاجات كبيرة

اللي معندهوش امانة ف حاجات صغيرة كدا بكرة يخون امانات كبيرة ومهمة

مش هتتعبو ف حاجة لما تكتبو المصدر 

بلاش.. اكتبو منقول لو متعرفوش المصدر

بلاش تعيشو الدور دا

عشان منظركو بيبقي وحش اوي

انا واحدة من الناس لما بشوف اي حاجة بتعجبني من ناس اول مرة اقرالهم حاجة ومش عارفة اسلوبهم

بعمل سيرش علي اللي بيكتبوه

وبينزلو من نظري جامد لما اعرف انهم ناقلينه ويقولو انهم اللي كاتبينه !

وعلي فكرة

اللي بيعمل كدا بيكون عنده عقدة نقص رهيبة
حاسس انه ناقصه حاجة كبيرة ..
فبيحاول يعوضها ف انه يقول انه يملك موهبة زي الكتابة او التأليف
عشان الناس تهتم بيه وتشكر فيه

هاقولكم مرة كمان " والكلام للحرامية بس "

اتلمو .. جاتكو ستين نيلة

39 CoMeNTaToOoOoZ:

Ramy يقول...

كلامك مظبوط جدا

بس يمكن أنا أول ما دخلت المدونات

وشفت الكلام اللى الناس بتكتبه

كنت بقول طب هما مش عارفين ان ممكن حد ياخد الحاجات دى

حراميه على رأيك

بس دى خلاص بقت فى دم اللى بيعمل كده

ربنا يسترها

بس غريبة قوى حكاية الانفو دى

هم يضحك بجد

(:

ربنا يصبرنا على ما بولينا

سواح في ملك الله- يقول...

عندك حق يا اعقل عاقله الغريب والطريف ان زمان كان الحرامي يسرق ويستخبي ويخاف لاالناس تعرف انهارده الحرامي بجح ممكن تبقي الحاجه بتاعتك ويقول لا دي بتاعتي ويحارب عليها علي فكره انا اتعرضت لده في شغلي بس انا بعرف اتعامل مع النوعيه دي بطرق كتير

أتنين حبيبين يقول...

السلام عليكم


موضوع جميل بجد بحيك عليه

الحمد لله انا مدونه من اكتر من خمس سنوات وليا خبره
وكان ليا مدونات كتير اوووى

وحاليآ ليا مدونة على جيران بإسمى
وكمان مدونتى حبيبتى قلبى

لما بكتب شىء عاجبنى بقول عليه منقول
ومش بعمل كده

الحمد لله ربنا يغنينا بالحلال
وربنا يكفينا شرهم

وطبعآ انتى دخلتى عندى وشوفتى موضوعاتى
وقصائدى

الحمد لله

تحياتى ليكى يا قمرتى وعيد سعيد

توتا

سواح في ملك الله- يقول...

عايز اضيف شئ مشكلتنا موت الضمير وعلي فكره دي ظاهره منتشره الناس دلوقتي بتستسهل التسول عن انها تشتغل

Rayk Cool يقول...

تسدقي عندك حق ... موضوع جميل ^^
و الحرامي ميبقاش حرامي الا لو اتمسك ههههههه اما رجال الاعمال و المسؤلين دول على دماغنا من فوق
كفاية بقى لنتمسك هههههههههه

sal يقول...

كل سنة وانت طيبة
وكل سريقه وانت بخير

وعيد سعيد

خربشــــــــــــــــات يقول...

عندك حق طبعا
السرقه ده بقت علنا تعرفى ان ساعات ببقى مش عارفه مين اللى كاتب ومين اللى سارق

فى ناس بتعانى من الموضوع ده

بس اقولك يكفيكى فخرا ان اللى بيسرق ده من كتر حلاوة كلامك سرقه

لان لو كلامك عبيط محدش هيقربله لان محدش هينسب لنفسه كلام عبيط

فى مثل بيقولك ان عشقت اعشق قمر وان سرقت اسرق جمل D:
كلامك هو الجمل ده

نظريه برضه ايه رايك ؟؟؟

هم يضحك وهم يبكى

خربشــــــــــــــــات يقول...
أزال المؤلف هذا التعليق.
حَـبآيـۃْ.بـטּـدۉڷ يقول...

ههههههه .. ايه ياريمووو مفيش اللهم اني صائمه كده ولا حاجه .. جاتكو ستين نيله مره واحده :D:D

احكيلك حاجه طيب .. مره لما كنت مشتركه في منتدى مـآ .. و كتبتلي توبيك ورا التاني وبعديها بسنه تقريباً عملت سيرش ولقيته انتشر انتشار منتشرتهوش انا ذات نفسي .. ودعيت على كل واحد نقله من غير ما يعبر اهلي شويه .. :D:D

كل واحد اخد نصيبه وزياده بقى .. المشكله مش ف النقله .. المشكله انهم بيعيشوا كدبه ويصدقوها .. ويفضلوا عايشين ف الكدبه لحد ما يتقفشوا كده :D

على فكره لو كل واحد فيهم جرب يكتب او يتوسع في مجاله اللي بيحبه هيكون احسنله بكتير بدل ما يقعد يكسب دعوات وتشكرات عالفاضي .. :(

ربنا يهديهم ويهدينا ويهدي الناس كلها ..

:):)

The illusionist يقول...

سالفل

هو ليه انا عندى شعور انى داخل منتدى سعودى

او غالبا دى صفحه مجله لكى يا سيدتى

ايه الاستايل الغريب قوى ده

ما علينا

السرقه عادى مش جديده

وبما ان الحقوق الملكيه متقدريش تثبتيها

يبقى خلاص

استمتعى ان الناس بتسرقكك
لان ده يدل على وجود موهبه واعجاب

سلامنجات

Noha Saleh يقول...

اه والله صح
بصى انا كنت مرة زمان كاتبة حاجة ونشرتها فى منتدى وبعدها لقيتها فى منتديات تانية ومفيش حد كاتب منقول
واللى ناقلها واخد التعليقات عليها وسعيد اوى بالكلام اللى بيتقاله وانا بغلى من جوا
لغاية ماعملت المنتدى ونقلتها وكتبت تاريخ النشر اول مرة
لو بس يكتبوا منقول هيريحوا ضميرهم ويريحونا
كل سنة وانتى طيبة

أع ـقل مـ ج ـنـونــة يقول...

رامي ..

المسئلة مسألة ضمير مش أكتر <_<

وحرامية الانفو دي الجوديدة بئة ^_^

اللهم آمين يخويا <_<

أع ـقل مـ ج ـنـونــة يقول...

ســواح في ملك الله ..

طيب ماتقولنا نتعامل ازاى واكسب فينا ثواب :D

أع ـقل مـ ج ـنـونــة يقول...

اتنين حبيبين
...

فعلا ماشاء الله عليكي

وكدا كدا مش هنتعب لما نذكر المصدر يعني :D

دايما في تقدم ياحبيبتي ونورتيني

أع ـقل مـ ج ـنـونــة يقول...

Rayk Cool


ههههههههههه
لا الكبار دول حكاية تانية نروح ف داهية فيها عن قريب :D:D

نورت يارايق

^_^

أع ـقل مـ ج ـنـونــة يقول...

sal

وحضرتك طيب وبخير :D :D

أع ـقل مـ ج ـنـونــة يقول...

خربشــــــــــــــــات ..

هو فعلا هم يضحك وهم يبكي

بصي ف الاول كنت بفرح
لكن لما تتعبي ف حاجة وتلاقي اسمك اتمسح

بل بالعكس
لو قولتي انا صاحبة الكلام دا وحد عمل سيرش هايقول عليكي كدابة <_<

هي دي المشكلة
والصدمة
والحسرة

أع ـقل مـ ج ـنـونــة يقول...

خربشــــــــــــــــات ..

هو فعلا هم يضحك وهم يبكي

بصي ف الاول كنت بفرح
لكن لما تتعبي ف حاجة وتلاقي اسمك اتمسح

بل بالعكس
لو قولتي انا صاحبة الكلام دا وحد عمل سيرش هايقول عليكي كدابة <_<

هي دي المشكلة
والصدمة
والحسرة

أع ـقل مـ ج ـنـونــة يقول...

حَـبآيـۃْ.بـטּـدۉڷ ..

ماهما المشكلة انهم بيكدبو ويصدقو كدبتهم :D

جتهم ستين نيلة برده :D

أع ـقل مـ ج ـنـونــة يقول...

The illusionist ..

انفراد بعالم اعقل مجنونة يا افندم ^_^

لن استمتع بعد اليوم

التار ولا العاااااااار >_>

أع ـقل مـ ج ـنـونــة يقول...

Noha Saleh

اللي عملتيه صح

وفعلا لو كتبو منقول هيرتاحو ويريحونا <_<

قطرة وفا يقول...

من فترة للتانية بعمل لبعض كتاباتي سيرج و الاقيها بمنتديات و الحلو اللي بيكون او تكون منزلتها يكون باسمها ...

والاحلى كل حاجة بالموضوع اللي بكون كتبتو تكون زييها حتى العنوان و الصور اللي في الموضوع

وبقرا الردود و تيجيني الضحكة ... الردود دي ليا مش ليه او ليها ... ولما بيرد او ترد عليهم ابقى مبهوووورة حتى منقول مفييييييييش

حاجة بجد تحفة .... بس اللي بيكتب بيبان من اللي مبيكتبش لو مش النهاردة ... السنة الجاية ... المهم انو بيبان :)

شهووووده يقول...

ولا بيهمهم وحيفضلوا يسرقوا كده على .. لحاد ما يلاقوا حد يلمهم..انا عن نفسي بطلت اكتب اي جديدعلى النت.. غير شوية حاجات خفيفه..من كتر ما تسرقت


موضوع قيم..


احترماااتي

Admin يقول...

صح انتى صح جدا دا انا يا دوب كتبتى بوستين فى مدونتى لاقيتهم فى منتدى اسمه فتكات واحد بيقول نفس كلام بالنص وبيحى على لسانى مغامراته فى تركيا الى شافها بس فى حلمه ههههههه هو الاسلوب بيتغير يا جدعان دا كل واحد فينا عنده اسلوبه ودى بقى موهبه بتاعت ربنا يبقى ليه السرقه انا معاكى يا اعقل مجنونه

خواطر مراهـــــ استثنائي ــــــق يقول...

^_^

عندك حق ريمو

أعتقد السبب الاول و الاهم هو سبب اخلاقي

هدا النوع من السرقة مزعج جدا و شخصيا لا احب ان اتعرض له .

الله يهدي ما خلق

ALmowhed BAllah يقول...

ممكن تكون دى اول مره اكتب تعليق عندك بس والله بيعجبنى جدا سلوبك فى الكتابه
ما شاء الله ربنا يذيدك يارب
وفعلا الموضوع ده رخم جدا
وياريت بيكون فى المقالات وبس
انا واحد كتبت قصه وكانت مقصره الدنيا على النت وفى نصفها وقفتها بسبب ان فى ناس اخدتها على المنتديات وبتكتبها باسمها ويا سلام بقى على الكلام اكنه هو اللى مبدع فيها وللاسف ناس كتير زعلت بس الحمد لله على كل شئ
وان شاء الله الناس دى تخلى عندها دم وتبطل

fayrouz يقول...

كلام جميل جدا وحقيقي
بس المشكلة الحقيقية هي :
هل فعلا الحرامي اللي هيقرا كلامك ده هيرجع عن العادة دي ولا ده كلام وخلاص ؟
حاجة تانية ازاي صاحب المدونة يقدر يحمي نفسه ومدونته وكتاباته من السرقة
ياريت لو في طريقة تقوليلي عليها

أخر العنقــــــود يقول...

ما شاء الله عليكي.. بجد ضحكتيني يا أعقل مجنونة
اتفق في كل اللى قلتيه طبعا
ربنا يرحمنا ويلطف بينا
سعيدة انى اول مرة اتشرف بمدونتك

milk_honey يقول...

ههههههه
والله معك حق,
مرة عجبني موضوعك, الصراحة لصوص النت كثروا الأيام دي ولا بيستحوا
بج بشكرك على موضوعك المهم والحلو, وعلى فكرة مدونتك مرررررة رووووعة
حبيتها كثير كثير
أتمنى لك التوفيق

milk_honey يقول...

هههه..,,,والله معك حق من جميع الجوانب يا أختي
بجد عجبني موضوعك وضحكني بنفس الوقت
حقا لصوص النت كثروا كثير الأيام دي وما بيستحوا, اخص عليهم
تسلمي عالموضوع المفيد والمسلي بنفس الوقت, وعلى فكرة أناوجدت مدونتك بالصدفة والصراحة مررررة عجبتني
بتمنالك التوفيق

عليم يقول...

أطمئني سياسات جوجل الجديدة تطارد كل لص والباندا وحدة كفيل بالقضاء علي طموح كل لص وهذا يفسر انخفاض حاد يحدث منذ شهور في منتديات كوبي بيست وفي مدونات السرقه :)

كلمات من نبع احساسي يقول...

انا اول مرة ادخل هنا بس
بس عجبنى طريقه تدوينك جدآ
ومن حسن الحظ الماوس جاب ايدى علي الموضوع دة

انا كمان بكره السرقه وبستتقل اوى حاجه غير السرقه
انك ممكن في دقيقه واحدة تلاقي عشرات البوستات في كل صفحه عند اصحابك
منزلين نفس البوست ولله الحمد محدش بيقول منقول حتى
طيب ياسيدى اعمل شير باسم الصفحه اللي واخده منها لاء مافيش وجع القلب دة وكمان احنا عايزين الناس تعمل لايك من قلبها

انا شخصيآ حصل موضوع ان يتسرق منى موضوع كنت منزله في جروب علي الفيس والغريبه انه عينى عينك حتى محاولتش تغير في الاسلوب في الكلام في طريقه الاسئله اى حاجه
لاي نسخه طبق الاصل مما ادى بصراحه انى مسكتش علي حقي بالصدفه وانا اصلا مش متابعه اوى لجروبات
كنت مشتركه في الجروب اللي سندت اليه حصلت مشكله مع ادمن الجروب وخدت حقي بس بالزوق الحمد الله ومن غير ما اكلمها هى خالص حاسيتها محرجه
ليا قبل ليها
بس فعلا علي قد مابيبقي في فخر ان حد بياخد كلامك علي قد ماالفخر دة بيتحول لازدراء لما تلاقي نسنه لنفسه
:):) موضوع جميل اوى ريمو

Ahmed mohamed Zhran يقول...

كلامك جاب من الأخر :D
بس أنا عملت مدونة عشان أحفظ حقوق الملكية ألاقيها بتتقلب هنا كمان :D

أروح فين اني بقى ^^"

دمك خفيف وأسلوبك عجبني

إلى الأمام

عز المغربي يقول...

السلام عليكم فعل مدونة مجنونة :-)
المهم الحرامية اللدي تكلمتي عنعهم خلاص
الماما panda google جايا لهم حتكولهم كلهم حيبقي فقك الغير حرامي :-)
google panda
تم دعمه في امريكا وقريبا كل دول العالم..
للمزيد من المعلومات عن جوجل بندا
شوفي جوجل حيقول لك :-)
او اقول لك شوفي هنا
http://www.blog.saeeed.com/2011/07/google-panda-update-definition-information/

мαησηα يقول...

هههههههههههه يا عينى يا حبيبتى انتى عترتى فيهم

انا لاقيت حد سارق اسمى اقسم بالله اسمى كاملا
ومش تشابه اسماء ده بروفايل كامل وعايش بقه

هههههه

ربنا يبعدهم عنك وعننا يارب اللهم امين

Aya Mohamed يقول...

والله عندك حق بجد حرامية الافكار دول يفرسوا
حصلت معايا كام مرة وتشوفى الكومنتات بقى
وهى بترد عليها بمنتهى التواضع وناقص تقولهم
تعبت اوى وانا بكتب الكلام ده :@
بالنسبة بقى للانفو فانا نفسى اسرقك هههههه
كنت بفكر اكتب ايه ف الانفو علشان اعرف
الناس انى مش بضيف ولاد
فلما ضيفتك لقيتك كاتبه جملة لذيذة
الحساب دا للبنات فقط .. خلينا ع راحتنا شوية ^
وقتها قلت ايوة هو ده اللى عايزة اقوله
بس مش اخدتها لحد دلوقتى ههههههههه
جميلة جدا البوست يا ريمو
ربنا يعد عننا الحرامية بكافة اشكالهم يارب

Angham Salah يقول...

جمييييييييييييييييله اوي هههههههههههه وضحكتني اوي

marshal19832002 يقول...

انا عملت كده ونقلت حاجة بدون قصد ولم اذكر المصدر على الفيس بوك ولما قرأت كلمتك حذفتها دلوقت اشكرك لان نورتيني

غير معرف يقول...

mosh lazem ykoon elly by5od l 7aga mn 3la l facebook profile aw comment ykoon 7aramy,, wa leh mat2olesh eno 3agbto fa2 7ab yrf3ha 3ndo, ^^

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات