كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )




...

بداية كدا
دي يمكن 4 مرة احاول اكتب فيه الموضوع دا
وبفشل في كتابته
والمرة دي قررت اني هكتبه وانشره
بدون ما اقلق ف النص وارجع امسح تاني
هيتكتب زي ماهو
بـ كم المشاعر الملخبطة اللي فيه !!
فـ اللي هيتواضع ويتكرم ويقرأ ، ياخد نفس عميق ويقول يارب =))
واللي مالوش خُلق ولا مزاج للنكد يشرب بؤ مية ويروح مكان تاني =))

...

من كام يوم
وتحديداً يوم 7 فبراير
كان يوم ميلادي :)

صادفت كمية تهاني رهيبة بالعمر الطويل و و و

فـ كتبت ستاتيو ع الفيس قولت فيه
/
ايه فكرة الامنية المعتادة " عقبال 100 سنة فـ أكتر !! "
ياجدعان انا زهقت ولسة مدخلتش ع منتصف العشرينات !
عاوزة اخلص من دلوقتي :)
اللي بيحبني / يدعيلي ارتاح بدري بدري =))

مش عارفة ليه ربطت الراحة بالموت !
يمكن لأن فعلا الموت راحة
يمكن لأني بغبط أي حد بيموت !
بحس ان الدنيا حالياً بيروح منها الناس كويسين
وهتفضل فـ الآخر للوحشين بس !
وأنا خايفة أكون من الوحشين !!


مش عارفة ليه انا معتقدة كدا أوي !!

******

لما سمعت خبر وفاة ابراهيم الفقي
زعلت اوي
ولـ أول مرة بـ أبكي علي شخصية عامة اتوفت !
يمكن أصلا انا نادراً ما بكيت علي حد مات من أقاربي
اعتقاداً مني ان الموت دا هدية من هدايا ربنا للعباد !
كل واحد هيجي عليه الدور
وكل واحد هيحصد نتيجة حياته في الآخرة !
فـ بكائي مش هيفرق معاه اوي
بكتفي بـ الدعاء فقط !

لكن معرفش ليه حسيت بوجع قلب أول ما سمعت خبر وفاته
فتحت صفحته ع الفيس اللي بقرأ فيها مقولاته
وقرأتها وبكيت اوي
افتكرت أيام ثانوي لما كنت بتفرج علي البرنامج بتاعه ع  قناة الرسالة
وطنط جارتنا كانت تقولي الراجل دا بيتكلم كدا ليه بحسه مجنون
كنت بقولها هو مش مجنون جنان العقل وعاقل عقل الجنان !!

كنت برتاح لابتسامته
برتاح لما بشوفه ازاى بيبسط الدنيا
برتاح لما كان بيربط حاجات كتير بيقولها بالدين وبالقرآن والسنة !

انا أصلا بحب التفاؤل رغم حزني أحياناً !!

المهم ..

بعد اعلان خبر وفاته بساعة أو يمكن أقل
شوفت كم الناس اللي بيحبوه وزعلانين عليه
كم الناس اللي بيدعوله بالرحمة والمغفرة

حسيت بفرحة جوة قلبي
أكيد الراجل دا مرتاح دلوقتي !

الموضوع اتقلب عندي
ياتري لما اموت
حد هيفتكرني
حد هيدعيلي
حد أصلا هيزعل عليا !!

فضلت كئيبة طول اليوم
لحد بالليل
لاقيت مها صاحبة مدونة My Nut ♥♥
عاملة لينا تاج ع الفيس
وبتقولنا ممكن تفتكروني وتدعولي وتعملولي حاجة بعد ما اموت !!

حسيت انها قرأت أفكاري
لأول وهلة بكيت
وبعدين حسيت بالخوف
مش الخوف من الموت
الخوف من ..
تصورو مش عارفة الخوف من ايه؟؟

يمكن الخوف من الوحدة !
مع اني عارفة ان اللي ربنا بيحبه مش هيكون وحيد فـ الآخرة
بس خايفة برده يكون ربنا مش بيحبني !

أنا بقيت بخاف من كل حاجة

عارفين احمد حلمي
لما كان بيقول في فيلم آسف ع الازعاج




المشهد العبقري دا
اللي بيلمسني من جوة اوي
" مش هعرف
عشان هبقي لوحدي
وانا مش عايز ابقي لوحدي !
علشان انا علي طول لوحدي "

انا خايفة كمان اكون لوحدي بعد ما اموت !

انا بكره الوحدة
بكره الغربة
رغم ان حواليا ناس كتير
يمكن مش قادرة اوصلهم
يمكن مش قادرين يوصلولي

انا حتي ساعات بحس ان مفيش فرق بين الحياة والموت !

انا حاسة بمشاعر غريبة
أوي

ملخبطة اوي !!

أنا بحبك
يارب
فـ أرجوك
حبني
وانا حاسة انك بتحبني
لأنك دايما بتريحني
واللي بيحب بيريح
وانت بتريحني !
يبقي أكيد بتحبني

لو كانت الحياة راحة ليا
أحييني
ولو كان الموت راحة ليا
توفني

...


أرجوكم
لما أموت ،،

افتكروني بدعوة حلوة :)

~~~~~~~~~~~~


ع الهــامش
//

ليس هناك أغرب من الموت ..

إنه حادث غريب ..
أن يصبح الشيء .. لا شيء ..

ثياب الحِداد .. و السرادق .. و المباخر .. و الفراشون بملابسهم المسرحية ,,
و نحن كأننا نتفرج على رواية و لا نصدق .. و لا أحد يبدو عليه أن يصدق ..

حتى المشيعين الذين يسيرون خلف الميت لا يفكرون إلا في المشوار ..
و أولاد الميت لا يفكرون إلا في الميراث ..
و الحانوتية لا يفكرون إلا في حسابهم ..
و المقرءون لا يفكرون إلا في أجورهم ..

و كل واحد يبدو أنه قلق على وقته أو صحته أو فلوسه ..
و كل واحد يتعجل شيئاَ يخشى أن يفوته شيئاً ليس الموت أبداً ..

إن عملية القلق على الموت بالرغم من كل هذا المسرح التأثيري
هي مجرد قلق على الحياة ..

لا أحد يبدو أنه يصدق أو يعبأ بالموت .. حتى الذي يحمل النعش على أكتافه ..
الخشبة تغوص في لحم أكتافه .. و عقله سارح في اللحظة المقبلة و كيف يعيشها ..

الموت لا يعني أحداً .. و إنما الحياة هي التي تعني الكل ..

نكتة !!


من الذي يموت إذن ؟
الميت ؟
و حتى هذا لا أحد يدري مصيره ..

_ د. مصطفي محمود



...


تحديث 


لسة عارفة دلوقتي " بعد مانزلت البوست بدقايق " خبر وفاة الكاتب الساخر جلال عامر

:(
وبس  بقي
:((

الله يرحمهم جميعاً
:(



11 CoMeNTaToOoOoZ:

سواح في ملك اللــــــــــــــــــه- يقول...

بصي يارحمة

علشان نفسر الموت صح لازم نفسر الحديث ده

ان القبر اماحفرة من حفر الناراو ر وضة من رياض الجنة

وقرات مرة ان سيدنا عمر بن الخطاب كان يبكي دائما خوفا من عذاب الله

فتعجب احد الصحابة فعمر امير المؤمنين

احدي المبشرين بالجنة

فقال مقولته الشهيرة لو ان احدي قدمي هذه في الدنيا والاخري في الجنة

ماامنت مكر الله

فالموت اما سعادة ابدية

واما اعوذ بالله شقاء

ليتنا نعمل له

تحيتي يارحمة علي مواضيعك القيمة

رحم الله جلال عامر

ورحم الله د ابراهيم الفقي واخته وكل امواتنا

Unknown يقول...

الله يرحمهم جميعاً
علي فكرة كلامك خلاني ..... بلاش احراج
المهم اللي اهم من التفكير بالموت والحياه ان احنا نفتكر ان الدنيا دي مرحلة صغيرة في حياتنا والمفروض نحضر فيها للمرحلة الاكبر او هيا امتحان لازم ننجح فيه علشان ان شاء الله ربنا يكرمنا بالجنه , وان شاء الله ربنا يرحمنا برحمته ويهون علينا دنيته امين يارب العالمين
وانا حدعيلك من دلوقتي بالتوفيق وراحه البال وصحه عال العال وتجيبي بنات وعيال وتنسي القيل والقال وتفتكرينا في كل مقال

وياريت تفتكروني بالدعاء حياً او ميتاً
وربنا يديكي طوله العمر (اللي ان شاء الله يكون عمر مبارك)

Miss LoZa يقول...

الله يرحمهم جميعا

رحمة بقولك أيه فى سؤال طرق فدماغى حالا
هو أحنا لما نموت هيفضل جوانا نفس المشاعر بتاعتنا وأحنا عايشين ؟؟
يعنى هنفضل نخاف ونحب ونكره ونفرح ونحس بالوحدة ؟؟
الموت والحياة بينهم فرق كبير أوى أوى يعنى مش هنحسه بجد الا لما نجربهم الاتنين !
وأخرتها فاللخبطة الى أحنا فيها دى !

мαησηα يقول...

على فكرة مش قادرة اككتبلك كومينت

كتير اوى فكرت فى موضوع انى اقول لاصحابى لما اموت

افتكرونى باى حاجة حلوة

بس كنت لما ببقى معاهم كنت بكتشف انه سهل اوى ينسوكى

اذا كانوا بينسوكى لما تبعدى شوية عنهم

تخيلى بقه لما تموتى يعنى حتى مافيش ادنى احتمال ان حد منهم يشوفك صدفة فيفتكركك :(

حزنت كتير اوى بس لقيت فى نفس الوقت ناس مش صحابى اوى للدرجة انى اطلب منهم كده وفاكرنى

وبيدعولى وتاكدت انهم دول اللى هيفتكرونى لما اموت

علشان فى يوم عملتلهم حاجة حلوة

مش بقول اصحابى وحشين بس اتعودوا على وجودى
بقيت معاهم لدرجة انى بقيت عادى
فاهمة قصدى يا ريمو ؟؟؟

ماعلينا القصد انى عايزة اقولك انتى حلوة وعملتى لناس حلوة مش لازم تكونى عارفاهم حاجات حلوة وهيفتكروكى وهيدعولك

بس انتى عيشى واستمتعى بحياتك معرفش ازاى فى ظل كل اللى احنا فيه ده بس ياريتك تقدرى تعملى كده

ربنا يباركلك فى عمرك يعنى كل لحظة تعيشيها تكون حلوة يارب اللهم امين يا ريمو

هو انا قلتلك انى بحبك ؟؟؟

мαησηα يقول...

كل الرغى ه وبقولك مش قادرة اكتبلك اومال لو كنت قادرة بقه ههههههههههه

rona ali يقول...

لا تعليق :(
دة انجز كومنت عملته

amiraali يقول...

مش عارفه اقولك ايه... كتير اوي بحس بايلي انتي حساه ده وكتير مننا بيجي في باله كده...بس يا تري فعلا بعد ما نموت هنلاقي حد يفتكرنا ويدعيلنا...مش عارفه اقولك ايه البوست اثر فيا اوي...ربنا يخليكي ويريح قلبك يارب

Unknown يقول...

ربنا يرحم موتانا جميعا

واكيد الدنيا دار شقاء

لذلك نميل الى الموت ف اوقات شدتنا

ربنا يكرمنا بحسن الخاتمه والجنه

beautiful mind يقول...

مش عارف ليه الحديث عن الموت واخد تفكير ناس كتير
بس دا شىء كويس وعلامة علي صحيان الضمير
والخوف من ربنا
وما اروع دعاء النبي صلي الله عليه وسلم
اللهم احينا اذا كانت الحياة خيرا لنا وتوفنا اذا كانت الوفاة شرا لنا
لكني اعتقد ان الموت ليس راحة لكل الناس
راحة فقط لمن قدم لاخرته
اللهم امتنا وانت راض عنا

Umzug Wien يقول...

Merci :)

مسابقات أدبية شعر وقصة ورواية ومسابقات فنية يقول...

أنا عندي نفس التفكير أمنية حياتي أني اسيب حاجة الناس تفتكرني بيها يمكن علشان كده بكتب

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات