4/02/2010 01:49:00 ص | 
مـ دمـاغ ــن
أع ـقل مـ ج ـنـونــة
كلامي اللى هاقوله دلوقتي
ممكن يكون متكرر
اتقال كتير اووووووووووي ..
انا عن نفسي سمعته لحد ما خلاص زهقت منه
ومع ذلك .. اكتشفت ان لا حياة لمن تنادي
يا اما فيا انا الغباء .. يا اما الغباء من الاخرين " ودا الاحتمال الاكبر "
اكيد اللى متابع الحركة ع الفيس بوك من فترة
عارف ان في احد الاشخاص اللى ربنا يهديهم او يهدهم .. بيعملو صفحات الحاد مستفزة وادعاء للالوهية وحاجات من هذا القبيل ..
اللهم ارحمنا
المهم مش دي المشكلة ..
مع انها مشكلة بس مقصدش يعني بس تابعو كلامي للاخر ومحدش يبصلي من فوق لتحت كدا
دلوقتي بني ادم زي دا عمل صفحة قذرة زي دي ليـــــــــــــــــــــــه ننشرها ؟؟؟؟
الاقي رسايل مبعوتالي .. اوقفو صفحة مدعي الالوهية الكافر ابن وابن وابن وابن !!!
ادخل والاقي مهزلــــــــــــــــــــــــــة
الاقي البيدج فيه فوق ال 30 الف فان
الاقي علي كل ستاتس قذر من اللى بيحطها الاآآآآآآف الكومنتــــــــات
ايـــــه دا ؟
معقولة ؟
الاول اتخضيت .. كل دوووووووووول ملحدين ؟
وافتح الكومنتات الاقي المهزلــــــــــــــــة التانية
اغلبية الناس اللى عاملين كومنتات بتشتم شتايم ف منتهي القذارة
ياعم انت وهو يعني واحد زي دا بيدعي الالوهية استغفر الله العظيم .. هتفرق معاه شتايمك
يا مؤمن يامحترم ياللي خايف من غضب ربنا و مشاعرك اتهانت لما لاقيت واحد عمل كدا .. متعرفش ان الشتايم حرام ؟
ناس تانين تدخل تضحك وتقوله دا انت هتروح جهنم حدف
ناس تانية تحط ايات من القرآن .. وكــأن دا فارق معاه
يــــــــــــا الله ..
الاقي ب 4 الاف كومنت بالمنظر دا ؟؟
عارفين في كل بيدج في احصائية بتتعمل كدا علي نشاط الصفحة ..
متخيلين علي كل لايك او كومنت الاحصائية بتزيد ازاى؟
عارفين لما نطلب من ادارة الفيس بوك اغلاق الصفحة وتدخل تلاقيها نشيطة هتعمل ايه ؟
مهما كانت الصفحة بتتكلم عن ايه ؟
دول اجانب ملهمش دعوة بحاجة
ما ممكن يا غيور علي دينك تعمل ريبورت للصفحة من غير ما تدوس فان ؟
بصراحة ... انا محروق دمي
مش من البني ادم الملحد دا .. لان دا اخره يترمي طوبته .. وعمل ريبورت ليه من برة برة وعدم دخول صفحته تاني
لكن محروق دمي من المسلمين والمسيحيين اللي غيورين علي دينهم وربهم وبيعملو العمايل دي
امتي هانفوق
ومنبعتش رسايل فيها لينكات للصفحات الملحدة دي بعنوان شوفو الكافر بيعمل ايه ؟
ولا مهلة للفيس بوك تقفل الصفحة الملعونة ؟
ولا معا للاغلاق صفحة مدعي الالوهية
ايه يعني لو تجاهلتوها .. مش هايكون فيها الا خمسين ستين عضو ملحد ..
وال 30 اربعين الف فان دول بدال ماهما فان يعملو ريبورت من برة ويمشو ؟
كدا مش ادارة الفيس بوك تلاقي صفحة معمولها ريبورتس كتيرة ومش نشيطة يبقي تتقفل
مش فانز اكتر من الريبورتس وعاوزنها تتقفل يعني
فــــــــــــــــــــــــــــوقــــــــــــــــوا
ملحوظة ..
انا كاتبة الكلام دا وانا ف قمة تعصبي .. سوري لو اسلوبي حاد او رخم او مش متظبط
تحديث
حبيت بس اضيف حاجة لاقتها علي مدونة الشخص المريض اللى عامل الصفحات دي
شوفو بيستهزأ ازاى بينا
" طبعا مش هاجيب لينك المدونة عشان مقعش ف نفس الغلطة .. بس هاجيبلكو كوبي الكلام "
[QUOTE]كنت انا على علم من انها لن تدوم الا ايام قليلة ولا يصل عدد الاعضاء في اليوم الخامس من انشاءها (اخر يوم قبل قيامي بتوقيفها قليلا) الى 26الف مشترك الذين تكالبو على الصفحة بجنون حتى انني لم اكن استطيع قراءة تعليقاتهم او ما يكتبون ... لكن اقولها حقيقة ان من نشر الصفحة هم المسلمون انفسهم فحيث تم وضع روابطها في جميع انحاء الفيس بوك وحتى منتدياتهم قبل ان تنتقل هذه العدوى التي اسرع من انفلونزا الخنازير انتشارا ان تصل الى الصحافة العربية [/QUOTE]
شوفو بيستهزأ ازاى بينا
" طبعا مش هاجيب لينك المدونة عشان مقعش ف نفس الغلطة .. بس هاجيبلكو كوبي الكلام "
[QUOTE]كنت انا على علم من انها لن تدوم الا ايام قليلة ولا يصل عدد الاعضاء في اليوم الخامس من انشاءها (اخر يوم قبل قيامي بتوقيفها قليلا) الى 26الف مشترك الذين تكالبو على الصفحة بجنون حتى انني لم اكن استطيع قراءة تعليقاتهم او ما يكتبون ... لكن اقولها حقيقة ان من نشر الصفحة هم المسلمون انفسهم فحيث تم وضع روابطها في جميع انحاء الفيس بوك وحتى منتدياتهم قبل ان تنتقل هذه العدوى التي اسرع من انفلونزا الخنازير انتشارا ان تصل الى الصحافة العربية [/QUOTE]
[QUOTE]فما يميز هذا الجمهور أو بالأصح تعليقاته، هو غلبة التعليقات المغرقة في السوقية وقلة الأدب والتجريح والإهانة، وخصوصا الألفاظ التي تتعرض إلى الشرف وتعتمد العنف الجنسي اللفظي. فالصّفحة تمتلئ بالـشتائم ذات الفحوى الجنسية، التي أقل ما يقال فيها أنها تنم عن خيال مريض، مكبوت جنسياً.[/QUOTE]
يعني بيسخر من الاسلوب اللى بيتعامل بيه العرب والمسلمين خصوصا مع صفحاته ومعاه
وان هما اللى بينشرو صفحه
وانهم بيشتمو باقذر الشتائم
نفسي اعرف إلـــي متي ؟؟؟!!
يعني بيسخر من الاسلوب اللى بيتعامل بيه العرب والمسلمين خصوصا مع صفحاته ومعاه
وان هما اللى بينشرو صفحه
وانهم بيشتمو باقذر الشتائم
نفسي اعرف إلـــي متي ؟؟؟!!
الكلام دا تبع ..
الاشتراك في:
تعليقات الرسالة (Atom)
23 CoMeNTaToOoOoZ:
سلام عليكم..
الحمد لله الرسالة مش لي..لأني عملت إبلاغ عن الصفحة من غير مما أضيف تعليف أو أكون معجب بيها !
أما موضوع المرارة فمفيش أي قلق..مستشفيات ألمانيا موجودة..وربنا يبعد عنكم الشلل علشان مش عارف بيروحوا فين لما الشلل يجيلهم !
ربنا يعافيكم..طبعًا أنا بمزح :)
ولو تنشري الكلام دا ع الفيش بوك نفسه يبقى أفضل بكتيييير :)
تحياتي.
فعلا عند حق في الحتة دي قوي
انا جاتلي برضة لنكات كتير للصفحة دي
في الاول مكنتش اعرف عنها حاجة
فدخلت اشوف ايه ده
لاقيت مهذلة بجد
انا مقدرتش اكمل الكلام اللي مكتوب اصلا
بجد ربنا قادر ينتقم من الكفرة دول
شكرا ليكي
العفو يا افندم
ربنا يهدي الجميع يارب
ويارب نحاول مننشرش اللينكات دي
ولو وقعت ف ايدينا بالصدفة يبقي نعمل ريبورت ونخرج من سكات :)
--------
مشخبطاتي .. نسيت اقولك انا فعلا نشرته كمان ع الفيـــس :D
مهو للاسف الشديد دا اللي بيحصل فعلا
لان مفيش حد بيفكر فاللي بيعمله تقريبا(دا اللي انا حسيته)
وكل الغرب اساشا حسيت انهم بيتريقو علينا
بسبب الموضوع ده
موش عندنا حاجه اسمها اداره الاذمات او اذاي لما نتعرض لموقف ذي ده نعرف نتصرف فيه
الحمد لله علي نعمه الاسلام
وعندك حق في كل اللى قولتيه بس مين اللى يعمل كده
انا صراحه لما شوفت الصفحه دى والكلام اللى فيها
ازبهليت وجالى اندهاش فى الذاكره
حاجه مقرفه بجد
الحمدالله كنت فى كامل قوايا العقليه وماعملتش كومنت رغم ان الكلام مستفزنى جدا بس ده المقصود اننا نعمل للصفحه دى شهره
وبعدين الكلاب تعوى والقافله تسير
صحيح المشكله مش فيه المشكله في الناس اللي غاويه تهيص
وبس
ومابيعملوش ايه حاجه تنفع
جزاكم الله خيرا
صحيح المشكله مش فيه المشكله في الناس اللي غاويه تهيص
وبس
ومابيعملوش ايه حاجه تنفع
جزاكم الله خيرا
مرة من المرات وكالعادة شفت عاملين هيصة على صفحة جديدة
قلت يا بنت قوليلهم ميصحش و قوليلهم وجهة نظرك(اللي هي زي مقلتي انتي برضو)قلتلهم...والجماعة المفروض يبقوا صحابي وكدا
قمت انا اللي اخدت الشتايم و وحدة بقدك جاية تنصحنا و يا لهووووووووووي
بجد حاجات تنرفز و ترفع الضغط...وبالنهاية شالتني البنت من الفريندز هههههههههههههه اشششطة
مش عارفة ليه لما الواحد يدي رأيو يبقى مهاجم وكأنو هو اللي بيلحد...احنا بننصح و كلامنا منطقي
وبجد انا بتنرفز موووت من اللي بيحصل...مع اني بعترف بالاول كنت بعمل كدا...بس قريت مقال شبه مقالك...بس مش بالعصبية دي هههههههههه
وبجد اققنعني الكلام...
بس بجد حاجة تفقع....والكلام لمين...يمكن واحد او ثنين يعملو بيه..دا لو حصل!!!...اصل مجتمعنا تحححفة
صحيح...تسلم ايديكي كلامك صح وفي الجووون :)
sony2000
الغرب مبهدلنا تريقة
عالم تالت وتفكير من عالم سابع وحالتنا مطينة بطين :D
ربنا يهدينا جميعا ..
نورتيني يا ثوكرة ^_^
عايشه لنفسي
ساسو حبيبي ..
الحمد لله علي نعمة الاسلام ياحوبي ..
واللى يعمل كدا العاقل الفاهم مش الهمجي المتسرع
ميرسي ياحبيبي لمرورك ونورتيني
Bent Men ElZaman Da !!
جبتي المفيـــــد ..
الكلاب تعــوي والقافلة تسيـــر
والغرض اشهار الصفحات دي واستفزازنا
ليه منكونش زي احمد مكــي
هــادي
هــادي
هــــــــادي
:D
ماجد العياطي
علي رأي اخويا ..
ناس بتحب تهيص ف الزيطة :D
نورتني :)
قطرة وفا
* معندناش ثقافة تقبل الرأى الاخر عشان لما تقولي لحد دا غلط يتقبلها منك بصدر رحب .. ودا من الصفات المقرفة اللى ف مجتمعنا
** مقالي بالعصبية دي عشان المفروض اني سمعت الكلام دا مليون مرة ومكسووووووفة وانا بكتبه والله وحاسة ان كلامي متكرر واتقال كتير بس غصب عني لازم اقوله .. والا هاتشل يا اوختي وانا داخلة علي جواز :D :D
*** اوعي تتفقعي .. مفيش فيزا لالمانيا حاليا :P :P
مجتمعنا تووحفة بمعني الكلمة :D
وخليكي كــول
كل كام سنة نقنعلنا اتنين تلاتة وهانبقي اشطة ان شاء الله
ههههههههههه
نورتيني ياقمـــر ^_^
صح جدا
انا رأيى كده برضه
ميرسي موناليـــزا ^_^
زمان لما الشعراء بتوع الجاهلية كتبو شعر هجاء في النبي علي الصلاة والسلام.. ايه ال مخلاش الشعر ده يوصلنا دلوقتي... علشان تم تجاهل ال كتبوه... نفس ال بيحصل دلوقتي حصل ساعة لما الصحف الدنماركية نزلت الصور اياها.. برضو احنا ال نشرناها واحنا السبب في انها بقت مشهورة وهتفضل مشهورة لفترة كبيرة... يعني لو كنا تجاهلنا الخيال المريض للناس دي... ومعملناش الافراح بتاعتنا دي .. مكنش حصل كل ده...
ثقافة متخلفة محتــاجة تتغير يا ابو علي <_<
ف الاخر بيتضحك علينـــا للاسف
وبرده مبنتعلمش
السلام عليكم
الكلام ده مش صح
هم الرجال كائنات فضائيه يعنى ؟
O_o
واخيييرا
بدي من اول اسمع الكلام دا
وربي كلام كتيير حلو..
انا اللي حارق قلبي الردود منتهى قلة الادب والاخلاق المشكلة مو بس في الفيس بوك حتى في اليو تيوب صراحة احيانا اقول المجتمع العربي كل متخلف واقول العرب جرب
بس طبعا مو كللللهم لكن وقت اكون معصبة باقول هيك...
سلملم
من Sulaf Almaz:)
حسبي الله ونعم الوكيل بجد
:(
نورتيني سولاف :)
تصدقي فعلا اتنرفزت من الكلمتين بتوعه دول
انا اصلا ولا ببص ع الحاجات دي
ودي عادتنا من زمان
ندي لعدونا عيوبنا بايدينا للاسف
ربنا يهدينا ويهد الملحدين
إرسال تعليق
♥
WelCome To
~ A32l MaGNoNa ~
♥