4/29/2010 08:02:00 م | 
مـ دمـاغ ــن
أع ـقل مـ ج ـنـونــة
هاتعمل ايه لو نمت يوم وصحيت
بصيت
وشوفت نفسك في المراية بكـيت
جواك سؤال تصرخ تقول أنا مين ؟
أنا مين ؟
أنا زي ما انا ولا اتقسمت اتنين ؟
بصيت
وشوفت نفسك في المراية بكـيت
جواك سؤال تصرخ تقول أنا مين ؟
أنا مين ؟
أنا زي ما انا ولا اتقسمت اتنين ؟
وبعديــن
قول ياللي ف المراية
فهمني ايه الحكاية
فرحان .. تعبان .. مرتاح ؟
ندمان ؟
حاجات كتير ف حياتنا
اتسببت في حيرتنا
وادينا عايشين
راضيين
جايين
ورايحين
هتعمل ايه لو نمت يوم وصحيت
ولاقيت
اقرب ماليك ف الدنيا مش حواليك؟
هو انت مين اللي عمل كدا فيك ؟
مش أنت ولا في حد غمآ عنيك؟
وبعديــن !
قول ياللي ف المراية
فهمني ايه الحكاية
فرحان .. تعبان .. مرتاح ؟
حاجات كتير ف حياتنا
اتسببت في حيرتنا
وادينا عايشين
راضيين
جايين
ورايحين
قول ياللي ف المراية
فهمني ايه الحكاية
فرحان .. تعبان .. مرتاح ؟
ندمان ؟
حاجات كتير ف حياتنا
اتسببت في حيرتنا
وادينا عايشين
راضيين
جايين
ورايحين
Just a SoNg
^_^
الكلام دا تبع ..
اولا أسفة علي عدم اهتمامي بالمدونة الفترة اللى فاتت ..
وعدم التواصل مع الجميع
ارجوكم ادعو لخالتي بالرحمة والمغفرة ..
وربنا يصبر أولادها وزوجها
حاسة اني حزينة أوي .. واخيرا قدرت اعبر عن حزني بالكتابة !!
كتبت الكلمات اللي هتشوفها بعد شوية .. اللى مش عارفة أهديها لمين ؟
هاوريهالكو .. وبعد دعائكو ليها ولاولادها بالذات .. حاولو تقولولي أهديها لمين
جايز احنا مقدور علينا
جايز احنا حزننا فينا
لكن هما هاعيشو ازاى من غير عنيها
دا هما كانو كل حاجة ف الدنيا ليها
مكنش في حياتهم حاجة غير راحتها
فجأة بنتها لقت أمها سابتها ؟
وابنها تايه ف دنيا كبيرة
بيلف ف ساقية وكأنها مغامرة خطيرة
وجوزها مش عارف يضحك ولا يبكي
مش قادر حتي للناس يشكي
مقلش في يوم انها تعبته
ولا من حياته زهقته
كان مستحملها في روقانها وغضبها
كان بيشاركها حتي في تعبها
دلوقتي راحت .. ولسة لما
الدوشة تخلص وتفضي اللمة
هايفوقو انهم بئو لوحدهم
وراحت اللي كانت بتضمهم
سابتلهم الحيــاة
ورجعت للي خلقها .. رجعت لله
" اللهم أجرني في مصيبتي واخلف لي خيرا منها "
------------
جايز احنا حزننا فينا
لكن هما هاعيشو ازاى من غير عنيها
دا هما كانو كل حاجة ف الدنيا ليها
مكنش في حياتهم حاجة غير راحتها
فجأة بنتها لقت أمها سابتها ؟
وابنها تايه ف دنيا كبيرة
بيلف ف ساقية وكأنها مغامرة خطيرة
وجوزها مش عارف يضحك ولا يبكي
مش قادر حتي للناس يشكي
مقلش في يوم انها تعبته
ولا من حياته زهقته
كان مستحملها في روقانها وغضبها
كان بيشاركها حتي في تعبها
دلوقتي راحت .. ولسة لما
الدوشة تخلص وتفضي اللمة
هايفوقو انهم بئو لوحدهم
وراحت اللي كانت بتضمهم
سابتلهم الحيــاة
ورجعت للي خلقها .. رجعت لله
" اللهم أجرني في مصيبتي واخلف لي خيرا منها "
------------
فكرت أهديها ليــا و ليكو
خلو بالكو من امهاتكو .. ارضوهم
دلوقتي معاكم .. لكن الله اعلم بكرة هايكونو معاكو ولا لاء ؟
وانتو دلوقتي معاهم .. وبرده الله أعلم بكرة هاتكونو معاهم ولا لاء ؟
------------
هناك من البشر أصناف تهوى تقمص دور البطل الشهيد!.
فهم ـ حسب زعمهم ـ يعطون في زمن كثر فيه الغدر، ويغفرون في واقعٍ غلب عليه القسوة، ويصدقون على الرغم من أن الكذب هو العملة الرائجة المطلوبة!.
ويظلون يرددون على الآذان قائمة البطولات التي قاموا بها، ويشكون قلة التكريم وانعدام التقدير.
وهؤلاء والله مساكين، أعوزهم طريق البطولة، فطافوا يتمسحون في ترابه البراق.
إن الأبطال حقا قومٌ يفعلون الخير في صمت، فلا تعلم أطراف الشمال، ما أنفقت أطراف اليمين، ويهبون في جنح الليل لينثروا من جميل فضلهم قبل أن تراهم عين أو يشعر بهم أحد أما مرتدي ثوب الشهادة دون أن يدفعوا تكاليفها، فأناس مرضى لكنهم لا يعلمون.
أجلس إلى الواحد منهم فلا يحدثنى سوى عن قلبه الأبيض المرمر، وذكائه الثاقب اللماح، وينعي وجوده في زمن أغبر، لا يعرف قيمة العظماء، ولا يلتفت إلى العمالقة الأفذاذ.
وتالله إن اللسان لا يجري بمديح النفس والإفراد في محاسنها،إلا من عيب فيها، وضمور في طموح صاحبها، وتقزم يواجهه أمام نجاحات الآخرين وإنجازاتهم.
ولأنه لا يستطيع الاعتراف بما فيه من عيوب وثلمات، فإنه يجد أن الأيسر مؤنه هو تمثيل دور العبقري الذي جاء في الزمن الخطأ!.
لذا أحببت أن أحذرك يا صديقي من أن تسول لك نفسك تقمص دور الشهيد، أو أن تهفوا إلى سماع نغمة المديح وترديد كلمات الثناء والفضل.
فنحن ـ ثبتنا الله ـ قد جبلنا على حب المديح وتزكية النفس، وإظهار محاسنها. والأفضل والأليق بك أن تقتحم الحياة وتكون أحد أبطالها أو شهداءها الحقيقيين، الذين يروون بعرقهم ودمعهم، بل ودمهم إن تطلب الأمر شجرة عزتهم وكبريائهم، دون ضجيج أو صراخ أو صخب.
كن رجلاً، لا يشغل بالك من صفق لك ممن سخر منك، فبصرك النافذ يخترق حجب المستقبل ليستقر على هدفك وحلمك.
سر إلى هدفك في قوة.. وصمت.. تتعثر فتنهض دون شكوى أو تذمر.. تنجح وتعلوا دون صخب أو ضجيج..
فهكذا عرفنا الأبطال.. والعظماء.. وأصحاب الرسالات الحقة.
قد يفشل المرء كثيراً في عمله و لكن لا يجب اعتباره فاشلاً إلا إذا بدأ يلقي اللوم على غيره...
جورج برنارد شو
كريم الشـــاذلــــي
سمعت خبر من شوية في برنامج الطبعة الاولي
لكن مش لاقياله اي اثر ع النت
الخبر هو ان حكومة احمد نظيف خلاص ع كدا فنشت :D
بس احتمال يكون رئيس الوزراء الجديد احمد المغربي وزير الاسكان !!
مش عارفة ايه سمعة الراجل دا؟
بس لحد ما نتأكد من الخبر ايه رائيكو ؟؟
لكن مش لاقياله اي اثر ع النت
الخبر هو ان حكومة احمد نظيف خلاص ع كدا فنشت :D
بس احتمال يكون رئيس الوزراء الجديد احمد المغربي وزير الاسكان !!
مش عارفة ايه سمعة الراجل دا؟
بس لحد ما نتأكد من الخبر ايه رائيكو ؟؟
ووجه رساله لكل من رئيس الوزراء احمد نظيف .. ورئيس الوزراء الجديد أيا كان هو !!
غريبة الناس .. غريبة الدنيا دية ..!!!
آه فعلا .. بس مش هاكمل واقول اعز الناس بيتغير عليا
لالالا
غريبة فعلا الناس .. والدنيا اغرب
كل واحد عين نفسه مراقب لافعال التاني
كل واحد عايش كأنه هو الملاك المعصوم من الاخطاء والاخرين دول ...... " تيت "
غريبة الناس .. والدنيا اغرب
لا الضحك نافع ، ولا الابتسامة ، ولا الصمت
لا الهدوء ، ولا الشقاوة
غريبة الناس .. والدنيا أغرب
فلان دا كذا وكذا وكذا
فلانة دي عاوزة ضرب الـ ..
وانت ياعم الحاج ياللي بتتكلم ؟
انت مبتغلطش ؟؟
لا مبغلطش
غريبة الناس .. والدنيا اغرب
الاخوات بتوع امبارح .. اعداء النهاردة
الاصحاب بتوع زمان .. كارهين بعض دلوقتي
غريبة الناس .. والدنيا اغرب
والمجروح بقي بيحس بالذنب انه ظلم !!
الظالم بقي يشوف نفسه مظلوم
غريبة الناس .. والدنيا اغرب
انا في الارض بين ناس ؟
ولا في محاكمة شعبية ؟
لالا م اللى انا شيفاه <_<
انا في محاكمة الهــية .. والعياذ بالله
غريبة الناس .. والدنيا اغرب
لامتي هانرضي في الناس عشان يرضو عنا ؟
امتي هنقول طـــــــظ
محدش عاجبه غيره
وغيره عايش عشان يرضي محدش ؟؟
بجـــــــد
غريبة النــــــاس .. والدنيـــا أغرب
و
ToOoOoZ
في النـــــاس اللى من النوعية دي
" مجرد .. كلآم و السلآم "
ملحوثة ^_^
" البوست قديم وحبيت أرجـ ع ــه تــاني "
انا مبسوطة اوي
انهاردة شوفته !
كان بقالي كتير غايبة عنه
روحتله !!
كنت عارفة اني رايحاله .. بس الصدفة جمعتني بيه بدري اوي
أول ما شوفته جريت عليه .. بعيني وقلبي لكن خطواتي كانت ثابتة .. 
لاقيته هــادي أوي .. ركزت ف ملامحه .. لاقيته حزين .. زعلان
_ مــالك ؟
بصلي بحزن أوي .. او بمعني أصح مقمووص وزعلان !
_ يـــاه !! .. لسة فكراني ؟
_ ازاى بتقول كدا .. انت دايما ف بالي 
_ سنة وأكتر ولسة في بالك ؟
_ ظروف صدقني .. بس انا ساعات بشوفك بس مبعرفش اكلمك !
_ امممممم .. هانبكش وهتاكليني بالكلام زي كل مرة
_ لا بجد بشوفك .. انت اللى مبتاخدش بالك .. ولا عشان بشوفك من بعيد لبعيد يعني !
_ اممممممم
_ ماعلينا ياسيدي .. قولي مالك حزين كدا ليه ؟
_ حزين عليكي !! .. حاسك مش مظبوطة ؟
_ بالعكس .. انا تماموز وزي الفل .. وبجد وحشتني أوي 
_ وحشتك !! .. ماهو واضح
_ آه والنحمة وحشتني
_ اتدلعي يختي .. قوليلي .. ايه اللى هببتيه دا ؟
_ اممممم .. انت عرفت ؟
_ ايوة .. ليه مأخدتيش رائي ؟
_ سمعت كلام الناس ومشيت وراه !
_ ودا كان اتفاقنا ؟ .. مش قولنا كل حاجة بالعقل وبالقلب وتستخيري وتاخدي رأيي جايز كنت افيدك ؟
_ خلاص بقي ما علينا .. قفل ع الحوار .. المهم اني ناو معاك
_ لا مش هاقفل .. انتي ندمانة ؟
_ لاء اطلاقا .. ولا اقولك الصراحة
انا ندمانة اني مفكرتش بعقلي كويس من الاول .. بس خلاص مش قولتلك بتعلم من اخطائي ؟
_ ماشي بس متتكررش ياهــانم
_ حاضر .. تعرف انا نفسي في ايه ؟
_ ايـــه ؟
_ أحب حد زيك .. انت جميل أووي ..
_ بس انا مفيش حد زيي .. دا مش غرور .. بس انا مشوه زي ما انتي شايفة !!
_ لاء .. انت مشوه من برة بس .. لكن من جــوة أبيض أوي .. عايش جواك حاجات كتيرة اوي حلوة مش موجودة عند ناس كتير !
بجد ياريت في حد زيك !
اصل الناس بقت كدا .. من برة حلو اوي .. لكن من جوة .. وحش أوي .. أوي .. 
_ عارف وفاهم وحاسس كلامك .. ان شاء الله هتلاقي اللى بتتمنيه !
_ خلاص بقي ياعم .. هنقلبها دراما ولا ايه ؟
متزعلش مني وانا هابقي اسأل عليك
بس أعرف ..
انا بشوفك كل يوم بنزل فيه وانا رايحة الجامعة
اصل المكان اللى انا ساكنة فيه ومواصلاتي وطريقي بيعدي ع النيل 
فطبيعي اني بسلم عليك وبطمن عليك وببعتلك بوسة طياري 
بشوفك وبلاقيك حاسس بيا .. وانا زعلانة بلاقيك هادي ولونك غريب
وانا مبسوطة بلاقيك بترقص وبتلمع
بحاول اقولك انا اهو .!! شايفني !!
بس مش بعرف !!
بجد أنا بحبك أووووي 
بالرغم من إنك مشوه من برة زي مابتقول .. بس دا عشان الناس هي اللي بتشوهك !!
اصل دي عادة البني آدم يا نيل ..
الحاجة النقية لازم ايد حقيرة تلوثها 
لكن انت من جواك عايش حاجات كتيرة حلوة
عايش حياة تانية نقية بجد
ياريتني كنت سمكة
ياريتني !!
سلام بقي بابا جه ولازم يوصلني للمتحف .. العيال اصحابي زمانهم مستنيني !!
هاعدي عليك وانا مروحة
_ أوكي .. انا مبسوط بيكي أوي
_ انا اكتر .. سلام
_ سلام .. :)
وفعلا وانا مروحة عديت تاني .. وكنت ف حضن أحلي مكان في مصر
كنت في حضن النيـــل شمس وهوا ومية بترقص فرحانة بيا
زي ما انا كنت فرحـــــــانة بالظبط
ريمو حبيبتى انا اسفة على الخضة دى هههههههههههههه
يارب تعجبك المفاجأة دى
قولى رأيك بمنتهى الامانة وانا مش هازعل والله
المدونة بتتعدل ياجدعان
يعني ممكن يكون شكلها مش متظبط اذ ربما !!
لان القديم انا اتخنقت منه
دا غير الشكاوي اللى بتيجي عشان تقيل !
ايه رائيكو ف دا مبدئيا ؟
اكمل بيه واظبطه ولا ايه !!؟
نسيت اقول ..
ميرسي اوي لـ منونة لانها هي اللى بتعمل كل حاجة ف الستايل الجديد للمدونة دي !!
بجد مش عارفة اشكرها ازاى .. ربنا يخليها ليا يارب
هــا .. قولولي كدا ايه النظام عشان مش عارفة ليه حاسة اني متوغوشة :D
مستمتعه جدا وانا بقرأه ..
عايشة حاله غير طبيعية حالة بعيشها اصلا بالقراية
بـــس
مع الرواية دي بالذات عايشة حاله جديدة خــآلص ..
ناقصلي 50 صفحة ادعولي اخلصهم انهاردة ^_^
" اول مرة استحمل اقرا كتاب pdf
علي الكمبيوتر بالحجم دا
مع انه مش كبير بس انا مكنتش بطيق كدا كلا الباتة "
قريبا ان شاء الله ف المدونة هناقش الرواية دي ^_^
وبجد بدعــي لمنــونــة .. " وآحد شاي "
لانها خلتني احط الكتاب دا ف دماغي
بالرغم من اني لاقيته بالصدفة .. بس كنت ناوية ادور عليه واشتريه ..
ومازلت لان رواية زي دا لازم تكون ف الايد :)
المهم انتظرو بقي زوجة احمد من وجهة نظر أعقل مجنونه
مين مننا مش نفسه يرجع تانى طفل
مين مننا لما بيشوف اطفال بيلعبو ادامه بيحس باحساس غريب .. بيتمني يلعب معاهم ويكون منهم ؟
معرفش ليه احساس الطفولة مرادوني بقاله فترة
عادي يعني ما انا ساعات بجري وبتنطط
وساعات باكل مصاصات وبسمع اغاني اطفال
وساعات بلعب مع اختي الصغيرة وقرايبي الاطفال
بــس
لما بتفرج من بعيد لبعيد علي اطفال بيلعبو .. بكون مبسوطة اوى .. وبضحك من قلبي بجد
والعكــس ..
لما بشوف اطفال متسولة .. بتشتغل ..
بحزن اوى علي طفولتهم التايهة
وملامحهم الطفولية المتغطية بهموم الزمن
كمان لما بشوف اطفال متهنين ومبسوطين ومرتاحين .. واهاليهم بتعلمهم الشتيمة وقلة الادب
بحزن ع الطفل وبستحقر الاهل
تف علي عمو يابيبي
اشتم طنط يا توتي
حاجات كدا ملهاش معني
تحس ان الاب والام يــا .. تيت .. يــا تيت
حاجة من التلاتة دول يعني
يالا ما علينا
بس بجد .. يااااااااه لو رجعت طفلة
مش هعمل حاجة اكيد غير اني هلعب وهتنطط وهزأطط وبس
يالا هابقي العب مع عيالي بقي بعد عمر طويل
وربنا يدينا ويديكو طولت العمر
طولت عليكم
و آهـــو كلام والسلام
ملحوثة مهموثة ^_^
البوست دا قديم من اول ماعملت المدونــة
بس ح ـبيت أرجعه تــآنــي
بس ح ـبيت أرجعه تــآنــي
الاشتراك في:
الرسائل (Atom)
