2/28/2010 08:31:00 ص | 
مـ دمـاغ ــن
أع ـقل مـ ج ـنـونــة
بانو بانو بانو ...
على أصلكو بانو
والساهى يبطل سهيانه
ولا غِنى ولا صيت...
دولا جنس غويط
وكتاب ما يبان من عِنوانه
بانو أيوه بانو
جربنا الحلو المتعايق ...
أبو دم خفيف
وبقينا معاه إخـْوَه شقايق ....
فاكرينه شريف
أتاريه مش كده على طول الخط ...
الطـَبْع الردى من جواه نط
خلاص بقى مهما انشال وانحط ...
مافيش دمعة حزن عشانـُه
بانو أيوه بانو
بانو بانو بانو
على أصلكو بانو
وعرفنا...سيد الرجاله ..
عرفنا...
عين الأعيان من بره شهامه وأصالة ..
تشوفه تقول أعظم انسان
انما من جوه يا عينى عليه ...
بيّاع ويبيع حتى والديه
واهو ده اللى اتعلمنا على ايديه...
القهر وقوة غليانه
بانو بانو بانو
على أصلكو بانو
دوروا وشـُّكـُو عنى شويه ...
كفايانى وشوش
ده كم من وش غدر بيه...
ولا ينكسفوش
وعصير العنب العنابى العنابى ...
نقطه ورا نقطه يا عذابى يا عذابى
يكشف لى حبايبى واصحابى...
يوحدنى وانا ف عز شبابى
القلب على الحب يشابي ...
والحب بعيد عن أوطانه
بانو أيوه بانو
بانو بانو بانو
على أصلكو بانو
أهو كده بانو
على أصلكو بانو
الكلام دا تبع ..
لقيت فى جيبى قلم
قلم رصاص
طول عقلة الصابع
معرفش مدّيت إيدى عايز إيه
راح طالع
أصفر ضعيف ضايع
ومابين تراب دخّان
وقشر سودانى كان مدفون
وكنت ماشى لوحدى فى الشارع
معرفش رايح فين , لكن ماشى
والليل علىّ وش البلد غاشى
ليل إنّما ليل اسود الأخلاق
ليل إنّما عملاق
اسود سواد خنّاق
اسود كمليون عسكرى
بستره خفّاشى
وجزمه ضبّاشى
بينظّموا السهره
الخلق ياحسره
الخلق مالهاش خُلق للسهره
الخلق عاملين زىّ عشّاق كلّهم مهاجير
ومروّحين مقاهير
يستنظروا بكره
مقهور وأنا ماشى
أصل القمر قال جاى لى وماجاشى
ع النيل ماجاش وماجاش كمان ع الهرم
لفّيت عليه القلعه لفّيت بولاق
قمرى لقيته عَدَم
لفّيت عليه إمبابه والورّاق
قمرى لقيته محاق
وعنيّا وقعوا م السما ع الأرض
الأرض برضه محاق
قهاوى سوده من الهباب والهذر
والراديوهات تنعب نعيب الجنون
ياليله من غير قمر
ياكحل من غير عيون
ولقيت فى جيبى قلم
كأنه واد مقروض ومتجادع
قُزعه لكين ملعون
مَبرى قوى ومسنون
تقولش ح يخطّط نظام الكون؟!
وأعمل به إيه وأنا ماشى فى الشارع
أنا كمان قُزعه وكمان ضايع
وكمان عليّا تلول تراب دُخّان
ياميت ندامه عليكوا ياصنايع
سبع صنايع بس آه ياندم
سبع صنايع بس آه يازمان
ارسم لى قُطّه يابابا
أرسم له قطّه بتشتغل بهلوان
اكتب لى اسمى يابابا
أكتب له اسمه بخطّ مرعوش حنان
ادّينى قلمك يابابا
أدّيله قلمى يشخبطه ع الحيطان
وشيلنى أوبح يابابا
أشيله على صدرى كما الصولجان
كان القمر ايّامها طفلى أنا
وعليه زغب ناعم كمثل الطير
وأخضر كأنه لمونه م البنزهير
وكنت أشيله , وأفرّجه لكل حى
اتفرّجوا , شوفوا غلاوة الضنا
والناس يقولوا اسم الله خير والله خير
يارب خلّيه لك
الربّ خلاّه بس مش ليّا
ضاع القمر منى وأنا غفلان
وصبحت يا إخوان
لابُد مايتْشَحْتفوا عنيّا
علشان أطول منه شُعاع من ضىّ
وآدينى ماشى لوحدى فى الشارع
معرفش رايح فين لكن ماشى
والليل عليّا و ع البلد غاشى
ولقيت فى جيبى قلم
كتبت به غنوة عذاب
حــالة ملل تحيط بالاجواء
فجأة مبقاش في افكار
مبقاش في الا احساس بالزهق
طبيعتي اصلا بحب الهدوء واني اقعد لوحدي كتير
طبيعتي .. اني ممكن اقعد بـ 10 وال 15 ساعة مبتكلمش
بالرغم اني لو اتكلمت مبسكتش
بس بقالي فترة كبيرة مش عايشة في هدوء !!
دوشة وزحمة وصداع
مبسكتش .. ولو سكت اللي حواليا يستغربو
بقالي يومين حاسة بزهق وبملل من الدوشة دي
اي نعم الوحدة وحشة .. وانا مش عاوزة ابقي وحيدة
بس الايام دي .. محتاجة اقعد لوحدي
مكلمش حد
افكر
اشوف افكاري واتجاهاتي منين لفين !!!
اشوف انا حاسة بايه وعاوزة ايه
ومش شرط اللى حساه واللى عاوزاه اقوله لحد
اد ما شرط ان انا نفسي افهم واعرف انا ايه وعاوزة ايه وحاسة بايه ...!!
بـجد .. حاسة بحــآلة مــلل وعاوزة هدوووء
عاوزة بحر .. او نيل ..
اقف ادامه بس لوحدي
وانا بسمع فيروز
ومن غير ناس ولا عربيات بتعمل دوشة ولا تلوث
وخضرة حواليا في كل مكان
او عاوزة ضلمة وهدووء جامد
لدرجة اني ارمي الابرة اسمع صوتها
وامسك كتاب اقرا فيه
والله ما انا عارف بقول ايه
آهـــو كــلآم والسلام
.....
وفضفضة وحكيوة ع الماشي
بما اننا عايشين وسط بشر وناس
يعني بنأثر فيهم وبنتأثر فيهم
ساعات بنطلب ارائهم
وساعات بنتخبط في نقدهم سواء الهادف او الهدام
في ناس محترمة .. تحترم نفسها قبل ما تحترمك
تبص لنفسها في مرايتها الشخصية
تشوف عيوبها وتحاول تصلحها علي اد ماتقدر
وفي ناس ... لا تعليق عليهم
كل اللى فالحين فيه يبصو ع النــاس التانية
شايفين نفسهم ملايكة مبيغلطوش والناس كلها خطائين ومرتكبي ذنوب وجرايم
في ناس .. تحبك لله في لله
وفي ناس .. تحبك عشان مصلحتها
في ناس .. تسال عليك حبا فيك
وفي ناس .. متعبركش الا لما يكونو محتاجينك
في ناس .. بتحب تساعد اللى حواليها
وفي ناس .. تحب تاخد من اللى حواليها
في ناس .. متنمش الا وهي كويسة مع اللى يعرفوها
وفي ناس .. متنمش الا وهي منكدة ع كل اللى يعرفوها
في ناس .. بتحب الكلام الجميل
وفي ناس .. بتحب الكلام الكتير
< فلان عمل وفلان سوا >
في ناس .. بتتقي الله
وفي ناس .. التقوي عندهم دمار
ونـــاس ونـــاس ونـــاس
وآدينـــا عايشيـــن
بنقابل ناس .. ونعرف ناس
عايشين وخلاص
بحب واخلاص
و عكس عكاس
والمهم اننا
عايشين وخلآص
وآهـــو كــلآم والســلآم
لا تجــــــبر الإنسان ولا تــــحيره
يكفيه ما فــيه من عقل بيحيره
اللى النهارده بيطلبه ويشتهيه
هوا اللى بكره حيشتهى يغيره
عجبى !!
![[9774603981640645534.jpg]](https://blogger.googleusercontent.com/img/b/R29vZ2xl/AVvXsEipXEWq8UpV8q_ieBSPvuKWWGzFP0QTDDreQGZX-5QPKvCYHrdvqDnWESxoX-mZZL5OrhoDj6t8EsQBz8uWL9kpG8keOpPWmkLC9vC7a7mRT4zy1xcTmoSRPDJaLn_SYT9dEugj_WK3Z5zp/s400/9774603981640645534.jpg)
أنا شاب لكن عمري ولا ألف عام
وحيد ولكن بين ضلوعي زحام
خايف ولكن خوفي مني أنا
أخرس ولكن قلبي مليان كلام
عجبي!!
ღ ღ ღ ღ
أنا لست ملاكا
فلي هفواتي الصغيرة ولي اخطائي المريرة ولي ذنوبي التي ارجوا ان لا تكون كبيرة
ღ
ღ
أنا لست ملاكا
فقد احقد ولكني سرعان ما انسى ,, وقد اغار ولكني سرعان ما ابحث عن التعقل ,,
وقد اغتاظ ولكني سرعان ما اسعى وراء الرضا ,,
ღ
ღ
أنا لست ملاكا
فقد اظن باحدهم سوء ولكني اعود فاستغفر الله واطلب الصفو والسماح ,,
والتمس العذر لتقصيري وتسرعي وقد افهمه خطا ولكني ابحث عن الحقيقة ,,
او اتناسى ما حدث حتى انساه بالفعل ,,
ღ
ღ
أنا لست ملاكا
فلي حماقاتي ,, ولي جنوني ,, ولي لحظاتي الغير معقولة والغير مقبولة ,,
ولي جوانب عدة قد لا احبها وقد احبها ,,
ღ
ღ
أنا لست ملاكا
فقد اعيش في زمن غير زمني ,, وقد اتقمص شخصية ليست لي ,,
وقد ابحث عن شىء لا املكه واود بان املكه ,, وقد اسعى الى ما لا يجب ان اسعى اليه ,,
ღ
ღ
أنا لست ملاكا
قد لا امتلك اجنحة بيضاء او قلبا شديد البياض ,,
وقد يكون ابيض ولو قليلا وقد لا يكون شيئا غير السواد وانا لا ادري ,,
ღ
ღ
أنا لست ملاكا
في سماء الرحمة والمحبة ,, ويبعث الاطمئنان في نفس من حوله دائما ,,
وينشر السكينة والتوافق بين الصفوف ,, او يعزف بالحان الاخوة والتضحية دائما ,,
ღ
ღ
أنا لســت ملاكا
ولكنـــــــي لست شيطانا ,,
فانا انسان بسيط
أقدر قيمة الاعتذار
حينما يكون واجب
واقدر روعة التضحية
اذا صار وقتها
واسعى لغرس معنى
الاخوة في نفسي
قبل نفوس من حولي
وأمتلك قلبا شديد البياض
يحمل بداخله الكثير من الحب
ღ
أنا لست ملاكا
فقد احقد ولكني سرعان ما انسى ,, وقد اغار ولكني سرعان ما ابحث عن التعقل ,,
وقد اغتاظ ولكني سرعان ما اسعى وراء الرضا ,,
ღ
ღ
أنا لست ملاكا
فقد اظن باحدهم سوء ولكني اعود فاستغفر الله واطلب الصفو والسماح ,,
والتمس العذر لتقصيري وتسرعي وقد افهمه خطا ولكني ابحث عن الحقيقة ,,
او اتناسى ما حدث حتى انساه بالفعل ,,
ღ
ღ
أنا لست ملاكا
فلي حماقاتي ,, ولي جنوني ,, ولي لحظاتي الغير معقولة والغير مقبولة ,,
ولي جوانب عدة قد لا احبها وقد احبها ,,
ღ
ღ
أنا لست ملاكا
فقد اعيش في زمن غير زمني ,, وقد اتقمص شخصية ليست لي ,,
وقد ابحث عن شىء لا املكه واود بان املكه ,, وقد اسعى الى ما لا يجب ان اسعى اليه ,,
ღ
ღ
أنا لست ملاكا
قد لا امتلك اجنحة بيضاء او قلبا شديد البياض ,,
وقد يكون ابيض ولو قليلا وقد لا يكون شيئا غير السواد وانا لا ادري ,,
ღ
ღ
أنا لست ملاكا
في سماء الرحمة والمحبة ,, ويبعث الاطمئنان في نفس من حوله دائما ,,
وينشر السكينة والتوافق بين الصفوف ,, او يعزف بالحان الاخوة والتضحية دائما ,,
ღ
ღ
أنا لســت ملاكا
ولكنـــــــي لست شيطانا ,,
فانا انسان بسيط
أقدر قيمة الاعتذار
حينما يكون واجب
واقدر روعة التضحية
اذا صار وقتها
واسعى لغرس معنى
الاخوة في نفسي
قبل نفوس من حولي
وأمتلك قلبا شديد البياض
يحمل بداخله الكثير من الحب
ღ
ღ
اناانسان ,,
اعي بان لي رب كريم رحيم عطـــوف ,,
انا أنسـان,,
واتمنى ان اكون ممن يملا قلوبهم الايمان
دائمـــــــآ وابــــــــدآ
انا أنسـان,,
واتمنى ان اكون ممن يملا قلوبهم الايمان
دائمـــــــآ وابــــــــدآ
ღ ღ ღ ღ ღ ღ
ღ ღღ ღ
ممـآ أعجبني .. معبرآ عني ..
فنـقـلـته ..
دايما كدا بنفرح لما .. نلاقينا كدا جاين لمة
رافعين علمها لفــوق
واهــي هي دي مصريتنا .. واهي هي دي مصر عليتنا
وادي شوق مقابــل شــوق
دا كوبليه من اغنية بنت مصر ..
اغنية ضمن الاغاني اللى بتتكلم عن حب مصر اللى بحبها جدا
واللى تقريبا مبقتش اسمع غير النوع دا من الاغاني + فيروز
الموهيم
كنت بعمل شاي انهاردة وواقفة في المطبخ وبدندن بالاغنية دي
وفجأة .. استوبيت
ايه دا
مش هنفرح تاني ولا ايه ؟؟
انا كنت عايشة في جو تحفة بجد من الفرحة وحب بلدي
اي نعم انا بحبك يامصر من زمان .. مش ماتشات الكورة هي اللى خلتني احبك
اي نعم جايز خلتني اقول بحبك يامصر من غير كسوف
آه زمان كنت بتكسف اقول بحبك يابلدي !!!
لاني لما كنت بقولها كنت بلاقي ميت مهاجم عليا
دلوقتي بقولها واللى مش عاجبه بقي ... تيت ...
المهم نرجع لمرجوعنا ..
حالة الحب الوطني اللى متأكدة ان مش انا لوحدي اللى عشتها .. اغلبية الـ 80 مليون مصري عاشوها
حالة حب وطني مصري .. كلنا بلا استثناء كنا محتاجينها ..
حالة حب وطني مصري .. كلنا حلمنا بيها وادي الحلم اتحقق
بس خلاص الحلم خلــص .. وصحينا ..
لسة هنستني سنتين علي ما يتكرر الحلم دا تانى؟؟
ليه منفضلش دايما في حالة الحب دي ؟؟
ولا زي ما تـاسو بتقول كدا .. بكرة الاهلي والزمالك يلعبو ويشدو في شعور بعض :D
هو احنا ليه اصلا بنتعامل علي ان مصر وحب مصر يعني كورة وبس ؟؟؟
هو مينفعش نحبها حب لله في لله كدا من غير كورة ولا سيول ولا اضرار ولا حكومة حتي " ولآموأخذة "
أنا زعلانة
وشايلة همـ اني مش هشوف علم بلدي متعلق في الشوارع تاني
وشايلة همـ اني مش هشوف الفرحة دي تاني الا بعد سنتين
وشايلة همـ اني مش هحس بالحاجات الحلوة اللى حستها لمدة 4 شهور تاني
يوووه
كفاية رغي بقي
بس بجد نفسي الحلم يطول شوية
او نغيره ونخليه في كل حاجة مش في الكورة بس
بــ .. ـس .. آهــى آحــلآمـ
يالا ...
آخر كلامي سلام
رافعين علمها لفــوق
واهــي هي دي مصريتنا .. واهي هي دي مصر عليتنا
وادي شوق مقابــل شــوق
دا كوبليه من اغنية بنت مصر ..
اغنية ضمن الاغاني اللى بتتكلم عن حب مصر اللى بحبها جدا
واللى تقريبا مبقتش اسمع غير النوع دا من الاغاني + فيروز
الموهيم
كنت بعمل شاي انهاردة وواقفة في المطبخ وبدندن بالاغنية دي
وفجأة .. استوبيت
ايه دا
مش هنفرح تاني ولا ايه ؟؟
انا كنت عايشة في جو تحفة بجد من الفرحة وحب بلدي
اي نعم انا بحبك يامصر من زمان .. مش ماتشات الكورة هي اللى خلتني احبك
اي نعم جايز خلتني اقول بحبك يامصر من غير كسوف
آه زمان كنت بتكسف اقول بحبك يابلدي !!!
لاني لما كنت بقولها كنت بلاقي ميت مهاجم عليا
دلوقتي بقولها واللى مش عاجبه بقي ... تيت ...
المهم نرجع لمرجوعنا ..
حالة الحب الوطني اللى متأكدة ان مش انا لوحدي اللى عشتها .. اغلبية الـ 80 مليون مصري عاشوها
حالة حب وطني مصري .. كلنا بلا استثناء كنا محتاجينها ..
حالة حب وطني مصري .. كلنا حلمنا بيها وادي الحلم اتحقق
بس خلاص الحلم خلــص .. وصحينا ..
لسة هنستني سنتين علي ما يتكرر الحلم دا تانى؟؟
ليه منفضلش دايما في حالة الحب دي ؟؟
ولا زي ما تـاسو بتقول كدا .. بكرة الاهلي والزمالك يلعبو ويشدو في شعور بعض :D
هو احنا ليه اصلا بنتعامل علي ان مصر وحب مصر يعني كورة وبس ؟؟؟
هو مينفعش نحبها حب لله في لله كدا من غير كورة ولا سيول ولا اضرار ولا حكومة حتي " ولآموأخذة "
أنا زعلانة
وشايلة همـ اني مش هشوف علم بلدي متعلق في الشوارع تاني
وشايلة همـ اني مش هشوف الفرحة دي تاني الا بعد سنتين
وشايلة همـ اني مش هحس بالحاجات الحلوة اللى حستها لمدة 4 شهور تاني
يوووه
كفاية رغي بقي
بس بجد نفسي الحلم يطول شوية
او نغيره ونخليه في كل حاجة مش في الكورة بس
بــ .. ـس .. آهــى آحــلآمـ
يالا ...
آخر كلامي سلام
بعد السلامات والتحية واللذي منه ..
اسم الموضوع غريب !! واكيد بتقولو ايه الـ ... دا ؟؟
هقولكو أهــو ..///
من كام يوم كنت قاعدة بتفرج ع التليفزيون .. ونادرا لما بتفرج عليه
يعني لما بزهق من الكمبيوتر او لما مش بيكون ورايا حاجة بعملها بتفرج عليه
المهم بقلب ف القنوات ..
ايه دا دا
التجربة الدنماركية !!
واو دا فيلم تحفة
وشوية ...
ايه دا دا ؟؟
ايه الحاجات دي .. ايه القرف دا
اقلب
دا اللى حصلي بالظبط
الفيلم تقريبا تحفة لغاية ماظهرت نيكول سابا وظهرت الـ ... كلها !!! ( الحدق يفهم ).
قلبت القناة لما اتنرفزت ..
جبت قناة من قنوات الاغاني وكان فى اغنية رومانسية جميلة ورقيقة وكل حاجة اتفرجت عليها وبشوف اللى بعدها
اممممممممم
لاقيت واحدة غريبة بتغني ممش عارفة .. بترقص مش عارفة .. ايه دا ؟؟ بردو مش عارفة
غيرت القناة ..
لاقيت فيلم ابيض واسود ..
مش فاكرة بتاع مين بصراحة .. بس كان فيه كباريه
الكباريه دا كان ظاهر انه مكان زي محل او اى شئ يعني بيتفتح ف الشارع بس مليان انوار فيه اعلانات على الفقرات اللى بتتقدم جوة !!
غيرت القناة ومحبتش اكمل وقفلت التليفزيون
بس فكرت فيها شوية
لما شوفت الكباريه ولاقيته منور انوار واضحة كانه نور عيد ميلاد
فكرت فـ حاجة
الواحد وهو ماشي ف الشارع وشاف النور والاعلانات دي وحابب يدخل هيدخل ( بغض النظر حرام او حلال ) بس عاوز يدخل يدخل مش عاوز هيمشي
محدش هيجبره على حاجة !!
بس تخيل وانت بتتفرج على التليفزيون .. وانت ماسك الريموت كنترول وبتغير بين 400 قناة ع الاقل ..
شوف كام قناة دينية هتيجي ادامك .. وبقي نصها اعلانات مملة مع احترامي للقنوات الدينية
بس اللى اكتشفته ان الواحد بيقلب بين القنوات وقت الاعلانات والاعلانات كتير فى كل حاااااااجة حتي القنوات الدينية
المهم من ضمن القنوات اللى حضرتك بتغيرها بالريموت كنترول شوف كام كباريه فارض نفسه عليك !!
# كام قناة ممكن تجيبها بالقصد او من غير قصد تكون فيها حاجة تجرح العين
هتقولولي انتي تتحكمي ف الريموت ومش تجيبي الحاجات دي
اممممممممم
كلامكو صح !!
بــــــس كل واحد فينا فيه فضول .. انا عندي 400 قناة فيهم ايه ؟؟ ع الاقل اعرف ايه القنوات دي واساميهم ايه ؟
طيب سيبكو مني .. ومن اى حد كبير وعاقل
اختي الصغيرة ؟؟ هسيبها ازاي تتفرج ع التليفزيون لوحدها !!
دا حتي قنوات الكرتون مبقتش تتكلم الا عن البنت ازاى تظبط الواد والواد بيعمل شعره بايه وبيلبس ايه وحاجات كدا ؟؟!!
دا حتي اعلاانات الافلام بقت ... تيييييت ..
هقول ايه بس
ربنا يخرجنا من الدنيا دي علي خير .. ويسترها معانا ويثبتنا
انا عن نفسي كارهة التليفزيون ومش عاوزة احبه
ونفسي الرقابة والمصنفات يجو يخدو الكباريه اللى في بيوتنا كلهااااااااا
ويالا سلام بقي
yasterday is gone
...
tomorrow has not yet come
tomorrow has not yet come
....
we have only today
we have only today
....
let us begin
let us begin
....
تركنا الامس
والغد لم يأتى بعد
لذا لم يتبقى لنا غير اليوم
فهيا بنا نبداء
هيا بنا نبداء اليوم
مع اول الأماكن اللى ليها مكانة كبيرة عندي
مع المكان اللى كنت بحس انه في وقت من الاوقات شخص
ايوة شخص بيحس بيا
لدرجة انـ ...
طيب استنو اقولكو مين دا الاول
المكان دا اللى بحبه هو
نهر النيــل 
المكان اللى هو اصل مصر وشريان الحياة فيها
اللى قالت شيرين وهي بتتكلم عن مصر مشربتش من نيلها
انا شربت من نيلها
بس مش قصة مية
لا قصة مكان
بحس بالراحة وانا ببصله بس
مكان اي نعم
بس بحس انه بيحس بيا اوي
آه والله بحس انه بيحس بيا
[b]لما اكون فرحانة بلاقي ميته زرقا وبتجري وبترقص وعالية شوية
ولما بكون زعلانة بلاقيه هادددددددي .. وميته لونها غررريب ..
وكانه بيقولي مالك
مش هفرح الا لما تفرحي
زمان من سنتين كدا
كنت بروح اتدرب في المتحف المصري
كان معادي هناك الساعة 9
كنت اروح من 8 وافضل قاعدة ادامه لوحدي مستنية اصحابي
ولما اكون متضايقة ابص عليه
واشعة الشمس بتضرب في المية بتدي لمعة جميلة بتتعكس عليا براحة شديدة .. او دموووع شديدة برده لما بكون متضايقة
لما بكون زعلانة من حاجة امشي وانا باصة عليه وبحكي كلام من جوايا
وبتخيل انه بيكلمني وبيرد عليا
مش جنااااااااان والله
بس حب للشئ لدرجة اني تخيلت الجماد بني آدم بيحس
بقالي كتير مش كلمته
بس لما بعدي بالعربية ادامه بحس اذا كان فرحان ولا زعلان وبالذات وقت ما بكون فرحانة او زعلانة
انهاردة كان فرحان اووي
عشان كدا افتكرته
عشان كدا قررت ان دا هايكون اول مكان في قلبي اتكلم عنه
وسوري ع الرغي الكتير
الاشتراك في:
الرسائل (Atom)
