Blog Archive

كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )




آسفة ع حالة النكد اللي كنت مغرقة بلوجر بيها الكام يوم اللي فاتو
شكراً لناس كتير كانت بتدعيلي وبتطمن عليا وبتحاول تديني طاقة ايجابية من غير ما حتي يعرفو مالي !!

...........

العالم الافتراضي دا غريب اوي !
يعني البشر في العادي " اغلبهم " بيعرفو بعض وبيكون في النص حتة مصلحة ، هدف ما ، تفكير معين !
لكن انا امبارح وصلتلي رسالة جميلة اوي من رونا صاحبة مدونة كلمات من نبع احساسي
بجد مشوفتش حب بالشكل دا !!
بنوتة قلبها ابيض وبتتعامل ببياض شديد
حبيتها بجد


...........

شكراً لآية الملواني
شكراً علي فكرة تدوين اكتوبر
كنت محتاجاها
ويمكن جات في الوقت المناسب جداً
في الشهر دا تحديداً
في الوقت دا تحديداً
وخلتني اعرف ناس جديدة ، اعتقد اني كسبت كتير بمعرفتي ليهم !

...........

هممممم
جالي تليفون النهاردة خلاني منشكحة اوي
وابتسامتي كانت من الخد للخد
وابتسمت كتير لدرجة اني بعد ما قفلت حسيت اني مرتاحة اووووووي
.. انها الفتاة " نائلة الجميلة "

...........

بمناسبة ذكر الشخصيات اللي بحبهم وبرتاح معاهم
وجواهم ابيض بياااااض جميييييييل
شيرين
ربنا يديلها اكتر ماتتمني ويزيح عنها اي شئ وحش
وهي بجد انسانة تستاهل كل خير
...........

هبة فريد وتسنيم ..
بنوتاتي حبيباتي
بحسهم بناتي بجد
وتفكيرهم بيعجبني اوي
مع ان سنهم صغنتوت خالص بس عقلهم كبير اوي
ربنا يحميهم ويحفظهم
واشوف سلمي زيهم !
...........

وكل دول شخصيات ع العالم الافتراضي اعرفهم
ومقابلتش منهم الا نائلة وشيرين
لكن في الواقع المتقوقع علي ذاته
ليا صديقتي الصدوق
سها
اللي وحشاني
زيادة عن اللزوم
السنة دي خلصت وبعدتنا عن بعض اوي :(
مفتقدة حاجات كتير من غيرها
القلب الحنين .. اللي بحسها امي واختي وصاحبتي وحبيبتي
زي ما كانو بيقولولنا في الكلية دايماً
نصين لشخص واحد !!
وحشتنننننني وحشة السنييييييييييييييييييين
...........

الكلمتين طولو اوووي
بس عادي ولا يهمني
انا ماسكة في نفسي ع الآخر
" زي باكيناه ! "
انا مودي بقي زي الفل الحمدلله
وبالرغم ان المدونة عانت معايا كتيرررررر
همممم
كل ما اقول مش هكتب اي احساس شخصي في المدونة تاني وهخليها لافكاري وبس
برجع تاني في كلامي " عيلة بقي كالعادة " وبكتب فيها اللي بحسه !

يلا ربنا يخليها ليا وتستحملني كمان كمان

اهي المدونة دي زي سلمي كدا بالظبط
الاتنين بناتي اللي مقدرش استغني عنهم
واللي بفرح لما بتكبر يوم عن يوم
" مواضيعها بتكتر يعني هههه "

وعموما هكافئها قريب وهعمل تغيير شامل في المدونة من حيث الالوان والاستايل والقالب وكل شئ آخر

جايز كمان بتغيرها اغير مودي !!
...........

اسفة يا نفسي علي الصراع بين يأسك وأملك
بس ان شاء الله الامل ينتصر
 



ربنا مخلقناش نتألم عادي بنغلط وبنتعلم

والدنيا حلوة والله حلوة اوعى تسيب نفسك وتسلم

 
 
 

7 CoMeNTaToOoOoZ:

سواح في ملك اللــــــــــــــــــه- يقول...

اكثر مايميز هذا العالم

اننا نخاطب الافكار ونتداولها

ونتناولها

rona ali يقول...

اوووووووو اسمى مكتوب يا رداله :):)

انا فيا الكلام الحلو دة حبه غرور بقي واقولك دة الطبيعي وكدة هههههههه

يا ريمو انتى اللي جواكى ابيض ونقي ربنا دايمآ بيوقف بنات حلال في طريق بنات الحلال :):)

يارب دايما مبسوطه ويارب دايمآ في راحه بال وطمئنينه لا تنتهى ابدآ

بحبكى في الله بيجد ;)

غير معرف يقول...

rbna y5likyy lya yaaab <3 sherry

mena يقول...

ربنا يريح قلبك يا رب ويبعد عنك كل شر ويخليلك كل صحابك اللى بيحبوكى وبتحبيهم اصل ربنا لما بيحب حد بيحبب فيه خلقه وان شاء الله ربنا يكون بيحبك

Ramy يقول...

ربنا يخليلك سلمى و تفرحى بيها

و يخليلك المدونة

بالنسبة للمدونة هى كل شيىء فينا

مش بس بنعرض وجهات نظر لأ دى هى احنا بكل ما فينا

بضعفنا بقوتنا بتهورنا برخامتنا بكل حاجة

فتكتبى فيها اللى انتِ عاوزاه و اللى مش عجبه دى حاجة ترجع له

دايماً مبسوطة ان شاء الله

و صحوبتك تكون زى ما انت تحبى

(:

Bent Men ElZman Da !! يقول...

الحمدالله انك بقيتى احسن
والله مفيش حاجه تستاهل بجد :)
ويارب دايما تكونى فى احسن حال كده

الاغنيه تحفه

صبح يقول...

حمدلله على السلامة يا جاي من السفر

ههههه اهلا بعودتك المشرقة

ياريت وداعا للاكتهاب

اكتوووبر تقييييل السنة دي ربنا يستر

سعدت بعودتك المتفائلة

اللهم اجعلها بشرا خير و فأل سعد,,

تحياتي

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات