Blog Archive

كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


قريت قصة ع الفيس بوك انهاردة
وقريتها قبل كدا
بس المرة دي لمست فيا معني آخر

هاسيبكم الاول مع القصة وبعدين نتكلم عن المعاني اللي فيها ..

عنــدما كـــان صــلاح الدّيــن الأيوبـــي صغيـــرا و يلعب مع الصّبيــة فى الشّارع، شاهــده أبوه فأخذه من وسط الأطفال و رفعه عالياً بيديه، وكان أبوه رجلا طويل القامة ، و قال له: " ما تزوجت أمك و ما أنجبتك لكي تلعب مع الصبية !!!! و لكن تزوجت أمك و أنجبتك لكي تحرّر المَسجــد الأقصـَــى "
و تركه من يده فسقط الطفل على الأرض، فنظر الأب إلى الطفل فرأى الألم على وجهه فقال له : آلمتك السقطة ؟ قال صلاح الدين : آلمتني ! قال له أبوه : لِمَ لم تصرخ ؟ قال له: ما كان لـمُحــرّر الأقصى أن يصرخ .

....................

هل كل شخص قبل الزواج فكر في هدف زواجه !
 
استوقفني تعبير والد صلاح الدين عن زواجه من ام صلاح الدين !
زواج من أجل مصلحة الأمة .. مش زواج من أجل اشباع النفس وتحقيق سنة الكون و بــــس 
!!
 
.....

وهي دي التربية الصح !
لما الاب يربي ابنه علي كلمة واحد " انت فاشل وصايع ومش نافع " .. هيطلع الابن فاشل وصايع ومش نافع
ولما هيربيه علي انه شخص هينفع الامة والوطن .. هينفع الامة والوطن 
 
زي ما اهل احمد زويل كتبو علي غرفته من صغره الدكتور احمد زويل
فما كان من الطفل انه اتأثر بـ اللي بيزرعه فيه اهله وقد كان واصبح
ونال كمان جايزة نوبل !!

.......

غلطة معظم الاهالي بيقعو فيها
بيصدمو الطفل من صغره بشوية صفات سلبية
زي انت غبي ، انت فاشل ، انت مش هتنفع نفسك ... الخ
وكلها بتدي للطفل طاقة سلبية للأسف بتخليه فعلا كدا
لكن لو العكس
والاب والام اتعاملو مع الطفل انه مهم جدا وان ذكائه مهم لتحسين الكون وان ربنا رازقه بحاجات مش عند حد تاني وانه يقدر ينفع اسرته ووطنه وامته
الطفل هيستقبل طاقة ايجابية هتنفعه وهتنفع كل اللي حواليه

......

ياتري هنتعامل مع اطفالنا ازاي؟
وياتري هنزرع فيهم بذرة التشجيع .. ولا هنتعامل معاهم بصيغة عكسية ظناً منا اننا كدا بنربيهم صح !!

......

رَبِّ لَا تَذَرْنِي فَرْداً وَأَنتَ خَيْرُ الْوَارِثِينَ



5 CoMeNTaToOoOoZ:

آلاء يسـري يقول...

قصه معبرة .. ورسالة رائعة ..
شكرا جزيلاً .. ^__^

سواح في ملك اللــــــــــــــــــه- يقول...

كلام مظبوط

لما بتقول انت فاشل فانت بتعده نفسيا للفشل من غير ماتاخد بالك

دايما الطفل الطبيعي بيبقي خايف اهله يزعلوا منه لوفشل وبيبقي حريص علي انه ميزعلهمش لما بتقوليله انت فاشل

فالخوف من الفشل نفسه بيروح منه
لانه عارف مسبقا ان اهله مش هيزعلوا منه لانهم في الاول والاخر
عارفين انه فاشل فمفيش داعي يتعب نفسه
ويبذل مجهود

rona ali يقول...

هو دة الكلام والتفكير:)

بصي انتى كل كلمه قلتيها عندك حق فيها
بستغرب اوى الصراحه ان احيانا اولياء الامور ممكن بسبب كلامهم دة يضيعوا ان طفلهم يبقي متميز في شئ تانى كتابه او رسم او اى شئ
هو مش لازم يقفل ويطلع الاول
نظريه الاول علي الفصل دى بقت متخلفه

عارفه في فيلم هندى عجبنى جدآ وعيطنى اوى عن طفل عنده مشكله في القراه والكتابه مرض معروف اول مرة اقابل فيلم هندى ومحسش انه نسخه مصريه من الافلام القديمه الهبله
اسم الفيلم لو حابه تتفرجى عليه

Taare.Zameen

تحياتى ليكى ياحوبي :):)

AHMED SAMIR يقول...

تربية الأطفال و تنشئتهم علم كبير
و للأسف ليس من ضمن اولوياتنا في مصر
تحياتي

Unknown يقول...

جميله الفكره :)

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات