Blog Archive

كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


احساس بالشوق ان يكون عندي قطة ناعمة ودافية " بالرغم من اني بترعب منهم وبخاف المسهم "
بس نفسي اخدها في حضني ،، تحسسني بالدفء والراحة 


ونفســي الاقي بيبي صغنتوت .. بس يكون لسة مولود مبقالهوش كتير 
احط صباعي في ايديه ،، وبحركة لا ارادية منه يضم علي صباعي 
.. فـ احس بالنعومة ، والهدوء ، والراحة ، والآمـان .


ونفسي الشتا يجي بسرعة اووي و برد اووي
علشان برد برة دا .. بيدفيني انا جوة اوي
والمطر بيريح قلبي .. علشان بتأكد وقتها ان ابواب السما مفتوحة وان ربنا هيحققلي آمالي
وعلشان المطر بيزرع جوايا الأمل ،، وبيحسسني ان الدنيا لسة بخير :)


ونفسي عيوني تلمع تاني والفرحة تدخل قلبي من غير ما اي حاجة تضيعها
نفسي اضحك من قلبي من غير ما اقول خير اللهم اجعله خير ياتري ايه هيحصل !!

ونفسي كل اللي يقرا الكلام دا يدعيلي براحة البال

وبــس كدا ..

..................................

وبعد ما خلصت كلامي ..
اقدر اقول ان لأول مرة من زمن هحاول اكتب يومياً ولو حتي سطرين !!
علشان البطيخة تشتغل ،، لأنها بتصدي من الركنة :))
 
ودا بعد ما الجميلة آية الملواني .. أعلنت عن حملة تدوين شهر اكتوبر
وتقدروا تتابعوا في الايفينت دا .. دووووس إهناكا ..


 
وآخــر كلامــي
                        ســلآم


6 CoMeNTaToOoOoZ:

ريري كربكه يقول...

بوست حلو اوي سلمت يداكي
انا كمان نفسي انام وانا مش شايله اي هم ربنا يرزقك راحة البال ويرزقنا جميعا

سواح في ملك اللــــــــــــــــــه- يقول...

حمدا لله علي سلامتك يااعقل

نيللى يقول...

بجد وحشتنى جدا من ايام رمضان وانا كمان نفسى فى حاجات كتير يارب يحقق احلامك

Heba :) يقول...

الله،، وانا كمان نفسي

بعشق اني احط صباعي ف ايد العيال الصغننة ويمسكو فيه ويلعبو بيه ♥ وياه بقى لما يتعلق بايدي عشان مفيش حاجة تانية يلعب بيها ابعدها يمسك فيها زيادة :D

والشتا ♥ وحشني اوي اوي

ويلكم باك يا ريموزتي يا مجنونتي العاقلة ;) :D

موناليزا يقول...

حلو أوى البوست ده والصور المصاحبة ليه كمان :)

maioya يقول...

حلو اوي الامنيات دي
ربنا يريح بالك
وبالنا كلنا :)

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات