Blog Archive

كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )



اكتشفت مؤخــرآ ان ناس كتيرة شباب وكبار ف السن ميعرفوش المسجد الاقصي

هاتقولولي يابت ياريمو ازاى ؟

دا الاقصي اللى بندعيله كله يوم

وبنشوفه ف الاغاني كل شوية

وبنشوفه لما النشرة بتيجي وبتقول ع اللى بيعملوه فيه الصهاينة ولاد الـ .. تيت ..

يبقي ازاى منعرفهوش !!!

أيـــوة مش كلنا نعرف المسجد الاقصي

كلنا نسمع عن الاقصي

نقرا عن الاقصي

لكن لو شوفناه مش هنعرفه

ولو عرفناه مش هايطلع هو اللى كان في دماغ المعظم مننا


من غير رغي كتير

دا ايه ؟؟



اللى هايقولي الاقصي هاطلع عينه

عشان دا ياجماعة مسجد قبة الصخرة

واللى بناه الخليفة الاموي عبد الملك بن مروان في عام 72 هـ فوق صخرة المعراج

" معلومة بس اتفشخر بيها ادامكو .. القبة دي كلها دهب خالص مش فاكرة وزنها اد ايه بس تخيلو لما تبقي قبة بالحجم دا وكله دهب خالص ؟ .. "



المهم نرجع تاني لمرجوعنــا

ممكن حد فطن يقول مش قبة الصخرة هو هو الاقصي ؟

هقوله لاءة

الاول كدا دا هو الاقصي



ودي صورة الاتنين جنب بعض ..


اصلهم مش بعيد عن بعض بمسافة كبيرة

طيب ليه الجهل اللى احنا فيه دا ياجماعة ؟

حسب ما قريت وعرفت ان دا مخطط صهيوني عشان لما الاقصي يتهدم محدش يحس بيه

لما حد يقول الاقصي بيتهدم ياجماعة

يجيبو صورة قبة الصخرة ويروحو قبة الصخرة

ماهو سليم اهو

هتظلمو الصهاينة ليه بس ؟


مش صهيانة ولاد صهاينة

حسبي الله ونعم الوكــيــل بجد



يارب تكون معلومة مفيدة للي مش يعرفها

ويارب اكون اضفت شئ بسيط للي يعرفها


ومستنية الدعــاء .. للاقصي .. وللمسلمين والعرب يفوقو من غفلتهم



واسيبكو مع اغنية زهرة المدائـــن










12 CoMeNTaToOoOoZ:

ماجد العياطي يقول...

المفروض ان ده الطبيعي

واللي ميعرفش دي تبقى خيبه كبيره

ربنا يستر علينا لحسن الجيل بتاعنا ده خايب

ومتشكرين جدا على انك قولتي وعرفتي

ربنا يوفقك

A32L MaGNoNa يقول...

انا فعلا كنت عارفة

واستغربت من الاعلام بتاعنا المحترم اللى بيجيب الصورة الاولانية بتاعة قبة الصخرة وهو بيتكلم عن الاقصي !!

احترمت اوي الحياة لانها يعتبر القناة الوحيدة اللى بتجيب صورة الاقصي الحقيقي

واستغربت اكتر لما سالت ناس عن صورة الاقصي جابولي صورة قبة الصخرة

حسيت بجهل غير متناهي

فحبيت اشارك بالموضوع دا بطريقة بسيطة توصل للشباب اللى بتكسل تقرا وتفهم <_<

Legendary Leader يقول...

تمام ياريمو جزاكى الله خيرا

انا فعلا كنت قاعد افهم واحد من المتخلفين بتوع المظاهرة بقوله طب اعرف صورة المسجد اللى انت واقف بتتظاهر علشانه قالى هو مش ده الاقصى قلتله اه والله مش هو وكان رافع صورة قبة الصخرة حاجة يعنى مش ممكن

http://legendaryleader.blogspot.com/2010/03/1967-75-300-1967.html

A32L MaGNoNa يقول...

مشكلة لما تلاقي شباب فاهم ومتعلم يغلط في حاجة زي كدا !!!!!!!

بجد حسبي الله ونعم الوكيل

محمود ابوالعزم يقول...

انا كمان أيام ما كنت في الثانوي كنت فاكر ان ده المسجد الأقصى

اسلوبك حلو جدا في الكتابة
مش آخر مرة ليا ان شاء الله

مشخبطاتي يقول...

السلام عليكم..

فعلُا منتشرة جدًا..قلت للأولاد في المسجد..ارسموا المسجد الأقصى..كله رسم قبة الصخرة .. لأنها أمامهم طول الوقت !!


جميل إنك عرفتي..شكرًا :)

A32L MaGNoNa يقول...

محمد ابو العزم ..

ماهي الكارثة ان ف المدارس كانو بيقولولنا ان دا الاقصـــي <_<

اسلوبي مايجيش حاجة جنب اسلوب حضرتك :)

حضرتك نورت يا افندم وان شاء الله نشوفك كتير مع اعقل مجانين :D

A32L MaGNoNa يقول...

مشخبطاتي ..

الاجمل اننا نعلم الناس والاطفال اللى ميعرفوش

وربنا يجازيك خير ع انك عرفت الاطفال :)

مرورك اسعدني جدا واتمني يتكرر :)

سمو الامير يقول...

انا كنت بتلخبط كده وانا في اعدادي تقريبا لغاية ما عرفت الفرق بين الاتنين

كان عندنا رسمة عن المسجد الاقصي وانا رسمت مسجد قبة الصخرة

بس مكنتش اعرف انها منتشرة بين ناس كتير كده

جزاك الله خيرا ع المعلومة

A32L MaGNoNa يقول...

انا اللى خلاني اتاكد انها منتشرة بين الناس بشكل كبير احدي البرامج اللى نزلو فيها الشارع وورو الناس صورة قبة الصخرة .. ومعظمهم قالو ان دا الاقصي
فاستغربت اوي الجهل اللى منتشر بين الناس ف حاجة زي دي
ولما دورت ع النت لاقيت ان الكلام دا بجد .. ومواقع كتيرة متكلمة عنه .. فحبيت اكتبه انا باسلوبي :)

نورت يا سمو الامير :)

موناليزا يقول...

شكرا على المعلومة
هو انا اه كنت عارفة الفرق بين قبة الصخرة والمسجد الاقصى بس اول مرة اعرف ان قبة الصخرة مصتوعة من الذهب الخالص

A32L MaGNoNa يقول...

موناليزا ...

الحمد لله انك استفدتي ولو بجزء بسيط :)
نورتيني ياجميلة :)

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات