Blog Archive

كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )




عندي مشكلة خطيرة اوي ياجماعة

ان اللي بينزل من نظري مبيرجعش تاني .. ومع الوقت بينزل من قلبي كمان

قدرت احل المشكلة دي في ان اللى ينزل من نظري ما اتعاملش معاه تانى !!

وحصــــــل .. بس برده حسيت انهم بينزلو من قلبي بالتدريج

ولـــكــن قابلتني مشكلة تانية ..

ان احيانا اللى بينزل من نظري بتكون شخصيات قريبة مني وبتعرضلها في حياتي اليومية باي شكل من اشكال

تربطني بيهم قرابة قوية من الدرجة الاولي .. اصدقاء .. جيران .. اخوة .. احباء

مش كل حد هاينزل من نظري هاعرف ابعد عنه ومتعاملش معاه

ولما اللى ينزل من نظرك دا يكون حد قريب اوي اوي اوي منك زي ما قولت فوق .. هاتعمل ايه ؟

هاتعدي ياليلة ؟

ولا هاتعمل وقفة وتكون زي القطر الماشي ع السريع وترمي منه اللي بيتعمد ينزل من نظرك ؟

انا محتارة .. ومخنوقة اوي

ومش عارفة لامتي هافضل كدا

والاهم .. اني حاسة اني هاخسر كل اللى حواليا

لاني اكتشفت ان اكتر ناس بثق فيهم وبحبهم .. هما اول ناس بينزلو من نظري 
جميــع هؤلاء الذين يسيرون إلى جانبــي يرتدون أقنــعة بعض الأوقــات ليتجمــلوا بها عن واقع يختبــأون منــه ولكن الأقنعة تســقط فيســقط معــها كل شيء

دعـــواتكـــم

12 CoMeNTaToOoOoZ:

ماجد العياطي يقول...

التسامح من اجمل الصفات اللي بتخلي الانسان يقدر

يعيش

على فكره لو الحكايه فضلت على كده هتخسي بالذنب بعد كده

لان في احيان كتير العقاب بيبقى اكبر من الخطأ

ولازم يبقى صدرنا واسع لان الدنيا مليانه بالموقف الوحشه

الحاجه التانيه لازم نلجا في كل المواقف لله

هو اللي هايلهمنا بالحل الصحيح

وطالما ان ربنا سبحانه وتعالى بيغفر يبقى احنا كمان

لازم نغفر

( فليعفوا وليصفحوا الا تحبون ان يغفر الله لكم)

الحاجه التانيه مش كل الناس تقصد الشر

لكن في الغالب بيبقى في سوء تفاهم لازم نفهمه

وندي فرصة للي قدامنا يشرح موقفه ويدافع عن نفسه

واحنا نقيم اذا اقتنعنا ماشي ما اقتناعناش

يبقى ........

خلاص

ربنا يوفقك


انا مبسوط جدا بالموضوع ده 

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين

مدونة جميلة

والعفو عند المقدرة شئ جميل وربنا يجعللك من المتسامحين بأذن الله تعالى دة ربنا غفور رحيم فمابالك بالعبد ان شاء الله تغيرى وجهة نظرك وربنا يجزيكى خير بأذن الله تعالى

تقبلى مرورى

Ahmed Amin يقول...

أنا مش عارف بجد يا ريمو أقولك ايه لأن أنا عندي نفس المشكلة ويمكن أكتر منك كمان وبتوصل لدرجة أقرب الناس ليا ... اللي المفروض أضغط على نفسي غصب عني واعاملهم كويس ... بس أنا مش قادر خالص ... أنا طبعي إني يمكن أكون طيب شوية ومتساهل شويتين ... لكن لما بتقفل معايا مع حد ... بجد بيبقى صعب جداً إن لم يكن مستحيل إن الميه ترجع لمجاريها تاني .

أنا واثق إن في حل لكن ايه هو ؟؟ وديناميكية تنفيذه إيه هي ؟؟ الله أعلم

A32L MaGNoNa يقول...

ماجد العياطي .. اشكرك لمرورك

للاسف التسامح بيكون موجود في احيان كتيرة

بس لما بلاقي عدم تقدير احيانا

افعال تستفزني واكون قايلة للي ادامي اني بكرهها وبتتكرر مرات كتيرة احيانا

لما الاقي اللى حواليا فيهم طبع الغدر احيانا اخري

حاجات كتيرة مش بعرف اسيطر فيها علي مشاعري في ان الاشخاص دول ينزلو من نظري تماما وبالتالي بينزلو من قلبي الي ان تصل لمرحلة ما قبل الكره " لاني لم اكره احدا الي الان وادعو الا اكره احدا ابدا "

مشكور جدا لمتابعة حضرتك ويسعدني وجودك دائما

A32L MaGNoNa يقول...

طهر فؤادك ..

ربنا يكرمك ع الدعاء ... ويهديني ويهدي البشر اجمعين

جزاكم الله كل خير وميرسي جدا علي المرور واتمني التواصل دائما

A32L MaGNoNa يقول...

احمد امين ..

عندي احساس بان وجهة نظري واحساسي واصلينلك اوي واننا عندنا نفس المشكلة

يارب نلاقيلها حل بقي عشان انا بجد تعبت اوي

سمع هوص (Abo 3li) يقول...

ال يسقط من نظرك... سقطيه من حساباتك.. بمعني... طالما مش هينفع تبعدي عنه لسبب او ﻷخر.. تجاهلي تصرفاته البتضيقك.. واعتبريها شئ طبيعي ومألوف منه..
يعني ولا تزعلي منه.. ولا تفرحي بيه او ليه..

بس كده..

A32L MaGNoNa يقول...

هـ ح ــاول ..

دعواتكـ ..

عايشه لنفسي يقول...

جيتى علي الجرح ياريمو
بس نصيحتى كبرى للى يقع من نظرك
زى ماقالك سمع هس
الندل متتوقعيش منه غير النداله دا لو مش تقدرى تتجنبيه
ولو تقدرى تتجنبيه نضفي حياتك بجد
انا بحاول اعمل كده

A32L MaGNoNa يقول...

وانا كمان بحاول ..

ادعيلي يا انتيختي يا احلي صاحبة ف الدنيا :*

قطرة وفا يقول...

كلامك صعب اوي...انا بواجه المشكلة دي...مش قادرة اكره الناس دول...سامحت البعض و تغاضيت...دلوقت انا وصلت لمرحلة بقيت اصفيهم...الصحاب واللي بيأزو و مش بيقدرو...خلاص مسحتهم


بس القريبين مني اعملهم اييييه؟؟

بجد بحاول اساير على قد مقدر...ومعملهمش حساب...

عجبني كلامك

A32L MaGNoNa يقول...

قطرة وفا ..

واضح ان دي مشكلة شريحة معينة من جيلنا ..

عجبني ردك :)

منوورة بجد :)

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات