كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


من الأفلام اللي اتفرجت عليها ولمستني أوي
بفكرة الفيلم ، بالمشاهد ، بالتعبيرات ، بالجمل اللي كانت بتهزني أوي !!

بغض النظر عن اسلوب احمد الفيشاوي كان خانقني وكان مفكرني بعماد حمدي 
مش عارفة ايه وجه التشابه بينهم .. بس اهو كان مأفور أوي وخــلآص ..

انا جايبة شوية جمل عجبتني أوي من الفيلم
اتمني تستمعو بيهم زي ما انا استمتعت جدا

شئ حلو اوي لما تبقي مضايق فتتفرج علي حاجة تخليك تستمتع بيها وتنسي اللي مضايقك !!

ما علينــا
نبدأ بـ اسم الله :)


~~~~

الوقت
ممكن تضيع وقت كتير في حياتك مش عارف قيمته
ممكن تضيعه في قراية جرنال ، رغي في التليفون ،أو حتى و انت باصص في السقف سرحان ..
بس محدش فينا بيعرف قيمة الوقت بجد
إلا لما تفرق ثانية واحدة في انك تلحق حد بيموت أو يتقتل !

....

مش عارفة ليه معظم الحواديت بتبتدي ان الواحد يصحي من النوم !!

....

ياريت الواحد كان بيعرف يتحكم في مشاعره أو ع الأقل يفهم أسبابها ..
ياريت الواحد كان بيعرف ينسي اللي عايز ينساه
أو يعرف ايه اللي بيخليه يتشد لناس معينة
في الوقت اللي كان حاسس ان دا لا يمكن يحصل !!

....

أحلي كلام الكلام اللي بيوصل من غير ما يتقال !
والأفعال برده كانت بتقول كلام تاني كتير ..!

....

في الأول كنت بعيط
لما العياط مبقاش يعمل حاجة كنت بنام
وكل مرة كان نفسي فيها اني مصحاش ..
لحد ما وصلت للمرحلة الأخيرة ..
اللا مبالاة ..!!
وبقيت مش حاسة بحاجة !!

....

الوقت
ممكن تضيع وقت كتير في حياتك مش عارف قيمته
ممكن تضيعه في قراية جرنال ، رغي في التليفون ،أو حتى و انت باصص في السقف سرحان ..
بس محدش فينا بيعرف قيمة الوقت بجد
إلا متأخر !
لو مش عاوز تتأخر ،، اعرف قيمة وقتك !

....

كل ما كنت بحاول انسي
نظرات الناس هي اللي كانت بتفكرني
وأكتر كلمة كانت بتقطعني كلمة " وانتي عاملة ايه دلوقتي !! "

....

مشكلة البني آدمين .. الفوقان !!
سبب القرف كله
من أول خناقات الشوارع ،، لحد الحروب !!
....

اللي بيجيبوا نمر حلوة في الثانوية العامة دول
هما هما اللي كانوا بيخلصوا طبقهم
هما هما اللي بيدخلو كلية قمة وبيشتغلوا في شركة مالتي ناشونال
ومعاهم لاب توب وعربية
واتجوزو
وجابو بنتين وولد

ومبيعملوش اي حاجة في الدنيا
غير انهم محطوطين وبيسمعوا الكلام وبس !!

....

في ناس لما بتقابلهم
من كُتر ما انت مشدود ليهم
بتحس إنك لو سبت نفسك هتخبط فيهم !!

....

* هما خايفين تحبيني ، عشان كدا بيشككو فيا
- وانت ايه اللي خلاك تحس بكدا !
* عشان في حاجة بدأت بيني وبينك
حاجة انتي عارفاها وحساها كويس
لو عاندتيها هتغلبك
متضحكيش علي نفسك
انا متاكد انك هتحبيني زي ما انا هحبك
دا لو مكنتش ابتديت احبك فعلا !

....

تفتكري الواحد بيشوف حياته كلها قبل ما يخبط في الأرض ؟؟

....

* تفتكري هنسميه ايه ؟
- مش بدري ع الموضوع دا ؟
* بس موضوع الاسم دا لازم اكتر حاجة هنركز فيها
اكتر حاجة هتلزقله في حياته
وبعدين
افرض اخترناله اسم مش عاجبه
هنبقي عملناله مقلب مالوش لازمة
..
انا بقول منسميهمش !!
- وهنندهلهم ازاي ؟
* احنا نسمي عيالنا ارقام
وهما لما يكبروا يسمو الاسامي اللي هما عايزنها ..
- طب ليه متختارلهوش انت اسم حلو ؟
* انا مش عايز اجبره علي حاجة
وبعدين يكبر ميعجبهوش اسمه يجي يتخانق معايا وهو قافش
مش كفاية هنجيبه بالعافية من غير حتي ما يختارنا احنا !!

* عايزين نبقي للكابتن اللي جاي دا مثل أعلي

....

احنا ليه بنتفرج كل يوم علي ناس بتقطع بعضها ؟؟

....

تسمعي عن الـ ديجافو !!
مش ساعات بتشوفي حاجة بتحسي انك شفتيها قبل كدا هي هي بالظبط ؟؟
دا مجرد احساس
خلل بيحصل في المخ في ثانية
ماهواش لا حلم ولا أحداث بتتعاد !!

- أنا متأكدة .. الحاجات هي اللي بتتكرر أنا مش مجنونة !!

....

ليه اخبار امبارح نفس اخبار النهاردة !!!

....

أي حد هيفضل باصص وراه
لازم هيخبط في اللي ادامه
بصي ادامك
:)

....

كانت أول مرة اعمل حاجة عايزة اعملها بجد !
ولقيت الاحساس دا حلو اوي

....

أكيد الناس لما بتموت بيبقو باصين لنا وحاسين بينا
اكيد شايفنا اغبية
عايز يكلمونا يقولولنا متضيعوش لحظة في حياتكم بتعملوا حاجات فاكرين ان حد جابركم عليها
مش عيب ان الواحد يفكر في الموت
بس لو فكرنا صح
هنلاقي الموت كل يوم بيدينا هدية
بيقولنا اتفضلو
هتأخر عنكم يوم كمان
اتبسطو فيه ، اعملو فيه اللي نفسكم فيه !
متسيبوش حاجة في نفسكم
مين فينا متأكد انه هيعيش لحد بكرة !؟

....

وفي لحظة كل حاجة وضحت ادامي !

....

انا عايزك ترجعي لامبارح وتفكري فيه كويس
لأن هو دا اللي هيوصلك لبكرة !!

....

أبطأ وقت ، هو الوقت اللي بتبقي باصص فيه للساعة !

....

-عايزة تعرفي ايه ؟
* عايزة افهم !
- وتفتكري دا هيغير القدر !!
* يعني نقف مكاننا كدا ومانعملش حاجة ؟
- ومين قالك انك لو ماستنتيش وقلبتي الدنيا وقعدتيها دا مش هيبقي قدر ربنا برده ؟!!

....

كل ادوية العالم لا يمكن كانت تقدر تشيل الصداع اللي في دماغي !!

....

كان نفسي يبقي عندي الفرصة اني اكتب آخر صفحة ليا في الأجندة
واكتب فيها احساسي الآخراني
ان انا مبسوطة !!

....

~~~~

ملحوظــة
اللي بـ الأحمر دا
احساس شخصي !
كأني بتفرج علي حاجة جوايا او نفسي اقولها او اعملها ..

و
آخــر كلآمــي
ســلآم 
:)

6 CoMeNTaToOoOoZ:

maiiosh mosad يقول...

ya rab dayman tkoni mabsota 3ala tooooooooool keda
ba7ab 2na el 27sas el 3aly daa zi a7sas remoo
3an nafse hadikii gayzet nobel fi el kalam el 2n2 2reto da

rona ali يقول...

في الأول كنت بعيط
لما العياط مبقاش يعمل حاجة كنت بنام
وكل مرة كان نفسي فيها اني مصحاش ..
لحد ما وصلت للمرحلة الأخيرة ..
اللا مبالاة ..!!
وبقيت مش حاسة بحاجة !!

المقطع دة هو اللي خلانى اعرف قبل ما اوصل للاخر
ان الاحمر دة اللى عجبك :))))

يارب دايما مسمتعه انا برضوا بحب اللفيلم دة
بيخلينى افكر واعيش غترة خارج الزمن
والوقت :)

Bent Men ElZman Da !! يقول...

بعشق الفيلم ده
بيلمس حاجه جواكى مابتعرفيش ايه هى اللى لما تحسى بنفس الاحساس اللى بتبقى عايزه تقولى فيه الكلام ده
اختياراتك فى الجمل اصلا تحفه :)

Miss LoZa يقول...

:)
الفيلم ده ليه ذكريات مختلفة معايا
واحدة صاحبتى كتبت عنه فسنة أولى .. وكان بحث عن أى عمل فنى نختاره .. الحمد لله الدكتور كتبتلها عريضة تهزيق علشان فضلت تحكى الفيلم .. مش بتستعين بيه فى شرح الى أخدناه
هههههههههههههههههههههههههههههههههههههههههه

بجد مش هنسى ابدا شكل الدكتور وهى بتهزق الدفعة والحمد لله أنا كنت واخدة فير جود :$
الله أكبر عليا :$

بس بجد بجد أنا بحب الفيلم ده شوية علشان نكدى
ههههههههههههههههههه
عكسى شخصيتى يعنى :$

وحشتينى :)

سواح في ملك اللــــــــــــــــــه- يقول...

كلام جميل

تحيتي

Entrümpelung يقول...

NicE WordS :)

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات