كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


من الأفلام اللي اتفرجت عليها ولمستني أوي
بفكرة الفيلم ، بالمشاهد ، بالتعبيرات ، بالجمل اللي كانت بتهزني أوي !!

بغض النظر عن اسلوب احمد الفيشاوي كان خانقني وكان مفكرني بعماد حمدي 
مش عارفة ايه وجه التشابه بينهم .. بس اهو كان مأفور أوي وخــلآص ..

انا جايبة شوية جمل عجبتني أوي من الفيلم
اتمني تستمعو بيهم زي ما انا استمتعت جدا

شئ حلو اوي لما تبقي مضايق فتتفرج علي حاجة تخليك تستمتع بيها وتنسي اللي مضايقك !!

ما علينــا
نبدأ بـ اسم الله :)


~~~~

الوقت
ممكن تضيع وقت كتير في حياتك مش عارف قيمته
ممكن تضيعه في قراية جرنال ، رغي في التليفون ،أو حتى و انت باصص في السقف سرحان ..
بس محدش فينا بيعرف قيمة الوقت بجد
إلا لما تفرق ثانية واحدة في انك تلحق حد بيموت أو يتقتل !

....

مش عارفة ليه معظم الحواديت بتبتدي ان الواحد يصحي من النوم !!

....

ياريت الواحد كان بيعرف يتحكم في مشاعره أو ع الأقل يفهم أسبابها ..
ياريت الواحد كان بيعرف ينسي اللي عايز ينساه
أو يعرف ايه اللي بيخليه يتشد لناس معينة
في الوقت اللي كان حاسس ان دا لا يمكن يحصل !!

....

أحلي كلام الكلام اللي بيوصل من غير ما يتقال !
والأفعال برده كانت بتقول كلام تاني كتير ..!

....

في الأول كنت بعيط
لما العياط مبقاش يعمل حاجة كنت بنام
وكل مرة كان نفسي فيها اني مصحاش ..
لحد ما وصلت للمرحلة الأخيرة ..
اللا مبالاة ..!!
وبقيت مش حاسة بحاجة !!

....

الوقت
ممكن تضيع وقت كتير في حياتك مش عارف قيمته
ممكن تضيعه في قراية جرنال ، رغي في التليفون ،أو حتى و انت باصص في السقف سرحان ..
بس محدش فينا بيعرف قيمة الوقت بجد
إلا متأخر !
لو مش عاوز تتأخر ،، اعرف قيمة وقتك !

....

كل ما كنت بحاول انسي
نظرات الناس هي اللي كانت بتفكرني
وأكتر كلمة كانت بتقطعني كلمة " وانتي عاملة ايه دلوقتي !! "

....

مشكلة البني آدمين .. الفوقان !!
سبب القرف كله
من أول خناقات الشوارع ،، لحد الحروب !!
....

اللي بيجيبوا نمر حلوة في الثانوية العامة دول
هما هما اللي كانوا بيخلصوا طبقهم
هما هما اللي بيدخلو كلية قمة وبيشتغلوا في شركة مالتي ناشونال
ومعاهم لاب توب وعربية
واتجوزو
وجابو بنتين وولد

ومبيعملوش اي حاجة في الدنيا
غير انهم محطوطين وبيسمعوا الكلام وبس !!

....

في ناس لما بتقابلهم
من كُتر ما انت مشدود ليهم
بتحس إنك لو سبت نفسك هتخبط فيهم !!

....

* هما خايفين تحبيني ، عشان كدا بيشككو فيا
- وانت ايه اللي خلاك تحس بكدا !
* عشان في حاجة بدأت بيني وبينك
حاجة انتي عارفاها وحساها كويس
لو عاندتيها هتغلبك
متضحكيش علي نفسك
انا متاكد انك هتحبيني زي ما انا هحبك
دا لو مكنتش ابتديت احبك فعلا !

....

تفتكري الواحد بيشوف حياته كلها قبل ما يخبط في الأرض ؟؟

....

* تفتكري هنسميه ايه ؟
- مش بدري ع الموضوع دا ؟
* بس موضوع الاسم دا لازم اكتر حاجة هنركز فيها
اكتر حاجة هتلزقله في حياته
وبعدين
افرض اخترناله اسم مش عاجبه
هنبقي عملناله مقلب مالوش لازمة
..
انا بقول منسميهمش !!
- وهنندهلهم ازاي ؟
* احنا نسمي عيالنا ارقام
وهما لما يكبروا يسمو الاسامي اللي هما عايزنها ..
- طب ليه متختارلهوش انت اسم حلو ؟
* انا مش عايز اجبره علي حاجة
وبعدين يكبر ميعجبهوش اسمه يجي يتخانق معايا وهو قافش
مش كفاية هنجيبه بالعافية من غير حتي ما يختارنا احنا !!

* عايزين نبقي للكابتن اللي جاي دا مثل أعلي

....

احنا ليه بنتفرج كل يوم علي ناس بتقطع بعضها ؟؟

....

تسمعي عن الـ ديجافو !!
مش ساعات بتشوفي حاجة بتحسي انك شفتيها قبل كدا هي هي بالظبط ؟؟
دا مجرد احساس
خلل بيحصل في المخ في ثانية
ماهواش لا حلم ولا أحداث بتتعاد !!

- أنا متأكدة .. الحاجات هي اللي بتتكرر أنا مش مجنونة !!

....

ليه اخبار امبارح نفس اخبار النهاردة !!!

....

أي حد هيفضل باصص وراه
لازم هيخبط في اللي ادامه
بصي ادامك
:)

....

كانت أول مرة اعمل حاجة عايزة اعملها بجد !
ولقيت الاحساس دا حلو اوي

....

أكيد الناس لما بتموت بيبقو باصين لنا وحاسين بينا
اكيد شايفنا اغبية
عايز يكلمونا يقولولنا متضيعوش لحظة في حياتكم بتعملوا حاجات فاكرين ان حد جابركم عليها
مش عيب ان الواحد يفكر في الموت
بس لو فكرنا صح
هنلاقي الموت كل يوم بيدينا هدية
بيقولنا اتفضلو
هتأخر عنكم يوم كمان
اتبسطو فيه ، اعملو فيه اللي نفسكم فيه !
متسيبوش حاجة في نفسكم
مين فينا متأكد انه هيعيش لحد بكرة !؟

....

وفي لحظة كل حاجة وضحت ادامي !

....

انا عايزك ترجعي لامبارح وتفكري فيه كويس
لأن هو دا اللي هيوصلك لبكرة !!

....

أبطأ وقت ، هو الوقت اللي بتبقي باصص فيه للساعة !

....

-عايزة تعرفي ايه ؟
* عايزة افهم !
- وتفتكري دا هيغير القدر !!
* يعني نقف مكاننا كدا ومانعملش حاجة ؟
- ومين قالك انك لو ماستنتيش وقلبتي الدنيا وقعدتيها دا مش هيبقي قدر ربنا برده ؟!!

....

كل ادوية العالم لا يمكن كانت تقدر تشيل الصداع اللي في دماغي !!

....

كان نفسي يبقي عندي الفرصة اني اكتب آخر صفحة ليا في الأجندة
واكتب فيها احساسي الآخراني
ان انا مبسوطة !!

....

~~~~

ملحوظــة
اللي بـ الأحمر دا
احساس شخصي !
كأني بتفرج علي حاجة جوايا او نفسي اقولها او اعملها ..

و
آخــر كلآمــي
ســلآم 
:)




هي ،،
قارورة ضعيفة تخشي انكـسارها
وسكين حــاد تخاف جرح من يمسها

....

اختلاط مشاعر داخل تلك القارورة الضعيفة
التي تبكي ضاحكة وتضحك باكية ..!

أحياناً..
تنظر في مرآتها فـ لا تجدها..
أهي السبب في ذلك؟
ام الظروف ..
ام الحزن التي تهرب منه فيتملك منها؟!
....

هي ..
تحاول السيطرة دائما علي مجري الأمور
احيانا تنجح
وغالباً تفشل !!
....
هي ..
تنظر في مرآتها دائماً
يوماً تجد شقاوة في عيونها اللامعة
وايام تجد نفسها فاقدة لبريق عيونها !
....

هي ..
تجدها قوية جداً داخل أنوثتها ورقتها
وضعيفة جداً خلف صرامتها وجديتها !!
....
هي..
"قارورة " تخشي انكسارها !
و " سكين حاد " تخاف جرح من يمسها !!
....

هي ..
الآن تغير تفكيرها كثيراً
أصبحت تري الكون بمنظور آخر!

في الأمس القريب
كانت متمردة ، تفكر كيف تكون مستقلة ، كيف تكون سعيدة وتسعد أهلها وصديقاتها فقط !
اليوم ..
قل تفكيرها في شخصها
زاد تفكيرها في غيرها
زادت رغبتها في أن يكون لديها طفل صغير تتدلـله وتلاعبه
تشعر به داخلها يكبر رويداً رويداً
يشعرها بالأمان من غدر الدنيا عندما يفيض بها الكيل
!!
....
هي ..
تتمني ذلك اليوم سريعاً
فـ يا الله ..
حقق لها مرادها واستجب لها دعواها
وابعد عنها ما هو قد يعكر صفوها !!







...

بداية كدا
دي يمكن 4 مرة احاول اكتب فيه الموضوع دا
وبفشل في كتابته
والمرة دي قررت اني هكتبه وانشره
بدون ما اقلق ف النص وارجع امسح تاني
هيتكتب زي ماهو
بـ كم المشاعر الملخبطة اللي فيه !!
فـ اللي هيتواضع ويتكرم ويقرأ ، ياخد نفس عميق ويقول يارب =))
واللي مالوش خُلق ولا مزاج للنكد يشرب بؤ مية ويروح مكان تاني =))

...

من كام يوم
وتحديداً يوم 7 فبراير
كان يوم ميلادي :)

صادفت كمية تهاني رهيبة بالعمر الطويل و و و

فـ كتبت ستاتيو ع الفيس قولت فيه
/
ايه فكرة الامنية المعتادة " عقبال 100 سنة فـ أكتر !! "
ياجدعان انا زهقت ولسة مدخلتش ع منتصف العشرينات !
عاوزة اخلص من دلوقتي :)
اللي بيحبني / يدعيلي ارتاح بدري بدري =))

مش عارفة ليه ربطت الراحة بالموت !
يمكن لأن فعلا الموت راحة
يمكن لأني بغبط أي حد بيموت !
بحس ان الدنيا حالياً بيروح منها الناس كويسين
وهتفضل فـ الآخر للوحشين بس !
وأنا خايفة أكون من الوحشين !!


مش عارفة ليه انا معتقدة كدا أوي !!

******

لما سمعت خبر وفاة ابراهيم الفقي
زعلت اوي
ولـ أول مرة بـ أبكي علي شخصية عامة اتوفت !
يمكن أصلا انا نادراً ما بكيت علي حد مات من أقاربي
اعتقاداً مني ان الموت دا هدية من هدايا ربنا للعباد !
كل واحد هيجي عليه الدور
وكل واحد هيحصد نتيجة حياته في الآخرة !
فـ بكائي مش هيفرق معاه اوي
بكتفي بـ الدعاء فقط !

لكن معرفش ليه حسيت بوجع قلب أول ما سمعت خبر وفاته
فتحت صفحته ع الفيس اللي بقرأ فيها مقولاته
وقرأتها وبكيت اوي
افتكرت أيام ثانوي لما كنت بتفرج علي البرنامج بتاعه ع  قناة الرسالة
وطنط جارتنا كانت تقولي الراجل دا بيتكلم كدا ليه بحسه مجنون
كنت بقولها هو مش مجنون جنان العقل وعاقل عقل الجنان !!

كنت برتاح لابتسامته
برتاح لما بشوفه ازاى بيبسط الدنيا
برتاح لما كان بيربط حاجات كتير بيقولها بالدين وبالقرآن والسنة !

انا أصلا بحب التفاؤل رغم حزني أحياناً !!

المهم ..

بعد اعلان خبر وفاته بساعة أو يمكن أقل
شوفت كم الناس اللي بيحبوه وزعلانين عليه
كم الناس اللي بيدعوله بالرحمة والمغفرة

حسيت بفرحة جوة قلبي
أكيد الراجل دا مرتاح دلوقتي !

الموضوع اتقلب عندي
ياتري لما اموت
حد هيفتكرني
حد هيدعيلي
حد أصلا هيزعل عليا !!

فضلت كئيبة طول اليوم
لحد بالليل
لاقيت مها صاحبة مدونة My Nut ♥♥
عاملة لينا تاج ع الفيس
وبتقولنا ممكن تفتكروني وتدعولي وتعملولي حاجة بعد ما اموت !!

حسيت انها قرأت أفكاري
لأول وهلة بكيت
وبعدين حسيت بالخوف
مش الخوف من الموت
الخوف من ..
تصورو مش عارفة الخوف من ايه؟؟

يمكن الخوف من الوحدة !
مع اني عارفة ان اللي ربنا بيحبه مش هيكون وحيد فـ الآخرة
بس خايفة برده يكون ربنا مش بيحبني !

أنا بقيت بخاف من كل حاجة

عارفين احمد حلمي
لما كان بيقول في فيلم آسف ع الازعاج




المشهد العبقري دا
اللي بيلمسني من جوة اوي
" مش هعرف
عشان هبقي لوحدي
وانا مش عايز ابقي لوحدي !
علشان انا علي طول لوحدي "

انا خايفة كمان اكون لوحدي بعد ما اموت !

انا بكره الوحدة
بكره الغربة
رغم ان حواليا ناس كتير
يمكن مش قادرة اوصلهم
يمكن مش قادرين يوصلولي

انا حتي ساعات بحس ان مفيش فرق بين الحياة والموت !

انا حاسة بمشاعر غريبة
أوي

ملخبطة اوي !!

أنا بحبك
يارب
فـ أرجوك
حبني
وانا حاسة انك بتحبني
لأنك دايما بتريحني
واللي بيحب بيريح
وانت بتريحني !
يبقي أكيد بتحبني

لو كانت الحياة راحة ليا
أحييني
ولو كان الموت راحة ليا
توفني

...


أرجوكم
لما أموت ،،

افتكروني بدعوة حلوة :)

~~~~~~~~~~~~


ع الهــامش
//

ليس هناك أغرب من الموت ..

إنه حادث غريب ..
أن يصبح الشيء .. لا شيء ..

ثياب الحِداد .. و السرادق .. و المباخر .. و الفراشون بملابسهم المسرحية ,,
و نحن كأننا نتفرج على رواية و لا نصدق .. و لا أحد يبدو عليه أن يصدق ..

حتى المشيعين الذين يسيرون خلف الميت لا يفكرون إلا في المشوار ..
و أولاد الميت لا يفكرون إلا في الميراث ..
و الحانوتية لا يفكرون إلا في حسابهم ..
و المقرءون لا يفكرون إلا في أجورهم ..

و كل واحد يبدو أنه قلق على وقته أو صحته أو فلوسه ..
و كل واحد يتعجل شيئاَ يخشى أن يفوته شيئاً ليس الموت أبداً ..

إن عملية القلق على الموت بالرغم من كل هذا المسرح التأثيري
هي مجرد قلق على الحياة ..

لا أحد يبدو أنه يصدق أو يعبأ بالموت .. حتى الذي يحمل النعش على أكتافه ..
الخشبة تغوص في لحم أكتافه .. و عقله سارح في اللحظة المقبلة و كيف يعيشها ..

الموت لا يعني أحداً .. و إنما الحياة هي التي تعني الكل ..

نكتة !!


من الذي يموت إذن ؟
الميت ؟
و حتى هذا لا أحد يدري مصيره ..

_ د. مصطفي محمود



...


تحديث 


لسة عارفة دلوقتي " بعد مانزلت البوست بدقايق " خبر وفاة الكاتب الساخر جلال عامر

:(
وبس  بقي
:((

الله يرحمهم جميعاً
:(





مؤلم أن تكون مشاعر البعض مثل قطعة الثلج
باردة قاسية علي من يمسك بها !

عجباً لبعض القلوب
تجد من " بجاحتها " و " قسوتها " و " عدم احساسها " طريقاً لإقتحام القلوب !

بماذا يفكرون يا إلهي
هل يقتحمون قلوبنا حباً !
أم يدمرونها ليعلموننا كيف نكره !

تعجبت مراراً من البشر
كيف يكرهون !
كيف تدخل المشاعر الكريهه إلي قلوبهم ..

اليوم
ألتمست لهم الأعذار
عندما رأيت البعض يعمل جاهداً كيف يجعلك تكره ذاتك وذاته وكل شئ !

لكن الأجمل
أن الانسان رغم ضعفه بداخله قوة كبيرة
ورغم احساسه بالسخط والتمرد والكره
..
إلا أنه سرعان ما يستعيد روحه وحب العالم المحيط به

ومن يقسو ويجحد
عليه أن يتحمل نتيجة أفعاله
فـ لا يشكو ولا يتذمر ولا يرمي اللوم علي الغير
فـ زارع الشوك
لا يحصد إلا شوكـ


...


ع الهــامش
/

استعمل دائما كلمة "من فضلك" وكلمة "شكرا":
هذه الكلمات البسيطة تؤدي إلى تنائج مدهشة... فقم باتباع ذلك وسترى بنفسك ولابد أن تعرف أن نظرتك تجاه الأشياء هي من اختيارك أن تفقم بهذا الاختيار حتى تكون عندك نظرة سليمة وصحيحة تجاه كل شيء.

من اليوم قم بمعاملة الآخرين بالطريقة التي تحب أن يعاملوك بها.
من اليوم ابتسم للآخرين كما تحب أن يبتسموا لك.
من اليوم امدح الآخرين كما تحب أن يقوموا هم بمدحك.
من اليوم أنصت للأخرين كما تحب أن ينصتوا إليك.
من اليوم ساعد الآخرين كما تحب أن يساعدوك.
بهذه الطريقة ستصل لأعلى مستوى من النجاح، وستكون في طريقك للسعادة بلا حدود.

_ د.ابراهيم الفقي

:)


https://blogger.googleusercontent.com/img/b/R29vZ2xl/AVvXsEiCmy6eMT4vv3tP5Yis6GzX55i1Mo3OOudBvBLNdTVtM3VO-_G9c1aBtEealIeG_L45jrbY5YPxWTkbfUvVE-Zq6eZH40qvwltJlqYFEGAVXSzZgpUK4tHpXrpVGAdM-SuT0zec_MgL1nEd/s1600/Ibrahim+elfiky+1.jpg


بما إن الرسول عليه الصلاة والسلام قال :
" إذا مات الإنسان انقطع عنه عمله إلا من ثلاثة : إلا من صدقة جارية ، أو علم ينتفع به ، أو ولد صالح يدعو له "

فـ أنا بقترح اننا نعمل حاجة بسيطة للدكتور ابراهيم الفقي
ألا وهو ..

اننا نقرأله كتاب كل فترة

أو

نشيرله فيديوهات ، أو مقولات دايماً
" دا بجانب الدعاء له وكل الموتي بالرحمة والمغفره "

وياريت نبدأ من دلوقتي

...

دكتور ابراهيم الفقي ترك علم كبير ينتفع به
ودا هيفيده جداً دلوقتي
وانا عن نفسي رغم اني قرأتله كتاب او 2 ومن زمان إلا اني بحترمه جداً
وأثر في شخصيتي في وقت من الأوقات 

وعاوزة نعمل حاجة تبسطه في قبره !

لعل ربنا يبعتلنا حد يعملنا حاجة واحنا في قبورنا !

...

هبدأ من دلوقتي

وأنا عن نفسي بحمل له دلوقتي كتاب " قوة التحكم في الذات " .

ودي صفحة بتنشر مقولات ليه ومحاضراته

محاضرات الدكتور ابراهيم الفقي

دي مدونـة بتنشر أعماله وفيديوهاته برده

مدونة الدكتور ابراهيم الفقي

وأتمني محدش يكسل يعمل حاجة
مش لأبراهيم الفقي فقط
للناس الكويسة اللي أثرت ولو في ناس قليلين منّا !
واللي أثروا ولو بجزء بسيط في الحياة

ربنا يرحم أمواتنا جميعاً
ويرحمنا احنا كمان في حياتنا وبعد مماتنا :)

...

ع الهـامش

بعتذر إني مش ملتزمة بالتدوين اليومي !
وفبراير غيّر رأيي فيه O.o
الأيام كلها بقت شبه بعضها :))

لعله خيـر
و
الله كبيــر



تفسير اللي حصل النهاردة في نقط:-
١_لم يحضر مدير أمن بورسعيد ولا المحافظ المباراة لأول مرة في تاريخ لقائات الأهلي و المصري.
٢_المذيعين اللي ضد الثورة بيطالبوا بإعادة قانون الطوارئ.
٣_الناس نزلت تجري ورا اللاعيبة و الجمهور العادي فضل قاعد في مكانه(أعتقد ان الجنود و ضباط الشرطة مش لازم يلبسوا البدلة الميري علشان نعرفهم).
٤_إطفاء أنوار الإستاد و إختفاء عربيات الإسعاف والأمن بيحمي النجيلة.
٥_نادر السيد: وزير الداخلية مش راضي يرد عليا.. ياتري ليه؟.
٦_مين من مصلحته يعمل فوضي علشان يثبت ان البلد بتولع.
٧_المسؤلين فين؟.
٨_من امتي و الأمن بتاعنا بيسكت لأعمال الشغب؟ ولا هو القوة بتظهر في ميدان التحرير بس!.
٩_ليه معظم اللي ماتوا من ألتراس أهلاوي اللي بينزلوا في المظاهرات.

"أعتقد كلنا عرفنا مين السبب في اللي حصل"

"يسقط يسقط حكم العسكر"

(معرفتكش أنا بقي كده)

~~~~~~~~

النهارده ذكرى خطاب مبارك .. انا او الفوضى
وذكرى ليله موقعه الجمل .........
فرحت الاعادى فينا ياشعب مصر
مبروك ليك يا مبارك
والدليل
بعد خطاب الاخير للمشير بخصوص الغاء قانون الطوارئ
فى غضون 5 أيام حدث الاتى :
1- سرقة بنك HSBC فرع التجمع
2- سرقة سيارة نقل اموال فى التبين
3- سرقة مكتب بريد حلوان
4- سرقة نزل كبار مسنين بحلوان
5- سرقة شركة نقل اموال فى مدينة نصر
6 - انباء عن سرقة التوحيد والنور فى حلوان
7-سطو مسلح اليوم جديد في عباس العقاد
8- فوضي في ملعب بورسعيد و حدوث وفيات
عمليات فوضي ممنهجه و وزير الدخليه امبارح يقولك أنا محتاج قانون الطواريء ! ! للأسف فيه لعبه كبيره بتحصل أكبر من الماتش وأكبر من كل عمليات السطو إلي حدثت

" معرفش المصدر لأني لقيته منتشر ع الفيس ! "

~~~~~~~~

حزينة يا مصر \ يا أرض العِبَر
يا مَهد البلاوي فـ ماتشات الكِوَر
شَعبِك تهَوَر
أمنِك [ مِكَبَر ] ..ـ
قتلى
و جرحى
بقوا زي المَطَر !!
حزينة يا مصر !
حزينة يا مَصر \ يا أرض العَبَر

" كلمات عزيزة علي  ( لايكـ صفحتها ) "

....

مصـــر بتتحــَرق // يالهوواااي !! :(

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات