كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


 * مللتُ التظاهر بأني غير قابلة للكسر
_ ( سارة درويش )
~~~~~

تعبت من اخفائي لجروحي والآمي
تعبت من الابتسامة التي تُخفي الكثير من الوجع

...

أنا مكسورة

نعم

كسرني الحزن الذي يقتحمني بقوة
كسرني الفراق الذي أخشاه
كسرني الألم 
كسرني البكاء المخفي خلف الابتسامات الشاهقة !

...

نعم اثق في الله
وثقتي هذه تداويني احياناً وغالباً وابدا

ولكن في داخلي شرخ عميق
اخشي ان يزيد
فتظهر كسوري
التي أحاول جاهدة الا اظهرها !!

بالرغم من اني حقاً
~
مللت التظاهر بأني غير قابلة للكسر


~~~~~
* ازاي في عالم كله معمول من ازاز ماتترعبش لـ كل حاجة تتكسر !!
_ (أحمد العسيلي)

10 CoMeNTaToOoOoZ:

غير معرف يقول...

بعد الشر عنك

سواح في ملك اللــــــــــــــــــه- يقول...

اعلمي انكي انسان

يخطئ ويصيب

يمرض ويشفي

يًجرح ويُجرح

يصعف ويقوي

فكلنا ينكسر

وكلنا يقع وكلنا يستطيع القيام ان اراد

فالله خلقنا هكذا

aya mohamed يقول...

بعد الشر عليكى يا حبيبتى
احنا مش بننكسر احنا بنحس كدا بس
علشان نقوى على اى حاجة تحصلنا ونقدر نواجها
عجبنى جدا تصنيفك احزان ستفنى بامر الله
" واستعينوا بالصبر والصلاة وانها لكبيرة الا على الخاشعين "

Bent Men ElZman Da !! يقول...

بعد الشر عليكى من الكسر يا ريمو
لازم فترات تعدى علينا كده نكون حاسيين اننا مكسورين من كل واقل حاجه
بس بتعدى مع الوقت مهما كانت قويه
الحزن بيبدأ كبير ومع الوقت بيصغر
ربنا يبعد عنك اى حاجه وحشه :))

نيللي علي يقول...

حبيبتي ماتستلميش للحزن..
أقوي..
وربنا يفرح قلبك ياحبيبتي.

صبح يقول...

هي لحظات و لحظات لحظات قوة و اخرى بضعف

استمتعي بكلاهما في القوة ارتاحي و في الضعف اعملي لكسر ذاك الضعف باللجوء لرب الخلق و ستجدين القوة في القوي و في ضعفك تقتربين منه و ترتقين ..

دمت بود و دامت لحظات قوتك عزيزتي

ستيتة يقول...

بس تعرفي
الإنسان مش مصنوع من زجاج
رغم انه بيتكسر
ولما بيتكسر بيرجع يتبني تاني
ومش بيتلزق بأهو ولا بأمير
لأ
بيرجع بري نيو
ولعلمك
ساعتها بيكون اقوى
مش كلام كلاشيهات
لأ فعلا بيكون أقوى
بياخد وقت وبيتوجع وجع قابل للنسيان
وبيبان وكأنه ميت حتة ويستحق الرثاء
لكن كالسحر يداويه الزمان
وتلاقيه أحلى من الأول
عمرك ما شفتي حد كبير وقلتي شكله أجمل من وهو صغير؟
فكري كده؟
فنان مثلا او كاتب او حد من العائلة شفتي ألبوم صوره
فيه جمال بيكسي الوجوه المبتسمة رغم الألم
وفيه بهاء بينبت من الأرواح الراضية المتفهمة
وفيه حياة يا نفهمها ونديها حجمها "أد علبة الكبريت" يا إما تتطلع لينا لسانها وتقول فاتك الجمال في انتظار الألم يا حلو

تحياتي

мαησηα يقول...

سالخيييييييييير عليكى يا ريمو :)

اولا وحشتينى جداااا جداااا فوق ماتتخيلى

وحشنى جنانك العاقل يا حلوتى انا

ثانيا حلو ديزاين المدونة الجديد عسووول

بشكل فظيع :)

ثالثا : بقه ماعاش ولا كان اللى يكسرك

حبيبتى انا

جميل البوست لمسنى اوى

بس تعالى نقول كلمتين مجنونتين

ينفع اتكسر وانا حواليا ناس بيحبونى ومش

هيبقوا مبسوطين لو انا اتكسرت ؟؟؟

تعالى نقولكلمتين كمان

ينفع اتكسر وانا اصلا اقوى خلق ربنا اللى

بعون الله مافى حاجة تقدر تكسرنى ؟؟؟

طيب بلاش دى يا بنتى دى انتى تنتمى لنون

النسوة :)

وما ادراكى بنون النسوة

ان كيدهن عظيم :)

ايه بقه يقدر عليكى وانا بحبك وغيرى بيحبك

وربنا خلقك قوية اوى وكمان كيدك

عظييييييييم

صلى على النبى كده وروقى وبعد الشر عليكى

حبيبتى من كسرة النفس

انا بتحبك بقه :)

amiraali يقول...

بعد الشر عليكي...انا حسه نفس احساسك ده..وفي الفتره دي..بس بحاول مسبش نفسي للحزن والانكسار والاكتئاب...ان شاء الله تكوني كويسه وبخير

Baskouta يقول...

بنتكسر علشان نتفشفش حتت كتير والحتت الكتير تتبعتر في اماكن كتير وبعدين نرجع نلملم بعضنا تاني بس المرة دي كل حتة رجعت ومعاها حاجة جديدة جابتها من المكان اللي سبق واتفشفشت فيه

بنتكسر علشان نعرف حاجة جديدة او تكبر فينا حاجة جديدة او نبقى بشكل جديد

ربنا يطبطب عليكي

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات