كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )





انك تقرأ
مش معناها انك بتتسلي
مش معناها انك بني آدم فاضي ومش لاقي حاجة تعملها
مش يعني حابب تعمل فاهم وتقول اسامي كتب وكُتاب مجعلصين وخلاص

القراية
يعني روح

كل كتاب بتقراه
لاء مش كل كتاب
كل جملة بتقراها
وليها معني
دي روح بتسكن جواك
دي خبرها بتكتسبها
وحياة بتعيشها
ومكان بتزوره
وعمر بتقضيه بحاجة مفيدة

بحب اوي مقولة عباس العقاد
اللي بيقول فيها
لا أحب الكتب لأنني زاهد في الحياة .. ولكنني أحب الكتب لأن حياة واحدة لا تكفيني..
ومهما يأكل الإنسان فإنه لن يأكل بأكثر من معدة واحدة ،
ومهما يلبس فإنه لن يلبس على غير جسد واحد ،
ومهما ينتقل في البلاد فإنه لن يستطيع أن يحل في مكانين.
ولكنه بزاد الفكر والشعور و الخيال يستطيع أن يجمع الحيوات في عمر واحد،
ويستطيع أن يضاعف فكره وشعوره و خياله ، كما يتضاعف الشعور بالحب المتبادل , و تتضاعف الصورة بين مرآتين

فعلاً بحس كل حرف بيقوله فيها

انا بقي كنت ميتة لمدة كام شهر
معقول مكنتش بقرأ كتب !!

يمكن اللي كان مصبرني ومخليني عايشة
اني كنت بقرأ تدوينات اصحابي
كنت بقرأ مقتطفات من علي صفحات الفيس بوك

القراءة يعني حياة
مش تضييع وقت

للي مش بيحبو يقرأو
اقرأو حتي لو عناوين
جمل قصيرة

بس لو عينيكو جات علي حاجة جواها معني
عيشو فيها
دي فرصة كبيرة ادامك
انك تعيش اكتر من حياة
وتستمتع بكل حاجة حواليك أكتر من مرة
وتتعلم من غير ماتبذل مجهود

الخبرة ممكن تكتسبها من القراءة
مش شرط التعامل مع الناس والمواقف بس هي اللي بتكسبك خبرة

اصلاً بستغرب يعني
احنا ازاي ( أمة اقرأ ) وأغلبنا لا يقرأ
!!

اتمني اني ان شاء الله مبعدش عن القراءة تاني
وأعود ولادي علي القراءة
من قبل ماتيجو اهو بقولكم
هتقرأو من دلوقتي اذا كان عاجبكم بقي
:D

وشكراً لاصحابي الحلوين اللي بيشجعوني ع القراءة
سواء اصحابي زمان اللي دلوقتي مشغولين في الامتحانات او اختفو شوية
واصحابي دلوقتي اللي رجعوني لايام زمان فعلا
:)

~~~~~~~~~~~~

ملحوظــة نسيت اقولها امبارح
بوست امس واليوم وغداً
تبع حملة
دون لصورة


9 CoMeNTaToOoOoZ:

Unknown يقول...

جميـــــــــــلة :)

سواح في ملك اللــــــــــــــــــه- يقول...

القراءة عموما جميلة

ولكن عيبي اني لااحبذ الكتب الكبيرة

هي حكاية وقت بس

rona ali يقول...

انا عندى عيب في قرأة بوستات طويله بضطر اقسمها زى الكتب

علي فكره بابا دايما كان بيقرأ بس عمرة ما علمنى ان انا اللي اقرأ عنده فكر ان يسيبنى اعمله اللى يعجبنى
بس انا علمت اقرأ وحابيت مجال معين مهم كمان تحددى اكتر نوع في القرأة بتحبي علشان تستفادى اكتر

طبعآ من الاصحاب اللي بيشجعوكى تقرأى حالبآ ^_^ هع

Miss LoZa يقول...

القراءة يعنى حياة !
جملة لخصت كل حاجة اصلا
أنا بحب اقرا لانى بتحط فمود كده مش بعرف أوصفه اصلا من جماله
ولما الكتاب بيخلص ببقى زعلانة أوى وبتمنى أنه يبقى أطول اصلا :(
ييمى حلوة اوى دى :)

Bent Men ElZman Da !! يقول...

لخصتى فعلا احساس القرايه
انا كمان زيك القرايه بالنسبه ليا حياه بتفرق معايا اوى وبتخلى مودى احسن وخصوصا اوى بقى لو الكتاب اللى بتقريه حلو دى بتبقى حاجه احلى واحلى كمان
وفوق ده كمان الفايده اللى بتعود عليكى من القرايه لان مهما كان بتقرى حاجه بسيطه او سريعه او من وجهه نظر البعض تافهه ومش حلوه فا انتى فى النهايه بتطلعى بمعلومه حتى ولو صغيره
فعلا القراءه حياه :))

نيللي علي يقول...

مش هقول أكثر من أن كلامك عن القراية حببنى اكثر فى القرايه اكثر من بحبها.
كلامك عن القراية بيدل على مدى حبك وانسك بيها

برافو ياريموووووووووو

فراشة يقول...

دي فرصة كبيرة ادامك
انك تعيش اكتر من حياة

عجبتني قوي قوي الجمله دي
ببقى هايت عليا أقول لآي حد بشوفه مش بيقرأ
إنت إزاي عايش كده

وفعلا فعلا القراءة حيااة
ربنا يديمها علينا نعمة يارب :)

Unknown يقول...

عندك حق , كلام جميل بجد

Tamer Moghazy يقول...

اجمل لحظات في حياتي باقضيها وانا باقرأ
وكل ما اكون رايح مكان وخايف اللي باعملة ياخد وقت كتير اخد معايا كتاب يطمني اني مش لوحدي ..

فعلا.. القراءة يعني حياة.

بوست مشجع جدا :)
صباحك امل وتفاؤل :)

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات