كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )



ساعات بسأل نفسي
هو التناقض دا وحش ولا حلو
يعني ميزة ولا عيب
يعني افتخر بيه ولا اغير نفسي وابطل تناقض

لما بحاول ابطل التناقض اللي فيا بحس اني مش طبيعية

وبعدين انا متناقضة في ايه؟

اعتقد
ان كل شئ انا متناقضة فيه
سمة من سمات البشرية

انا متناقضة
اذا انا طبيعية


................

عن أعقل مجنونة



اسم المدونة المتواضعة اللي حضراتكو قاعدين فيها دلوقتي !

ثم ..
وصف المدونة

" مجنونة بس بعقل
وعاقلة بس بجنان "

هوصعب اني ابقي كدا؟

لازم ابقي مجنونة فـ أشد في شعري؟
وعاقلة يبقي صوتي ميطلعش ومعملش اي شئ خارق

ليه متجننش
بس بعقل
بهدوء
برزانة

وليه معقلش
بجنان
وبطفولة
وبشقاوة

!!!

................

عن التفاؤل واليأس
والحزن والفرح



معظم الناس اللي بتعدي ع المدونة الغلبانة دي
غالباً
او مؤخراً
" زي ماتحبو بقي "
ملاحظين حالة الحزن واليأس اللي انا بكون فيها
ومعظمكو
أخدتو فكرة عني اني أميل إلي اليأس والحزن أكتر من الفرح والتفاؤل

محدش أخد في باله ان في معني دايماً بحاول اوصله بمختلف الجمل في كل بوست حزين بكتبه
" يارب متوصلنيش لحالة اليأس ! "

اختلفت الجمل والمعني واحد
" وشوفو هنا اكتر المواضيع حزن وعيدو قرائتها اذا حبيتو ولاحظو المعني اللي في بطن الزير^_^  "

فـ هنا نقدر نقول 
أن
الاصل
التفاؤل
والصورة
اليأس

زي العملة
بوجهين

ملك وكتابة

ميزان
لما كفة الحزن واليأس بتنزل
صفارة بتطلع صوت مزعج
وهنا بيحصل الصراع
اللي هو صورة من صور التناقض

مين اللي هيكسب
اليأس والحزن ولا التفاؤل والفرح؟

طب مين مننا ممرش بلحظات حزن وفجأة اتقلبت لفرح !
ومين ممرش بلحظات فرح اتقلبت حزن !!

ومين في الحالتين مقالش الحمدلله !!

مش دا تناقض بشري حلزوني طبيعي؟

................

عن رحمــــــــة


من أهم الحاجات المتناقضة فيا برده

اني اسمي رحمة
!!

وما أدراكم
التناقض اللي جوة تلك الـ " رحمة " ..!!

لما بزعل
بتعب
بتخنق
بيأس


بتقلب لـ عـــذاب

!!!

ودا نوع آخر من أنواع التناقض
بس دا انا متفردة فيه بصراحة
!!

................

سـ أبحث عن التناقض بداخلي
واللي أحس أنه مش طبيعي
هامسحه بأستيكة

بس لحد دلوقتي
انا افتخر


اني
أعقل مجنونة
و
متناقضة أحياناً وغــالباً
و الأهم
اني
رحمـــة


والبقية من المحتمل أن تـأتي !!
:-)

................

وكالعادة
بما اني بتكلم عن التناقض
يبقي لازم نسمع الأغنية الجاية دي ^_^



ووو ...
آخــر كلامــي
سـلآم 
:-)


11 CoMeNTaToOoOoZ:

سواح في ملك اللــــــــــــــــــه- يقول...

احيانا التناقض بيبقي اجمل مافي الانسان

المهم نحافظ علي شعرة التوازن

اللي تخلينا لانجنح يمين ولانميل شمال

لكل انسان نصيب من اسمه

تحيتي يارحمة

Hadeer Ghattas يقول...

فـ هنا نقدر نقول
أن
الاصل
التفاؤل
والصورة
اليأس

أعجبتنى تلك كثيراً...

لا بأس..

فمن منا لا يمر بحالة يأس؟؟

فما هى إلا لكى ندرك روعة الأمل..

أبدعت...

شيرين سامي يقول...

كلنا هذا الرجل :)
أنا بحب أوي أغنية (صألت نفسي كتير ما رسيتش يوم على بر) بحس إني فعلاً جوايا خمسميت حاجه مالهمش دعوة ببعض :)

بس جميل على فكره لو موصلش لمرحلة الصراع...و متعب أوي لو وصل.

إسمك بجد مفجأة :)...مفجأة جميله أوي

تحياتي يا رحمة يا أعقل مجنونه

amiraali يقول...

ليه متجننش
بس بعقل
بهدوء
برزانة

وليه معقلش
بجنان
وبطفولة
وبشقاوة
عجبتني اوي ... تسلمي

منجي باكير يقول...

ما أعجبني هو سِمة الالأريحيّة و طبيعيّة الطرح

و أخذ الأمور ببساطتها ...

تحياتي

منجي باكير

منجي باكير يقول...

ما أعجبني هو سِمة الالأريحيّة و طبيعيّة الطرح

و أخذ الأمور ببساطتها ...

تحياتي

منجي باكير

خالد ناجى يقول...

كلامك مظبوط واعتقد ان التناقض ده سلوك بشرى

وانا بحب الاغنيه دى جداااا

Bent Men ElZman Da !! يقول...

طب بجد التناقض ده جميل اوى على فكره
بيخلى الواحد مش يحس بالملل من نفسه ولا من اى حاجه بيعملها
شويه يروح يمين
وشويه يروح شمال
المهم فى الاخر ان مش يبقى فى ندم على اى تصرف فى اى لحظه من لحظات التناقض

rona ali يقول...

هو انا عمري ما قلتلك ان بوستاتك الحزينه مصحوبه بامل من جواه
ادينى بقولك ^_^

الاغنيه دى بحبها

التناقض جوانا كلنا
خاصه موضوع ان سمه من سماتنا
يعنى مينفعشي متكونيشي كدة
في اللحظه اللي بتتنقلي منها من حزن لفرح في تناقض

بس علي فكرة لما ببتنقلي من شئ وحش لحاجه كويسه اعتبريها طيبه وخير جواكى

بس يلا حاجه اكسكلوسيف ليكى
الفكرة في التناقض
بيعرفك الفرق بين احساسك في
حاجات كتير ممكن في نفس اللحظه
وممكن في نفس الساعه
واحلاهم لما تجربي كل راي
انتى كنتى بتقولى لاء مش عيزاه
ومش هعمل زى فلان
وتلاقي نفسك بتعملى زيه
ساعتها بتعذري البشر
وممكن متحكميش علي حد من رايه
الفكرة في التناقض بيخليكى تعرفي نفسك
احسن من غيرك
مفاتيحك غايتك اللي يرضيك
بدليل انك في البوست بتكلمى بسلاسه عن نفسك الي حد ما فيها رضا

مستنيه ردك عليا بقي صح ولا ؟؟؟
وضيفيلي علي فكرةالتناقض بقي احنا ممكن نعمل موضوع فكرة عنه انا وانتى ^_^

سواح في ملك اللــــــــــــــــــه- يقول...

ده رابط عن التناقض

http://sawahmasry.blogspot.com/2011/04/blog-post.html

مصري جدا يقول...

كل الحريمات كدا

عادي يعني

بس أحنا الرجاله بنسميه لسعااااااااااااااااااااااااااااان

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات