كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


في عز الضلمة
موجود سبحة
وسجادة صلاة
و دموع
و ايد مرفوعة
و قلب بينزف
و لسان بيقول
يارب
ابعتلي آية
ابعتلي رسالة
طمني
ان الفرح جاي
يارب
ريحني
بإنك بتحبني
وان اللي أنا فيه دا
ابتلاء
وهينتهي قريب
يارب
متخلنيش ايأس

في عز الضلمة
الدموع بتزيد
وآهــة القلب بتوجع أكتر

في عز الضلمة
وفي عز طلب الرسالة من ربنا
اسمع صوت الكروان
اسمع دعائه
وكل مرة ابكي أكتر
اسمع صوته بيقرب أكتر

وانتهي اليوم
وربنا استجاب
دعاء الكروان

وفي عز الضلمة
بتظهر نقطة نور

شكراً يارب

11-11-2011

11 CoMeNTaToOoOoZ:

rona ali يقول...

كل مرة تخدعينا وتقولي تخاريف

بطلى الحركات دى

جميله اوى يا ريمو

اكيد في فرحه جايه انا هصلي الفجر وادعى اهو وربنا يسهل

واكيد بكرة احلى انتى انسانه جميله من جوة ومن برة :):)

خالد ناجى يقول...

وفي عز الضلمة
بتظهر نقطة نور


جميل جدا ..شعور ان ربنا معانا دايما

سلمت يداك :)

سواح في ملك اللــــــــــــــــــه- يقول...

شكرا لله

الف حمد وشكر له

Ramy يقول...

شكراً

يااااا رب

zay maTigy يقول...

ياما استنيت بقعة لانور اللى بتظهر وسط الضلمة
:(
صوت الكرواان ..
بيمثلى مليون حاجة وحاجة
اهمها انه بيفكرنى باغلى واحلى فترة مرت عليا ف حياتى
لما بسمع صوته وسط الليل بحس انه بس جاى عشانى
تلاقيه جالك بالغط المرادى :-p هههههههه بوست جممميل وفى خليط غريب وممتع من الاحاسيس
ابدعتى :)

Bent Men ElZman Da !! يقول...

جميله اووووى
دايما فى عز الضلمه بنلاقى حاجه تخلينا نعيش ونفتح ونشوف
عشان نقول الحمدالله

تسلم ايدك يا ريمو :)

Miss LoZa يقول...

عجبتنى اوى
ريحني
بإنك بتحبني


وفي عز الضلمة
بتظهر نقطة نور

بجد عسولة جدا اوى اوى
بوست كميل يا ريمو :)

amiraali يقول...

البوست جميل اووووووي ...تسلمي

nona elsha3nona يقول...

شكرا على المشروع
وشكرا انك فكرتيني ان لسه فيه بصيص من الامل ويجعله عامر

شيرين سامي يقول...

مفيش أجمل من نقطة الأمل بتكون شمس للي محتاجها بجد
جميله أوي تسلم إيدك :)

بحب التفاؤل ده جداً

أرق تحية لكي

Angham Salah يقول...

جميييييييييييييييله
وانا مستنيه نقطه النور يا ريمو

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات