كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )



عيب التدوين اليومي 
ان ممكن تكون دماغك فاضية
طااب هاعمل ايه النهاردة يابووووووي؟؟

يا اما بدور ع حاجة قديمة اعيد نشرها !
يا اما بدور علي حاجة كنت كتباها ومنشرتهاش اصلا
يا اما بتغطي وبنام ^_^

النهاردة كنت هنام بصراحة
وكان منظري مش هيبقي ظريف ع الآخر لما من اولها هـ أنتخ كدا <_<
بس وانا بقلب في الكمبيوتر كدا
لاقيت شوية تخاريف
في الغالب كنت بنشرهم ستاتيوهات ع الفيس -_-
أو بكتبهم لما بكون عايزة اكتب وماليش مزاج احط حاجة علي المدونة :|

يالا اهي حاجة تسد النهاردة والسلام

الحاجات دي مش فاكرة تواريخها
لأني اتفاجئت بيها في نوت مكتوب عليها تخاريف !!!!!!!
زودت عليها شوية حاجات
وهنشر نصهم النهاردة ونصهم التاني بكرة ان شاء الله

بلا رغي بلا بتنجان
هادخل في التخاريف بقي
مع العلم ان الحالة النفسية تتفاوت من تخريفة للتانية !!

وتصبحو علي خير :D

................


تحدي ..
بيني وبين نفسي
ياتري منه هاعدي ؟
ولا هرجع تــاني ليأسي!



__ نفسي في مطر__
ميبينش عيوني
يمسح همومي
تنزل دموعي
تغسل ذنوبي
__ نفسي في مطر __



أوقــــات
بيكون فيها آهــات
وسـاعـآت
تعلي صوت الضحكـات
فـ النهاية
بتعدي كل الاوقـات
وبتفضل الذكريات
والتحديات
والابتسامات

http://t0.gstatic.com/images?q=tbn:ANd9GcStN1P19C7fqSUI1wlJ4FwuU0Y_akNWd80QLiE6-Y8Gncc53UPhckzs2F2V4g

افرح جدا .. عندما اخطئ
لانني اكتسب حصانة ضد هذا الخطأ
لانني املك الخبرة بعد هذا الخطأ



معذبتي الصغيرة ..
كفي ما انتِ فيه !
اصابتك الشيخوخة مبكراً
كفاكي حزناً .. كفاكي مرضاً



نظرتْ (هي) في المرآة ..
فوجدت شخصٌ اخر لا يشبهها !


................

خلص الكلام
وبعد ماقريت الكلام دا
اللي كتبته أكيد علي مراحل زمنية مختلفة !
ليا حق أقول اني متناقضة ولا لاء :D؟

انا متناقضة .. وافتخر ^_^


12 CoMeNTaToOoOoZ:

Miss LoZa يقول...

ايون شطورة كده مدونة نشيطة :D
التناقض اهم صفات الناس العاقلة
لذا انا كمان
متناقضة وافتخر :D

rona ali يقول...

إيييييييييييييييييه دونيـــــا

يابنتى هدى اللعب علينا كل ما اشدك

لجزء بتاعى تجبينى تانى لجزء بتاعك

فهمتى حاجه

Hadeer Ghattas يقول...

جميل أوى الكلام..

رائع تصويرك لاختلاف الفتاة من حين لآخر بأنها حتى لم تعد تعرف نفسها فى المرآة ^_^

أسلوبك مميز كتير وبيشد فعلاً..

أبدعت..

Unknown يقول...

نظرتْ (هي) في المرآة ..
فوجدت شخصٌ اخر لا يشبهها !


دى عجبتنى اوى اى حاجة بتكتبيها بتعجبنى

Radwa Ashraf يقول...

كلنا فينا التناقض ده
و هو ما يجعلنا مميزين :)
عجبتنى تخاريفك جدا !!
و فى إنتظار الجزء التانى ^^

amiraali يقول...

تحففففففففففه بجد....

Unknown يقول...

هههههههههه

بغض النظر عن المقدمه والنهايه ..الا ان الفقرات جميله
:)

Bent Men ElZman Da !! يقول...

حبيت اوى بتاعه المطر
والخطأ

"فـ النهاية
بتعدي كل الاوقـات
وبتفضل الذكريات
والتحديات
والابتسامات"
صح كله بيعدى
ومش بيبقى غير ذكرياتنا

وايه يعنى لما تبقى متناقضه
كفايه انك فخوره بكده :D

Reem يقول...

معذبتي الصغيرة ..
كفي ما انتِ فيه !
اصابتك الشيخوخة مبكراً
كفاكي حزناً .. كفاكي مرضاً


جميلة و مش عيب انك تبقي متناقضة دي طبيعة جامدة..جدي!!

اقصوصه يقول...

تدوين يومي

يا بختك!!

انا احاول التزم بالتدوين الشهري

وما نجحت الى الان!!

nona elsha3nona يقول...

حلوين على فكره وبرافوا بنوته نشيطه

nona elsha3nona يقول...

حلوين على فكره وبرافوا بنوته نشيطه

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات