كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )

http://a4.sphotos.ak.fbcdn.net/hphotos-ak-ash4/s320x320/297795_204076876329550_137879312949307_425065_1047361087_n.jpg

اليوم

حداد

اليوم

امتنع عن التدوين

اليوم

هقول حاجة واحدة

كل حاجة بتتعاد بالظبط
مابين مؤيدين ومعارضين
مابين أيادي تقتل ، ودماء شهداء !
مابين اشاعات وحقايق " وفي الحالتين المرارة في خطر ! "
وو

مش هرغي / مش عايزة اكتب كتير
،،،
المهم ..
الدعاء يغير القدر
فـ لندعــو الله أن يحفظ مصرنا


السعادة مطلب نسعي إليه .. الحزن يفرض نفسه علينا
الراحة مطلب .. التعب فرض
الحرية مطلب .. القمع فرض
الديمقراطية مطلب .. الديكتاتورية فرض
الايجابية مطلب .. السلبية فرض 
العلم مطلب .. الجهل فرض
الحب مطلب .. الكره فرض

............

باختصار

ليه كل حاجة حلوة في حياتنا بنسعي ليها وياتيجي يامتجيش !
لكن الوحش دايماً فارض نفسه علينا ، ومهمها حاولنا نبعده عننا بيجي الوقت اللي يقتحمنا فيه ومنقدرش نقاومه !





مش علشان بنسامح
وبنعمل نفسنا ناسيين جروحنا القديمة
ومش علشان احنا مبنتكلمش
تبقي الناس ملايكة
مبتغلطش فينا
واحنا اللي بنستهبل وشياطين

مش علشان بنحب الناس اللي حوالينا
نفرض نفسنا عليهم
بالذات لو حسينا انهم اتخنقو مننا
وكل شوية بيتحججو علشان ميكلموناش !!

مش علشان طيبين
نبقي اغبيا

ومش علشان حنينين
يبقي ملناش ضوافر؟؟

ومش علشان قلبنا كبير
نملاه بالتفاهات والحاجات الوحشة !!

ومش علشان في حاجة ممكن تعكنن علينا مزاجنا
نزعل ونقلبها حزن ونكد وعياط !

.......

خليك أستك

:)
وشوفو اللينك دا
_ دووس هنــآ _


.......

وهدية مني ليكم
ألبوم صوتي لعمر طــاهر
" دووس وحمــل "
تحفــة بجد وحقيقي

شكراً للجميلة بنت كليتي العزيزة " زينب فرحات " انها عرفتني بيه


وآخـــر كــلامي
..
ســلآم

:-)











من الملاحظ مؤخراً وجود طفرة في الاعلانات المصرية

في اعلانات أول ما بشوفها الابتسامة بتملي وشي

واعلانات أول ما بتبتدي بس ببقي عايزة ... اعععععععع

بس حالياً

في اعلانات تستاهل التفكير

تستاهل التأمل

تستاهل اني اتفرج عليها

............

رغم اني مش محبة ومتابعة للتليفزيون أوي ..
لكن فعلا
في اعلانات ممكن تشدني ، واعلانات غالباً هتشلني !!

بلاش اتكلم عن الشلل :D

لأني اتكلمت عن جزء منه قبل كدا " هنــآ "

............

خلينا في الايجابية

وشوفو الاعلان دا

رسم علي وشي ابتسامة عريضة وخلاني مبسوطة
حسسني بالخير اللي لسة في الدنيا .. رغم الحزن اللي بيحاول يفرض نفسه علينا !!






واضحكلها
..
تضحكلك
:)


البرد حلو
لما يكون دفا القلوب موجود
بالمشاعر الرقيقة
بالحب
بالحنان
بالجمال

........



وألم
لما القسوة تملي كل الوجود
وقتها قلبك هيبرد
حتي لو في عز الصيف !!



( نظراً لحالة الأنتخة مرة أخري ،، إعادة نشر لإحدي التدوينات السابقة بمناسبة الشتــاء والبرد الممتع )

http://sphotos.ak.fbcdn.net/hphotos-ak-snc4/hs408.snc4/47151_460683326762_386178881762_6376914_2454154_n.jpg

أعشق الشتــاء
وأنتظر هطــول الامطــار
فـ في نزول المطر علي الأرض شعور يريحني
يطمئني بأن الدموع لا تبقي
فبعد الدموع تأتــي الراحة
كما الاستقرار المنعش بعد توقف الأمطــار



الشتــاء عمره قصير مهما اشتد برده
كــالحزن ..!!
مهما نخر في القلب .. فعمره قصير أيضــاً .


أيهــا الشتــاء
أمتعني بوجودك ..
وذكرني برحيلك ..
فـ أنا بحــاجة إلي بردك
كمــا أنتظر راحتي بعدك !
 


ساعات بسأل نفسي
هو التناقض دا وحش ولا حلو
يعني ميزة ولا عيب
يعني افتخر بيه ولا اغير نفسي وابطل تناقض

لما بحاول ابطل التناقض اللي فيا بحس اني مش طبيعية

وبعدين انا متناقضة في ايه؟

اعتقد
ان كل شئ انا متناقضة فيه
سمة من سمات البشرية

انا متناقضة
اذا انا طبيعية


................

عن أعقل مجنونة



اسم المدونة المتواضعة اللي حضراتكو قاعدين فيها دلوقتي !

ثم ..
وصف المدونة

" مجنونة بس بعقل
وعاقلة بس بجنان "

هوصعب اني ابقي كدا؟

لازم ابقي مجنونة فـ أشد في شعري؟
وعاقلة يبقي صوتي ميطلعش ومعملش اي شئ خارق

ليه متجننش
بس بعقل
بهدوء
برزانة

وليه معقلش
بجنان
وبطفولة
وبشقاوة

!!!

................

عن التفاؤل واليأس
والحزن والفرح



معظم الناس اللي بتعدي ع المدونة الغلبانة دي
غالباً
او مؤخراً
" زي ماتحبو بقي "
ملاحظين حالة الحزن واليأس اللي انا بكون فيها
ومعظمكو
أخدتو فكرة عني اني أميل إلي اليأس والحزن أكتر من الفرح والتفاؤل

محدش أخد في باله ان في معني دايماً بحاول اوصله بمختلف الجمل في كل بوست حزين بكتبه
" يارب متوصلنيش لحالة اليأس ! "

اختلفت الجمل والمعني واحد
" وشوفو هنا اكتر المواضيع حزن وعيدو قرائتها اذا حبيتو ولاحظو المعني اللي في بطن الزير^_^  "

فـ هنا نقدر نقول 
أن
الاصل
التفاؤل
والصورة
اليأس

زي العملة
بوجهين

ملك وكتابة

ميزان
لما كفة الحزن واليأس بتنزل
صفارة بتطلع صوت مزعج
وهنا بيحصل الصراع
اللي هو صورة من صور التناقض

مين اللي هيكسب
اليأس والحزن ولا التفاؤل والفرح؟

طب مين مننا ممرش بلحظات حزن وفجأة اتقلبت لفرح !
ومين ممرش بلحظات فرح اتقلبت حزن !!

ومين في الحالتين مقالش الحمدلله !!

مش دا تناقض بشري حلزوني طبيعي؟

................

عن رحمــــــــة


من أهم الحاجات المتناقضة فيا برده

اني اسمي رحمة
!!

وما أدراكم
التناقض اللي جوة تلك الـ " رحمة " ..!!

لما بزعل
بتعب
بتخنق
بيأس


بتقلب لـ عـــذاب

!!!

ودا نوع آخر من أنواع التناقض
بس دا انا متفردة فيه بصراحة
!!

................

سـ أبحث عن التناقض بداخلي
واللي أحس أنه مش طبيعي
هامسحه بأستيكة

بس لحد دلوقتي
انا افتخر


اني
أعقل مجنونة
و
متناقضة أحياناً وغــالباً
و الأهم
اني
رحمـــة


والبقية من المحتمل أن تـأتي !!
:-)

................

وكالعادة
بما اني بتكلم عن التناقض
يبقي لازم نسمع الأغنية الجاية دي ^_^



ووو ...
آخــر كلامــي
سـلآم 
:-)



ما محبة الا بعد غباوة
وما غباوة احيانا الا بعد محبة وهمية


أفكر وأفكر وأفكر
واكتشف اني لا افكر
الا فيما افكر
فـ اتوقف عن التفكير .. لأفكر
^_^


الاطفال ..
أعشق هدوئهم .. شقاوتهم .. لمضاتهم !!
ويُبكيني بكائهم
وحزنهم يُشبهني !!!


نفسي ارجع زي زمان في حاجات !
وامسح من زمان دا حاجات أكتر <_<
بس قول للزمان ارجع يازمان
وانا دلوقتي أحسن وافضل
" الحلو دايما دايما .. مبيكملش ! "


بداري دمعتي بـ ضحكي
ابتسم .. كي لا أبكي !




مكشرة ومقلضمة ومش ف المود
عاوزة اعيط ولا اصوت وقلبي مقبوض
نفسي اتنطط ولا أزأطط ياتري ليهم كود ؟؟


قالوا .. لما انتي سعيدة ؟ !
قلت .. ومن قال ذلك ؟
ليس كل ما يظهر علي الوجه يعكس مابداخل القلب
ولكني أبحث عن طريق السعادة .. في رحلة للسعادة :)


ووو ...
آخــر كلامــي
سـلآم 
:-)





عيب التدوين اليومي 
ان ممكن تكون دماغك فاضية
طااب هاعمل ايه النهاردة يابووووووي؟؟

يا اما بدور ع حاجة قديمة اعيد نشرها !
يا اما بدور علي حاجة كنت كتباها ومنشرتهاش اصلا
يا اما بتغطي وبنام ^_^

النهاردة كنت هنام بصراحة
وكان منظري مش هيبقي ظريف ع الآخر لما من اولها هـ أنتخ كدا <_<
بس وانا بقلب في الكمبيوتر كدا
لاقيت شوية تخاريف
في الغالب كنت بنشرهم ستاتيوهات ع الفيس -_-
أو بكتبهم لما بكون عايزة اكتب وماليش مزاج احط حاجة علي المدونة :|

يالا اهي حاجة تسد النهاردة والسلام

الحاجات دي مش فاكرة تواريخها
لأني اتفاجئت بيها في نوت مكتوب عليها تخاريف !!!!!!!
زودت عليها شوية حاجات
وهنشر نصهم النهاردة ونصهم التاني بكرة ان شاء الله

بلا رغي بلا بتنجان
هادخل في التخاريف بقي
مع العلم ان الحالة النفسية تتفاوت من تخريفة للتانية !!

وتصبحو علي خير :D

................


تحدي ..
بيني وبين نفسي
ياتري منه هاعدي ؟
ولا هرجع تــاني ليأسي!



__ نفسي في مطر__
ميبينش عيوني
يمسح همومي
تنزل دموعي
تغسل ذنوبي
__ نفسي في مطر __



أوقــــات
بيكون فيها آهــات
وسـاعـآت
تعلي صوت الضحكـات
فـ النهاية
بتعدي كل الاوقـات
وبتفضل الذكريات
والتحديات
والابتسامات

http://t0.gstatic.com/images?q=tbn:ANd9GcStN1P19C7fqSUI1wlJ4FwuU0Y_akNWd80QLiE6-Y8Gncc53UPhckzs2F2V4g

افرح جدا .. عندما اخطئ
لانني اكتسب حصانة ضد هذا الخطأ
لانني املك الخبرة بعد هذا الخطأ



معذبتي الصغيرة ..
كفي ما انتِ فيه !
اصابتك الشيخوخة مبكراً
كفاكي حزناً .. كفاكي مرضاً



نظرتْ (هي) في المرآة ..
فوجدت شخصٌ اخر لا يشبهها !


................

خلص الكلام
وبعد ماقريت الكلام دا
اللي كتبته أكيد علي مراحل زمنية مختلفة !
ليا حق أقول اني متناقضة ولا لاء :D؟

انا متناقضة .. وافتخر ^_^




انا مراية لكل قلب ولكل وش
من غير فزلكة ولا حتي غش
مش هابني علي أغصان الشجر عش
من حبة هوا يتفركش
لأن انا مش بميت وش

الخير جوايا يخليني
اعرف مين ادام عيني
افترض الخير
ولو شر
اكيد ربنا هينجيني

وأرجع واقول متتغشش
نفض وفوق واتنعنش
قلبك دا مراية لكل وش
متخليهوش بقي يتنعكش
بسوء الظن يتكرمش
لكن بالخير هيفرفش
وهتلاقي السعادة في كل وش


" بعض من تهيسااااااتي ^_^ "


في عز الضلمة
موجود سبحة
وسجادة صلاة
و دموع
و ايد مرفوعة
و قلب بينزف
و لسان بيقول
يارب
ابعتلي آية
ابعتلي رسالة
طمني
ان الفرح جاي
يارب
ريحني
بإنك بتحبني
وان اللي أنا فيه دا
ابتلاء
وهينتهي قريب
يارب
متخلنيش ايأس

في عز الضلمة
الدموع بتزيد
وآهــة القلب بتوجع أكتر

في عز الضلمة
وفي عز طلب الرسالة من ربنا
اسمع صوت الكروان
اسمع دعائه
وكل مرة ابكي أكتر
اسمع صوته بيقرب أكتر

وانتهي اليوم
وربنا استجاب
دعاء الكروان

وفي عز الضلمة
بتظهر نقطة نور

شكراً يارب

11-11-2011




نفسي اعيش في يوم مطمنة
نفسي في لحظة اعيشها واكون انا !
ايوة خايفة يجي بكرة وابقي بالنسبة له ذكري
ايوة خوف انا عايشة فيه مستسلمة

خايفة ضعيفة يعني انا هعمل ايه ؟
حاجة مخيفة دا اللي بحس بيه
حاجة فيا من زمان عمري مابحس بامان
عمري ما اتحققلي حلم حلمت بيه !

اه انا عايزة قلبي يعيش وحيد
حابة اني افضل من بعيد
مش عايزة اعيش مع ناس بتخدع بعضها
لوحدي في حضني احسن
مستحيل في حد يحضن
عمري ما مشيت في سكة ليا منورة

عمري ما اخدت حاجة بحبها
حتي الفرحة خايفة منها
خايفة تطلع مش حقيقة
واندفع واعمل جريئة
واتوجع
ما انا قلبي اه مش ادها


خايفة ضعيفة يعني انا هعمل ايه؟
حاجة مخيفة دا اللي بحس بيه
حاجة فيا من زمان عمري مابحس بأمان
عمري ما اتحققلي حلم حلمت بيه !!

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات