Blog Archive

كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )

http://www.littleextrasdiecuts.com/DieCuts/MonthOctoberWd.jpg

انتهي الشهر
ملتزمتش بـ التدوين فيه أوي
بس النتيجة مرضية جدا
25 تدوينة في 31 يوم
همممم
والله شئ كويس
فكرتوني بالذي مضي
اول ماعملت المدونة
كنت بدون كتير برده
بس مكنتش بزود عن ال 20 تدوينة في الشهر

تدوين اكتوبر
جه في وقته المناسب
حيث التغييرات النفسية والمعنوية والسايكو اللي فيا !
عرفت مدونات جديدة حلوة جداً
اتعرفت علي أفكار جديدة برده
والاهم اني في الفترة دي قدرت اطلع حاجات كتير كانت جوايا
فرصة حلوة اوي اني اعرف اطلع كل اللي جوايا
والاقي مراية صافية ونقية
تقدر تحتويني وتسمعني من غير ما تمل مني
اقدر اقارن نفسي من خلالها
امبارح كنت ، والنهاردة بكون ، وبعده هكون !

شكراً لتدوين أكتوبر

وبالمناسبة

في حملة تدوين أخري
من 11-11 لـ 12-12
بس مش عارفة لسة هتابع فيها ولا نــو
بس بعد الفرصة الجميلة الشهر دا .. النية موجودة للشهر القادم

وفي الآخر ،،
...
..
.
شــكراً لكل شئ حلو في حياتي له معني


http://forum.asr1r.com/imgcache2/1734.gif




أشتقت لصلاة تكون انت فيها إمامي
ويوم صيام أفطر فيه أمام عيناك !

طــال الوقت ولم نتعبد لله فيه سوياً في مكان واحد !

اشتقت لنظرتك لي بعد قيامنا من الصلاة ..
*حرماً !
*تقبل الله حبيبتي
*ربنا يجمعنا في بيتنا عن قريب !

كلمات هادئة عميقة 
وعيون مليئة بالحب والعشق
وقلب يدعــو بإيمــان
وروحـين .. اجتمعــوا علي حب الله
عسـي الله أن يجمعهم قريباً جداً 






أصلك متعرفشي لما تكون جنبي انا بقولهولك بيني وبين نفسي !
وايه بيحصلي حتي وانا بصلي .. من قلبي بدعيلك اكتر مابدعي لنفسي



اولا كدا
كل سنة وكل البلوجرية طيبين
وفي ذي الحجة صايمين
وفي العيد ، لحمة كتير ، مش واكلين !
:-)

ثانياً كدا
اعتذار لعدم التدوين أمس
مكنش في حاجة عارفة اكتبها
وكذلك اليوم

علشان كدا
هقول ان
ثالثاً ..
اني قولت اعوض بنشر تدوينة قديمة
" كل ما اتزنق انا اعمل كدا !! O_o "

واعذروني علي التقصير
واسيبكم مع الخاطرة ..



احتويني يا رجل
احتويني .. لا تحتلني
احنو علي لا تقسو
الا تعرف غير القسوة طريق؟
الا تعرف معني الاحتواء ياسيدي ؟

نعم سيدي
ولكني لست أمتك
لست جاريه في بلاط حكمك
فـ انا اريدك لي سيد
واريدك تجعلني لك اميرة !
اريدك تشعرني بأنوثتي ..
لا تشعرني بجبروتك !

اتعلم كم احترمك !
وكم اريدك تشعر بقيمتي !
فـ أنا أم .. وابنة .. وأخت
فـ أنا النصف الذي يأتي بالنصف الآخر
اتدري ماذا ستكون بدوني !
ستصبح مثل الشجر في الخريف
بدون أوراق
بدون حيــاة
بدون معني !
فـ لماذا تقلل مني !

لا اريد منك الا الاحتواء فقط
ان كنت ابي .. او اخي ..
او حتي رجلي من دون الرجال
اؤمن بي حقا
واعلم ان ايمانك هذا لن يزيدني شيئا
بل سيزيدك انت اشياءا
ستشعر بها اثناء احتوائي
فستجدني الابنة او الاخت او الحبيبة الصديقة

واعلم لو كنت رجلي من دون الرجال
انك كما اخترتني انا اخترتك
كما اصطفيتني من دون النساء
فقد وافقت عليك من دون الرجال
الا يكفي دليل علي اني مثلك !
لي القدرة علي الاختيار
استطيع الموافقة والرفض !
لست مسيرة بعقل رجل
بل مخيرة بعقلي وقلبي واحساسي

نعم ..
فـ أنا المرأة
التي كرمها الاسلام
وسيد الآنام
أنا المرأة
التي تملك العاطفة والاحساس
وتملك قوة اقوي الناس
وتملك مشاعر .. حب وكره
وغدر واخلاص
أنا المرأة
التي تستطيع جعلك ملك البلاد
والتي بامكانها جعلك صعلوك الاوغاد

فقط احتويني
احتويني وستجدني بين يديك ملاكا
اما ان قسوت !
فستجد شيطانا عنيدا 







متضايق من السلالم
متضايق من الشتايم
متضايق من الصراع
متضايق من الصداع
قول اه
 المصدر : http://100fm6.com/vb/showthread.php?t=158623 - 100fm6.com

متضايق من اللي جاي
متضايق من اللي فات
متضايق من اللي عدى
متضايق من اللي آت
قول اه
متضايق من الحصار
متضايق من الدمار
متضايق من السلام
متضايق والسلام
قول اه
متضايق من الربيع
متضايق من الخريف
متضايق من الظريف
متضايق من السخيف
قول اه
 المصدر : http://100fm6.com/vb/showthread.php?t=158623 - 100fm6.com




آسفة ع حالة النكد اللي كنت مغرقة بلوجر بيها الكام يوم اللي فاتو
شكراً لناس كتير كانت بتدعيلي وبتطمن عليا وبتحاول تديني طاقة ايجابية من غير ما حتي يعرفو مالي !!

...........

العالم الافتراضي دا غريب اوي !
يعني البشر في العادي " اغلبهم " بيعرفو بعض وبيكون في النص حتة مصلحة ، هدف ما ، تفكير معين !
لكن انا امبارح وصلتلي رسالة جميلة اوي من رونا صاحبة مدونة كلمات من نبع احساسي
بجد مشوفتش حب بالشكل دا !!
بنوتة قلبها ابيض وبتتعامل ببياض شديد
حبيتها بجد


...........

شكراً لآية الملواني
شكراً علي فكرة تدوين اكتوبر
كنت محتاجاها
ويمكن جات في الوقت المناسب جداً
في الشهر دا تحديداً
في الوقت دا تحديداً
وخلتني اعرف ناس جديدة ، اعتقد اني كسبت كتير بمعرفتي ليهم !

...........

هممممم
جالي تليفون النهاردة خلاني منشكحة اوي
وابتسامتي كانت من الخد للخد
وابتسمت كتير لدرجة اني بعد ما قفلت حسيت اني مرتاحة اووووووي
.. انها الفتاة " نائلة الجميلة "

...........

بمناسبة ذكر الشخصيات اللي بحبهم وبرتاح معاهم
وجواهم ابيض بياااااض جميييييييل
شيرين
ربنا يديلها اكتر ماتتمني ويزيح عنها اي شئ وحش
وهي بجد انسانة تستاهل كل خير
...........

هبة فريد وتسنيم ..
بنوتاتي حبيباتي
بحسهم بناتي بجد
وتفكيرهم بيعجبني اوي
مع ان سنهم صغنتوت خالص بس عقلهم كبير اوي
ربنا يحميهم ويحفظهم
واشوف سلمي زيهم !
...........

وكل دول شخصيات ع العالم الافتراضي اعرفهم
ومقابلتش منهم الا نائلة وشيرين
لكن في الواقع المتقوقع علي ذاته
ليا صديقتي الصدوق
سها
اللي وحشاني
زيادة عن اللزوم
السنة دي خلصت وبعدتنا عن بعض اوي :(
مفتقدة حاجات كتير من غيرها
القلب الحنين .. اللي بحسها امي واختي وصاحبتي وحبيبتي
زي ما كانو بيقولولنا في الكلية دايماً
نصين لشخص واحد !!
وحشتنننننني وحشة السنييييييييييييييييييين
...........

الكلمتين طولو اوووي
بس عادي ولا يهمني
انا ماسكة في نفسي ع الآخر
" زي باكيناه ! "
انا مودي بقي زي الفل الحمدلله
وبالرغم ان المدونة عانت معايا كتيرررررر
همممم
كل ما اقول مش هكتب اي احساس شخصي في المدونة تاني وهخليها لافكاري وبس
برجع تاني في كلامي " عيلة بقي كالعادة " وبكتب فيها اللي بحسه !

يلا ربنا يخليها ليا وتستحملني كمان كمان

اهي المدونة دي زي سلمي كدا بالظبط
الاتنين بناتي اللي مقدرش استغني عنهم
واللي بفرح لما بتكبر يوم عن يوم
" مواضيعها بتكتر يعني هههه "

وعموما هكافئها قريب وهعمل تغيير شامل في المدونة من حيث الالوان والاستايل والقالب وكل شئ آخر

جايز كمان بتغيرها اغير مودي !!
...........

اسفة يا نفسي علي الصراع بين يأسك وأملك
بس ان شاء الله الامل ينتصر
 



ربنا مخلقناش نتألم عادي بنغلط وبنتعلم

والدنيا حلوة والله حلوة اوعى تسيب نفسك وتسلم

 
 
 


جدار عازل أقوي بكثير
أخشي ألا يهدم هذه المرة !!

...

حاولت هدمه أول بـ أول
ولكن بعض الاشخاص الأنانية ، تصمم علي بنائه أقوي وأقوي !

...

اقتربت النهاية
ربما نهاية الجدار 
ربما نهايتي
ربما نهايتهم
ربما نهايتنا معاً
!!

...

لن أخشي شئ
فتلك آخر خطواتي في هذا الطريق ..
إما ان استكمله عندما يبدو واضحاً أمام عيني
أو اني سأتركه عند هذه الخطوة في منتصف الطريق

...

كتبت سابقاً
لم أكن اخشي مرارة الحزن لو لم أعي طعم الفرح !

واليوم أكتب
سـ أترك الفرح اذ جائني شك بأن يغمره الحزن والغدر يوماً







كل ما يقال الآن قيل من قبل .. لكنھم ينسون .. كلھم ينسون..

" أحمد خالد توفيق "

حين مزجت حبري بدموعي
وبالمطر الذي يهطل من عيون الآخرين
اكتشفت مفاتيح قلعة الأبجدية !

" غادة السمان "

لا تترك نفسك لليأس فهذا يحول بينك وبين الحوار مع قلبك .

" باولو كويلو "

لا تبتئس .. الألم طريق إلي الله ونافذة علي رحمته .

" أحمد بهجت "

يقولون ..
أن الحياة لا توجه أقوي ضرباتها إلا إلي أولئك الذين تثق تماما أنهم قادرون علي تحملها ..
لذا ..
حاولت التظاهر بالضعف وأقنع نفسي به لعلي أخدعها فتكف عن توجيه ضرباتها القاصمة لي ..
لكن هيهات ..
يبدو أنها ليست بالسذاجة التي تصورتها !

" سارة درويش "

جوايا زعلان
من اني زعلان
من حد جوايا !!

" وليد طاهر "

في لعبة الحياه
لما حاجه تزعلك
أرجوك ماتكتأبش
هي اللعبه كده..
مافيهاش حلول وسط
يا تتلعب..
يا متتلعبش..!!

" خالد كساب "

من أين أبدأ هذا الألم وهذا الحزن الذي صار مثل الفيض يملأني ويقودني نحو يأسي الكبير ؟

" واسيني الأعرج "

احساس صعب ..
لما تحس انك تعبان و محتاج تسند راسك على كتف حد جنبك
ويكون جنبك نااااس كتيييييييييير بس للأسف .. مش هيسمحولك تسند راسك ع كتافهم

" سارة درويش "

كام جرح في طريقي اللي جاي جايين؟
كام فرحة
كام أمل ماعرفش سعره بكام؟
أنا حاسس إن اللي عشته يادوب أيام
كام خطوة باقية ع اللي ياما حلمت بيه
ومين اللي واقف بالسلاح هناك قدام؟
كام حاجة جاية في الطريق الجاي تخوفني
مين اللي هيحررني.. مين كان كتفني؟
كام بوسة؟
كام قلم ع الوش علي سهوة؟
وكام سيجارة هتتطفي ف فنجان قهوة؟
كام مرة هاقتل
واتقتل بهدوء؟
كام حد جنبي م البشر فاضلين؟
كام مرة هاصحي
أو أنام مخنوق؟
وكام حكاية حب لسه مش باينين؟

" عمر طاهر "

حينَ يغمُرك الحزنْ ، تأمل قلبكَ من جديدْ ،
فَـ سترى أنكَ فيْ الحقيقة تبكيْ ممآ كآنَ يومآ مصدرَ بهجتكْ

" جبران خليل جبران "

 كم أحلم أن أنسى نفسي وأطير عاليا.
-الى أين ؟ هل ضاقت الأرض الى هذا الحد ؟
- ضاقت , وضاقت معها سبل السعاده .\"

" واسيني الأعرج "

إن عدد النساء اللاتي يقتلهن الحزن ، أكثر من عدد الرجال الذين تقتلهم الحرب !

" أنيس منصور "

لو فقط تدري كم أشعر بـ اليُتم في غيابك !!

" واسيني الأعرج "

يابخت من يقدر يقول ....
واللى فى ضميره يطلعه...
يابخت من يقدر يفضفض بالكلام ...
وكل واحد يسمعه...
يقف فى وسط الناس يصرخ .. ااااه ياناس
ولاملام
يجى الطبيب يحكى له ع اللى بيوجعه ...
يكشف مكان الجرح ويحط الدوا ...
ولو أنكوى
يقدر ينوح
وأنا اللى مليان بالجروح ...
مأقدرش أقول
ماأقدرش أبوح
والسهم يسكن صدرى ماأقدرش أنزعه

" صلاح جاهين "

لا تبحث كثيراً..
لا يوجد شيء تحت الكلمات.
إن امرأة تكتب هي امرأة فوق كل الشبهات..
لأنها شفافة بطبعها.
ان الكتابة تطهّر مما يعلق بنا منذ لحظة الولادة..
أبحث عن القذارة حيث لا يوجد الأدب!

" أحلام مستغانمي "

زمان كانت دمعتي عزيزة
ومستحيل تنزل قدام اي حد ..
ودلوقتي بقت قريبة
ومن السهل تنزل وتسيل كمان ع الخد ..
ياتري ايه السبب ..؟
ليه كل ما أكبر ، دموعي تقرب وتكتر ..!
ياتري دا خوف من الأيام واللي جاي ..
ولا حزن علشان فهمت الدنيا ماشية ازاى ..!؟

" نورا خشبة "

موجوعة أنا من الشريان ل الشريان هذا المساء..!

" شهرزاد الخليج "



غريبة..!
نفس اللي بيفرحني مايفرحني
غريبة..!
نفس اللي يريحني مايريحني
واحس اني عمري فات !
من غير ما احب عمري واعشق الحاجات
كدا ساعات ،، وكدا ساعات !
وغريبة دقة الزمن ، وغريبة لعبة الساعات
غريبــــة .. لعبة الســاعــات
!!




لم استطع النوم حتي صباحي هذا
اتنقل ما بين الكمبيوتر والسرير
مستمعة لصوت فيروز الهادئ

...

أمس انتهينا !!
 
...

بل أمس انتهي
فقد انتهي أمس أخيراً وبعد طول انتظار !
أما أنا !!
فمــا زالت بقاياي تتألم داخلي !!

......

فـ أمس من أسوء الايام التي مرت بي
ظلام وبكاء
وهبوط انتهي بي أرضاً
 
صرخت كثيراً
بكيت ولم أكترث هذه المرة من اخفاء دموعي
رغم علمي بأنه يؤلم أحدهم !!
ربما شخص أو اثنين
يتألموا لدموعي
!

بكيت ..
واحمد الله اني كنت علي سريري
فقد استلقيت عليه جثة هامدة
لا أشعر بأي شئ لمدة عدة ساعات 
حتي استطعت النهوض
 
نظرت لنفسي في مرآتي
آهـ
كم سيطر الحزن علي ملامحي
نظرت حولي
كم أنا وحيدة رغم هؤلاء البشر !
فكرت في حالي
كم هو مؤلم أن تشعر بالغدر من أشخاص وثقت بهم !

جلست علي أريكتي وخلفي كتبي
نظرت لهم بشوق
افتقدكم !!
انا التي اعاني الآن من الغدر
غدرت بكم
تخليت عنكم
يا اصدقائي الاوفياء

أمسكت بكتاب " استمتع بحياتك لـ العريفي "
تذكرت
كم غيّر هذا الكتاب في الكثير
كم جعلني أقوي علي احتمال الكثير
!!
نظرت فقط علي كتاب " اسعد امراءة في العالم لـ عائض القرني "
شعرت بخوف وخجل من أن امسكه بين يدي
فـ انا اتذكر ما كتبته علي غلافه عندما اشتريته

{ دائما أشعر بأني رغم الحزن بعض الاوقات " بل أغلبها " .. اني أسعد امرأة في العالم.. فـ أنا أسعد امرأة بثقتي في ربي  .. أسعد امرأة لأني أريد أن أحيا سعيدة .. فـ يومي هو يومي وغدا ملك ربي .. بنية صادقة وتخطيط مقبول.. سـ أكون أنا " اسعد امرأة في العالم ! .. ان شاء ربي }

بعد لحظات تذكرت فيها ماكتبت وما خطه قلمي !
أمسكت بالكتاب
قرأت الكلام مرارا وتكرارا

نظرت للتاريخ
26-10-2009

لماذا تشرين I ، II " اكتوبر ونوفمبر " هو شهر افراحي واحزاني !!
شهر احتفالاتي و انتكاساتي !
شهر يحمل صفة من صفاتي
التناقض
!!

في الحقيقة
ليس شهر اكتوبر فقط
بل أواخر العام تقريباً !
هممم
وأوائله ربما !
بل احيانا ومنتصفه !!

ابتسمت :)
ابتسامة تخفي ورائها الكثير والكثير

انا لا انكر أوقات سعادتي
بل حين اقارنها بـ أوقات حزني
أكتشف أنها غير ظاهرة علي الاطلاق
فلم أفرح فرحة كاملة يوماً
لم أحب شئ الا وضاع مني

لا انكر
ان الله سبحانه وتعالي حقق لي الكثير من الامال
وأعلم جيداً
ان في حزني هذا فرح كبير قادم !!

ولكني اخشي الآن علي نفسي
فـ أنا أقف في أول طريق اليأس !!
بل خطوت أول خطواته !

....

لا أعلم لماذا أكتب الآن
ولماذا نويت أن انشره في المدونة
؟؟
ربما سأزيله لاحقاً حينما اهدأ واقرأه جيداً
أو سأتركه ليكون شاهداً آخر علي تناقضاتي !

وربما لأني أصبحت أجد في الكتابة سبيلي وطريقي !
لأني اكتشفت ان حروفي فقط هي التي تستطيع قراءتي وفهمي!

الكتابة هي نعمة كبيرة
اخشي أن أحرم منها يوماً

..
مدونتي
أحبك
لأنك مرآتي التي اجد نفسي بها
واستطيع مقارنة نفسي .. أمس و اليوم
وبالرغم من مدي الاختلاف والتناقض الموجودين في ، مما يصيبني بالاحباط احياناً ..
الا اني أحبك حقاً
!!

..

فـيروز !!
عذبتك معي اليوم !

..

رحمة ..
ارجوكي
ارجعي
متيأسيش
الدنيا فيها اكتر !
بس برده الدنيا فيها خير
بقدر اللي جواكي هتلاقيه في يوم
اطمئني ياصغيرتي
اطمئني




اليوم
من المفترض أن يكون من أسعد أيام حياتي ..
ولكن كـ عادتي دوماً
يأتي الحزن كـ إعصار يدمر ابسط أفراحي

وكـ عادتهم 
لا يهدأ بالهم بفرحتي كاملة !

يارب
اعطهم مثل ما يعطوني
سواء خير ، أو شر

....

يارب
امنحني القدرة علي التسامح
فـ قلبي امتلأ بالسخافات والسذاجات
واصبحت قدرتي ضعيفة في التسامح
سامحني يا الله
وامنحني القوة
التي لا استمدها الا منك
انت فقط ملاذي وملجأي
امنحني تلك القوة مرة أخري يا الله
وسـ أستخدمها بحكمة
لن أضيعها في التفاهات مرة أخري
لن اتعامل معها بسذاجة مرة أخري يا الله

....

يارب
أعلم ان بمقدار الحزن يأتي الفرح
وأنت تعلم ياربي اني إلي الآن لم اشعر بفرحة كاملة
فـ امنحني الصبر
واليقين بأنك تدخر لي الأفضل

....

تأكيد

اللهم اعطهم بقدر عطائهم لي
وحقق لهم امانيهم كما يتمنون لي

واجعلهم يتذوقون من نفس الكأس الذي يقدموه لي

سواء خيراً كان أم شر


....

22-10-2011



كــم اشتاق لطفولتي ومداعبتي للقمر في السمـــاء
واتمني أن يــأتي اليوم وأكون كوكب ينيره قمرٌ كبيرٌ ..
وأقمـــار صغيرة مدللة !!!


.........

مما كتبت
بتاريخ
25-10-2010

ونشر في جزء من تدوينة سابقة
http://images.bokra.net/bokra//26-12-2010/0222.jpg


ايه يا 2011
ايه اخرتك؟
كل يوم حاجة جديدة
ولما الدنيا بتهدي لازم يحصل حاجة قوية !

السنة دي علي اد افراحها ليها احزان
وعلي اد احزانها فيها افراح

يارب كما سببت في اكتمال ثورة ليبيا علي خير
وانتقام أهل ليبيا من القذافي
انتقم لحق شهدائنا
واظهر الحق
وطهر نفوس المصريين
وانتقم من بـشــار الظالم
وانصر أهل سوريا يارب

ويارب السنة دي تخلص علي خير





لما بتفرج علي صوري انا واخويا واحنا صغيرين
كنت بسأل ماما دايماً
احساسك ايه واحنا بنكبر ادام عنيكي
ازاي اصلا كنا بنكبر كدا وشكلنا بيتغير وانتي بتاخدي بالك كل يوم
ولا فجأة بتلاقي تغيرات
وكانت دايماً بتضحك
وتقولي مش هعرف اوصفلك كلام لانه لازم يتحس
لما تبقي ماما هتفهمي وهتعرفي

...........

لما كان عندي 11 سنة
عرفت ان ماما هتجيبلي اخ او اخت !
كنت وقتها يعتبر لسة طفلة
وكنت بدعي يكونلي اخت علشان العب معاها
علشان " محمد " ولد وانا مبحبش ومبعرفش ألعب مع الولاد
وفعلا مامتي جابتلي " سلمى " ..
كنت مبسوطة اوي
وبعاملها كأنها عروستي اللي بحب البسها واكلمها والعب معاها
وكنت باكل اكلها كمان
"اصلي كنت بحب طعم السيريلاك اوووي"
كنت بعملها كل حاجة
الا اني اغيرلها
" كنت بقررف اووي ومازلت :D "

وعقبال ما سلمى كبرت شوية
انا كمان كنت كبرت !
 
اكتشفت اني مش هلعب معاها
لاني بقيت كبيرة
3 اعدادي
شهادة ياناس
وثانوي
مرمطة
وبعدين جامعة
بقيت كبيرة اوي

لما اتعلمت سلمى الكلام
علمتها تقولي ياماما
وفضلت تقولي ماما كتير
وكنت بعاملها كـ أمها مش أختها !

عرفت أسباب حاجات كتير ماما كانت بتعملها معايا وكانت بتضايقني
بس ماما كانت صح !
وانتي كمان ياسلمى
بكرة تعملي مع عيالي زي مابعمل معاكي بالظبط

بس انا كنت مصحباها برده
كنت مقررة بيني وبين نفسي
اني لازم اكون لسلمى الطاقة الايجابية اللي في حياتها
لازم اقنعها بأن الشطار والمتفوقين مش احسن منها في شئ
وانها تقدر تعمل كل حاجة
ومفيش حاجة متقدرش عليها
ادخلي مسابقات
كوني رائدة الفصل متخافيش من المسئولية
قولي رأيك بصراحة
اشتركي في انشطة
بتحاولي ترسمي بس رسمك وحش؟
مفيش مشكلة ارسمي
بتكتبي قصص
جميل .. تعالي اعملك مدونة

اكتشفت اني بتعامل معاها كأني بتعامل مع بنتي
بالرغم من انها مبقتش تقولي ياماما
لأني بقيت اتكسف لما كنا نمشي فالشارع والاقيها تقول ياماما والناس تبص
وعودتها ترجع تقولي رحمة تانية
بس الاحساس جوايا
انها بنتي
حتة منى



النهاردة
لاقيتها مطلعة شوية صور ليها
ابتديت ابص عليها
وهي صغنتوتة خالص اوي
ولما كبرت شوية
ولما كبرت شوية كمان
لحد ما هي دلوقتي كدا ادامي
11 سنة
بنوتة بين الطفولة والمراهقة
بتتعامل زي الكبار

ياااه وانا بتفرج ع الصور
وبفتكر
سلمى
عقلة الصباع
اللي كنت بنيمها علي رجلي وعلي بطني وانا نايمة
هي دي سلمى؟؟!!
اللي خلاص شوية صغننين وتبقي طولي
" زي مابتقولي .. ناقصلي دماغ وابقي طولك ! "

افتكرت سؤالي لماما زمان
وسألته لنفسي؟
ايه احساسي
وازاي كنت باخد بالي منها وهي بتكبر كل شوية ادام عيني؟

هممممم 
برده معرفتش اجاوب
لأنه احساس يتحس
ميتقالش !

سلمى ..
كتكوتي الجميلة اللي بكرة تكبر
بحبك

ونفسي تكوني احلي بنوتة فالكون
واشطر بنوتة
وأذكى بنوتة

متزعليش مني لو قسيت عليكي
انا جوايا بيحبك اوي
لأني حسيت بالامومة معاكي بدري
ومعتقدش اني هاحب ولادي في المستقبل ان شاء الله زي مابحبك كدا
بس اللي متأكدة منه انك هتحبيهم
زي ما انا بحبك
وهتعامليهم زي ما انا بعاملك

متأكدة انك مش هتخيبي ظني فيكي في يوم
ويارب دايماً اشوفك متفوقة
وتبطلي عناد وعصبية
" احم .. عارفة انك ورثاهم مني .. بس حاولي تبطليهم برده :@ "

وبــس كدا
كفاية
علشان هعيط :D

....

ع الهامش
دي مدونة سلمي
ولما تفضي هتشتغل فيها أكتر
♥ كتكوتة بكرة تكبر ♥





*
*
*

احنا عاملين زي الدواير الصغيرة
بندور جوا دايرة كبيرة " الدنيا والقدر "
الدواير الصغيرة بتتغير
لكن الكبيرة بتفضل زي ماهي

....

انت تقدر تغير الواقع
لأنه بيحصل بسببنا
لكن
متقدرش تغير القدر
لأنه بيحصلك
!!

....

ما أعظم أن تكون غائباً حاضر
علي أن تكون حاضراً غائب

:)

*
*
*


من فيلم 
1000 مبروك 





ثمـة أوقـات نشتاق فيها لطفولتنا
للعب ، للمرح ، للفكاهة الطفولية
للنوم بدون تفكير في المستقبل
القريب كان أم البعيد 

..
 
ثمة أوقـات نشتاق فيه لبرائتنا
التي طغي عليها الزمان
لكوننا أصبحنـا " كبــار "
وقد علمتنــا الحيــاة
أن الكبــار لا يعرفون البراءة المطلقة
بل يجب عليهم التعامل بحذر
حتي لا يتألمــوا يومــاً اذا ما صادفوا الشر
..
 
ثمــة أوقــات نشتاق فيها إلي الوحدة
حتي نتأمل ماضينا وحاضرنا
ونفكر في مستقبلنا
حتي نستعيد ذكرياتنا القريبة والبعيدة
حتي ندرك إلي أي مدي تغيرنا
وبدل ملامحنا الزمان !

..

ثمــة أوقات نحتاج إلي حضن دافئ
وكلمة طيبة
ومشاعر رقيقة
وقلب عامر بـ الحب

..
 
ثمـة أوقــات نحتاج للدموع
أو إلي الضحكات العالية النابعة من القلب

..

وثمة أوقــات
نجد انه من الضروري أن  نَـشكُر و نـُشكَر

فـ شكراً لكل من رسم علي شفاهي ابتسامة
شكراً لكل من تعلمت منه حرفاً
شكراً لكل من ساندني نفسياً وعاطفياً
شكراً حبيبي لأنك معي
شكراً لأمي لأنها بجانبي

و ..

شكراً لـ رحمة " أنا "
ولا أعلم لما أشكرها
ولكني أريد ان اشكرها

فـ
ثمة أوقات
يجب أن نشكر فيه أنفسنـا
لأننا نتحمل كل ما بنا من تناقضات
ومهاترات
وأشياء كثيرة
لن نتخيل شخصاً يتحملنا هكذا إلا نحن !
 
فـ شكراً لي
لأنني أنا
وكفـي

..

:-)



تدويني انهاردة
عبارة عن اغنية برتاح لما بسمعها
:)




مطمنة .. 
طول ما انا متكلة علي ربنا
متأكدة ..
ان انا وانا بين ايديه متأمنة

في طريقي مكملة وأنا راضية بقسمته ..
في الضيق متحملة ومأمنة برحمته
أنا برمي حملي عليه وأنا واثقة في قدرته

 http://1.bp.blogspot.com/_TGaCbkbbMJY/TElLjw2a_kI/AAAAAAAAAMg/Bz-DMn9kxbI/S1600-R/%D8%A8%D8%AD%D8%A8%D9%83+%D9%8A%D8%A7%D8%A7%D9%84%D9%84%D9%87+%D9%88%D8%AD%D8%A8%D9%83+%D9%85%D8%A7%D9%84%D9%8A%D9%86%D9%8A.jpg

بحبك لما بتبص في عيني وانا مش عارفة ابصلهم من كتر مابشوف جواهم الحب فبتكسف
بحبك لما بتقولي وحشتيني .. وعشان اغيظك اقولك وانت موحشتنيش :P
بحبك لما تفاجأني بهدية حتي لو كانت أد النملة،أو أد الفيل
بحس انك أحن بني آدم فالدنيا
وأكرم بني آدم في الدنيا
انسان مبتبخلش عليا حتي في مشاعرك وكلامك الحلو

 ...

عشان كدا لما بتزعلني
بزعل اوي
ولما بتزعقلي
بتعب أوي،حتي لو أنا غلطانة
عشان مبتخيلش ان ملاكي ممكن يقسي عليا،حتي ولو من ورا قلبه وحتي لو أنا غلطانة
 
أنا كدا موش باردة ورخمة
أنا كدا بحبك أوي ♥ 












يــارب ..
اجعل لــي من اسمي نصيب
فــاعلاً ومفعــولاً بــه
يـ الله ــا
:-)










اشتــاق إلي السلام النفسي 

اشتــاق إلي راحة البــال

اشتــاق إلي عقل يفهمني

اشتــاق إلي مرآة صادقة

اشتــاق إلي نفسي !!

فـ هل أجدها قريباً !!


يـا أنا ..
تعبت منك أنا
احترت فيك انما ..
ماتقولي امتي انا
هتحس بيا انا
واقدر عليك 
!!





قريت قصة ع الفيس بوك انهاردة
وقريتها قبل كدا
بس المرة دي لمست فيا معني آخر

هاسيبكم الاول مع القصة وبعدين نتكلم عن المعاني اللي فيها ..

عنــدما كـــان صــلاح الدّيــن الأيوبـــي صغيـــرا و يلعب مع الصّبيــة فى الشّارع، شاهــده أبوه فأخذه من وسط الأطفال و رفعه عالياً بيديه، وكان أبوه رجلا طويل القامة ، و قال له: " ما تزوجت أمك و ما أنجبتك لكي تلعب مع الصبية !!!! و لكن تزوجت أمك و أنجبتك لكي تحرّر المَسجــد الأقصـَــى "
و تركه من يده فسقط الطفل على الأرض، فنظر الأب إلى الطفل فرأى الألم على وجهه فقال له : آلمتك السقطة ؟ قال صلاح الدين : آلمتني ! قال له أبوه : لِمَ لم تصرخ ؟ قال له: ما كان لـمُحــرّر الأقصى أن يصرخ .

....................

هل كل شخص قبل الزواج فكر في هدف زواجه !
 
استوقفني تعبير والد صلاح الدين عن زواجه من ام صلاح الدين !
زواج من أجل مصلحة الأمة .. مش زواج من أجل اشباع النفس وتحقيق سنة الكون و بــــس 
!!
 
.....

وهي دي التربية الصح !
لما الاب يربي ابنه علي كلمة واحد " انت فاشل وصايع ومش نافع " .. هيطلع الابن فاشل وصايع ومش نافع
ولما هيربيه علي انه شخص هينفع الامة والوطن .. هينفع الامة والوطن 
 
زي ما اهل احمد زويل كتبو علي غرفته من صغره الدكتور احمد زويل
فما كان من الطفل انه اتأثر بـ اللي بيزرعه فيه اهله وقد كان واصبح
ونال كمان جايزة نوبل !!

.......

غلطة معظم الاهالي بيقعو فيها
بيصدمو الطفل من صغره بشوية صفات سلبية
زي انت غبي ، انت فاشل ، انت مش هتنفع نفسك ... الخ
وكلها بتدي للطفل طاقة سلبية للأسف بتخليه فعلا كدا
لكن لو العكس
والاب والام اتعاملو مع الطفل انه مهم جدا وان ذكائه مهم لتحسين الكون وان ربنا رازقه بحاجات مش عند حد تاني وانه يقدر ينفع اسرته ووطنه وامته
الطفل هيستقبل طاقة ايجابية هتنفعه وهتنفع كل اللي حواليه

......

ياتري هنتعامل مع اطفالنا ازاي؟
وياتري هنزرع فيهم بذرة التشجيع .. ولا هنتعامل معاهم بصيغة عكسية ظناً منا اننا كدا بنربيهم صح !!

......

رَبِّ لَا تَذَرْنِي فَرْداً وَأَنتَ خَيْرُ الْوَارِثِينَ






قبل اي كلام
عاوزين نقرا الفاتحة
علي روح الثورة !
وشهداء الثورة !
وعلي مصر ، والغلابة اللي فيها !

أما بعد ،،
من غرابة البني آدمين
ان كل الناس تتثقف سياسياً بعض الثورة
وانا ووش كله خجل أنتخت !!
انتخت من كتر ما اخدت تخمة في فترة معينة ، غير شوية الشيزوفرانيا مين صح ومين غلط ومين مع مين وانا فين وكل التناقضات دي ، بالاضافة الي بهارات الاعلام الشقية اللي تخلي الراكز تايه !!
وانا بصراحة ربنا توهت اوي بالذات اني حاسة اني بقيت بطيخة في كل حاجة !
ويارب الحالة دي تعدي بقي عشان الواحد زهق

مش عارفة ليه مكنتش حابة اكتب تاني في السياسة
خصوصا ان كل الناس دلوقتي بتكتب وتتكلم وتشجب وتندب و و و و
..
بس اللي حصل امبارح
لازم نتكلم فيه شوية
ولازم نسأل !
ليه بيحصل كل دا؟؟
ليه الانظمة الحاكمة كلها تتبع نفس المبدأ بدون أي تغيير ؟؟
 
ليه لما يحصل اي بلوة
يا اما يقولو ماس كهربائي يا مختل عقليا يا ارهابي يا فتنة !!

ليه كل فترة لازم يتكرر سيناريو الفتنة تحديداً !!

ليه ميكونش دا كله شئ منظم ومدبر " ودا مش سؤال دا حقيقة واضحة وضوح الشمس في عز الضهر ؟؟! "

ليه المسلمين المتعصبين بيقولو ع المسيحين كفرة !
وليه المسيحين المتعصبين بيقولو المسلمين هراطقة ؟؟

سبحان الله
هاكررها تاني
مع اني قولتها زمان
هو مش رسولنا الكريم عليه الصلاة والسلام قال وظهر كلامه في القرآن الكريم قائلاً: لكم دينكم ولي دين !

وفي الانجيل : الله محبة
!!

بتتكلمو في ايه انتو؟
وليه كل واحد نصب نفسه ملك المحاسبة وبتحاسبو مين وليه وازاي
ماتحاسبو نفسكم وشوفو انتم اعمالكم هتوديكم لفين !!


في نظام المخلوع
لما يحصل تدبير لحاجة معينة واتفاقات وصفقات تحت الترابيزة
كانو يطلعولنا بماتش
او بتفجير كنيسة !!

وفي الحالتين كان بيحصل الخناقات
اهلي وزمالك
او مسلم ومسيحي

وفي الحالتين
بننسي اننا كلنا مصريين
!!

دلوقتي مين السبب في اللي بيحصل دا كله؟
مسيحيين راحو مسلحين وموتو الجيش ؟؟
ولا نظام عامل نفسه جديد بس الحقيقه انه ماشي علي نفس نظام المخلوع !!

انا مش هقول المجلس العسكري غلبان ومحتاج الطبطبة
ولا هقول دا ظالم ومحتاج ضرب الجزم
!

بس هقول فين العقل ؟؟

الاقباط اللي رايحين يعتصمو هما واهاليهم ايه اللي هيخليهم يمسكو اسلحة ويضربو نار؟؟
وايه اللي يخلي الجيش يكرر مأساة 28 يناير " جمعة الغضب ؟
والفلول والبلطجية وبياعين اللبن والسمك والتمر الهندي اللي بيلعبوها صح !

واللي احنا فاهمينه بس مش قادرين ندركه صح
اننا كلنا في مركب واحدة
مسلم زي مسيحي
لو حاجة حصلت في البلد دي
كلنا هنضيع
ووقتها مش هتفرق
مين المسلم ومين المسيحي !!


اللي استشهدوا في الثورة
مسلمين ولا مسيحيين؟؟

حد عمره سأل السؤال دا؟

مسألناهوووش طبعا لأنه في مش في دماغنا
لأن اللي في تفكيرنا هو شئ واحد
كلنا مصريين

يبقي ليه دلوقتي بنفكر في مسلم او مسيحي

وليه الهبل ان مذيعي التليفزيون المصري يستنجدو بالمسلمين لحماية الجيش من الاقباط !!
نعمين يعني ؟؟؟؟؟؟؟؟
مين كدا اللي بيرمي البنزين علي نار الفتنة
مين اللي بيفجر قنبلة التخلف العقلي يعني؟؟

ليه افتح الفيس بوك الاقي كله بيكفر كله
وادخل منتدي الاقي المسيحين بيشتمو المسلمين والمسلمين بيشتمو المسيحين
ودول يقولو انتو كفرة ومش احنا اللي بنقول القرآن اللي بيقول
ودول بيقولو انتو كفرة وهراطقة ومش احنا اللي بنقول الانجيل اللي بيقول

طيب كفاية رغي
وكفاية كلام

وهـ انهي بنقطتين


* لازم لازم لازم لازم
" شوفو كام مليون لازم ممكن تتحط ! "
لازم مسلم + مسيحي = ايد واحدة = مصري وبس
لازم نفهم اننا كلنا في مركب واحد
ولو حصل حاجة احنا اللي هنغرق
والكبار محضرين لنفسهم سفينة نوح تنجيهم !!

* تاني حاجة
لكل مسلم
لكل بني آدم بيتقي الله
الرسول عليه الصلاة والسلام وصانا باهل الذمة
وصانا بالاقباط
وحرم قتلهم وحرم ظلمهم

وشوفو الاحاديث دي
قال صلى الله عليه وسلم: «ألا من ظلم معاهداً أو انتقصه أو كلفه فوق طاقته أو أخذ منه شيئاً بغير طيب نفس فأنا حجيجه يوم القيامة»

قال صلى الله عليه وسلم: «من قتل معاهداً لم يرح رائحة الجنة وإن ريحها يوجد من مسيرة أربعين عاماً»

ولسة في كتير واللي عايز يعرف احاديث اكتر يدور ع جوجل

فـ لو سمحتم يا مصريين يامسلمين
بلاش اسلوب التكفير
واعملوا بوصية الرسول عليه الصلاة والسلام
ومتكفروش ولا تظلمو قبطي


وشوفو اللينك دا
شهادة حق من صحفي في جريدة البديل


و .....

آخر كلامي سلام
ويارب نلاقي السلام :)
    


 





~.~

ميزان الحب
من كفتين
الشمال
اد اليمين
من غير تبديل
ولا بتبديل !
كدا كدا الاتنين
متساويين

~

فيهم حب
واحد بيدي
والتاني بياخد
والتاني يضحي
والاول يهاود
فيهم مودة
فيهم تراحم
فيهم عشق
بكل معاني الحب

~

الحب مفيهوش أنانية
مفيهوش كلام يوجع
ولا أي سوء نية
~

الحب في ملامح الكون
في العقل
وجوة الجنون
بين البشر ..
في الزحمة
وفي السكون
بين النبات وبين الحيوان
الحب ..
في كل مكان مسكون
~

الحب راحة
الحب سماحة
والحب حاجة
مش سماجة
مش سذاجة
الحب براح
بيخلينا نرتاح
ونلاقي الهم
بسببه راح
~

الحب ..
موجود في كل شئ
في الخجول والجرئ
في الهادي وفي العنيد
جوانا ومش بعيد
بيخلي الواحد منا سعيد
~

الحب..
جوة القلب
وفـ الروح
دايماً وياك
مكان ماتروح
دوا المجروح
سكون الروح !
الحب دايماً وللأبد مسموح
~.~


About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات