كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )




أمنية ..

نفسي ابقي مصفآ
عشان اصفي همومي أول بأول وارتااااح

ونفسي ابقي استيكة سحرية
عشان امسح كل حاجة متعجبنيش في الدنيا دي

ونفسي يكون فيا اوبشن كدا .. زرار يخليني سايلنت !!
علشان لما احب اصرخ ، ازعق ، اعيط
ادوس عليه واعمل اللي انا عاوزاه من غير ما اصدع اي حد 
ولا اصدع انا شخصياً
:)


حقيقة ..

انا اتغيرت
مبقتش انا
والحلو اتقلب وحش
والوحش اتقلب غريب
وبقيت شخصية غريبة
غريبة عني انا شخصياً
من الآخر
انا مش عارفني
:-)

اعتراف ..

ناقص يومين ونكمل نص رمضان علي خير :)
اعترف اني نجحت في اني امشي علي جدول العبادات بنسبة 90%
واعترف اني مقدرتش اقضي علي عيوبي
مش هدور علي شماعة اعلق فيها فشلي !
بس واضح اني هافضل كدا كتير
!!
واللي حواليا .. لو بيحبوني هيستحملوني لحد ما أرجع تاني رحمــة
الـ مجنونة  بس بعقلها
والـ عاقلة ومحتفظة بجنانها

شكر واجب ..

لـ ناس بيحبوني
بيستحملوني
مبيزعلونيش
بيقدروني
بيخافو علي احساسى
بيعتبروني حاجة مهمة في حياتهم

!!!

 
 
 

وآخر كلامي
سلآم

 


11 CoMeNTaToOoOoZ:

زهرة يقول...

ريمووووو

وحشانى .. وهدعيلك بظهر الغيب ربنا يفرحك ويريح قلبك وترجعى نفسك تانى

عارفه

أنا فضلت حوالى 6 شهور كدة .. زيك

كنت تعبانه لانى واحدة تانيه خالص .. ناس بيحبونى وقفوا جمبى ..

اتعاملت بنيه صافيه مع كل الناس .. قدمت كل حاجة خير ..
ودلوقت بجد ربنا جزانى وعوضنى عن كل يوم وحش .. وفرحنى

ولما بفتكر اللى عدى وفات.. بزعل على نفسى ومن نفسى .. وبكتشف انه كل دة انا السبب فيه .. لانى مشفتش الحاجات الحلوة اللى حواليا .. وشفت بس الوحشه وحاولت اغير منها علشان تبقى حلوة .. ولما مقدرتش خسرت كتير وتعبت

رغيت كتير ..

بس بطمنك انه فترة وتعدى وربنا هيعوضك عنها أكيد

بحبك فى الله

سندباد يقول...

اولا ربنا سبحانه وتعالي يتقبل منا ومنك صالح الاعمال
كلنا اتغيرنا علي فكرة مش انتي بس ويمكن فعلا اتغيرنا للاسوء بس يمكن عشان الدنيا بقت فعلا اسوء
تحياتي

بت خيخة وأي كلام يقول...

قريت تعليقك على البوست عندى بتاع هو لازم نحرقها
فاترسمت على وشي ابتسامة انتى كنتى سبهها

تعليقك فرحنى اوى ورفع من معنوياتي كتير


شكرا ليكي يا اعقل مجنونة
متحرمش منك يا حبيبتى


سلام

اختك خيخة

Noha Saleh يقول...

ربنا يوفقك ويسعدك ويفرحك ويريح قلبك


رمضان كريم

Bent Men ElZaman Da !! يقول...

الزمن بيتغير والظروف اللى حوالينا بتتغير والناس كمان بتتغير
يبقى ليه احنا مانتغيرش ؟!

ربنا معاكى وان شاء الله تبقى احسن
هى بس فتره وبتعدى والواحد بيرجع يفهم نفسه من تانى

sara adel draz يقول...

بوست جميل
ربنا يسعدك ويحبك ويكرمك يارب
:)

بت خيخة وأي كلام يقول...

ازيك يا كميلة

انا قريت تعليقاتك ونشرتها وبعد ما قريتها تانى وهى منشورة
حسيت انى مش عايزة حد يقراها
فرفعتهم تانى واحتفظت بيهم لنفسي

وقلت اجى ارد عليهم عندك هنا


طبعا انا مبسوطة اوى من كلامك
وفعلا بجد نفسيا انا احسن بسبب كلامك اللي زي السكر

فعلا والله الكلمة الطيبة صدقة

شكرا ليكى يا حبيبتى

وبالنسبة لموضوع انك تشيري بوست
يا ستي المدونة كلها تحت امرك


شكرا ليكي بجد انك سبب ابتسامتى

ويارب دايما تكونى سبب فى سعادة كل اللي حواليكي

خدى بالك من نفسك

سلام
اختك خيخة

موقع زواج يقول...

موضوع جميل جدا

sony2000 يقول...

ريمو

وحشاني بجد
ومستنياكي

Nesreen يقول...

امممممم

ليه كلنا بنحس اننا اتغيرنا للاسوء

واننا مش عارفين نفسنا

مش يمكن ده التطور الطبيعي للبني ادمييين ؟؟

كلمات من نبع احساسي يقول...

كلنا اتغيرنا بجد ياريمو
الدنيا والحياه بهتت علينا
غيرت براءتنا
حتى تسامحنا صبرنا حاجات كتير
بس ادينى بنقاوح وبنحاول
مرة بنضرب تعلي قفانا ومره بنضحك احنا عليها ونضربها علي قفاها
تحسي كدة زى التار البايت :):)

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات