كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )




...
دايماً بقول لنفسي ان ربنا بيبعتلنا رسايل
دايماً بقول لنفسي خدي بالك من الرسايل دي ومن معناها
دايماً ببص حواليا وادور ياتري في ايه ربنا عاوز يقولهولي النهاردة ؟

اعظم رسايل بتلقاها وبتريحلي قلبي
لما اكون في ضيقة شديدة أوي
وأبكي
ودموعي تنزل باستهبال والمحبس يتفتح ع الآخر
وتنزل كمية دموع تشبع مجاعة الصومال
واذ بي الاقي رسايل ربانية بتظهرلي فجأة
* كلمة من طفل صغير
* موقف يحصل اشوفه في التليفزيون
* احساس حد يقولي انه حاسه
* او اني مثلا ابقي فاتحة الفيس بوك
والاقي كل حاجة بتتكلم عن اللي بحسه وبتقولي اصبري
اتعلمي اصبري بجد
متيأسيش

وقتها بخجل من نفسي ومن ربنا
بخجل اني جيت في وقت ويأست
بخجل لو كنت لجأت لحد غيره !
بخجل لاني المفروض اعرف الكلام دا من غير ما استني اي رسايل !

يا الله ..!!
كم انت كريم معي
كم انت دائماً ترشدني لطريقي الصحيح
وكم انا دوماً تائهة انتظر يدك لتنتشلني مما انا فيه!!

أحبك يا ربي

....

---------------------------

علي الهامش

كل سنة وانتم طيبين رمضان علي الابواب
جاتلي فكرة اننا نعمل
Wish list
لرمضان السنة دي
نختار عيوب عاوزين نتخلص منها
وصفات عاوزين نكتسبها
عادات عاوزين نداوم عليها
ادعية معينة عاوزين ربنا يحققهالنا
كل دا بجانب جدول العبادات !!

فرصة
رمضان 30 يوم الجو بيكون مهيأ فيه جداً لكل الحاجات الحلوة
بيكون في سلام روحي وعاطفي كبير جداً
ليه منعملش الويش ليست
ونقيم آخر يوم رمضان
ونحاول نستمر ع اللي وصلناله باقي السنة
!!
مين هيبدأ في الـ wish list
??

انا ان شاء الله هظبطها وهنزلها علي يوم الجمعة
:)))

هــامش كمــان ..

شوفو اللينك دا
في جدول بسيط لرمضــان
 
 
من مدونــة يوم من عمري
 
وكل سنة وانتم طيبين 

12 CoMeNTaToOoOoZ:

مراهــ إستثنائي ــق zỉkŎnỉss يقول...
أزال المؤلف هذا التعليق.
مراهــ إستثنائي ــق zỉkŎnỉss يقول...

السلام عليكم و رحمة الله تعالى و بركاته
أنا سعيد جداُ إني أقرأ تدوينة جديدة ليك و من خلالها بعرف إنك بخير .ربنا يوفقك يارب

ألمس في تدوينك شيء جديد و جميل جداً
^_^

صحيح . كلام منطقي جداً أنا ايضا أشعر بتلك الرسائل الربانية الرااائعة و التي تشعرني بإرتياح نفسي كبير جداً

أحيانا تحصل حاجات بسيطة جداً مــمكن ما ننتبه لها لكن بيكون ليها معنى مهم جداً و ممكن تلك الحاجة البسيطة يكون لها تأثير كبير جداً في حياتنا أو قرار معين

---------
فكرة Wish list هي فكرة جميلة جداً خصوصا أنها ستكون مكتوبة يعني ستكون هناك أشياء محددة يجب تغيرها و اخرى يجب إكتسابها و بالتأكيد سأفعلها و إن شاء الله ربنا سيوفقني لكي أطبقها بالحرف الواحد تماماً مثل اشياء أخرى نجحت فيها في حياتي

^_^
وفقك الله
و أتمنى أن تتقبلي مروري :)

شيرين سامي يقول...

جميله حكاية الرسائل الربانيه دي ساعات كتير بحسها و بخجل من نفسي بردو.
في إنتظار قائمة الأمنيات و فكره حلوه تجي الواحد أمل :)
كل سنه و إنت طيبه و بألف خير و جميله زي ما إنت

Ramy يقول...

أزيك يا عاقله (:

كل سنة و انت طيبة

جميل الدعوة بتاعتك جداً و يارب الناس تحاول ان يكون ده بداية و تستمر حتى بعد رمضان

ياريت

رمضان كريم (:

نيللى يقول...

جميل جدا انك انسانه متيقظه وواعيه لجميع رسائل الله لكى ..

وبجد سعيده انك بتستعدى لرمضان وذى مااتفقنا هنشجع بعض باذن الله

وسعيده ان عجبك الجدول ونزلتى

تسلمى ياحلى واعقل مجنونه فى الدنيا

شمس النهار يقول...

كل سنة وانتي طيبة ياجميلة
ربنا يتقبل منك ومنا صالح الاعمال

NaDa يقول...

تصدقي أنا كمان باخد بالي من الرسايل دي
حتى لو كانت بسيطة أوي
الحمدلله :)

كل سسنة وإنتي طيبة
رمضان كريم عليكي وعلى الجميع إن شاء الله :)

سندباد يقول...

لو اطلعتم علي الغيب لاخترتم الواقع
ربنا يعطينا القدرة علي التحمل وقراة الرسائل الربانية الكثيرة وينور بصيرتنا
تحياتي للبوست الارقي وربنا يجعله في ميزان حسناتك وحسناتنا

beautiful mind يقول...

السلام عليكم
الموضوع جميل بجد
ربنا سبحانه وتعالي اقرب لنا مما نتصور
ونحن أقرب اليه من حبل الوريد
كما انه ارحم بينا من امهاتنا الاتي ولدتنا
ان شاء الله هبدأ في كتباة الويش ليست قريب قبل رمضان
تسلم ايدك علي الموضوع
وتحياتي

sara adel draz يقول...

أحبك يا ربى ^_^
بوست جميل
وبسيط
فيه فكرة ورسالة قيمة
وحلوة فكرة ال wish list
ان شاء الله معاكى فيها
وياريت كمان نعمل جدول بالدعوات
اللى عايزين ندعى بيها عالفطار
:)
وكل سنة وانتى طيبة ياجميل
وأسعدنى مرورى هنا كثيرا..

آخر العنقــــــود يقول...

يا الله ..!!
كم انت كريم معي
كم انت دائماً ترشدني لطريقي الصحيح
وكم انا دوماً تائهة انتظر يدك لتنتشلني مما انا فيه!!

بجد راااائعة يا أعقل
سبحان الله بجد ربنا بيحب عباده كلهم
الحمد لله ان ربنا هو ربنا

كل سنة وانتِ طيبة وبصحة وسعادة

mohamed يقول...

موضوع جميل يستحق الاحترام والتقدير
وكل سنة وانتم طيبن
ورمضان كريم

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات