كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )

في البوست اللي فــات
قولت اني هاعمل wish list لرمضان

وفكرت وفكرت وفكرت


طب ليه رمضان اللي الفرصة فيه كبيرة للتغيير ؟؟

زي ما قولت البوست اللي فات
بيكون في شهر رمضان نوع من السلام الروحي والعاطفي والنفسي
الجو بيكون مهيأ للراحة وللتغيير

غير انه فرصة نقدر نشوف نفسنا علي حقيقتها
ازاي بقي؟
معروف ان الشياطين بتكون مسلسلة في الشهر دا
معني كدا لو في ذنب انا بعمله طول السنة
وكملت فيه في رمضان كمان
معني كدا ان مش الشيطان اللي ضاحك عليا
دا نفسي اللي مقوياني ع الذنب اللي بعمله !
وهنا هابدأ اعرف نفسي بجد
هاسيطر ع نفسي
ولا نفسي اللي تسيطر عليا
!!
ومش هتبقي حجتي دايما .. اصل الشيطان شاطر !!
لا ..
انا هقول
انا شاطرة وربي راضي عني !!!

طيب انا عاوزة ايه من رمضان السنة دي ؟؟
ادامي 30 يوم

- ع الاقل هاقضي علي 5 عيوب فيا
وبالتالي اكتسب 5 صفات كويسين "عكسهم "
1* العصبية ..
انا يمكن هديت عن الاول
لكن لسة فيا حتة العصبية دي
نفسي اقضي عليها
نفسي اكون هادية اكتر واتعامل مع المواقف بهدوء اكتر
2* الكســـل ..
غالبا بكسل عن حاجات ممكن تكون هايفة
عاوزة اجرب الغي الكسل من حياتي
هبة فريد صديقتي الصدوق رشحت لينا بوست للجميلة آية الملواني
حملة : قاعدة الـ 5 دقائق
هابتدي فيها ان شاء الله للقضاء علي الكسل ^_^
3* احم .. الاستفزاز .
ايون انا مستفزة احيانا
المشكلة اني بستفز اللي بيحرق دمي :(
بس هحاول محرقش دمي عشان مستفزش حد
4* لساني اللي بيطول لازم يتقصر
لما يزعل بتكلم كلام وحش
لازم ابطل العادة دي برده !
5* ابطل اضيع وقتي فاللي مالوش لازمة ..

دول 5 عيوب في دماغي حاليا وهدفي من اني اتخلص منهم او اقلل منهم قبل رمضان مايخلص

- بالنسبة للصفات اللي نفسي اكتسبها هما كتيررررر
منهم مثلا :
1- الهدووووء طبعا
2- اكون مرنة اكتر
بمعني اني ماخدش كل حاجة علي اعصابي واتقبل وجهات النظر والنقاش
3- اكثر ايجابية من ذي قبل
4- اعمل كنترول علي نفسي دايماً
5- استغل وقتي في تعلم الاشياء الجديدة دايماً ..
6- احسن علاقاتي مع اللي حواليا
7- والاهم طبعا ارضاء ربنا دايماً في كل حاجة

- كمان في ادعية كتير نفسي ادعيها
هادعيها كل يوم ان شاء الله
ادعية تخصني
تخص اهلي
تخصني مع خطيبي او تخصه لوحده
تخص اهله
تخص اصحابي
تخص بلدي
تخص الناس اللي معرفهمش
هاكتبهم في ورقة واخليها معايا انا بس
عشان افتكرهم دايما وادعي دايما الادعية دي ^^

ملحوظــة
فرصة لا تعوووووووض بقي ^_^
اللي عاوز دعاء معين يقولي عليه
وانا هاكتبه ضمن الادعية بتاعتي
وهادعيها ان شاء الله
عسي الملائكة ترد وتقول
لكِ مثله
^_^
وكمان لأن الدعوة بظهر الغيب ان شاء الله مستجابة

وياريت تردولي المعروووف
امال مثلا هسيب حقي؟؟
ياريت تدعولي براحة البال وبإن ربنا يوفقني ويهديني ويجمعني مع اسلام في بيت واحد ويرزقنا الجنة

- و هاشكر كل بني آدم بيعمل حاجة حلوة في حياتي
واشهد الله كل يوم اني سامحت كل من اخطأوا في حقي
واعتذر لكل من اخطأت انا في حقهم

كل دا بجانب جدول العبادات
واسمحولي احط اللينك تاني من مدونة الجميلة نيللي " يوم من عمري "
دووس هنا ^^

وآخيراً قبل ما امشي ..
هنقل كلام الامام ابن الجوزي :
شهر رمضان ليس مثله في سائر الشهور
ولا فضلت به أمة غير هذه الأمة في سائر الدهور
الذنب فيه مغفور والسعي فيه مشكور
والمؤمن فيه محبور والشيطان مبعد مثبور
والوزر والإثم فيه مهجور وقلب المؤمن بذكر الله معمور .

ربنا يرزقنا العتق من النار والجنة
وربنا يتقبل منكم
وياريت نعمل جدولنا
وندعي كتيررررر
وربنا يتقبل
وكل سنة وانتم طيبين
^_^
 
هــا ..
مين هيعمل قائمة أمنيات لرمضــان السنة دي؟
ومين هايستمر عليها باقي شهور السنة
انا قررت كل شهر هاعمل قائمة امنيات
واخر الشهر اقيم نفسي
اعتقد هاتحسن كتير اوي ان شاء الله
:)

أحبكم في الله



 



...
دايماً بقول لنفسي ان ربنا بيبعتلنا رسايل
دايماً بقول لنفسي خدي بالك من الرسايل دي ومن معناها
دايماً ببص حواليا وادور ياتري في ايه ربنا عاوز يقولهولي النهاردة ؟

اعظم رسايل بتلقاها وبتريحلي قلبي
لما اكون في ضيقة شديدة أوي
وأبكي
ودموعي تنزل باستهبال والمحبس يتفتح ع الآخر
وتنزل كمية دموع تشبع مجاعة الصومال
واذ بي الاقي رسايل ربانية بتظهرلي فجأة
* كلمة من طفل صغير
* موقف يحصل اشوفه في التليفزيون
* احساس حد يقولي انه حاسه
* او اني مثلا ابقي فاتحة الفيس بوك
والاقي كل حاجة بتتكلم عن اللي بحسه وبتقولي اصبري
اتعلمي اصبري بجد
متيأسيش

وقتها بخجل من نفسي ومن ربنا
بخجل اني جيت في وقت ويأست
بخجل لو كنت لجأت لحد غيره !
بخجل لاني المفروض اعرف الكلام دا من غير ما استني اي رسايل !

يا الله ..!!
كم انت كريم معي
كم انت دائماً ترشدني لطريقي الصحيح
وكم انا دوماً تائهة انتظر يدك لتنتشلني مما انا فيه!!

أحبك يا ربي

....

---------------------------

علي الهامش

كل سنة وانتم طيبين رمضان علي الابواب
جاتلي فكرة اننا نعمل
Wish list
لرمضان السنة دي
نختار عيوب عاوزين نتخلص منها
وصفات عاوزين نكتسبها
عادات عاوزين نداوم عليها
ادعية معينة عاوزين ربنا يحققهالنا
كل دا بجانب جدول العبادات !!

فرصة
رمضان 30 يوم الجو بيكون مهيأ فيه جداً لكل الحاجات الحلوة
بيكون في سلام روحي وعاطفي كبير جداً
ليه منعملش الويش ليست
ونقيم آخر يوم رمضان
ونحاول نستمر ع اللي وصلناله باقي السنة
!!
مين هيبدأ في الـ wish list
??

انا ان شاء الله هظبطها وهنزلها علي يوم الجمعة
:)))

هــامش كمــان ..

شوفو اللينك دا
في جدول بسيط لرمضــان
 
 
من مدونــة يوم من عمري
 
وكل سنة وانتم طيبين 

أنــا فــــــاض بيـآ تـع ـبت بجد ..!!
 
إنهــا جملة قليلة الكلمــات ..
ولكنها واقعية ، كثيرة الحدوث
..!!

ومن أي شئ يفيض بنــا ويطفح الكيل ؟
إنهــا من الأشياء البسيطة

بسيطة ..
نعم !!
ولكنها
مؤلمة
..!!


 

قديمــاً قــالوا :
نقطة الماء يمكن أن تفتت الصخر
باستمرار تساقطها علي الصخر
..!!

ذلك بالصخر
الجمــاد .!
فمــا هو حالنا نحن
الانــس
..!!

حيث تتساقط علي قلوبنا الهموم
مهمــا كانت بسيطة يتخللها الأمور الكبيرة
أو
كبيرة يتخللها الأمور البسيطة
..!!

أمن المستحيل أن ننهار ؟
أمن الصعب علي أعصابنا الانهيار؟
وعلي قلوبنا أن تنزف دماً من فرط الألم ؟؟

كيف لنا أن نتحمل كل تلك الهموم ؟

كيــف لنــا أن نبتسم بقدر الآهــات التي تتوغل أعمــاقنــا
!!

كيــف ؟؟

أهــ ..

إنــه بالاستعــانه بخــالقنا
هو الله
الذي يجعل بعد الضيق الفرج
والذي يجعل بعد الهم الفرح
والذي يمنحنا الابتسامــة بعد العبوس

لــن أستسلم للحزن
ولن يفيض بي الكيل
ولن أتعب
ما دمت بين يدي الله


About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات