كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )




الواحد مش عارف يبدأ منين ويقول ايه ؟!
بجد كلنا بقينا عايشين في حالة ترقب وخوف ودعاء مستمر ان ربنا يستر ويحافظ علي مصرنا الغالية

مصر الغالية اللي مكناش بنحس بقيمتها الا لما المنتخب يلعب في ماتش كورة !

مصر الحرة اللي ياما اتبهدل اهلها ذل ومهانة !

مصر دلوقتي اللي بتمر بحالة شيزوفرانيا كبيرة أوووووي أد الدنيا دي

مصر دلوقتي بتبكي وبتنزف

مصر دلوقتي مش عارفة تروح يمين ولا شمال

مصر دلوقتي مش عارفة تصدق قنوات اخبار مصر ولا قنوات البي بي سي والعربية والجزيرة !

مصر دلوقتي مش عارفة اللي حصل فيها دا ثورة ولا تدريب ع ايد يهود !

مصر دلوقتي نفسها تفهم !

وبما اني بنت مصر
ومصر هي أمي ونيلها جوة دمي
بقول تعبت
جالي شيزوفرانيا زي امي " مصر يعني "

لما بتفرج ع القنوات المصرية بلاقيهم في وادي والقنوات التانية في وادي تاني
مش غريبة عليهم
ماطول عمرهم كدا مغالطين للحقيقة !
الجديد انهم حاليا بيطلعو القنوات الاخري عملاء
ومصرين ع ان شباب 25 او بمعني اصح الشباب اللي لسة موجودة ف التحرير لحد دلوقتي عملاء يهود !!

الاغرب بقي ..
ان معظمنا مصدق ..
لدرجة اني دلوقتي كل ما ادخل صفحة ع الفيس بوك بتنقل اخبار ميدان التحرير حاليا ادمنها بيتشتم وبيتوصف " باليهودي العميل / بكلب اسرائيل "

طب اصدق مين انا ؟
انا عندي ميول نفسية عاطفية نحو الشيزوفرانيا
مبقتش فاهمة والنعمة
مين اليهودي ومين المصري
مين الصح ومين الغلط
مين بيحب مصر ومين عاوز خرابها



 http://a6.sphotos.ak.fbcdn.net/hphotos-ak-ash1/hs786.ash1/167660_126569837412678_100001789867694_146770_4447519_n.jpg



مفيش عندي الا الدعاااااااء
يارب احمي مصر
يارب انصرها يارب
يارب ابعد الشر عن ابنائها " الشرفاء "
يارب امحي عدوها "سواء كان منها او بعيد عنها "

ارجووووكووو
عاوزة مصر تشفي من الشيزوفراااانيااا

عاوزة اعرف راسي من رجليـــــــــا

عاوزة احس باستقراااار تاني
وانام وانا مرتاحة
مش حاسة بدوشة في دماغي
مش خايفة من اي حاجة ولا علي اي حاجة !

يارب استجيب يارب مننا واحمي مصرنا


--- كلامي دا مجرد فضفضة كنوع من الشيزوفرانيا اللي مسكت فيا ومش عاوزة تسيبني ---

6 CoMeNTaToOoOoZ:

Haytham Alsayes يقول...

وهو دة المطلوب انك تتعبي وكلنا نتعب نفسيا
اولا لسة بدرى مبارك شرس ومش عاوز يسيبها بالساهل
ثانيا
معروف من الكاذب ومن الصادق
ثالثا
اللي خرب في 30 سنة وباع البلد مش هيصلح في 6 اشهر
رابعا
احنا علي طريق النصر ولكن الصبر هو اللي مطلوب
خامسا
علينا بالدعاء مع العمل الحرية مش ببلاش
سادسا
تذكرى الشهداء اللي سقطوا ميرحش دمائهم هدرا

بس
يارب نرجع لعقلنا ونعرف مين اللي مصلحته يفرق الثورة اللي عملناها

sal يقول...

انتى بتصدقى الكلام الهايف اللى بيقول على شباب التحرير عملاء لليهود
دا اسرائيل عماله تولول ليل ونهار ونهار وبتقول احنا حنفقد اهم نظام موالى لنا فى المنطقة؟

اطلعى من الشيزوفرينيا وادعى للرجالة اللى فى التحرير ان ربنا يوفقهم
هو العميل مش لازم يعيش عشان يقبض؟
طب دول ضحوا بحياتهم
شغلى الفهامة شوية يا عاقلة
تحياتى وتقديرى

وردة فرح يقول...

(( يارب احمي مصر
يارب انصرها يارب
يارب ابعد الشر عن ابنائها " الشرفاء "
يارب امحي عدوها "سواء كان منها او بعيد عنها " ))


اللهم آمين
الي يخفي الحقيقة خائن
شوفي الجزيرة و بس

^_*

أختك // وردة فرح

MaNoO يقول...

حاله معظمنا وصلها حتى انا واحد من الناس اللى من اول يوم فى الشارع بس وصلتلها احيانا خاصه اننا بجد بنحب البلد دى اوى اوى دا اللى اكتشفته بس عارفه احنا وصلنا للحريه
الناس اللى فى ميدان التحرير دلوقتى هما بتوع 25 يناير هما شباب مصر من خلال العشر سنين اللى فاتوا اللى حصل فى مصر ثوره من شبابها واللى جاى نجاح واحساس باننا بنى ادمين فى وطن حر مل نجاح ليه ثمن من شهداء لخسائر لغيره لغيره
لو هيقولوا عليا يهودى وعميل عشان بغير الغلط اذا انا راضى
اللى لازم نعرفه كلنا اننا بنصنع التاريخ ولازم ثقتنا فى نفسنا تبقى اقوى من اى حاجه

model يقول...

يا رب انصر مصر و احميها
لكن البوست غير واضح و مجهد في القراءة لان كل حرف منفصل


موديل

غير معرف يقول...

بصى ياريمو
اعتقد انك شفتى امبارح الادمن بتاع الجروب
واعتقد انك اتاكدى انه ولا يهودى ولا عميل
واعتقد ان فى رموز من مصر كلمت التلفزيون المصرى وادانته انه بيدارى الحقيقه على الشعب
واعتقد برضه ان التحرير لافيه خمسينات جنيه ولا كنتاكى ولا موساد ولا ايرانين ولا اى كلام فاضى من ده
وياريت تروحى انتى وتشوفى هتلاقيه ولا هين الاله امون فمصر القديمه كل الناس من كل مكان وكل الطبقات بجد تلاحم عجيب لازم تشوفى اللحظه التاريخيه دى حتى لو مش هتشاركى فيها
Dark man

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات