كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )





صباح الحرية ..
مساء نسائم الحرية ..

11-2-2011

تاريخ مميز ..

11-2-2011

يوم مميز ..

11-2-2011

أحداثه مميزة ..

اليوم اللي هيذكره التاريخ دومــاً
اليوم اللي هنفتخر لما نحكي لولادنا اننا عشنا فيه

اليوم اللي نجحت فيه اعظم ثورة شعبية في تاريخ البشرية
اليوم اللي تنحي فيه الظلم وأخذ جانباً بعيداً عن المظلومين
يوم رحــل مبارك ..

اليوم اللي تم الأخذ فيه بثأر كل مظلوم .. بثأر كل شهيد
اليوم اللي نام خـالد سعيد والسيد بلال وكل الشهدا مرتاحين في قبورهم
اليوم اللي زُهـق فيه البــاطل
اليوم اللي وضح فيه مين المنافق ومين المخلص
مين الوطني ومين الخسيس
!

افرحــوا يا أهــل الشهداء
افــرح يا كل مصــري
ارفعــوا راسكم لفــوق
فقد مضي عصر مبــارك

اللي جاي احنا اللي مسئولين عنه

http://www.redcodevb.com/smiles/smiles/40/www.hh50.com-Photos-Images-Lines-2843.gif

امبارح قبل ما انام فكرت في الرساله اللي كتبتها علي لسان خـالد سعيد بعد وفاته
- دوس هنـآ -
وقتها كانت نفسيتي فوق المتدمرة

وقتها كتبت:

 حقك هيتاخد
من قتل يقتل ولو بعد حين
ودمك مش رخيص
وهتاخد بتارك
هتلاقي اللى ياخد بتارك اكيد ياخالد
دا كلام ربنا .. العدل يا خــالد 

واتخيلته انهاردة !
ياتري ايه احساسه !


مش قولتلك يا خــالد
هيتاخد بتارك
هيرجع حقك

دلوقتي والدتك واهل السيد بلال وغيركو هيرتاحو

انت اللي كنت شرارة الثورة زي بو عزيزي في تونس
انت اللي حركت مشاعر الملايين بموتك
انت يا خــالد !
http://www.redcodevb.com/smiles/smiles/40/www.hh50.com-Photos-Images-Lines-2843.gif

النهاردة صحيت .. حسيت براحة قلب أم خالد
وراحة عيلة السيد بلال كلهم
وكل مظلوم

النهاردة صحيت .. عاوزة اذاكر وانفع بلدي
عاوزة ابوس ايد ابويا وامي واقعد تحت رجليهم
عاوزة اعلم اختي ازاى تحب بلدها
عاوزة أحب خطيبي واراعي ربنا فيه أكتر
عاوزة اتعلم ازاى اربي عيالي في المستقبل ع اللي ينفعهم وينفع بلدهم
ازاى اخلي كل اللي حواليا يحبو مصر بجد !
ازاى يراعوها بجد !
أنا فخــورة اني عشت لـ يوم زي دا
ومكســوفة اني مشاركتش فيه بوجودي
بس شاركت فيه بقلبي ووجداني !
" أضعف الايمــان !"

http://www.redcodevb.com/smiles/smiles/40/www.hh50.com-Photos-Images-Lines-2843.gif
آخيــراً
للشعوب الأبية ..
تعيشوو في انتصــار وحب للوطن

ولزعماء العرب الظالمين ..
تعيشــو في ثورات وهزائم
ويحيــا الوطـــــــن





9 CoMeNTaToOoOoZ:

ghada mOhsen يقول...

ألف مبرووووك ياريمو

بعض كلماتك أقشعر لها بدني

وأنا قرأت الرساله إللي كتبتيها على لسان البطل خالد سعيد يوميها

ربنا موجود والحمدلله عمره مايرضى بالظلم

وأنا دائما عندي إيمان قوي بربنا

وأنا كمان فخورة إني شاركت وحسيت الأيام دي
الأيام إللي هنرجع نحكيها لولادنا وإحنا مرفوعين الراس

دمتي مصريه اصيله
^_^

♥نبع الغرام♥♪≈ يقول...

الله عليكى بجد


الله عليكى بجد

اقسم لكى اننى ادمعت لما خطه قلمك من كلمات نابعه من قلب مصرى اصيل حبيبتى


ولا بد من يوم أكيد واترددت فيه المظالم

ربنا يرحم جميع الشهداء وما صبرك الا بالله
نحمد الله على كل حال

وان شاء الله اللى جاى يكون احسن من اللى راح

دمتى بكل خير
ولا انسا انا اقول لكى كل سنه وانتى طيبه بمناسبة المولد النبوى الشريف

وكمان عيد الحب المصرى

بحبك اووووووووووووووى

اختك ايناس

غير معرف يقول...
أزال المؤلف هذا التعليق.
غير معرف يقول...

مصــــــــــــــــــر
يا أم الأمم
يا شموخ الشرفاء
يا إباء الأحرار
وإنتصار الشهداء
مصـــــــــــــــــر
يا قِبلة القلوب العطشى
للحريةِ ... للمجدِ العنيد
ويا ميلاد أمتنا الجديد
مصـــــــــــــــــر
يا ضوءَ الحروف الثائرة
يا معشوقةِ القصيدة
حين لامسها ضوء اسمكِ
يا موطن قلبي
وموطني الثاني
فيكِ يتوه النبض سحراً
وتشمخُ الجباه
حريةً وعزةً وفخراً
مصـــــــــــــر
شكراً لكِ أميرتي
شكراً لهذا الفخر يغمرنا
شكراً لهذا العز يملأنا
شكراً لهذا النور يكتبنا
شكراً لأنكِ أنتِ
مصـــــــــــــر
التي ولد على يديها قلبي
مصــــــــــــــر
التي حررتنا
علمتنا
رقت بنا
وحدثتنا
جعلتنا نتنفس حريةً
وإنسانيةً وكبرياء
مصـــــــــر
التي أعلنت ميلاد كل الأرض
في يومها هــذا
مصــــــــــر
تاريخ ميلادي
من فجركِ الحر يكون
سجله يا تاريخ
تاريخاً من أروع ما يكون
11-2-2011
دي كلمات كتبتها من القلب في يوم الحرية
كلماتك بجد ياريماس رائعه ربنا يكرمك
ويحرس مصر أم الدنيا :)

ابراهيم رزق يقول...

لسة الفرحة متمتش لما يتحاكم هو وكريه الظالمى وزير داخليته و شلة المنفعين اللا شريف والا سرور واللانظيف واللا عز واللا غالى
تحياتى

ماجد العياطي يقول...

في الحقيقه شعورك اللي انتي وصفتيه

بيعبر عن شعورنا كلنا فعلا

لكن اهم شئ اننا منفتكرش اننا كده انهينا الثوره وخلاص
لا

لسه باقي الجسد احنا يدووب اقتلعنا الرأس

وربنا يجعل الثوره دائما افضل مما نظن

آمين

تحياتي

نيللي علي يقول...

اولا انا صديقه جديده للمدونه
ثانيا بجد كلماتك رائع

احنا اول مره نشعر بالحريه

اه الواحد خايف من بكره بس اكيد ان شاء الله بكره احلى

mrmr يقول...

شعورك شعور كل مصرى بيحب مصر
مبرووك علينا مصر
ومبروووووك الحريه

وظائف العرب يقول...

شكرا موضوع جميل

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات