كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )

http://sphotos.ak.fbcdn.net/hphotos-ak-snc6/hs075.snc6/168580_478678931226_569176226_6460073_1946886_n.jpg

ياتري ايه هو الحلم المصري؟
ياتري زيه زي الحلم العربي كدا اللي ولا بيتحقق ؟

في الازمة الاخيرة والاحداث الاخيرة كنت انا بعيدة خالص عن اني اقول اي رأي او اكتب اي حاجة فيها !
جايز دا اكتئاب مصري؟

المهم ..
مجموعة من المطربين الشباب عملوا اوبريت جديد اسمه الحلم المصري ..
هتشوفوه حــالاً .. وهاحطلكم كمان كلمات الاوبريت ...
مش هتشائم واقول آهو كلام والسلام ! ..
لان دا ابسط فعل هيعمله الشباب في ظل الاحداث الجارية

الغريبة ان كل فترة يتكرر حاجة زي كدا .. والفتنة بتزيد بينا كمصريين " مسلمين ومسيحين ! "
والعجيبة ان احنا مستسلمين لكدا !!!!

من غير أي شك .. مصر " وناس مصر " عايشين في مجاعة ..!!
مجاعة أخلاقية قذرة ...
 
الفتنة مش فتنة دينية بس .. ولا رياضية بس .. !
دي فتنة أخلاقية ..!
الأخلاق بقت في الدمـــار ...

اممممممممممممممم
حــاسة اني مش هاقول كلام جديد ..
كله اتقال واتعاد مليون مرة 
شوفو بس اللينكات دي .. فيها حاجات كنت كتبتها قبل كدا " دليل ان التاريخ بيتكرر والماضي القريب بيتكرر في الحاضر الحالي ! "

  1. الدنيــا خربــانــــــــة .. ياعمي خرباااااااانة :@

  2. مصر في عصر الاضطراب المظلم !

 ----------------

 دلوقتي شوفو اوبريت الحلم المصري ...

ودي كلمــاتها ..

http://farm3.static.flickr.com/2355/2374832367_35c08fd462.jpg?v=0

مش فارقة اصوم خمسين و لا أصوم رمضان
عايشين بقالنا سنين حالفين نعيش في أمان ...
و بقولها من قلبي و خلاص خلص صبري
إنسى ان تكسرني في الآخر انا مصري
مفيش كلمة هقولها تريح قلبنا
ده حتى دمعة ع اللي جرالنا قليلة
و مين هيرجع اللي ضاعوا مننا
أبويا و أمي و أخويا ده ما يرضيش ربنا
أدن و جرسك رن
قلب البلد والع
الظلم مش بيحن لكنيسة أو جامع
مفيش قانون و لا دين
يقبل نكون ضدين
طول ما احنا متفقين
يبأه العدو واحد
أصل اللي مات إنسان
و مصر ده العنوان
من إمتى كانت تفرق
ما بينا الأديان
إبنك يا مصر أصيل
كله شرب من نيل
قلبه كتاب مفتوح
قرآن مع إنجيل
الفتنة مش في الدين
و القتل مش في كتاب
كل الملل بتدين
العنف و الإرهاب
أصل اللي مات إنسان
و دمه مش مجان
و الموت ما بيفرقش
بالدين و بالألوان
دي بلدنا فيها حاجات في الدنيا ما تلاقيهاش
لو مين في ولادنا مات ما يضيعش دمه بلاش
كبار و صغيرين هنعيش ليوم الدين
بنحب مصر بلدنا و ببعضنا حاسين
مش عادي ناس بتموت و لا البلد تولع
و لا عادي نتفرج و عيونا بتدمع
 و يا ريت نكون واعيين ان اللي مش عاجبه
هو الوحيد اللي عايزها يوم تولع
تاريخنا علينا شاهد مين هم المصريين
عايشين كلنا واحد روح واحدة متعاهدين
كنايس جنب مساجد و قلوبنا متصالحين
علشان كلنا واحد و مخلوقين من طين
في الدم إحنا اخوات و بنتحامى في بعضينا
مسيحي مسلم مات علشان نجيب سينا
و الفتنة مش هتبات و لا يوم في وسطينا
لا عمره عاش و لا كان اللي يعادينا
لو مينا يوم اتصاب أحمد يقول آهين
دول أهل دول أحباب روح واحدة في جسدين
ممنوع لأي غريب يلعب بوحدتنا
مسلم مسيحي حبيب و الأرض دي شالتنا
عايشين في بيت واحد عايشين أمل واحد
و ان حد منا مات يبأه الألم واحد
ده مصير بلدنا واحد و الدم لون واحد
وقت الفرح و الحزن يبأه الأمل واحد
ديني و دينك إيه ربي في سماه واحد
من إمتى و احنا اتنين حتى التاريخ شاهد
طول عمرنا عايشين إخوات في بيت واحد
على الحلوة و المرة دايماً نكون واحد
الدنيا ليها قانون و الدين بيحميها
و لا عمره فرق يوم بين ناس و ناس فيها
دم اللي راحوا دول غاليين أوي علينا
و عشان بلدنا نعيش و نموت كمان فيها
طول عمرنا عايشين إخوات في بعضينا
روح واحدة متفقين ده اللي يقوينا
و في ناس كتير عايزين يفرقوا ما بينا
وحدتنا قوتنا متشبكة إيدينا
ما تخافش يوم إنسان ما تهابش ولا مخلوق
حقك راجع أكيد مهما الزمان هيفوت
لو ظلم أو جبروت ربك أكيد موجود
عدله أكيد هيسود رحمة ما ليها حدود

5 CoMeNTaToOoOoZ:

Ramy يقول...

الحكاية بقت حلم ):

ليه يا رب كدة

ليه

):
):):

عايشه لنفسي يقول...

اغنيه جميله
بس

الكنيسه بتشحن المسحيين
والسلفيين بيشحنوا المسلمين
واولعى يابلد

المسحيين شايفين ان امريكا هى المهد المنتظر اللى هيجي يخلصهم من الكفار اللى هما احنا لان امريكا بلد متدين وديموقراطيه وبتحب المسحيين ميعرفوش انها بلد علمانيه ولو دخلت مصر علشان تحل مشكله اول ناس هتدوس علي رقابيهم المسحيين لانها من الاخر مش فاضيه لهم

والمسلمين ولله الحمد مسلمين علي ورق بس
مبيطبقوش الدين صح لكن تعالي خناقه ولا مظاهرة مسلمين ومسحيين تلاقيه لبلب
وبالرح بالدم هنموت المسحيين
وبرضه المسحيين مبيطبقوش دينهم صح لكن خناقه ولا مظاهرة مسلمين ومسحيين تلاقيهم بالروح بالدم هنموت المسلمين

اتنيلوا علي خيبتكم مسلمين ومسحيين

مع العلم ان في ناس مسحيين قمه في الاخلاق والادب وانا اتعاملت مع ناس كتير كده منهم
مع العلم برده ان في ناس مسلمين كتير احسن من انى اتكلم عنهم

لكن السيئه بتعم علي الجميع


_____________________

انا علشان مبنزلش ورصيدى خلص ومش عارفه اكلمك تكبريلي ومتكلميش انتى انتى ندله اوى يابت ياريمو

سندباد يقول...

الكلام جميل والحلم اجمل
بس المشكلة اننا مش عارفين ولا هانعرف
ربنا يولي فينا من يصلح ويكون من الصالحين
تقديري واحترامي

ستيتة يقول...

الحل في ايد اهل الحل اللي هم اساسا عاوزينها معقدة وعاوزينها مشكلة
اما الناس في حد ذاتهم معندهومش مشكلة
ولا عندهم حل كمان
سايبين اللي يخرم في المركب يعيش حياته
وعاملين نفسهم مش واخدين بالهم

ماجد العياطي يقول...

انا هقول حاجه بس محدش يزعل مني

انا كرهت الاغاني اللي من النوع ده

لانها بحسسني ان احنا سلبيين

مع ان اللي حصل خلى الناس فعلا ايد واحده

تدوينه جميله ولفته كويسه

تحياتي

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات