كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


http://imaginationconversion.files.wordpress.com/2008/03/revolution.jpg


مبدأياً كدا .. مبروك ولو انها متأخرة لتونس وأهل تونس
والله يرحم الشاب المنتحر اللي انتحاره كان نواة ثورة وتحرير من الظلم وربنا يكملها عليهم بالستر

بس مش معني كدا اننا نقلد وخلاص وكل يوم يكون في بالاربع والخمس حالات انتحار يعني ؟
عيب أوي كدا ..
ربنا ادالنا عقل نفكر بيه

هو مش كل شهرين تلاتة نسمع عن واحد انتحر بسبب الظروف المهببة بطين !
حد بيتحرك منه شعرة ؟
اخرنا بنقول ربنا يرحمه ويغفرله وبنرجع ننام تاني يعني عادي وبناكل عادي وبنشرب عادي وبنعمل بيبيه عادي برده !

هي مش الحكومة بتموت العشرات والميات كل فترة من الفترات
اخرهم خالد سعيد والسيد بلال وماخفي كان اعظم ؟
عملنا ثورات ؟
اخرنا ندمع دمعتين ع كام وقفة صامتة وخلاص!

الثورة هتقوم بإرادة كاملة لشعب كامل ..
مش تقليد أعمي لأحداث خارجية .. لجو تاني غير جو مصر !

الثورة هتقوم بتفكير سليم وعاقل ، بخطوات محسوبة .
مش نموت نفسنا ونستسلم ويبقي خسرنا دنيا واخرة !

الاعلام الهايف بتاعنا المفروض يعمل توعية شاملة
بس اعلامنا المحترم بيولع الدنيا
اعلامنا المحترم دلدول للحكومة ..
اعلامنا دا لذوذ وطيوب آخر حاجة !

حاجة تانية بئة
الناس المعارضين للي هيحصل " والله اعلم " يوم 25 يناير .
بتعارضو ليه؟
انتو مالكو !
من كان يؤمن بالله واليوم الآخر فليقل خير او ليصمت
--> حديث شريف .

مش هتعملو حاجة يبقي تخرصو
سيبو اللي يعمل يعمل ..
سيبو الناس تحاول
وخلينا احنا " وانا معاكو " نتفرج
ولو حصل ثورة بجد
نبقي نهيص في الهيصة ونثور احنا كمان <_<

لكن بلاش احباطات وحياة ابوكو
تفائلوا خيرا اللهي يخليكو
وبلاش انتحارات بالله عليكو
الجو برد آه .. بس البنزين غالي
مش عاوزين نار
احنا بنحب البرد من غير حريقة وولعة
الله يهديكو ..
ويهدينا ..
ويهدي الحكومة " طويلة العمر اللهي يتقصف عمرها بدري "

وسلام بئة ..
هروح اشتري لترين بنزين ينفعو وقت الزنقة <_<

الا انا سمعت ان البنزين هيغلي !

 
 
ربــي ..
أعلم أنه لا يوجد أحن منك عليّ ..
أنت أحن من جميع مخلوقاتك
فـ أرحمني يا الله ..
خفف عليّ حزني ..
فرج همي ياربي ..
أنا من تلجأ إليك دائماً في السراء والضراء ..
وأنت من تجيب دعواتي دائماً وأبداً
لم أطلب منك طلب قط وخذلتني
كم أنت كريم معي يا الله
وكم أنا راضية بحكمك وقضائك ..
أدعوك ياربي ..
أسلمت نفسي وأمري إليك يا الله
قدمت قلبي لك يا الله
فأحفظه لي ...
وأحفظني لك يا الله

ربــي ..
جفت دموع عيني ..
كَثُر ألم قلبي ..
وأنا عند يقيني بك .
يا من قلت " ان بعد العسر يسرا "
ثم قلت " ان مع العسر يسرا "
فاجعلي اليسر بعد كل هذا العسر ..
ارزقني الفرج بعد كل هذا الضيق ..
ارزقني الصبر يا الله
واقدر لي الخير .. وارضني به
وحررني من دوامة الحزن هذه
وارزقني فرحـاً وراحة من عندك

... دعــواتكم :-) ...
http://sphotos.ak.fbcdn.net/hphotos-ak-snc6/hs075.snc6/168580_478678931226_569176226_6460073_1946886_n.jpg

ياتري ايه هو الحلم المصري؟
ياتري زيه زي الحلم العربي كدا اللي ولا بيتحقق ؟

في الازمة الاخيرة والاحداث الاخيرة كنت انا بعيدة خالص عن اني اقول اي رأي او اكتب اي حاجة فيها !
جايز دا اكتئاب مصري؟

المهم ..
مجموعة من المطربين الشباب عملوا اوبريت جديد اسمه الحلم المصري ..
هتشوفوه حــالاً .. وهاحطلكم كمان كلمات الاوبريت ...
مش هتشائم واقول آهو كلام والسلام ! ..
لان دا ابسط فعل هيعمله الشباب في ظل الاحداث الجارية

الغريبة ان كل فترة يتكرر حاجة زي كدا .. والفتنة بتزيد بينا كمصريين " مسلمين ومسيحين ! "
والعجيبة ان احنا مستسلمين لكدا !!!!

من غير أي شك .. مصر " وناس مصر " عايشين في مجاعة ..!!
مجاعة أخلاقية قذرة ...
 
الفتنة مش فتنة دينية بس .. ولا رياضية بس .. !
دي فتنة أخلاقية ..!
الأخلاق بقت في الدمـــار ...

اممممممممممممممم
حــاسة اني مش هاقول كلام جديد ..
كله اتقال واتعاد مليون مرة 
شوفو بس اللينكات دي .. فيها حاجات كنت كتبتها قبل كدا " دليل ان التاريخ بيتكرر والماضي القريب بيتكرر في الحاضر الحالي ! "

  1. الدنيــا خربــانــــــــة .. ياعمي خرباااااااانة :@

  2. مصر في عصر الاضطراب المظلم !

 ----------------

 دلوقتي شوفو اوبريت الحلم المصري ...

ودي كلمــاتها ..

http://farm3.static.flickr.com/2355/2374832367_35c08fd462.jpg?v=0

مش فارقة اصوم خمسين و لا أصوم رمضان
عايشين بقالنا سنين حالفين نعيش في أمان ...
و بقولها من قلبي و خلاص خلص صبري
إنسى ان تكسرني في الآخر انا مصري
مفيش كلمة هقولها تريح قلبنا
ده حتى دمعة ع اللي جرالنا قليلة
و مين هيرجع اللي ضاعوا مننا
أبويا و أمي و أخويا ده ما يرضيش ربنا
أدن و جرسك رن
قلب البلد والع
الظلم مش بيحن لكنيسة أو جامع
مفيش قانون و لا دين
يقبل نكون ضدين
طول ما احنا متفقين
يبأه العدو واحد
أصل اللي مات إنسان
و مصر ده العنوان
من إمتى كانت تفرق
ما بينا الأديان
إبنك يا مصر أصيل
كله شرب من نيل
قلبه كتاب مفتوح
قرآن مع إنجيل
الفتنة مش في الدين
و القتل مش في كتاب
كل الملل بتدين
العنف و الإرهاب
أصل اللي مات إنسان
و دمه مش مجان
و الموت ما بيفرقش
بالدين و بالألوان
دي بلدنا فيها حاجات في الدنيا ما تلاقيهاش
لو مين في ولادنا مات ما يضيعش دمه بلاش
كبار و صغيرين هنعيش ليوم الدين
بنحب مصر بلدنا و ببعضنا حاسين
مش عادي ناس بتموت و لا البلد تولع
و لا عادي نتفرج و عيونا بتدمع
 و يا ريت نكون واعيين ان اللي مش عاجبه
هو الوحيد اللي عايزها يوم تولع
تاريخنا علينا شاهد مين هم المصريين
عايشين كلنا واحد روح واحدة متعاهدين
كنايس جنب مساجد و قلوبنا متصالحين
علشان كلنا واحد و مخلوقين من طين
في الدم إحنا اخوات و بنتحامى في بعضينا
مسيحي مسلم مات علشان نجيب سينا
و الفتنة مش هتبات و لا يوم في وسطينا
لا عمره عاش و لا كان اللي يعادينا
لو مينا يوم اتصاب أحمد يقول آهين
دول أهل دول أحباب روح واحدة في جسدين
ممنوع لأي غريب يلعب بوحدتنا
مسلم مسيحي حبيب و الأرض دي شالتنا
عايشين في بيت واحد عايشين أمل واحد
و ان حد منا مات يبأه الألم واحد
ده مصير بلدنا واحد و الدم لون واحد
وقت الفرح و الحزن يبأه الأمل واحد
ديني و دينك إيه ربي في سماه واحد
من إمتى و احنا اتنين حتى التاريخ شاهد
طول عمرنا عايشين إخوات في بيت واحد
على الحلوة و المرة دايماً نكون واحد
الدنيا ليها قانون و الدين بيحميها
و لا عمره فرق يوم بين ناس و ناس فيها
دم اللي راحوا دول غاليين أوي علينا
و عشان بلدنا نعيش و نموت كمان فيها
طول عمرنا عايشين إخوات في بعضينا
روح واحدة متفقين ده اللي يقوينا
و في ناس كتير عايزين يفرقوا ما بينا
وحدتنا قوتنا متشبكة إيدينا
ما تخافش يوم إنسان ما تهابش ولا مخلوق
حقك راجع أكيد مهما الزمان هيفوت
لو ظلم أو جبروت ربك أكيد موجود
عدله أكيد هيسود رحمة ما ليها حدود

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات