كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


من غير مقدمــات ..
اسمعوا .. أو اقرأوا القصيدة دي .. لـ هشام الجخ 

ومحدش يستغرب اني بنت وعاجبني الكلام دا جداً

-----------------------------------------------

" غيرت الفيديو للكلام من غير موسيقي - ولا تزعلوا - ^_^ "


لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير ♥
واللي قالولك غيرة الراجل
قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها

اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل

كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟
هو انا كلب ؟؟

ثم العبرة ماهيش في اللبس
اصل المشكلة عَندك .. عٍندك ..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت

ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير

اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير

-----------------------------------------------

ع الهــامش بقي ^_^
وأنا بموت في غيرتك دي ♥

http://sphotos.ak.fbcdn.net/hphotos-ak-snc4/hs408.snc4/47151_460683326762_386178881762_6376914_2454154_n.jpg
أعشق الشتــاء
وأنتظر هطــول الامطــار
فـ في نزول المطر علي الأرض شعور يريحني
يطمئني بأن الدموع لا تبقي
فبعد الدموع تأتــي الراحة
كما الاستقرار المنعش بعد توقف الأمطــار



الشتــاء عمره قصير مهما اشتد برده
كــالحزن ..!!
مهما نخر في القلب .. فعمره قصير أيضــاً .


أيهــا الشتــاء
أمتعني بوجودك ..
وذكرني برحيلك ..
فـ أنا بحــاجة إلي بردك
كمــا أنتظر راحتي بعدك !
 



 
~ ~ ~ ~ ~ ~ ~ ~ ~ ~ ~ ~

كنت قد بنيت علي قلبي آلاف الجدران والحصون حتي لا يدخله أحد
وبنظرة من عنيك تحطمت حصوني لتدخل قلبي عنوة
فقررت بناء حصون أخري علي قلبي وأنت بداخله ياقلبي
لكي لا تخرج منه حتي موتــي
ولكن ..!
أشعر بيد تحطم حصوني ..
فتمسك يا قلبي ولا تدعني
ولا تجعل أحد يحطم قلوبنــا ..
فـ لا ترحــل ..
فرحيلك يعني مــوتي ..


~ ~ ~ ~ ~ ~ ~ ~ ~ ~ ~ ~
ع الهــامش ..
كالعادة ، محتاجة دعواتكم جداً
واعذروني ع الاختفاء الفترة اللي فاتت واحتمال اللي جاية كمان
:-)
أحبكم في الله


وحشتوني ..
ومعلش مقصرة معاكو بقالي فترة 
ومش متخيلة اني عديت 15 يوم من غير ما اكتب ولا كلمة !!!

يـــلا بئة ..
شوفــو وخلو بالكو من الهوامش تحت البوست ^_^


 http://1.bp.blogspot.com/_gDSoTkA1pM8/Sb-bBFHTZjI/AAAAAAAAArI/QifahcEnvss/s400/MoonGirl2.gif

أسير ليلاً وحيدة ..
ولأول مرة أسير وحدي ..

رأيت القمر يتابعني !
تذكرت عندما كنت طفلة .. وأفكر في هذا الشئ
أن القمـــر يتابعني ويجري ورائي ..

ركبت السيارة وتابعت القمر بعيناي ..
فرحت كثيراً لمظهره المقترب من الاكتمال " شبه بدر ^_^ "

دعــوت الله وقتها أن يرزقني الخير
وأن تكــون أنت قمـــري وشمســـي
وأن يجعلك جنتي ..
وأن يحميني من نــارك ..

ان كــان هنــاكـ خيرٌ فليقربنـــا
وان كــان هنـــاكـ شرٌ فليبعدنــا
كمـــا كنـــا ولا زلنـــا

دعــوت الله ..
اللهمَ قدرً ليِ الخيرَ حيْثَ كآنَ (ثمَ آرْضنيَ بّه)

------------------------
كــم اشتاق لطفولتي ومداعبتي للقمر في السمـــاء
واتمني أن يــأتي اليوم وأكون كوكب ينيره قمرٌ كبيرٌ ..
وأقمـــار صغيرة مدللة !!!

------------------------
تمت ..
25-10-2010


ع الهــامش 1
----
الكلام دا كلام حسيته
مش مجرد كلام والسلام 
^_^
***************
ع الهامش 2
----
هتسمعو عني ان شاء الله أخبار كويسة قريب
SoOoOo
كــالعــادة .. بطلب منكو تكثروا الدعـــاء لــي
^_^



http://www.confessionsofaninsomniac.com/wp-content/uploads/2010/05/the-power-of-words.jpg
ثمة بشر في حياتنا وهم بعيدون اذ هم كالنجوم يتلألأون
وعندما يقتربون نكتشف أنهم بالوحل يتلطخون

~-~-~-~-~-~-~-~

الحب .. ماهو الا وهم كبير نقنع أنفسنا به فـ نعيش فيه !
يصبح حقيقة فقط عندما نستخدم العقل مع القلب باعتدال
~-~-~-~-~-~-~-~

شيئان يسببان الموت بطئاً .. الاحساس المفرط والبرود المسرف فيه
~-~-~-~-~-~-~-~

كفــى ـآ حزنــاً أيها الكون ! .
فمازال هناك بذور فرح تحتاج إلي مطر التفاؤل.
~-~-~-~-~-~-~-~

رأيي هو وجهة نظري ، لا يهمني اقناعك ..
فـ أنا لا أسعي لفرضه عليك ..

رأيي هو لي ورأيك هو لك
 لسنــا في حرب مادمنا لا نحاول اجبار بعضنا البعض
~-~-~-~-~-~-~-~

أفرح جداً عندمــا أخطئ
فبذلك أكتسب خبرة ومناعة ضد هذا الخطأ
~-~-~-~-~-~-~-~

أعترف ..
وقعت كثيراً ..
وبقدر وقعاتي هذه
ســأرتفع ..!!
~-~-~-~-~-~-~-~

هنــاك أناس وقحون .. وضيعون
يخطئون .. واذ هم يعتبرون
أنهم ملائكة يتجسدون
في بني البشر !!
~-~-~-~-~-~-~-~

المسلم .. مسلم بأخلاقه ..
لا بكلماته وبنفاقه !
أرجوكـ .. حافظ علي اسلامك
لذاتك .. ليس لي !!!
~-~-~-~-~-~-~-~

تعرف أن الله راضي عنك
عندما يحبك خلقه !
وكذلك ..
عندما ترضي عن ذاتك .. وتحبها !
~-~-~-~-~-~-~-~

هذه بعض محطاتــي ..
وبعض قصاصتي ..
التي تحتاج التفكير مني ملياً
والتي ستكون شاهداً لي عند تغيري
سواء للأفضل .. أو للأسوأ
;-)
http://sphotos.ak.fbcdn.net/hphotos-ak-snc4/hs788.snc4/66827_132409436811304_100001267466941_207324_3616578_n.jpg

http://www.90at.com/uploads/90at12860342551.jpg

كثير من الذكــور .. قليل من الرجال

من أجمل المقولات اللي قالتها الرائعة أحلام مستغانمي ..


دا لأن الجملة دي متطابقة جداً مع مجتمعنا الشرقي ..

فنلاقي الذكور كتير .. المسترجلين أكتر ..

انما الرجــالة الرجــالة ..

نادرين جــداً
"الصين بتفكر تعمل شوية كتير تغرق بيهم السوق
انا بقترح يكونو ياباني تقفيل صيني <_<"

-------------------------

الذكور ليهم صفات .. والرجال ليهم صفــات ..

في إحدي المناقشات واستطلاعات الرأي علي احدي صفحات الفيس بوك حوالين الصفات الغير مرغوب فيها فـ الراجل واللي بتحوله لذكر مش راجل <_<
تم استخلاص الآتي .. وما خفي كان أعظم^_^
~-~-~-~-~-~-~-~-~-~-~-~-~-~-~-~

* البخيـــل والجبان

وفقاً للمقولة اللي معرفش مين قالها ..
" أبغض الرجال عند النساء : البخيل والجبان "

مين هو البخيل.. وتعرفيه ازاى يابنت حوا

# لما يقابلك .. أول حاجة يسألك عنها :

 - اتغديتي ياحبيبتي ؟
 - لاء لسة ! ..
 - ماما عاملة أكل ايه انهاردة ؟
 - شوربة عدس ومبحبهاااااش
" عشان يحس الغبي وتاكلو سوا "
 - واااااو .. انا بموت فيها ..
خلاص اتصلي بطنط قوليلها انا جاي اتغدي عندكو ..
يالا نروح حالا بدال مانقعد ف اي حتة <_<
- تحبي تشربي حاجة ؟؟
- " انتي هترخمي بئة وتقوليله آه هاشرب "
يطلع من جيبه مبلغ وقدره .. عشان يطلع منهم فـ الآخر جنيه ونص حق العصير
وكمان طبعا أكيد مش هيجيب لنفسه ويقولك ماليش ف العصاير <_<
ولو شربتي نص العصير وشبعتي وهترمي الباقي .. يقولك هاتيه اشربه انا
--> مش كان ملكش ف العصاير من شوية ؟؟ :@

-------------------

كل مرة يقابلك فيها .. يقولك
- ياااه كنت عاوز اجيبلك ورد وانا جاي بس انتي استعجلتيني !
- انا استعجلتك O_o
" وانتي ولا استعجلتيه ولا بتاع ^_^ "

-------------------

وينسحب أول مايسمع سيرة فلوس مطلوبة منك او من حد من عيلتك فورا ..
وفـ المواصلات يسألك .. معاكي فكة ؟
ولما يكون معاكي حد من أهلك .. ويجو يدفعو حق المواصلات
يعزم بأنه هيدفع .. واول ما أهلك يقولوله لاء ..
يرجع الفلوس فـ جيبه فوراً

عزيزتي بنت حواء .. سيبك من ابن آدم دا .. لانه هيطلع عينك بعد الجواز :@

***************************

* الجبان بئة ..
واستكمالا للمقولة اللي فاتت ..


اول ماتحتاجيله فـ أي حاجة تلاقيه جري !
مش كدا وبس ...
دا كمان هدفه يخليكي كدا ^_^

لما انتي وصاحبتك تكونو فـ أزمة ..
اول حاجة يقولهالك سيبي صاحبتك دي مبتحبكيش !
مع ان انتو الاتنين فـ نفس الأزمة !

دايما يحسسك انه صاحب جمايل ع الناس
واول ماحد يحتاجه فـ حاجة جد " وياسلام لو فيها فلوس " ..
يمشي بمبدأ الجري نص الجدعنة

برده ياعزيزتي سيبي ابن آدم دا فوراً :)

***************************

* الكذاب .. وأبو لمعة :

والفشار والغشاش وكل مشتقات الكذب بئة ..

دا تلاقيه بيكذب ويصدق نفسه
يقولك فـ يوم
- مسكت صاحب الشغل بهدلته
- مممم وسابك كدا ؟
- آه هو هيقدر يعملي حاجة ولا يقدر :@

تاني يوم يسيب الشغل .. ويعيط .. ويكون متأثر
ويقولك مظلووووووووم

ولما تفكريه باللي قاله ليكي .. يقولك جايز .. بس انا مش فاكر <_<
وبرده مظلوووووووم عااااااااااااااا

-------------------

دايماً يحسسك ان البنات بتجري وراه
وهو اصلا اساسا شبه كلينكس التواليت :D

دا بئة أنصحك تسيبه فـ مقتل :D
ومتقلقيش .. هيعيش دور المظلوم برده
بس امشي بمبدأ ..
الكلاب تعوي والقافلة تسير
:-)


***************************

* المسهوك ..

وآه م المسهوك

اللي كل ما يشوفك يجري ع ايديكي يمسكها
" اديله باللي ف رجلك :@ "

ولما يقابل حد من اصحابه .. عاوز يوريله انه خاطب .. فيحط ايده ع كتفك
" اكسريهاله و لا يهمك "

وكل مايكلمك يتنهد تنهيدة طالعة من الامعاء الغليظة ..
ويقولك بحبك يا زوهير .. :O

ودايما بيسبل وهو بيتكلم .. ويتنحنح كأنه واكل نعناع <_<

واللي دايماً ع لسانه :
لو سبتيني هموت بعدك !

سيبيه ولا يهمك ..
دا مان مش راجل <_<
بيعبر عن مشاعره بالكلام ومسك الايد وبس
واما تسيبيه هيدور ع غيرك .. بس واحدة تكون رخيصة يعمل معاها مابداله <_<


***************************
* المتردد اللي مالوش شخصية بتاع بابي ومامي

اللي كل ماتقوليله ع حاجة يقولك استني اقول لبابا كدا
اللي كل شوية يقولك متسألي ع ماما !
مع انك بتسألي .. وكلامه ليكي كدا يخليكي متسأليش <_<

شوفي آخره ايه وحذريه .. عرفيه انك هتتجوزيه مش هتتجوزي ابوه وامه :@

***************************
* النكدي ..

اللي مفيش اي حاجة بتعجبه
وبيفهم الكلام ع مزاجه
وبيتلكك ع الواحده

مش هيعمر صدقيني <_<

***************************
* البارد .. والبصباص

اغنيا عن التعريف طبعا :)

***************************

* ســي السيد ..

حبيت اخليه آخر واحد اتكلم عنه انهاردة ..
عشان دا السائد في مجتمعنا الشرقي ..

اللي يؤمر ويتأمر كأنك الجارية اللي ورثها عن جده السابع عشر <_<
اللي مبيعجبهوش العجب ولا الصيام فـ رجب !
اللي دايما شايفك مقصرة في واجباتك وحقوقك عليه !
اللي دايماً صوته عالي .. أعلي من عمو اللي بيقول حسبي الله ونعم الوكيل دا :D

المتسلط زيادة عن اللزوم
اللي من أول ما تتخطبوا يقولك لو مش عاوزك تروحي عند الوالدة مش هتروحي O_o
لو قولتلك اخوكي ميدخلش البيت وانا مش موجود ميدخلش <_<
لو قولتلك الاكل مش عاجبني تقومي زي الـ .. تعمليلي أكل غيره وتاكلي دا انتي زي الـ .. برده !

وقتها مفيش حرج من انك تستخدمي الشبشب ولامؤآخذة :@

~-~-~-~-~-~-~-~-~-~-~-~-~-~-~-~

مش معني كلامي دا ان مفيش رجالة !

في أكيد .. بس زي ماقولت قليلين جداً
مش غلط ياجماعة اننا نشوف غلط فـ ايه ونصلحه
البخيل ممكن يتعالج من بخله لو حس واقتنع بيه ..
شوف تصرفاتك ايه !
الجبان .. اتشجع شوية وخليك راجل بجد مع حبيبتك وخطيبتك واللي هتبقي مراتك
النكدي والبارد وسي السيد ..
الشخصية الوسط حلوة ..
خليكو وسط ..
اتعاملوا مع المرأة كأنها بني آدم زيها زيكو
ربنا خلقنا متساويين ..
كلنا بشر
بس خلق للمرأة صفات وللرجل صفات

العلاقة بين الرجل والمرأة علاقة تكامل مش تفاضل
ربنا مفضلش الرجل علي المرأة زي ما انتو فاهمين
ومخلقش ليكو لسان عشان تهزأو المرأة
ولا خلق أيد عشان تضربوهم
لكن خلق لسان عشان الكلمة الطيبة ..
وايد عشان تتطبطب عليها ..
وحضن يضمها وقت الشدة والرخاء
وقلب يحس بيها فـ كل الأوقات

المرأة نص المجتمع.. لولاها مكنش اتوجد النص الثاني !

آخيــراً .. وليس آخراً ..

يامعشر الذكور ..
ارجوكم ..
 ترجلّوا ..
يرحمكم الله

:-)


-------------------------
ع الهــامش .. 
اول بوست ليا
فـ مجلة ملك وكتابة
-------------------------
http://www.90at.com/uploads/90at12857030751.jpg


خليك أستك ..
لا تزعل ولا تتشنك
وان مرة جالك الهم
نفضله واتنك

~_~

عيش كــوول
وابتسم علي طــول
فكها بئة ياعم
دا الفرح أكيد ع وصــول




http://www.90at.com/uploads/90at12857032561.jpg

http://www.90at.com/uploads/90at12851696651.jpg


طب اكتب ايه ؟

دا انا بقالي فترة عازلة نفسي عن هم الاخبار وبرامج التوك شو

مش سلبية والله !!

بس خلاص جالي ضغط من الزعل <_<

ماصدقت الصداع خف .. والضغط اتظبط

ارجع انهاردة اشوف خبر يخليني اجيب الجديد والقديم !

ايه اللي احنا فيه دا ؟

هي مصر بقت خربانة كدا ليه من كل ناحية

لا الناس بقت ناس طبيعية ولا الحاجة الحلوة اللي كانو بيقولو انها في المصريين بقت موجودة !

امبارح واللي حصل بين جماهير الاهلي والزمالك
" دووس "

هي الرياضة بقت بالضرب والشتيمة والتكسير والهبل والعته المغولي دا ؟

هو دا الصح يامصريين يامتحضريين !

لاء .. اسفة <_<

مانا لازم اقول للبهايم اللي عملو كدا ياهمج

لكل همجي بيشتم عشان فريقه
وبيضرب ويكسر ويبهدل

جاتكو ستين نيلة <_<

والله البلد دي ماهتتقدم طول مانتو فيهـــا

اللي استوقفني ف الخبر الجملة دي

وفى أمر غير مفهوم.. لم يشهد موقع الحادث أى تواجد أمنى لفض الاشتباك على الرغم من وجود "سيارة نجدة " تستقر فى مدخل الشارع وسيارة بوكس فى أحد الشوارع الجانبية.

ماهو فعلا مش بعيد الحكومة هي اللي مدبرة كل دا " كالعادة " عشان تلهي الهُبل " اللي هو احنا " عن اللي بيحصل فـ البلد !
بالذات ان فـ نفس ذات الوقت كان في مظاهرات ضد التوريث في وسط البلد !
" دوس كمان هنا"


والحكومة تلطش ف المتظاهرين هنا ..
والجماهير المتخلفة بيضربو ف بعض ومفيش أمن هنا ..!!
والبلد تتقلب والدماغ تتوجع فنخلينا ف اللي احنا فيه ف اخر <_<

محبوكة ياولاد اللذينة :@

بس دا ميمنعش ان في مشجعيين متعصبين لدرجة انهم عاوزين الحرق والرجم بالجزم في خرابة مليانة فيران وياحبذا لو كانت فيران متوحشة من أكلي لحوم البشر<_<

برده جاتهم ستين نيلة <_<

---------------------------------

زمــــــــان كنت بقول مصر فـ الضياع !

دلوقتي اقول مصر ضاعت خلاص !


هافقد الامل ..؟ .. انا اللي بقول ان دايما في أمل ؟

أسفة .. مانا مش هاقول البرادعي هو الحل
" مش واثقة فيه ومش شايفاله اي فعل "

ومش هاقول المحروس ننوس عين مامته جيمي هو الحل ! <_<
ومش هاقول الاخوان هما الحل ..
لاني برده مشفتش منهم حاجة ف الهبل اللي احنا فيه دا <_<

لكن هاقول الحل ف كتاب ربنا

" إن الله لا يغير مابقوم حتي يغيروا ما بأنفسهم "

افهموها دي أوي
---------------------------------

مكنتش عاوزة اتكلم عن موضوع كاميليا شحاتة

بس بما اني اتكلمت عن الخراب والضياع اللي مصر فيه

يبقي نتكلم <_<

ومش هاتكلم برده عن قضيتها الشخصية ..

لاني من كتر الاخبار المتضاربة ف الموضوع دا كرهته <_<

بس هاقول الفتنة موجودة ومش هاننكرها

انا بشوف صفحات ع الفيس تشيب <_<

صفحات المسيحيين بيشتمو المسلمين
والمسلمين بيكفروا المسيحين :O

انا مش هاقول كلام رسمي واقولكو ان ليا اصحاب مسيحيين كتير والكلام بتاع البرامج دا

لالالا

انا قولت قبل كدا ان مليش الا 2 اصحاب ومكتفية بيهم والحمدلله

بس هاقول اصحابي كتير ع النت " فيس ومدونين "

بعزهم وبحبهم


مسألتش مين فيهم مسلم ومين مسيحي !

مقولتش مسيحي يبقي مش هاقراله حاجة ومش هاعلق عليه ولا علي كومنتاته >_<

مقولتش هامسحه من ع الفيس

عارفين ليه ؟

مش عشان انا ملاك بجناحين وطوق !

بس عشان انا ماشية بقول الرسول عليه الصلاة والسلام
واللي ذكر فـ القرآن الكريم
عندما قال للكافرين ..

" لكم دينكم ولي دين "

فمــا بالكم بـ أهل الكتــاب الاقباط ..!!

اللي فـ دينهم برده

" الله محبــة "

وبرده فـ ديننـا ..

" الدين المعاملة "

بالمناسبة ..

المصريين كلهم أقباط

لان قبطي اصلا يعني مصري !

المسلمين مش محتليين لمصر .. بل بالعكس معظم المسلمين فـ الاصل كانوا مسيحين وجدودهم أسلموا " بكــامل ارادتهم " !

نستنتج من دا كله .. ان كلنا لينا نفس الاصل
الاصل المصري أولا وأخيرا 


فياريت نحترم نفسنا ونرجع لاصلنا
نرجع لطينتنا ودمنا
نرجع تاني نحب بعضنا
نرجع تاني ايد فـ ايد ..
مسلم ولا مسيحي وايه الجديد !
المهم نكون من جوانا صافيين
مش للكره والحقد الدفين شايلين
نقولها بـ أعلي صوت
أنـــا مصري
" مسلم ولا مسيحي "
أنــــا مصري !

---------------------------------

آآهـ .. جالي صداع اهو الله يسامحكو <_<
http://www.90at.com/uploads/90at12851707321.jpg

http://www.gamesmuseum.uwaterloo.ca/VirtualExhibits/electronic/console/TV%20Set.jpg
قليلا بل نادرا ..
لما بهاجر أوضتي " سريري وكتبي وكمبيوتريايا :D "
وانفرد بالريموت لاشاهد التلفاز !

وفي كل مرة بشوفه فيها .. بحس ببوادر تخولوف عقلي " زي ماقال الاديب الكبير اللمبي ! "

زمــان في بداية التدوين كتبت " في بيتنا كباريه "

واليوم أكتب ..
أنا والاعلانات وشللك

-----------------------------

حقيقي شئ سو أوفر يامان " او ياوومن حسب نظامكو " ..
انك تشوف اعلانات تسد النفس وتجيب المرارة

هتقولولي طيب وبتكملي فرجة عليها ليه ؟.

هاقولكم .. لان بيجيلي شلل مؤقت مبقدرش احرك فيه ايديا علي الزرار عشان يغير القناة
-----------------------------

امبارح مش فاكرة كنت بتفرج ع ايه " اعذروني الزهايمر وفقدان الذاكرة المؤقت " ..
واذ فجأة يجي فاصل ..
خير اللهم اجعله خير الاقي اعلان فيه راجلين بيعرضو عن منتج مــا
ومــا ليه ؟
ما اقول انه موبايل :D

كانو بيعلنوا عن موبايل

موبايل كحيان <_<

بس طريقة الاعلان نفسه مستفزة

خدو مثلا ..

* موبايلنا انهاردة ياجماعة فيه مميزات خطيرة جدا جدا جدا
فيه بلوتووووووووووووث
" ملامح الدهشة علي وش التاني اللي معاه .. وملامح الفجأة ع وشه :O "

وكمان فيييه شبــــكة

لا وايـــــــه ممكن يتحطله نغمات صوتية .. والمفاجأة المفاجأة .. انه بينووووووور !!!

ممكن تحط فيه خط
 
طب اقولكو مفاجأة تانية !

ممكن تحطو خطييييييييييين !!! :O

وبيرقص كمان هههه اقصد ممكن تعمله فيربريشن

لا والمفاجأة الكبري انه من صنع شركتنـــــــــــــا ^_^


عــــــــا يامراااااااارتي !!
-----------------------------

مرة أخري من المرات ...
اعلان شيبسي ديلايتس " السوداني "

السوداني مش هيتمرمط تاني <_<

ف الاول عجبني الاعلان ..

ولما دوقت السوداني

ععععععععععععععع
-----------------------------

الاعلان اللي حبيته أوي أوي

اعلان اتصالات .. قالوا الناس مجانين ..

الاغنية عجبتني <_<

بس لما عرفت الفلوس اللي اتدفعت فيه
كرهته أد ماحبيته

عــــــااااااااا

26 مليون جنيه يامفتريين

عشان الموف والطيارة والجناحات والبدلة الشيك بتاعة عز والبنطلون الفحلقي بتاع منير !!!

حسبي الله <_<
-----------------------------

اعلانــــات تانية كتير .. هتكلم عنهم كلهم أكيد

مانا فاضية بئة " بس مش أوي :D "

بس آخر حــاجة  ..

اعلان بيريل !!

استرجل واشرب بيريل

:@

علامة تعجب مندمجة مع سمايل طالع من ودانه دخان !:@

هي دي الرجولة ؟

السؤال .. هما مقتنعين بجد ان دي الرجولة ؟

طب الشباب اللي بتاخد افكارهم الهباب دي تعمل ايه ؟

طيب البيرة دي مثلا بتخلي الواحد راجل ازاى ؟


بـ عااااااااااا اللي بيقولوها ف الاخر زي اسد الغابة الي دخل ف رجله شوكة ؟

ممممممممممم

سؤال فكرو فيه لحد البوست اللي جاي لانه هايتكلم عن شوية صفات ذكورية ارعة .. !

هسألكو يعني ايه راجل .. وايه الفرق اللي بينه وبين الذكر !
-----------------------------

وارجوووووكوووو ..
بلاش تغلطو غلطتي وتتفرجو علي اعلانات تاني :D:D

** ع الهــامش ..

** البوست اللي فات قصة قصيرة .. عشان محدش يفتكر اني بحكي حكايتي الشخصية لا قدر الله <_<
** وارجوكم كل اللي مش فهمها يقراها تاني بتأني ^_^
ويركز فـ آخر سطرين فيهــا ^^,
وآخــر كلامي ســلآم


http://www.90at.com/uploads/90at12847214171.jpg


إسمــي حيــاة ..

أخبرني أبي أن أمي من أختارت لي هذا الاسم وطلبت منه أن يسرع في تسجيلي ..

ضمتني إليها بشدة وقالت له :

" سميها حيــاة .. لأنها بداية حياة جديدة لأسرتنا الجميلة "

فقد عاشوا يحلمون بهذا اليوم طويلاً
..
أسرع أبي في تسجيلي وعندما عــاد إليها وإليّ وأنا رضيعة .. وجدهــا ميتــة ..!!

عندمــا حكــي أبي لي هذا ..

ارتبطت الحياة عندي بالموت ..!!

---------------------

عشت يتيمة الأم ..
ولكن عوضني الله بصديقة مخلصة ..
في بداية الصف الثاني الثانوي أحبت شاباً ..
وتمت خطبتهــا إليه ..
وفي يوم الخطبة .. توفيت !

فكــانت الصدمة ...!

وتكررت عندي الفكرة ..

ارتبــاط الحيــاة بالموت .!
---------------------

ســاعدني أبــي علي الخروج من هذه الحــالة ..
أعانني علي استذكار دروسي ..
أخبرني أن أمنيته أن ألتحق بالجامعة ..
وعدني أن يوصني إلي باب الجامعة في أول يوم دراسة ..
ونجحت في الثانوية العامة ..
وعندما أيقظته أول يوم دراسة كي يوفي بوعده ..
وجدتـــه ميتــاً ..

فبداية حيــاة أخري لي ..
ومرحلة جديدة في حياتي ..

ارتبطت أيــضــاً بالموت
---------------------

لـذا قررت أن أحيــا ميتة ..
أن أنسي الحيــاة ..
ألا أبدأ أي حياة جديدة ..!


عرفت بعض اصدقاء السوء ..
استخدمتهم في حياتي الميتة هذه ..

سنوات تمر ... وأنا أحيــا ميتة ، وأموت حيــة ..!!

واليــوم ..
اكتشفت أني تائهة !
لا أنا ميتة .. ولا أنا حية ..
---------------------


قررت التوقف ..
قررت أن أعيد صلتي بالله واستغفره واخبره اني راضية بما قدره لي ..
اليوم قررت ..
أن أبدأ حيــاة جديدة مع الله ..
اليوم قررت ..
الندم عمــا فــات وبناء كل ماهو جيد في ما آت ..

قضيت يومي في الصلاة والبكاء ..
أمسكت بالمصحف وقرأت فيه كثيراً ..
---------------------

اليوم ..
بدأت حياة نقية

رغم يتمي ..
إلا إني أملك ربــاً عظيمــاً ..
---------------------

قضيت نهاري وليلي هذا اليوم
بين يدي ربي ..

وانتهــت حيــاتي هذا اليوم ..
ايضاً بين يدي ربــي ..!
---------------------

ارتبطت حياتي الجديدة بالموت أيضاً ..!!

ولكني اليوم راضية عن هذا الارتباط المؤلم !

اليوم أستطيع رؤية أبي وأمي وصديقتي ..

اليوم أستطيع أن ارضي عن ذاتي لأني عدت إلي الله ..!!

اليوم علمت ..
أن مهما طالت الحيــاة أو قصرت .. فـ دائماً وأبداً ترتبط بالموت .. وعلينا الرضا والاستعداد حتي يأتي دورنا في هذا الارتباط الابدي
 ---------------------


تمت
6-9-2010


أنا مش فارس ولا فتى أحلام

أنا زحمة .. وربكة .. وشغل جنان
 
نصي بيضحك والتاني زعلان
 
أنا شيخ فلتان
 
طيب .. شرير .. وجريء .. وجبان
 
أوقات مشرق وأوقات بهتان
 
وساعات سلم وساعات تعبان
 
مفتري جدا وكمان غلبان
 
شبابيك وبيبان

توهة عنوان

أنا م الأخر

عفريت لابس بدلة انسان
 
 
 

http://thawra.alwehda.gov.sy/images/NEWS3%5CM08%5CD07%5C8-4.jpg

للسرقة ألوان وفنون 
والحرامي موهوب بطبعه

  • فـي الاتوبيس ممكن تتسرق ويتنشل محفظتك ومتحسش الا وانت بتدفع الاجرة :D


  • وانتي ماشية ف الشارع ممكن حد يجي يلطش شنطتك ويجري

والناس تتفرج عليكي وتمصمص ف شفايفها وبس !

ولان الحرامي حرامي!
ولان السرقة ممكن تكون مهنة وممكن تكون هواية

فـ العادي ان الحرامي يواكب التطور التكنولوجي الموجود حاليا !

فمثلا اذ ربما نلاقي حرامية الافكار المنتشريين في جميع شوارع وحارات وأزقة الانترنت الحبيب

ع الفيس توك.. وع المدونات .. وع المنتديات ..وعلي اي حاجة بئة

هواية ان حد يشوف اي حاجة تعجبه ياخدها ويكتبها باسمه ولا كأنه عمل حاجة !

الغريب انهم بيصدقو انهم موهوبين وان الكلام دا كلامهم 

ويردو علي الناس اللي بتشكرهم علي مواهبهم الفذة دي بتواضع شديد قائلين 
" دا أقل ماعندي "

سـارة درويش بنوتة لاسعة اتكلمت عن الموضوع دا قبل كدا
وعملت بيدج ع الفيس بوك اسمه امسك حرامي!

وعلي صفحتها كانت بتمسك فـ حرامية كتير:D

انا اتعرضت لسرقة كتير .. قبل ما اعمل المدونة

ودلوقتي لو شوفت موضوع واحد منقول ف اي مكان تاني ممكن اعض اللي اخدها :D

الحرامية دول بئة كدابين متأصلين برده

لانهم بيحاولو ع اد مايقدرو يقنعو اللي ادامهم انهم اصحاب الموهبة الفذة دي !

وفي حرامية انفوهات " جمع انفو"

من كام يوم لاقيت واحدة واخدة الانفو بتاعتي بالنص

بعتلها رساله .. وطبعا ولا عبرتني :D :D

في حرامية تانيين وكدابين متأصليين بيلعبو بالانفو

  • يعني مثلا واحد معاه ابتدائية .. يكتب انه معاه ماجستير فـ كيفية استغلال الموارد الانترنتية


  • وواحد كان فـ مدرسة كولامبور الصين الشعبية ..

يكتب انه من مدرسة امريكانا للتعليم الاروبي

  • وواحد خريج معهد لاسلكي .. يكتب انه خريج هندسة اتصالات


وهكذا وهكذا

:D

وفـ الاول والآخر ..

للسرقة فنون ^_^

فـ ارحمونا بئة ياحرامية ياتييييييييت 
مليتو البلد

الحرامي ف الحاجات الهايفة دي بكرة يكون حرامي ف حاجات كبيرة

اللي معندهوش امانة ف حاجات صغيرة كدا بكرة يخون امانات كبيرة ومهمة

مش هتتعبو ف حاجة لما تكتبو المصدر 

بلاش.. اكتبو منقول لو متعرفوش المصدر

بلاش تعيشو الدور دا

عشان منظركو بيبقي وحش اوي

انا واحدة من الناس لما بشوف اي حاجة بتعجبني من ناس اول مرة اقرالهم حاجة ومش عارفة اسلوبهم

بعمل سيرش علي اللي بيكتبوه

وبينزلو من نظري جامد لما اعرف انهم ناقلينه ويقولو انهم اللي كاتبينه !

وعلي فكرة

اللي بيعمل كدا بيكون عنده عقدة نقص رهيبة
حاسس انه ناقصه حاجة كبيرة ..
فبيحاول يعوضها ف انه يقول انه يملك موهبة زي الكتابة او التأليف
عشان الناس تهتم بيه وتشكر فيه

هاقولكم مرة كمان " والكلام للحرامية بس "

اتلمو .. جاتكو ستين نيلة




 عيد سعيد عليكم كلكوو

رمضان خلص ومشي بالسلامة

والعيد جاي بفرحته وببهجته

رمضان السنة دي تقريبا أحلي رمضان عدا عليا في خلال 21 سنة وشوية عايشاهم !

احلي رمضان راضية فيه عن نفسي أوي !

وأحلي سنة تقريبا بعد فلترتي لكل الناس اللي بيجيبوني ورا :D

وبالتالي حاسة بصفاء ونقاء حلو أوي :D

المهم في حاجة اكيد عارفينها كلنا لازم نتكلم فيها عشان ندعي بدعاء معين الفترة اللي جاية دي !

احنا تعبنا في رمضان

صمنا .. وصلينا بخشوع .. وقمنا الليل .. ودعينا كتير .. و ..  و .. و ..!!

كل دا مش عاوزينه يضيع بعد رمضان ..عاوزين نستمر عليه

فياريت ندعي سوا .. اللهم ثبتنا بعد رمضان ..!!

اكيد عارفين كمان ان ثباتنا بعد رمضان معناه قبول ربنا منا اعمالنا اثناء رمضان !!

علشان كدا لازم ندعي ونحاول نثبت 

ان شاء الله ربنا يتقبل مننا كل اعمالنا الخيرة ويبعد عننا اي شر ..

بحبكـــو في الله ..♥♥♥

كل سنة وأنتم طيبين

واسيبكم مع اغنية العيد فرحة :D

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات