كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


http://www.90at.com/uploads/90at12860342551.jpg

كثير من الذكــور .. قليل من الرجال

من أجمل المقولات اللي قالتها الرائعة أحلام مستغانمي ..


دا لأن الجملة دي متطابقة جداً مع مجتمعنا الشرقي ..

فنلاقي الذكور كتير .. المسترجلين أكتر ..

انما الرجــالة الرجــالة ..

نادرين جــداً
"الصين بتفكر تعمل شوية كتير تغرق بيهم السوق
انا بقترح يكونو ياباني تقفيل صيني <_<"

-------------------------

الذكور ليهم صفات .. والرجال ليهم صفــات ..

في إحدي المناقشات واستطلاعات الرأي علي احدي صفحات الفيس بوك حوالين الصفات الغير مرغوب فيها فـ الراجل واللي بتحوله لذكر مش راجل <_<
تم استخلاص الآتي .. وما خفي كان أعظم^_^
~-~-~-~-~-~-~-~-~-~-~-~-~-~-~-~

* البخيـــل والجبان

وفقاً للمقولة اللي معرفش مين قالها ..
" أبغض الرجال عند النساء : البخيل والجبان "

مين هو البخيل.. وتعرفيه ازاى يابنت حوا

# لما يقابلك .. أول حاجة يسألك عنها :

 - اتغديتي ياحبيبتي ؟
 - لاء لسة ! ..
 - ماما عاملة أكل ايه انهاردة ؟
 - شوربة عدس ومبحبهاااااش
" عشان يحس الغبي وتاكلو سوا "
 - واااااو .. انا بموت فيها ..
خلاص اتصلي بطنط قوليلها انا جاي اتغدي عندكو ..
يالا نروح حالا بدال مانقعد ف اي حتة <_<
- تحبي تشربي حاجة ؟؟
- " انتي هترخمي بئة وتقوليله آه هاشرب "
يطلع من جيبه مبلغ وقدره .. عشان يطلع منهم فـ الآخر جنيه ونص حق العصير
وكمان طبعا أكيد مش هيجيب لنفسه ويقولك ماليش ف العصاير <_<
ولو شربتي نص العصير وشبعتي وهترمي الباقي .. يقولك هاتيه اشربه انا
--> مش كان ملكش ف العصاير من شوية ؟؟ :@

-------------------

كل مرة يقابلك فيها .. يقولك
- ياااه كنت عاوز اجيبلك ورد وانا جاي بس انتي استعجلتيني !
- انا استعجلتك O_o
" وانتي ولا استعجلتيه ولا بتاع ^_^ "

-------------------

وينسحب أول مايسمع سيرة فلوس مطلوبة منك او من حد من عيلتك فورا ..
وفـ المواصلات يسألك .. معاكي فكة ؟
ولما يكون معاكي حد من أهلك .. ويجو يدفعو حق المواصلات
يعزم بأنه هيدفع .. واول ما أهلك يقولوله لاء ..
يرجع الفلوس فـ جيبه فوراً

عزيزتي بنت حواء .. سيبك من ابن آدم دا .. لانه هيطلع عينك بعد الجواز :@

***************************

* الجبان بئة ..
واستكمالا للمقولة اللي فاتت ..


اول ماتحتاجيله فـ أي حاجة تلاقيه جري !
مش كدا وبس ...
دا كمان هدفه يخليكي كدا ^_^

لما انتي وصاحبتك تكونو فـ أزمة ..
اول حاجة يقولهالك سيبي صاحبتك دي مبتحبكيش !
مع ان انتو الاتنين فـ نفس الأزمة !

دايما يحسسك انه صاحب جمايل ع الناس
واول ماحد يحتاجه فـ حاجة جد " وياسلام لو فيها فلوس " ..
يمشي بمبدأ الجري نص الجدعنة

برده ياعزيزتي سيبي ابن آدم دا فوراً :)

***************************

* الكذاب .. وأبو لمعة :

والفشار والغشاش وكل مشتقات الكذب بئة ..

دا تلاقيه بيكذب ويصدق نفسه
يقولك فـ يوم
- مسكت صاحب الشغل بهدلته
- مممم وسابك كدا ؟
- آه هو هيقدر يعملي حاجة ولا يقدر :@

تاني يوم يسيب الشغل .. ويعيط .. ويكون متأثر
ويقولك مظلووووووووم

ولما تفكريه باللي قاله ليكي .. يقولك جايز .. بس انا مش فاكر <_<
وبرده مظلوووووووم عااااااااااااااا

-------------------

دايماً يحسسك ان البنات بتجري وراه
وهو اصلا اساسا شبه كلينكس التواليت :D

دا بئة أنصحك تسيبه فـ مقتل :D
ومتقلقيش .. هيعيش دور المظلوم برده
بس امشي بمبدأ ..
الكلاب تعوي والقافلة تسير
:-)


***************************

* المسهوك ..

وآه م المسهوك

اللي كل ما يشوفك يجري ع ايديكي يمسكها
" اديله باللي ف رجلك :@ "

ولما يقابل حد من اصحابه .. عاوز يوريله انه خاطب .. فيحط ايده ع كتفك
" اكسريهاله و لا يهمك "

وكل مايكلمك يتنهد تنهيدة طالعة من الامعاء الغليظة ..
ويقولك بحبك يا زوهير .. :O

ودايما بيسبل وهو بيتكلم .. ويتنحنح كأنه واكل نعناع <_<

واللي دايماً ع لسانه :
لو سبتيني هموت بعدك !

سيبيه ولا يهمك ..
دا مان مش راجل <_<
بيعبر عن مشاعره بالكلام ومسك الايد وبس
واما تسيبيه هيدور ع غيرك .. بس واحدة تكون رخيصة يعمل معاها مابداله <_<


***************************
* المتردد اللي مالوش شخصية بتاع بابي ومامي

اللي كل ماتقوليله ع حاجة يقولك استني اقول لبابا كدا
اللي كل شوية يقولك متسألي ع ماما !
مع انك بتسألي .. وكلامه ليكي كدا يخليكي متسأليش <_<

شوفي آخره ايه وحذريه .. عرفيه انك هتتجوزيه مش هتتجوزي ابوه وامه :@

***************************
* النكدي ..

اللي مفيش اي حاجة بتعجبه
وبيفهم الكلام ع مزاجه
وبيتلكك ع الواحده

مش هيعمر صدقيني <_<

***************************
* البارد .. والبصباص

اغنيا عن التعريف طبعا :)

***************************

* ســي السيد ..

حبيت اخليه آخر واحد اتكلم عنه انهاردة ..
عشان دا السائد في مجتمعنا الشرقي ..

اللي يؤمر ويتأمر كأنك الجارية اللي ورثها عن جده السابع عشر <_<
اللي مبيعجبهوش العجب ولا الصيام فـ رجب !
اللي دايما شايفك مقصرة في واجباتك وحقوقك عليه !
اللي دايماً صوته عالي .. أعلي من عمو اللي بيقول حسبي الله ونعم الوكيل دا :D

المتسلط زيادة عن اللزوم
اللي من أول ما تتخطبوا يقولك لو مش عاوزك تروحي عند الوالدة مش هتروحي O_o
لو قولتلك اخوكي ميدخلش البيت وانا مش موجود ميدخلش <_<
لو قولتلك الاكل مش عاجبني تقومي زي الـ .. تعمليلي أكل غيره وتاكلي دا انتي زي الـ .. برده !

وقتها مفيش حرج من انك تستخدمي الشبشب ولامؤآخذة :@

~-~-~-~-~-~-~-~-~-~-~-~-~-~-~-~

مش معني كلامي دا ان مفيش رجالة !

في أكيد .. بس زي ماقولت قليلين جداً
مش غلط ياجماعة اننا نشوف غلط فـ ايه ونصلحه
البخيل ممكن يتعالج من بخله لو حس واقتنع بيه ..
شوف تصرفاتك ايه !
الجبان .. اتشجع شوية وخليك راجل بجد مع حبيبتك وخطيبتك واللي هتبقي مراتك
النكدي والبارد وسي السيد ..
الشخصية الوسط حلوة ..
خليكو وسط ..
اتعاملوا مع المرأة كأنها بني آدم زيها زيكو
ربنا خلقنا متساويين ..
كلنا بشر
بس خلق للمرأة صفات وللرجل صفات

العلاقة بين الرجل والمرأة علاقة تكامل مش تفاضل
ربنا مفضلش الرجل علي المرأة زي ما انتو فاهمين
ومخلقش ليكو لسان عشان تهزأو المرأة
ولا خلق أيد عشان تضربوهم
لكن خلق لسان عشان الكلمة الطيبة ..
وايد عشان تتطبطب عليها ..
وحضن يضمها وقت الشدة والرخاء
وقلب يحس بيها فـ كل الأوقات

المرأة نص المجتمع.. لولاها مكنش اتوجد النص الثاني !

آخيــراً .. وليس آخراً ..

يامعشر الذكور ..
ارجوكم ..
 ترجلّوا ..
يرحمكم الله

:-)


-------------------------
ع الهــامش .. 
اول بوست ليا
فـ مجلة ملك وكتابة
-------------------------

44 CoMeNTaToOoOoZ:

سواح في ملك اللــــــــــــــــــه- يقول...

اختنا اعقل \هما غللوا العصير والا ايه مش كان بخمسه وسبعين قرش وبعدين ايش عرفك ان البخيل بخيل مش يمكن الواد مفلس معهوش غير تمن الفسحه هه وهذا ينطبق علي الجبان اللي بيخلع اول ميسمع سيره الفلوس------وبعدين انا رايي ان الذكر نصف الرجل بمعني رجل من غير ذكوره مينفعش وذكر من غير رجوله برضه مينفعش وبعدين من منظور مين بتحكمي علي الراجل اولا لو انتي بنت متدلعه شويه ومرفهه اي راجل بالنسبه ليكي ممكن تشوفيه سي السيد ولو انتي متربيه في بيئه خشنه شويه يعني بتعاني من الفقر والاحتياج هتلاقي البنت فيها هتبص للراجل المرفه شويه علي انه مسهوك والمهذب برضهه هيبقي بالنسبه ليها مسهوك اصل الحكايه دي صعب الحكم عليها وكل اللي اقدر اقولهولك ان اللجواز الناجح تكافؤ وتكافؤ دي عايزه شرح كتير لسنا في محله الان

أع ـقل مـ ج ـنـونــة يقول...

والله لو فعلا عنده ظروف .. يقولها ويشاركوا بعض فيها

لكن مثلا يطلع من جيبه بالخمسميت جنيه عشان جنيه ونص وف الاخر يذلها بيهم بعد كدا !!

ثانيا المهذب غير المسهوك

المسهوك زي ماذكرت ف البوست .. بيمسك ايديها ف الرايحة والجاية .. بيتنحنح .. كل شوية يقولها بحبك بحبك !

والمهذب بجد يحترم نفسه لحد بعد الجواز ..

الذكورة شئ والرجولة شئ تاني

الرجولة أدب مش هز كتاف ^_^

التكافؤ دا فعلا عاوزله موضوع لوحده

الديمقراطية حلوة .. والاحترام واجب .. والحب بعقل مطلوب :)

واقرأ اخر البوست كويس ^_^

سواح في ملك اللــــــــــــــــــه- يقول...

طيب انتي زعلتي ليه مش احنابنقول ديموقراطيه يعني لو البنت بخيله ومسهوكه وفيها كل العبر دي من حق البخيله تشترط راجل مش بخيل هتقولي الراجل اللي بيصرف طيب امال المساواه اللي انتوا عايزينها وقالبين دماغنا بيها في كل حاجه الا المصاريف بصي احسن تعامل مع النساء ماقاله رسول الله صلي الله عليه وسلم استوصوا بالنساء خير فانهن خلقن من ضلع اعوج ان اردت ان تقيمه كسرته شكرا ومتزعليش من الاختلاف في الراي

أنا - الريس يقول...

بعد السلام والتحية
اما بعد
من رئيس الجمهورية

هقولك معاكي في حجات وضدك في حاجات

بس أنا ارفض الحكم علي رجل أو امراءة من أول كام مقابلة .

ثانيا في اعتقادي المعادن دي كلها بتظهر ، بس عن نفسي مع اني مش خاطب ومش عايز اعمل سي السيد ولا حاجة بس انا من النوع اللي بيغير .. وساعة لما هفكر هرتبط هرفعها طبعي وفقت والله كلنا فينا حاجة لازم تكون غلسه
موفقتش وحبت تكون سبور ، تشوف حد غيري .

كمان أنا وضحت قبل كدا فيه ستات مش بتقدر جوزها ساعة الزنقة وفي ستات بتنصح بنتها زي الاعرابية دي


وكانت نساء العرب يعلمن بناتهن اختبار الأزواج وكانت المرأة تقول لابنتها اختبري زوجك قبل الإقدام والجراءة عليه انزعي زج رمحه فإن سكت فقطعي اللحم على ترسه فإن سكت فكسري العظام بسيفه فإن سكت فاجعلي الإكاف (يعني البردعة) على ظهره وامتطيه فإنما هو حمارك .

وردا علي كلامك

سأل المغيرة بن شعبة ، وهو والي الكوفة ، أعرابياً رآه في الطريق ، فقال له : ماذا تعرف عن النساء ؟ .. قال : النساء أربع : ربيع مربع ، وجميع يجمع ، وشيطان سمعمع ، وغل لا يخلع ( أي قيد لا يترك ) .. قال المغيرة فسرها لي .. قال : أما الربيع المربع ، فهي التي إذا نظرت إليها سرتك ، وإذا أقسمت عليها برتك .. وأما التي هي جميع يجمع ، فالمرأة تتزوجها ولا نسب لك ، فتجمع نسبك إلي نسبها ، وأما الشيطان السمعمع ، فالنائحة في وجهك إذا دخلت ، والمولولة في إثرك إذا خرجت .. و أما الغل الذي لا يخلع ، فالزوجة الخرقاء الذميمة ، التي قد نثرت لك بطنها ( ولدت لك ) ، إن طلقتها ضاع ولدك ، وإن أمسكتها فعلي جدع أنفك .. فقال له المغيرة : بل أنفك أنت ...

و قالت إحدي الصحف الفرنسية في عام 1929 : " إن البطاطس تدل أصدق دلالة علي أخلاق الفتاة " ! .. فإذا أعجبت بإحدي الفتيات وأردت الزواج منها ، فدعها تقشر البطاطس أمامك ، لتعرف هل تصلح أن تكون زوجة تحقق لك السعادة أم لا :
- فإذا كانت تقشر تقشيراً سميكاً .. فهي مبذرة ..
- وإذا كانت لا تقشر المواضع المتداخلة بحافة المدية .. فهي كسولة ..
- وإذا كانت لا تغسل البطاطس بعد تقشيرها سوي مرة واحدة .. فهي قذرة ..
- وإذا كانت تضع كثيراً من السمن عند طهي البطاطس .. فهي شرهة ..
فالذي يتزوج فتاة تفعل شيئاً من ذلك فلن يكون سعيداً .


ومن الوصايا التي احبها في وصايا ام لبنتها

أي بنية : إنك فارقت الجو الذي منه خرجتِ ، وخلفت العش الذي فيه درجتِ إلي وكر لم تعرفيه ، وقرين لم تألفيه ، فأصبح بملكه عليك رقيباً ومليكاً ، فكوني له أمة ً يكن لك عبداً وشيكاً .

فالمسألة نسبية قبل أن تكون خد وهات
والجواز مش كدا ..


وعلي فكرة انا ارفض السخرية من الصينين لأنهم اضايقوا جدا بسبب اعلان الزوجة الصينية حتي لو كان علي سبيل التوضيح دي حاجة بتضايق حد غيري .


تحياتي ليكي

أع ـقل مـ ج ـنـونــة يقول...

سواح ..
وربنا مازعلت :D
هتزعلني بالعافية ولا ايه :D :P

انا بس حبيت ارد ع كلامك مش أكتر ^_^

وبعدين انا مش مع المساواه أوي <_<

انا قولت ف آخر البوست ..
العلاقة بين الرجل والمرأة علاقة تكامل مش تفاضل

ربنا زود المرأة بحاجات مش موجودة عند الرجل
وزود الرجل حاجات مش موجودة عند المرأة ..
عشان كدا لازم الاتنين يحترموا بعض
ويشوفو الصفات السلبية اللي فيهم ويحاولو يغيروها :)

أع ـقل مـ ج ـنـونــة يقول...

مستر برزدنت ^_^

سيدي الرئيس حلوة المرافعة دي :D:D

انا مش عارفة ازاى نحكم ع بعض ؟ وياهل نستني لبعد الجواز لاول وتاني عيل عشان نتأكد من أخلاق بعض ؟

في حاجات بديهية

مينفعش البخيل اللي بيخاف ع قرشه اوي .. ولا المبذر

مينفعش اللي سايب الحبل ع الغارب ولا سي السيد

مينفعش قليل الادب .. ولا المسهوك !!

وعلي فكرة الحاجات اللي ذكرتها في ردك ضحكتني أوي بجد
بالذات بتاعة البطاطس دي :D
بحاول افتكر انا بعمل البطاطس ازاي هههههههههه

:D

طب واللي مبتعملش بطاطس ايه موقفها م التجنيد :D:D


بص يا رئيسنا الهمام

انا فـ الاول والاخر بقول نشوف عيوبنا ايه ونصلحها
ونحترم بعض .. بالذات ان المرأة اليومين دول يا اما تهين .. يا اما تهان !

عاوزين نرجع لطبيعتنا شوية :)

وبالنسبة للصينين

دول ع عينا وراسنا ^_^
هما اللي مأكلينا ومشربنا وملبسنا كمان :D:D

سواح في ملك اللــــــــــــــــــه- يقول...

بصي يااعقل اللي اقصده ان في ست تناسب البخيل وفي ست تناسب الكريم حتي المسهوك والجبان برضه ربنا خلقله اللي شبهه في النساء عشان تستمر الحياه وبعدين المرء علي دين خليله والطيبون للطيبات يعني مثلا متروحيش لواحده معلش في اللفظ وتقوليلها جوزك بخيل والا لا لانها قطعا هتقول بخيل ومثلا البخيل هيقوللك مراتي خاربه بيتي ده في ناس عايشه بمتين جنيه في الشهر وانا بصرف ربعميه يعني عشان تستقيم الامور لازم الست اللي تقدر تحكم علي راجل او العكس يبقي مفيهاش عيوب علي فكره انا في طبيعتي ميال لسي السيد الدكتاتور بس بيحكم بيته بالرحمه  

Tears يقول...

المقولة صح جدا

و فرق شاسع بين الرجل و الذكر و

لكن الكاريكاتير الاتنين فيه مش صح لان عمر ما مفهوم الستر او الفضيلة ما كان مختزل بالشكل ده

غير معرف يقول...

:D:D:D
باين عليكي من أسلوب كلامك إنك امرأة والرجال قليل :D.

мαησηα يقول...

العلاقة بين الرجل والمرأة علاقة تكامل مش تفاضل
ربنا مفضلش الرجل علي المرأة زي ما انتو فاهمين
ومخلقش ليكو لسان عشان تهزأو المرأة
ولا خلق أيد عشان تضربوهم
لكن خلق لسان عشان الكلمة الطيبة ..
وايد عشان تتطبطب عليها ..
وحضن يضمها وقت الشدة والرخاء
وقلب يحس بيها فـ كل الأوقات

المرأة نص المجتمع.. لولاها مكنش اتوجد النص الثاني !

آخيــراً .. وليس آخراً ..

يامعشر الذكور ..
ارجوكم ..
ترجلّوا ..
يرحمكم الله

طيب اقول انا ايه بعد الكلام الجميل ده يا ريموووو

بجد بجد يسلم فومك حبيبتى وتسلم ايديكى اللى كتبت

ربنا يوفقك ويكرمك حبيبتى ومبروووووك عقبال المقالات التانية يارب

Unknown يقول...

احم احم
سلامو عليكو

من غير زعل
والاختلاف في الراي لا يفسد للود قضية
الست احلام دي انا مبحبهاش
انتي اتكلمتي اهو وقولتي ان فيه عيوب كتير في الرجالة ماشي معاكي
مع اني بختلف في النسبة بس مش قضيتنا دلوقتي
انما هي عمري ما سمعت منها (قريت يعني )حاجة حلوة في حق الرجالة
بحس انها معقدة والله او عندها مشاكل مع صنف الرجالة ده او الذكور عشان متزعلوش بس

برغم انك ابدعتي في عرض وجهة نظرك وبجد البوست مكتوب كويس جدا
الا اني بختلف معاكي في وجهة النظر دي
لان الرجالة مش قليلين جدا بالشكل اللي انتي متخيلاه ده


شكرا ليكي

سلامو عليكو

حـــــروف متــبعترة " عــمرو الشــايب يقول...

حلو اوى بوستك مع انك شردتي معغظم الشباب الحيين و الى نايمين و الى سهرانين و الى منتتين ولا متلكلمين و كلهم ان شاء الله

بس الرجل الشرقي بيكون بيحب بجد و عاوزها ليه زيها بالظبط

تلاقينا نقول مش تخرجي ولا تروحي عشان هو شايف الى انتي مش شايفه زي انها تقولك في فرح خليك حبيبي على نياتو و مش تكلم اى حد و بتعمل ايه على النت

تبقى دي سيده بقى ولا ايه

Alaasalim2 يقول...

السلام عليكم

موضوع جميل بجد وقيم
ربنا يكفينا شر العيوب دي كلها

شهرزاد الحكايات يقول...

موضوع شيق وفكرة طرح مميزة للقضية .. تقبلي مروري

alassmaa يقول...

جامدة جدا :))))

زهرة يقول...

برافو عليكى يا ريمو

اتكلمتى عن الشخصيات دى كويس جداً .. مع ان طبعا زى ما قلتى مش الكل كدة ولا المعظم كمان

دة البعض مش اكتر

عجبنى أوى البخيل والجبان والمسهوك .. والله شفت الشخصية دى بعينى

حاجة بجد لا تتخلى إن دة راجل ..

تسلم أفكارك يا أوختى :)

Unknown يقول...

فظييييييع انت لخصت كل الصفات اللذيذه الموجوده في الرجاله دلوقتي بس استحاله واحد هيخلوا من كل الصفات دي و عاشان كده الحل فعلا اننا نحاول نتعامل يمكن في يوم ما تتغير الصفه دي...مبروك و عقبال المقاله المليون

رحاب صالح يقول...

ههههههههههههههههه
معاك حق وانا طبعا مع تيرز في مقولة فرق كبير بين الذكورة والرجولة ...وعمر الستر مكان اني اغطي شعري او جزء مني " وعلي فكرة انا مججبة "
الموضوع هايل بجد وحلو اووي بس علي فكرة في برضه انواع للستات بنفس التشكيلة

كلمات دوت كوم Kalemat.com يقول...

يعني افهم كل الذكور كدة ولا فيه رجاله
بلاش نظرة التشاؤم دي والطيبيب للطيبات
تحياتي لكم يا أفندم وددمتم في تقدم ورفعة

sal يقول...

اعقل

كل ما ذكرت من نماذج بشرية
ذكورية موجودة ايضا فى النماذج الانثوية

ما حدش كامل ولا حده كامله

هههههه

بوست جمييييل

تحياتى

ميلودى سبورت يقول...

MISS YOU MAGNONA I LIKE RUSSIAN WOMEN MORE THAN EGYPTIAN SHE SO SIMPLE IN LIFE NOT SAME EGYPTIAN WOMEN EVEN DONT LIKE GOLD heheheh
I MARRY FOR 3 YEARS NOW AND ALL VERY GOOD
 

Haytham Alsayes يقول...

لا اعتراااااااااااااااااااااااض


يعني البنات هما اللي كاملين
لا دة انا ممكن اشردكم في كام بوست عندى
وكله بالتاريخ
هههههههههههههههههههه

بجد انا متفق معاكي ان فيه نماذج وحشة بس بجد في نماذج من اروع مايكون
بس اللي يدور

معاكي ان في ازمة في الرجالة بس برضه في رجالة
مصر لن تنضب منهم الي قيام الساعة
وبرضه في بنات جدعة


تحياتي

MaNoO يقول...

معاكى حق فى كل كلمه قلتيها طبعا وكل الانواع ومش هرد انى اقولك الانواع المشابهه من النساء طبعا ولا اذكر مساوئهم لانها معروفه للجميع دايما دا مش جديد يعنى ههههههههههه
بس هقولك بجد انا هاخد الراجل الشرقى الكلمه بس لكن مش بالمعنى اللى انتى كاتباه انا اعرف وبشوف وكلنا بنشوف وفى مننا الراجل الشرقى اللى يحب مراته لانها بتصونه ويحب مراته لانها بتفهمه وبيفاجىء مراته لانه عارف ان اى ست تحب ان حبيبها يفاجئها وبيفرح لنجاحها مش بيحقد عليه وشايف انها ليها حق فى الحياه والعمل واحساسها بنفسها مش مجرد وحده جايبها تطبخ وتكنس وانها لازم تسع كلمه بحبك حتى لو انت بتعبر عنها بمواقف بس كل فتره لازم تقولها
عارفه عندنا مشكله عموما فى مجتمعنا بعيدا عن البوست بتاعك ان فى ناس شايفه ان الست والراجل لازم يكون فى حد منتصر وحد خسران مع ان اساس الحياه انهم يكونوا متوافقين ومندمجين وليس بينهم مسافات العنصريه
طبعا دا مش بقول مساواة لان المساواه دى حاجه مستحيله فالست ست والراجل راجل ولكن التوافق والاندماج اللى يخلى اثنين يكونوا مجتمع ناجح
طولت عليكى بس بوست حلو وفيه نقاش كتير تقبلى احترامى
مااانوو

غير معرف يقول...

عندك حق الذكور أكتر من الرجال

وده لأن " الرجولة مش سهلة " على رأي الراجل بتاع بيريل

الرجولة مواقف وحاجات كتيرة أوشكت ع الانقراض

ماجد العياطي يقول...

طلبك صعب يارحمه ومش كل الرجاله اقصد الذكور هيقدروا عليه

لكن مش مستحيل ...

Prestige يقول...

طرح جيدا بالفعل و المواقف دي بتحصل فعلا في اوقات كتيرة

المثال اللي قبلته كتير مؤخرا و محتارة اشمعنى مؤخرا دي هو الرجل الجبان

تلاقيه في العادي يصول و يجول و يهدد و يتوعد او يعمل فيها فارس شجاه مغوار لا يصد له غبار

و فجأة اما الموقف الحقيقي و عليه ابراز شجاعته و فروسيته

تلاقيه اختفى داب تبخر و اما يهدى الموقف يرجع يظهر فجأة برضه زي ما اختفى كده

و يبرر احتفائه بأنه كان مهموم و حزين لامر شخصي و عمرك ما تعرفي ايه هو الامر الشخصي ده ابدا

أع ـقل مـ ج ـنـونــة يقول...

اعتذر ع التأخير ف الرد ^_^

@ سواح ..

عندك حق ..
هو عموما
الطيور ع اشكالها تقع :D:D

منووورة دايمـــــاً
وميرسي لمتابعتك ^^

أع ـقل مـ ج ـنـونــة يقول...

Tears

ميرسي ياقمر ليكي

الكاركتير بس حبيت ادور ع شئ يكون قريب من المعني

بس مش مهم لو موفقتش يعني :D:D

أع ـقل مـ ج ـنـونــة يقول...

ايها المجهول

انا فعلا امراءة والرجال قليلون :P :D

نورت

أع ـقل مـ ج ـنـونــة يقول...

мαησηα

منوووونتي هناااااااااااااااا

بجد نوووورتيني ياحبيبة قلبي
ومبسوووطة انها عجبتك مووووت
:*

أع ـقل مـ ج ـنـونــة يقول...

انسان عادي

بص مش هدافع عن احلام
بس احلام مستغانمي الرواية الوحيدة ليها اللي بتنتقد الرجال هي نسيان

لكن لو قرأت باقي روايتها وشعرها !
هتلاقي منها حاجات أحسن

البوست ملوش علاقة بأحلام ع أد ماهو ليه علاقة برجالة البلد دي !

^_^

عاش من شافك ياسيدي

أع ـقل مـ ج ـنـونــة يقول...

هـــرشــــه دمــااااااااغ "3mr wa2el "

والله الراجل لو كان شرقي معتدل .. اللي بيحرمه ع نفسه يحرمه عليها يكون زي الفل

لكن لو هو اصلا تصرفاته مش ولا بد تحت مسمي " راجل " .. يبقي هو دا أبو الذكور :D:D

نورتني ياعمرو :)

أع ـقل مـ ج ـنـونــة يقول...

Alaa Salim - علاء سالم ..

وعليكم السلام ورحمة الله وبركاته

ميرسي جداً لمرورك ووجودك
نورت المدونة بتعليقك :)

أع ـقل مـ ج ـنـونــة يقول...

شهرزاد الحكايا
العصماء محمد هاني
^
ميرسي جدا ليكو بجد نورتوني
:)

أع ـقل مـ ج ـنـونــة يقول...

زهرة

تسلميلي ياحبيبتي
والله الموضوع بقاله فترة كبيرة ف بالي
والحمدلله انه طلع بشكل مقبول

نورتيني يازهورتي

أع ـقل مـ ج ـنـونــة يقول...

شيرين سامي

احنا بس محتاجين نواجه نفسنا بعيوبنا
وقتها هنكون عدينا نص الطريق
سواء رجال او بنات :)

نورتي ياقمر ^_^

أع ـقل مـ ج ـنـونــة يقول...

re7ab.sale7

فعلا في ستات العن كمان
بس معلش بئة البوست كان رجالي ذكوري فقط :D:D

أع ـقل مـ ج ـنـونــة يقول...

أبـو مــودة

لا طبعا في رجال :D

الذكور دول قلة مندسة " او كثرة متفشية :D:D "

نورتني ^_^

--------------------------

sal

مانا قولت اكيد في عيوب انثوية مشابهة
بس الموضوع دا ذكوري رجالي فقط :D

أع ـقل مـ ج ـنـونــة يقول...

Admin

ياااه
نفسي ترجع تكتب تاني
ارجع لارض الوطن بئة عشان تعرف تكتب عربي :D

ربنا يخليك لزوجتك يارب ويخليها ليك ودايماً في التوفيق

بس ياتري هي تعرف انك بتحب الروسيات :P D

أع ـقل مـ ج ـنـونــة يقول...

Haytham Alsayes

ههههههههه
شردنا ياهيثم
ولا بيهمنا :P :D

وانا برده قلت ان في رجالة تمام وكويسين وأخلاق !

وكذلك اعترف ان بنات تستاهل الرجم :D:D

أع ـقل مـ ج ـنـونــة يقول...

مانو ..

انا قولت ف آخر البوست
ان العلاقة بين الرجل والمرأة تكاملية !

يعني فيما معناه مش حرب
لازم حد فيهم ينتصر

في نماذج للرجال كويسة جدا بجد

ربنا يكتر منهم^^

أع ـقل مـ ج ـنـونــة يقول...

سمو الامير

ربنا يكتر من امثاااااااااااالهم يارب :D:D

نووورت ^^

أع ـقل مـ ج ـنـونــة يقول...

ماجد العياطي ..

اتمني يتحقق
ونصبح مجتمع رجاله كلهم رجال :)

نورت يا افندم بعد الغيبة الطويلة دي ^^

أع ـقل مـ ج ـنـونــة يقول...

Prestige

ازمة رجالة ياحبيبتي
وعندي امل تتحل^_^
ربك كريم

نورتيني بجد وحقيقي
:)

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات