كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


http://www.90at.com/uploads/90at12851696651.jpg


طب اكتب ايه ؟

دا انا بقالي فترة عازلة نفسي عن هم الاخبار وبرامج التوك شو

مش سلبية والله !!

بس خلاص جالي ضغط من الزعل <_<

ماصدقت الصداع خف .. والضغط اتظبط

ارجع انهاردة اشوف خبر يخليني اجيب الجديد والقديم !

ايه اللي احنا فيه دا ؟

هي مصر بقت خربانة كدا ليه من كل ناحية

لا الناس بقت ناس طبيعية ولا الحاجة الحلوة اللي كانو بيقولو انها في المصريين بقت موجودة !

امبارح واللي حصل بين جماهير الاهلي والزمالك
" دووس "

هي الرياضة بقت بالضرب والشتيمة والتكسير والهبل والعته المغولي دا ؟

هو دا الصح يامصريين يامتحضريين !

لاء .. اسفة <_<

مانا لازم اقول للبهايم اللي عملو كدا ياهمج

لكل همجي بيشتم عشان فريقه
وبيضرب ويكسر ويبهدل

جاتكو ستين نيلة <_<

والله البلد دي ماهتتقدم طول مانتو فيهـــا

اللي استوقفني ف الخبر الجملة دي

وفى أمر غير مفهوم.. لم يشهد موقع الحادث أى تواجد أمنى لفض الاشتباك على الرغم من وجود "سيارة نجدة " تستقر فى مدخل الشارع وسيارة بوكس فى أحد الشوارع الجانبية.

ماهو فعلا مش بعيد الحكومة هي اللي مدبرة كل دا " كالعادة " عشان تلهي الهُبل " اللي هو احنا " عن اللي بيحصل فـ البلد !
بالذات ان فـ نفس ذات الوقت كان في مظاهرات ضد التوريث في وسط البلد !
" دوس كمان هنا"


والحكومة تلطش ف المتظاهرين هنا ..
والجماهير المتخلفة بيضربو ف بعض ومفيش أمن هنا ..!!
والبلد تتقلب والدماغ تتوجع فنخلينا ف اللي احنا فيه ف اخر <_<

محبوكة ياولاد اللذينة :@

بس دا ميمنعش ان في مشجعيين متعصبين لدرجة انهم عاوزين الحرق والرجم بالجزم في خرابة مليانة فيران وياحبذا لو كانت فيران متوحشة من أكلي لحوم البشر<_<

برده جاتهم ستين نيلة <_<

---------------------------------

زمــــــــان كنت بقول مصر فـ الضياع !

دلوقتي اقول مصر ضاعت خلاص !


هافقد الامل ..؟ .. انا اللي بقول ان دايما في أمل ؟

أسفة .. مانا مش هاقول البرادعي هو الحل
" مش واثقة فيه ومش شايفاله اي فعل "

ومش هاقول المحروس ننوس عين مامته جيمي هو الحل ! <_<
ومش هاقول الاخوان هما الحل ..
لاني برده مشفتش منهم حاجة ف الهبل اللي احنا فيه دا <_<

لكن هاقول الحل ف كتاب ربنا

" إن الله لا يغير مابقوم حتي يغيروا ما بأنفسهم "

افهموها دي أوي
---------------------------------

مكنتش عاوزة اتكلم عن موضوع كاميليا شحاتة

بس بما اني اتكلمت عن الخراب والضياع اللي مصر فيه

يبقي نتكلم <_<

ومش هاتكلم برده عن قضيتها الشخصية ..

لاني من كتر الاخبار المتضاربة ف الموضوع دا كرهته <_<

بس هاقول الفتنة موجودة ومش هاننكرها

انا بشوف صفحات ع الفيس تشيب <_<

صفحات المسيحيين بيشتمو المسلمين
والمسلمين بيكفروا المسيحين :O

انا مش هاقول كلام رسمي واقولكو ان ليا اصحاب مسيحيين كتير والكلام بتاع البرامج دا

لالالا

انا قولت قبل كدا ان مليش الا 2 اصحاب ومكتفية بيهم والحمدلله

بس هاقول اصحابي كتير ع النت " فيس ومدونين "

بعزهم وبحبهم


مسألتش مين فيهم مسلم ومين مسيحي !

مقولتش مسيحي يبقي مش هاقراله حاجة ومش هاعلق عليه ولا علي كومنتاته >_<

مقولتش هامسحه من ع الفيس

عارفين ليه ؟

مش عشان انا ملاك بجناحين وطوق !

بس عشان انا ماشية بقول الرسول عليه الصلاة والسلام
واللي ذكر فـ القرآن الكريم
عندما قال للكافرين ..

" لكم دينكم ولي دين "

فمــا بالكم بـ أهل الكتــاب الاقباط ..!!

اللي فـ دينهم برده

" الله محبــة "

وبرده فـ ديننـا ..

" الدين المعاملة "

بالمناسبة ..

المصريين كلهم أقباط

لان قبطي اصلا يعني مصري !

المسلمين مش محتليين لمصر .. بل بالعكس معظم المسلمين فـ الاصل كانوا مسيحين وجدودهم أسلموا " بكــامل ارادتهم " !

نستنتج من دا كله .. ان كلنا لينا نفس الاصل
الاصل المصري أولا وأخيرا 


فياريت نحترم نفسنا ونرجع لاصلنا
نرجع لطينتنا ودمنا
نرجع تاني نحب بعضنا
نرجع تاني ايد فـ ايد ..
مسلم ولا مسيحي وايه الجديد !
المهم نكون من جوانا صافيين
مش للكره والحقد الدفين شايلين
نقولها بـ أعلي صوت
أنـــا مصري
" مسلم ولا مسيحي "
أنــــا مصري !

---------------------------------

آآهـ .. جالي صداع اهو الله يسامحكو <_<
http://www.90at.com/uploads/90at12851707321.jpg

39 CoMeNTaToOoOoZ:

Ramy يقول...

معلش

مش هقدر أعلق مش لحاجة

لأنى اتكلمت كتير و صدعت و كنت هموت م الضغط كتيييييير

أرجو المعذرة

بس يارب يفهموا

سواح في ملك الله- يقول...

شوفي ياست الكل اما بالنسبه لموضوع الكوره دي بقي رفاهيه شعب مش لاقي ياكل جتهم البلا في اللي خلفوهم ----واما موضوع المظاهرات ده لابيقدم ولابياخر ناس بتقول لا صحيح بس مين اللي بيسمع احنا بقينا في حوار الطرشان كله بيتكلم علي كله ومحدش بيرد علي حد واما موضوع الانتخابات ده فالصوره لسه مش واضحه مصر هتبقي ازاي كل ده هيظهر بعد انتخابات مجلس الشعب اللي ميعرفوش اصلا حاجه عن الشعب وحكايه الامن مايتدخلش فدي موجوده من زمان يقوللك سيبهم يخلصوا علي بعض واللي هيفضل منهم نقبض عليه وعايزه الصراحه عندهم حق عايزه الامن يتدخل عشان لما حد يغور في داهيه يتكل علي الله ويموت يقولوا الامن اللي قتله هي ناقصه تلاكيك وتحصل بقي مظاهرات ويطلعولنا شهداء الاهلي والزمالك  

أع ـقل مـ ج ـنـونــة يقول...

رامي ..

انا كل ما احس اني بقيت زي الناس من غير صداع وضغط
الاقي بلاوي بتتحدف عليا !

تفتكر هايفهمو ؟؟

:((

أع ـقل مـ ج ـنـونــة يقول...

سواح ..

والله ماعارفة ارد اقولك ايه !

هاقول خربااااااانة بس !! :((

خواطر شابة يقول...

عارفه انا ضحكت من ايه من تصنيفك للكلام بانه كلام يودي المنتجعات.
انا حأقول حاجة واحدة ربي يصلح الاحوال

Rayk Cool يقول...

كلامك مظبووووووووط قوي
و جه على الجرح
و الكلمتين دول هما الي واجهني قوي في المصريين مش هقولك هما بس
بس هي زايدة عندنا شوية كتيير
مع ان في ناس كتيير محترمين بس بيضيعوا في الرجلين جنب الناس الهمجية
و اقول معلش طالما الاصل طيب ممكن في يوم من الايام يرجع لاصله
موضوع جميل .... تحياتي ليكي ^^

MR.PRESIDENT يقول...

كل اللي اقدر اقوله ان اللي حصل واللي اشترك همج ومعناها


الهَمَجُ جمع هَمَجَةٍ، وهي ذباب صغير كالبعوض يسقط على وجوه الغنم والحُمُرِ وأَعينها
والهَمَجُ، في كلام العرب: أَصله البعوض، الواحدة هَمَجة، ثم يقال لرذال الناس: هَمَجٌ هامِجٌ؛
الهمج هم مجموعه من الاناس البدائيين والذين يدخلون على مكان او مدينه او حضاره لتخريبها لغرض التخريب فقط لاغير ولكني اريد اعرف مصدرها او اول من استعملها باي كتاب او اي مؤلف ولاي قوم تم وصفهم بهذا الوصف تاريخيا

المشتاق للجنة:أبـو مـودة يقول...

حــرام كفايــة اتفضلى زورينا في المدونة بتاعتي علشان تريحي اعصابك شوية تعبتينا ,,,,,,,, تحياتي لكم

المشتاق للجنة:أبـو مـودة يقول...

ست البنات ولا ست الحلوين خليها ست الكل عندي ملاحظة على اللهم أرحم فى الدنيا غربتنا في اعلى المدونة عندك ارجو تصويب كلمة احسم واستبدالها بكلمة أحسن خواتيم أعمالنا ,,,تحياتي لكم يا فندم

وجهة نظري يقول...

ولا حاجة خالص، ولا تزعلي نفسك، دا عادي جداً ونتاج عدم تربية عقود طويلة. أيوة شعب مش متربي على أي حاجة خالص، لأ ومبسوط كدة ومستريح، مش متضايق من حاجة، لأ بالعكس لو كل دا إختفى الشعب كله يتلخبط.

علومجى.. و ربنا يستر علينا يقول...

هى الفكرة ان من الفراغ اللى الناس عايشه فيه بارادتها بيحصل اللى بيحصل فى الكورة...بمعنى ان الواحد يروح الشغل ..فى حاله طبعا انه من الفئه القليله اللى بتشتغل ...يخلص شغل يرجع على القهوة ...و كفى...
طب هيودى القهر اللى فيه فين..يا اما فى الكورة و الجزاير..او فى الناس اللى حواليه فى الطريق لما حد يزنق عليه


اما لموضوع كامليا...

هى الفكرة .اننا كمصريين عايشين مع بعض من امتى...؟؟
الف سنه؟؟؟..لا اكتر و الله
العجيب اننا مش بنسمع مثلا ان فيه مؤرخ ذكر ان كان فى فتنق قبل كدا...مع العلم انا الناس قبل كدا اكنو فاهمين الدين اعمق...و اكتر قدرة على تنفيذ تعاليمه..لا بالعكس نتلاقى التاريخ بيقول ان المسلمين و المسيحين حاربو الصليبين مع بعض...

اظن ان الفكرة واضحه جدا

احنا فى فتنه مش بسبب الاخر ...لكن بسبب جهلنا..و سورى يعنى..تخلف طريقه تفكيرنا

ستيتة حسب الله الحمش يقول...

هدي نفسك يا ابو موتة يا خويا
كل ما تشوفي هبل موجه قولي انا لله وانا اليه راجعون وسكي ع اللي بتتفرجي عليه وخلاص

Noha Saleh يقول...

الجكاية بقت كلها عك
من الكورة للفتنة لاى حاجة بقى انتى عاوزاها
مش عارفة اقولك ايه بس خلاص الواحد من كتر اللى بيشوفه اتخنق

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

هــــرشـــة دمــــــاااااااااااغ 3mR Wa2el يقول...

من اول الخشخاش و اول مصر كبيره عليك و الاهلي و الاسماعيلي و البدري و مرتضى منصور و مدينتي و شيكابالا و معرفش ايه كمان و النور الى اتقطع اتنسى و الدنيا الى راحت باظت و الانتخابات بقت شغله الناس و محدش عارف جمال بيعمل ايه و محدش حد بيقولعلى الامريكان ولا البرادعي بعد بنته و شغل انا سعد ادالي جنيه و سعد ادالك كام و انا عاوزة اتجوز شغال و بقى البلد محتاسه في حوسه

ماجد العياطي يقول...

وحدي الله

ده الطبيعي دلوقتي

ده التحضر هو اللي غريب على الارض دي

Haytham Alsayes يقول...

ربنا يستر علي مصر
احنا داخلين علي فوضى عارمة
لو قريتي رواية يوتوبيا لاحمد خالد توفيق عتعرفي قصدي
مصر عتتحول للقصة دى بالذات لو ابقي الوضع كما هو عليه الان

تحياتي

Tears يقول...

البلد فوضى و عايزة اعاده نظر فى كافة مناحى الحياة

لان لو استمرينا كده فنحن فى الطري الى الهاوية لا محال

زهرة يقول...

بعد الشر عنك يا ريمو من الضغط والصوداع

انشالله الوحشين اللى مدايقين الكل

بصى يا قمر .. مبقاش فيه اصلا حاجة تسر القلب وبرامج التوك شو ليها ضحاياها من اللى بيزعلو ويفكروا شوية

والمرحلة الجايه هيبقى ليها مرضاها سكنى قسم ضحايا التوك شو فى كل مستشفيات المحروسة

بعد الشر عنك يعنى :)

محمود(باحث عن حب) يقول...

مدونه رائعه جدا
جدا
واول مره ادخل
ان شاء الله
هقر\أ كل التدوينات
ومتخافيش

مش هسرق حاجه الا
وعليها اسمك
ياريت
تشرفينى

فتافيت يقول...

بصي انا جالي شلل
من موضوع المسلمين والمسحيين بجد
يعني زمان ايام ما كنت صغيره كنت بستغرب ليه صحابي دول بيطلعوا بره وقت حصة الدين.. وبعدين فهمت انهم مش مسلمين.. لكن عمري ما حصل بينا اي حاجة تخلينا نحس اننا مش زي بعض

ما علينا.. البقاء لله في الوحدة الوطنية

الزمالك والاهلي.. مرة واحد فلسطيني سألني هو انتم بتعملوا خناقات عشان الماتشات وكده فرديت وقولت شعر في الجمهور والالتراس اللي عندنا

والله ما كنت بكذب بس اللي حصل اكيد خلاه يقول اني كنت بكذب عليه :(

ربنا يستر بقى

sendbad يقول...

مصر اصبح اسمها جمهوريةالفساد العربية
وللاسف رب البيت اقصد ولي الامر اقصد السلطة الحاكمة اقصد العصابة الحاكمة مبسوطة اوي كده
اي حاجة تلهي الشعب يبقوا فرحانين بيها اوي
ولله الامر من قبل ومن بعد

أع ـقل مـ ج ـنـونــة يقول...

خواطر شابة ..
ماهو كلام يودي المنتجعات بجد :D
ربنا يسترها ع الغلابة اللي زيينا ^_^

أع ـقل مـ ج ـنـونــة يقول...

Rayk Cool

المشكلة ان الاصل طيب وكويس !
لكن ايه اللي احنا فيه دا ؟

ندعو الله أن يصلح الحــال :)

أع ـقل مـ ج ـنـونــة يقول...

MR.PRESIDENT

سيدي الرئيس
شكراً جدا ع الاضافة القيمة بجد
أو مرة أعرف معني همج ايه :D

شوفلنا حل ياريس بئة ^_^

أع ـقل مـ ج ـنـونــة يقول...

المشتاق للجنة:أبـو مـودة ..
شكراً ع الملاحظة يا افندم

جل من لا يسهو ^_^

وسأزور مدونتكم ان شاء الله :)

أع ـقل مـ ج ـنـونــة يقول...

وجهة نظري ..

عجبني ردك جداً

فعلا والله ع رائيك .. شعب مش متربي ^^

أع ـقل مـ ج ـنـونــة يقول...

علومجى.. و ربنا يستر علينا ..

ردك قوي جداً

ثقافة مجتمع محتاجة التغيير
محتاجيين نستحمل بعض
محتاجين نقف ضد الفساد ..
محتاجين نحب الآخر :)

أع ـقل مـ ج ـنـونــة يقول...

ستيتة حسب الله الحمش

حاضر ..

ان لله وانا اليه راجعون
^_^

أع ـقل مـ ج ـنـونــة يقول...

Noha Saleh

اعملي زيي
اشربي بؤ مية ونامي :D:D

أع ـقل مـ ج ـنـونــة يقول...

عمرو وائل ..
ربنا يفك حوستها يخويا ع خير
دعواتك ^_^

أع ـقل مـ ج ـنـونــة يقول...

ماجد العياطي..

لا اله الا الله

:(

ربنا يرحمنا

أع ـقل مـ ج ـنـونــة يقول...

Haytham Alsayes

قريت أجزاء من يوتيوبيا ..
ويمكن اللي خلاني مكملهاش خوفي من اني اكون بقرأ المستقبل !

أع ـقل مـ ج ـنـونــة يقول...

Tears

تيرز نورتي مدونتي ..

عندك حق ..
بجد ربنا يستر

ونحاول نبدأ من أنفسنا ونستمر ع تصليح أنفسنا للنهاية حتي ينصلح حال البلد

أع ـقل مـ ج ـنـونــة يقول...

زهرة ..

عااااااااا
ربنا يستر علياااااااااا

أع ـقل مـ ج ـنـونــة يقول...

محمود(باحث عن حب) ..

شرفني مرورك ^_^

ويارب دائماً تشرفني بمرورك ^_^

أع ـقل مـ ج ـنـونــة يقول...

فتافيت ..

البقاء لله فـ الوحدة الوطنية :((

وموقف بايخ اللي مع الفلسطيني دا

منهم لله اللي كانو السبب <_<

أع ـقل مـ ج ـنـونــة يقول...

sendbad ..

لا حول ولا قوة الا بالله العلي العظيم

يارب ارفع شأن مصرنا الحبيب وامحي منها الفساد
:(

mohamed elbadry يقول...

المقاله بجد جميله ولمست الموضوع من جوانبه كلها بس المشكله مش فى المصريين
انا مش بقصد موضوع الكوره والتعصب الكروى انا بتكلم عن موضوع كاميليا شحاته والمشاكل الطائفيه اللى هتبقى موجوده لان انتى قلتى البلد حالها مش هيتعدل الا اما نتغير احنا وعشان نتغير لازم الشريعه الاسلاميه هيا اللى تحكم البلد ونلغى الفكر العلمانى الموجود حاليا
بأفتراض ان دا حصل هل الاخوه الاقباط هيوافقو على ان الشريعه الاسلاميه هيا اللى تحكم البلد بعد اما نفوذهم كبرت اكتر من اى وقت فات؟

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات