كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


http://www.gamesmuseum.uwaterloo.ca/VirtualExhibits/electronic/console/TV%20Set.jpg
قليلا بل نادرا ..
لما بهاجر أوضتي " سريري وكتبي وكمبيوتريايا :D "
وانفرد بالريموت لاشاهد التلفاز !

وفي كل مرة بشوفه فيها .. بحس ببوادر تخولوف عقلي " زي ماقال الاديب الكبير اللمبي ! "

زمــان في بداية التدوين كتبت " في بيتنا كباريه "

واليوم أكتب ..
أنا والاعلانات وشللك

-----------------------------

حقيقي شئ سو أوفر يامان " او ياوومن حسب نظامكو " ..
انك تشوف اعلانات تسد النفس وتجيب المرارة

هتقولولي طيب وبتكملي فرجة عليها ليه ؟.

هاقولكم .. لان بيجيلي شلل مؤقت مبقدرش احرك فيه ايديا علي الزرار عشان يغير القناة
-----------------------------

امبارح مش فاكرة كنت بتفرج ع ايه " اعذروني الزهايمر وفقدان الذاكرة المؤقت " ..
واذ فجأة يجي فاصل ..
خير اللهم اجعله خير الاقي اعلان فيه راجلين بيعرضو عن منتج مــا
ومــا ليه ؟
ما اقول انه موبايل :D

كانو بيعلنوا عن موبايل

موبايل كحيان <_<

بس طريقة الاعلان نفسه مستفزة

خدو مثلا ..

* موبايلنا انهاردة ياجماعة فيه مميزات خطيرة جدا جدا جدا
فيه بلوتووووووووووووث
" ملامح الدهشة علي وش التاني اللي معاه .. وملامح الفجأة ع وشه :O "

وكمان فيييه شبــــكة

لا وايـــــــه ممكن يتحطله نغمات صوتية .. والمفاجأة المفاجأة .. انه بينووووووور !!!

ممكن تحط فيه خط
 
طب اقولكو مفاجأة تانية !

ممكن تحطو خطييييييييييين !!! :O

وبيرقص كمان هههه اقصد ممكن تعمله فيربريشن

لا والمفاجأة الكبري انه من صنع شركتنـــــــــــــا ^_^


عــــــــا يامراااااااارتي !!
-----------------------------

مرة أخري من المرات ...
اعلان شيبسي ديلايتس " السوداني "

السوداني مش هيتمرمط تاني <_<

ف الاول عجبني الاعلان ..

ولما دوقت السوداني

ععععععععععععععع
-----------------------------

الاعلان اللي حبيته أوي أوي

اعلان اتصالات .. قالوا الناس مجانين ..

الاغنية عجبتني <_<

بس لما عرفت الفلوس اللي اتدفعت فيه
كرهته أد ماحبيته

عــــــااااااااا

26 مليون جنيه يامفتريين

عشان الموف والطيارة والجناحات والبدلة الشيك بتاعة عز والبنطلون الفحلقي بتاع منير !!!

حسبي الله <_<
-----------------------------

اعلانــــات تانية كتير .. هتكلم عنهم كلهم أكيد

مانا فاضية بئة " بس مش أوي :D "

بس آخر حــاجة  ..

اعلان بيريل !!

استرجل واشرب بيريل

:@

علامة تعجب مندمجة مع سمايل طالع من ودانه دخان !:@

هي دي الرجولة ؟

السؤال .. هما مقتنعين بجد ان دي الرجولة ؟

طب الشباب اللي بتاخد افكارهم الهباب دي تعمل ايه ؟

طيب البيرة دي مثلا بتخلي الواحد راجل ازاى ؟


بـ عااااااااااا اللي بيقولوها ف الاخر زي اسد الغابة الي دخل ف رجله شوكة ؟

ممممممممممم

سؤال فكرو فيه لحد البوست اللي جاي لانه هايتكلم عن شوية صفات ذكورية ارعة .. !

هسألكو يعني ايه راجل .. وايه الفرق اللي بينه وبين الذكر !
-----------------------------

وارجوووووكوووو ..
بلاش تغلطو غلطتي وتتفرجو علي اعلانات تاني :D:D

** ع الهــامش ..

** البوست اللي فات قصة قصيرة .. عشان محدش يفتكر اني بحكي حكايتي الشخصية لا قدر الله <_<
** وارجوكم كل اللي مش فهمها يقراها تاني بتأني ^_^
ويركز فـ آخر سطرين فيهــا ^^,
وآخــر كلامي ســلآم

20 CoMeNTaToOoOoZ:

أنا - الريس يقول...

ما هو برضوا معلش
علي رأي المثل

إذا كان المستمع مجنون فالمتكلم تاجر .

وعلي فكرة الاعلانات دي مش بالعبط اللي انتي فاكره .. دول بيدرسوا العلوم الانسانية اللي في كل مجتمع وبيطلعوا الاعلان حسب فكر المجتمع .

واللي ميعملش كدا يخسر .. وفي مجال التجارة هتلاقي حملات فشلت بسبب عدم دراسة السوق .

خلاصته دوووووووووووووول تجار .
المشكله في المشتري .

سواح في ملك اللــــــــــــــــــه- يقول...

السلام عاليكو وو شفتي بقي الاعلان بتاع الديمقراطيه بيقوللك مصر هتختار التهارده مصر اختارت ياجماعه مصر اختارت الجمبري والشعب يهلل ويقول هييييييه ولا الاعلان بتاع علا رامي في مارينا استااااارز هتلاقي كل حاجه تحت رجليك كان مارينا استارز دي عند البقال اللي جمبكوااا

Noha Saleh يقول...

والله بصى الاعلانات دى اكتر حاجة منرفزانى
عجبنى كلامك عن اعلان الموبايل
اكيد بتتكلمى عن بتوع اتصل الان نصلك اينما كنت
بالنسبة لاعلان اتصالات كان عاجبنى برضه واتخنقت اما عرفت ميزانية الاعلان
اما موضوع استرجل واشرب بيريل اكيد انتى عارفة رأيى فيه من البوست اللى عندى فى المدونة

Ramy يقول...

لالالالالا

فى اعلانات حلوة

بتاعت ماجد الكدوانى

نص البطيخة يا حج

(:

موناليزا يقول...

و لسه.. ماخفى كان أعظم

ميلودى سبورت يقول...

نسيتى اعلانات كنت بشوفها على فترات فى رمضان كنت بحس ان مصر بقى كل الى فيها شاحتيين اعلانات التبرع دى كلها شحاته علنى وفضيحه والله مايخسها غير الى مش عايش فى مصر

ومن اكتر الاعلانات الى جابتلى شلل رباعى وتخلف عقلى بجد

1- البنت الممثله بتاعت فى مارينا ستار حتعيش حياه النجوم من اكتر الاهلانات الى كانت بتنرفزنى

2- اعلان المرشدى بتاع المدينه الفاضله واسعار تبدا من 200 الف جنيه

ربنا ياخد كل المخرجين وبتوع الاعلانات
كرهت التليفزيون

غير معرف يقول...

ههههههههه

عجبني أوياعلان الموبايل ده مع اني مشفتوش

أكيد كان بيقول والمفاجأة ان الموبايل في ذاكرة تسع حتى 16 رقم على رأي سيد أبو حفيظة ^_^

Haytham Alsayes يقول...

ينهار ابيض علي الاعلانات
انا متفق معاكي ان كل الاعلانات اللي ذكرتيها مستفزة خاصة بيريل
يعني ايه استرجل علي اساس ان مفيش رجالة
والرجولة تعني بيريل يعني
دة حتي طعمها ماسخ

احلي اعلان بتاع ماجد الكدواني مقنع وبسيط ومفهوش بهرجة اعلان اتصالات بتاع منير

فيه الاعلان بتاع فنتالوب ممكن نقول عليه مضحك بس فيه قيمه ذميمة زى اغلب الاعلانات يعني بيكيدوا لمصيلحي الغلبان ان يترفد من الشغل يشيلوه المصيبة يعني


بصراحة حاجة تنرفز

تحياتي

أع ـقل مـ ج ـنـونــة يقول...

MR.PRESIDENT

ماهو مش عشان يسوقو لمنتجهم يخنقونا !!! :@

أع ـقل مـ ج ـنـونــة يقول...

سواح في ملك الله-

عععععععععع

وياريتها اختارت طعم عدل للاسف <_<

واعلان مارينا ستار اقل مايقال عليه بارد

<_<

اللهم اني صايمة

أع ـقل مـ ج ـنـونــة يقول...

Noha Saleh

هو بالظبط اعلان نصلك اينما كنت

شللللللللللللللل

اعلان استرجل واشرب بيريل موضوعك جاب المفيد الصراحة

ربنا يرحمنا من العته <_<

أع ـقل مـ ج ـنـونــة يقول...

Ramy

اعلان ماجد الكدواني بسيط فعلا وجميل
بس انا كنت بتكلم عن اعلانات الشلل <_<

ربنا يكتر من امثاله ^_^

أع ـقل مـ ج ـنـونــة يقول...

موناليزا ..

ربنا يستر <_<

أع ـقل مـ ج ـنـونــة يقول...

Admin

كرهته قبل منك
وكشفت شعري ودعيت عليهم ف وقت المغربية <_<

منهم للي كلت دراع جوزها >_<

أع ـقل مـ ج ـنـونــة يقول...

سمو الامير

ههههههههههههه
لاء تصور
الميزة انه قال الموبايل يسع عدد لا نهائي من الارقام :D:D

دي مفاجأة بجد وحقيقي :D:D

أع ـقل مـ ج ـنـونــة يقول...

Haytham Alsayes

المشكلة ان الاعلانات دي بتعبر عن المجتمع وتفكيره وثقافته

ع اد مافي اعلانات بسيطة وحلوة
بس دايما بحس انه عاوزين يستخفو بعقل المشاهدين <_<

حاجة تشل :@

فلاشه اربعه جيجا يقول...

على فكرة انا من كتر ما دا بيحصلى انا بطلت فرجه على التلفزيون..أللى عايزه بجيبه من على النت...و الاخبار البى بى سى ربنا يعمر بيتها كدا يا رب

قولو امييييييييين

Antika يقول...

بالنسبة لواحدة بتكره البرامج الاخبارية والرياضية وكل حاجة متعلقة بالتليفزيون تقريبا D: الاعلانات دى حاجة مهمة جداا

يعنى ممكن اختار القناة على حسب اعلاناتها P: !!

حاليا مش متابعة غير لحظات حرجة على OTV ومش بييجى فيها اى اعلانات .. اصيلة وبتفكرنى بايام زمان D: !!

هو فعلا الحاجات الـ حكيتى عليها مستفزة .. اوى

بس فيه اعلانات بحبها D:

كان بيعجبنى اوى اعلان جهينة بتاع (اشرب طبيعى .. تتكلم طبيعى) .. فيه فكرة D;

واعلان مكى بتاع بيبسى ف رمضان قبل الـ فات

وحكاوى بكرة بتاع فودافون لطيف برضو

ومعظم اعلانات اتصالات xD

اممم .. مش فاكرة حاجة تانية ^^

محذوف يقول...

بعض المرات أفضل ان يتم استبدال فترات الاشهرات بالمشيئ الذي أشاهده لان الاشهارات تكون طويلة و مكررة جدا

Unknown يقول...

فعلاً كلامك عين الاقل اعلانات بيره بيرل ببساطة استهزاء بعقول الشباب وحتى لو لم اكن رجل لن اركض للميني ماركت لاشتري بيرل ، عموماً عجبني اعلان شبس ديلاتس العصفور الي يطير فوق راس البنت ويقول حاجات مضحكه ، ماما عايزه تفرح بيكي ، فستان صاحبتك احلى ، شعرك عادي شعرك عادي

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات