كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


http://www.90at.com/uploads/90at12847214171.jpg


إسمــي حيــاة ..

أخبرني أبي أن أمي من أختارت لي هذا الاسم وطلبت منه أن يسرع في تسجيلي ..

ضمتني إليها بشدة وقالت له :

" سميها حيــاة .. لأنها بداية حياة جديدة لأسرتنا الجميلة "

فقد عاشوا يحلمون بهذا اليوم طويلاً
..
أسرع أبي في تسجيلي وعندما عــاد إليها وإليّ وأنا رضيعة .. وجدهــا ميتــة ..!!

عندمــا حكــي أبي لي هذا ..

ارتبطت الحياة عندي بالموت ..!!

---------------------

عشت يتيمة الأم ..
ولكن عوضني الله بصديقة مخلصة ..
في بداية الصف الثاني الثانوي أحبت شاباً ..
وتمت خطبتهــا إليه ..
وفي يوم الخطبة .. توفيت !

فكــانت الصدمة ...!

وتكررت عندي الفكرة ..

ارتبــاط الحيــاة بالموت .!
---------------------

ســاعدني أبــي علي الخروج من هذه الحــالة ..
أعانني علي استذكار دروسي ..
أخبرني أن أمنيته أن ألتحق بالجامعة ..
وعدني أن يوصني إلي باب الجامعة في أول يوم دراسة ..
ونجحت في الثانوية العامة ..
وعندما أيقظته أول يوم دراسة كي يوفي بوعده ..
وجدتـــه ميتــاً ..

فبداية حيــاة أخري لي ..
ومرحلة جديدة في حياتي ..

ارتبطت أيــضــاً بالموت
---------------------

لـذا قررت أن أحيــا ميتة ..
أن أنسي الحيــاة ..
ألا أبدأ أي حياة جديدة ..!


عرفت بعض اصدقاء السوء ..
استخدمتهم في حياتي الميتة هذه ..

سنوات تمر ... وأنا أحيــا ميتة ، وأموت حيــة ..!!

واليــوم ..
اكتشفت أني تائهة !
لا أنا ميتة .. ولا أنا حية ..
---------------------


قررت التوقف ..
قررت أن أعيد صلتي بالله واستغفره واخبره اني راضية بما قدره لي ..
اليوم قررت ..
أن أبدأ حيــاة جديدة مع الله ..
اليوم قررت ..
الندم عمــا فــات وبناء كل ماهو جيد في ما آت ..

قضيت يومي في الصلاة والبكاء ..
أمسكت بالمصحف وقرأت فيه كثيراً ..
---------------------

اليوم ..
بدأت حياة نقية

رغم يتمي ..
إلا إني أملك ربــاً عظيمــاً ..
---------------------

قضيت نهاري وليلي هذا اليوم
بين يدي ربي ..

وانتهــت حيــاتي هذا اليوم ..
ايضاً بين يدي ربــي ..!
---------------------

ارتبطت حياتي الجديدة بالموت أيضاً ..!!

ولكني اليوم راضية عن هذا الارتباط المؤلم !

اليوم أستطيع رؤية أبي وأمي وصديقتي ..

اليوم أستطيع أن ارضي عن ذاتي لأني عدت إلي الله ..!!

اليوم علمت ..
أن مهما طالت الحيــاة أو قصرت .. فـ دائماً وأبداً ترتبط بالموت .. وعلينا الرضا والاستعداد حتي يأتي دورنا في هذا الارتباط الابدي
 ---------------------


تمت
6-9-2010

32 CoMeNTaToOoOoZ:

سواح في ملك اللــــــــــــــــــه- يقول...

واللهي يابنتي منا فاهم حاجه

خواطر شابة يقول...

اضحكني اول تعليق لانه عبر عن الحال فعلا لانك بالفعل توهتينا في البداية انا اعتقدت الامر واقع محكي الى ان وصلت الى موت الراوية فعرفت انها مكتوبة فقط للعبرة.
عزيزتي الموت هو الحقيقة الكبرى في هذه الحياة لام مفر منه فكل من عليها فان
دمت بكل الود عزيزتي

أع ـقل مـ ج ـنـونــة يقول...

سواح :D

طيب اقراها تاني كدا ^_^

والله عشان كدا كنت مترددة انشرها <_<

غير معرف يقول...

ايه الفسلفه دي بئا ان شاء الله؟

أرهاصه على ان ابلاتين نافوخ سياستك لدع؟

عادي يعني ما كل الحريمات كدا

ربنا يشفي

أو أكتر من كدا ويزيح ربنا

ان شاء الله الاتفاق هيتنفذ امتى يعني كدا؟

أع ـقل مـ ج ـنـونــة يقول...

خواطر ..

انا محبتش انوه انها قصة زي القصتين اللي فاتو !

انا حبيت أوضح ان الموت دي الحقيقة الوحيدة اللي ف حياتنا ولازم نتقبلها ومننتهيش بموت حد عزيز علينا او قريب مننا ومنعترضش علي حكم الله !

بينت دا بصورة واحدة فقدت كل قريب وحبيب لها
وجربت الاعتراض علي حكم الله

لكن لما عرفت الحق .. فهمت ان دي سنة الكون

ودا اللي حبيت افهمه للناس

اعتذر لو ان الصورة مش واضحة أوي والبتاعة دي نكد أوي :D

أع ـقل مـ ج ـنـونــة يقول...

مصري جدا ..

مش فاهمة ايتها حاجة O_o

اتفاق ايه بئة ؟ <_<

Ramy يقول...

أأأأأأه

من اللى أنت كتبه

و لكن دعينا نستعد حتى يأتى دورنا فى هذا الأرتباط الأبدى

ربنا معاكى و يوفقك

سواح في ملك اللــــــــــــــــــه- يقول...

بصي ياعقل الحياه حقيقه والموت حقيقه ولولا الحياه ماكان الموت وعكس الحياه العدم لافيه موت ولا حياه

أع ـقل مـ ج ـنـونــة يقول...

رامي ..

دا المفروض علينا الاستعداد
لاننا مش ضامنين .. أي وقت يأتي فيه دورنا :)

أع ـقل مـ ج ـنـونــة يقول...

سواح ..

وهو المطلوب توضيحه بصورة قصة قصيرة <_<

ميرسي ع المتابعة ^^,

Ramy يقول...

على رأيك

مش عارفين أمتى و لا فين

ربنا يساعدنا

لنستعد صح

أع ـقل مـ ج ـنـونــة يقول...

يارب .. يحسن ختامنا جميعا :)

Haytham Alsayes يقول...

ربنا يستر
ونجد الحياة التي نستحقها في الدنيا والاخرة

تحياتي

أتنين حبيبين يقول...

ربنا يحسن ختامتنا جمعيآ

جميل التذكره حبيبتى

على الرغم من انى صدقت وتألمت ووجعتى قلبى جامد

حرام عليكى يا قمريتى انا ناقصه كفايه اللى انا فيه

المهم تعالى هنا مطنشانى ليه ومش بتزورينى
منتظراكى وهنعمل قاعده بكام راجل طيب

ههههههههههههههههه
تحياتى

Heba :) يقول...

مش عارفة اقول ايه

غير اللهم حسن خاتمتنا

:)

أع ـقل مـ ج ـنـونــة يقول...

هيثم ..

اتمني ذلك وأدعو به !

اللهم آمين

شرفني مرورك العطر :)

أع ـقل مـ ج ـنـونــة يقول...

توتا

اللهم آمين

انا أسفة ياحبيبتي اني وجعت قلبك

بالنسبة لمدونتك
الريدر بتاعي كان مخاصمها
بس انا عرفت المشكلة كانت من ايه وعملتها دلوقتي

أسفة علي تقصيري معكِ

:)

أع ـقل مـ ج ـنـونــة يقول...

هبة ..

اللهم آمين يارب ^_^

أنا - الريس يقول...

مولمة لان بها جلد للذات

AymanGaber يقول...

الدنيا مرة تاخد مننا حاجات كتيير مرة واحدة و مرة تدي حاجات بردة
و كلنا نصيبنا عند الله
نرضى بما كتبه الله لنا
و نعبده طمعا في كرمه و حمدا لنعمتة

كلامك جميل ....
و على فكرة انتي واحشاني قوي بقالي مدة مشوفتش تعليقاتك عندي
على العموم موضوع جميل زي باقي مواضيعك يا جميل
تحياتي ...

عمرو يسرى يقول...

ان لله وان اليه راجعون
كانوا ناس طيبين
ومن الموت ناخذ العبره
وحدوه
قصه رائعه ومفيده

خربشــــــــــــــــات يقول...

حبيبتى
القصه القصيره ده تحفه اوى بصراحه
عجبتنى جدااا
الموت حقيقه لازم نفضل فاكرينها بس للاسف ساعات كتير بننساها
ربنا يغفرلنا ويسامحنا ويحسن خاتمتنا

دمتى مبدعه يا قمرايه :)

سندباد يقول...

حلو اوي النضج اللي في معاني البوست والطريقة اللي عايزة توصلي بيها فكرتك
مفيش مقياس ثابت في الدنيا اللي احنا عايشين فيها
الا ان في موت وحساب وجنة ونار
تحياتي للبوست الهادف

جنون عـبقري يقول...

فلسفة عميقة .. بس برضوا زي سواح ما فهمتش كتير!!

ميلودى سبورت يقول...

ايدا ايدا ازاى الناس الى بتقول مش فاهمه حاجه دى على فكره من احلى ما قرات فى اخر اسبوع خيال كبير وقصه ومن الكلمات الى القلب لن تنسى اعتقد ام اعقل مجنونه لم تقصد رثار ولا هيه كاتبه تعزيه علشان كل التعليقات تيجى كدا زى الهم احسن الخاتمه والله يرحمهم جميعا دى مجرد كلمات يا اخوانا

على العموم انا عجبانى كدا على بعضها
سلامى ليكى

أع ـقل مـ ج ـنـونــة يقول...

MR.PRESIDENT

في ناس كتير بيتعرضو لاختبارات كدا
فيها جلد للذات جدا !

اعتذر عن الالم

أع ـقل مـ ج ـنـونــة يقول...

Rayk Cool

أهم حاجة الرضا بقضاء الله عز وجل :)

نورتني يارايق ^_^

أع ـقل مـ ج ـنـونــة يقول...

عمرو يسرى

دي تريقة :D:D

ماشي

شرفني مرورك ^_^

أع ـقل مـ ج ـنـونــة يقول...

خربشــــــــــــــــات

ميرسي ليكي ياهمس ..
يارب دايما أكون عند حسن الظن ^_^

أع ـقل مـ ج ـنـونــة يقول...

sendbad

الحمدلله ان الفكرة واضحة عند حضرتك

وشرفني جدا مرورك وردك الرائع

:)

أع ـقل مـ ج ـنـونــة يقول...

جنون عبقري

هاقولك اقراها تاني برده ^_^

أع ـقل مـ ج ـنـونــة يقول...

Admin

هو الغرض منها بالفعل اننا نخلي بالنا ونعمل حساب موتنا ف اي وقت
عشان كدا لازم ندعي .. اللهم احسن خاتمتنا
^_^

بجد مبسوطة انها عجبتك

نورتني يا ادمن ^_^

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات