Blog Archive

كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )




امبارح قولت احتمال ابعد شوية عن المدونة عشان مش متظبطة وماليش نفس اوساسا اكتب ايتها حاجة

لكن بقدرة قادر كدا اشوف خبر يطلع من نافوخي

الحظ اني شوفته وانا صايمة ..

وعشان احافظ علي صيامي ..
قولت :

اني صائم اني صائم 

واستغفرت وسكتت

واستنيت لبعد الفطار بئة عشان ابعبعلي بالكلمتين اللي في واقفين في الحنجرة 

*********************

بيقولك ياسيدي محافظ القليوبية .. سي عدلي حسين ..

ان ازمــات الكهرباء والمياة والأسعار تضاعف من ثواب الصائم !!

شوفتوا يابني ادمين يا جاحدين

الحكومة قلبها عليكو ازاى؟

بتضحي بنفسها عشان تدخلكو الجنة

ياوحشين

يا وحشين

ياللي مش عاوزين ثوابكو يتتضاعف

شوفو الراجل بيقول ايه كمان !

يعتبر ازمات المياه بأنها إنذار إلهي للمصريين يستوجب ترشيد الاستهلاك في ظل خلافات دول حوض النيل، والتي تسعى للانتقاص من حصة مصر التي تكفي بالكاد

شوفتو الراجل التقي

جابها وهي طايرة !

اتعلمو الترشيد جاتكو الارف

علي اساس انكو اساسا مش بترشدو منكو لنفسكو

فاتوة الكهربا بتيجي شئ وشويات .. مع اننا بنرشد !

بنتسرق وبنتنهب .. ونقول معلش المهم اننا بنرشد

الغاز والكهربا بيتصدرو للي ميتسموش

ونقول معلش .. خليها علينا

احنا ضحايا اتفاقيات السلام !

المية تقطع .. نقول دا انذار الهي !

امتي هايخدوا مننا الهوا عشان نقول اننا سفهاء ومش بنرشد الشم والتنفس !!!!!!!!

ياشعب نمرووووووود
اسمعو كلام اولي الامر ..
اللي خايفين عليكو وعاوزين مصلحتكو

شوفو كمان الراجل الغلبان بيتحايل عليكو ازاى وبيطلب من المواطنين أن  .. ..
 
 يعذروا الحكومة، ويعطوها فرصة حتى العام المقبل لمواجهة هذه المشكلات الطارئة

عارفين اسلوب فوت علينا بكرة ؟ ..

لاء دول بيقولو فوتو علينا السنة الجاية نكون عرفنا نشوفلكو مصيبة تانية نلهيكو فيها جاتكو ستين مصيبة

ادعي عليهم بايه وفيهم كل العبر

حرامية .. مرتشيين .. نصابين .. ولاد تيت ..

حسبي الله ونعم الوكيل

بما اننا في رمضان دعواتنا مستجابة ..
وجهو دعاكم
ان ربنا يرحمنا من اللي احنا شايفينه دا
ويصبرنا
وياخدهم من وشنا بئــــــــــة

خدوا دي وقولو اميييييييييين



--------------------------------

عشان منساش ..

حلقة رحلة للسعادة أهي 

.. دووس ..

وتفريغها اهي

.. دووس ..

وآخــر كلامي ســلام ^_^

18 CoMeNTaToOoOoZ:

Ramy يقول...

احنا نشر الوزير على انه مخلكيش تغيبى علينا

الكومنت بقا

أأأأأميييييييييييييين

هقرا التفريغ و يكون فى كومنت تانى

رمضاااان كريييييم

سواح في ملك اللــــــــــــــــــه- يقول...
أزال المؤلف هذا التعليق.
راء يقول...

ههههههههههههههههههههه

الفيديو بتاع عادل امام نساني البوست

بصي يا بنتي انا شوفت ف رمضان ده بلاوي..حقيقي
والناس بتدعي من قلبها على اللي مش عارفين يحكموا ولا يحلوا حاجة قراطيس لب

ما علينا كنت عاوزة اتطقس كده واعرف يا هل ترى هتروحي المستشفى يوم السبت ان شاء الله؟؟؟

عايشه لنفسي يقول...

D:
والنبي انتى عثل
هو فيديو عادل امام نسانى اصلا الرد
اصلي بحبه اوى
الخطوة الجايه هيرشدوا حاجات تانيه اصبري داحنا هنتنفخ

Sam Sh يقول...

و الله العظيم بكرة يفرضوا ضريبة على الهوا و بكرة تشوفوا
و عدلي حسين هيفضل 90 سنة في المحافظة و مش بعيد يترقى وزير بعد الكلمتين دول

ستيتة يقول...

لما صبرنا ع النور والمية يرفع درجاتنا
مؤكد رؤيتهم وعشرتهم تلاتين سنة الفردوس الأعلى ونعيمه ان شاء الله
حسبنا الله ونعم الوكيل
عااااااااااااااااااا

Unknown يقول...

دة اغبى مبرر قريته للفشل !!
و الله العظيم أغبى مبرر قريته
انا من امبارح يا بنتي و انا مش قادرة اصدق اننا وصلنا للتبرير بالوقاحة دي ..!!

مصطفى يقول...

اللهم إني صائم ..

بجد بجد..شوية ولاد تيت..وكفاية علشان الواحد صايم !!

آه من الحق..الدكتور مفيد بسلامته كان بيقول إن الكهربة بتقطع عنده هو كمان..شفتم ياناس ..

!!

مصطفى يقول...
أزال المؤلف هذا التعليق.
sal يقول...

هههههههه

آمين آمين آمين

Noha Saleh يقول...

ياسلالالالام
واللى مايتسموش دلوقتى هما اللى هيصدروا لنا الغاز
فى حلقة من حلقات راجل وست ستات السنة دى جابوا المية بتتباع بالنقطة
والله مانستبعدش ان ده يحصل

سواح في ملك اللــــــــــــــــــه- يقول...

اصل هما بيعاملونا علي اننا اطفال وبصوا ياحلوين ربنا هيدخلكو الجنه لو صبرتووووا علي الحكومه طيب يابابا المحافظ والحكومه هتلوح النال لا ياحبيبي الحكومه غلبانه ملهاش زنب اصل البلاد الوحشين بياخدوا منهم الغاز بالغصب طيب يابابا المحافص سكلا

Unknown يقول...

الثواب الحقيقى إنك تقرى كلامه و تقولى إنى صائمة إنى صائمة

لأن أى حاجة تانية حتخلى الواحد يفطر عالراجل ده

بس مش غريبة عليه يعنى .. كل الناس إللى زيه لابسين نفس النضارة و بيقولو نفس الكلام

علشان كده إحنا إخترناه

Unknown يقول...

قرأت اخر بوست ليك وبجد عجبتنى طريقة الكتابة الساخرة اللى انتى ختباها دى وبتنتقضي الايام الجميلة اوى اللى احنا عيشنها بجد انا شعب يخاف ميختشيش مزعلين الحكومة والمحافظ كمان ده احنا عاوزين الحرق .بجد سلمت يداكى وكل سنة وانتى طيبة تقبلى مرورى وياريت تشرفينى بزيارة مدونتى .منه

إيمان هلال يقول...

؟؟؟؟؟؟؟؟؟؟؟؟؟؟؟؟؟

اسمك لذيذ على فكره
عرفتيه منين ؟؟؟؟؟؟؟!!

اسفه على السؤال يعنى

ghada mOhsen يقول...

حسبي الله ونعم الوكيييل ...

ربنا يكون في عونا
عااااااااااا
والله الواحد تعب أووووي
:(

يا مراكبي يقول...

انسي إن الموضوع ده هيتحل السنة الجاية خالص

عدد السكان والإستهلاك بيزيدوا كل سنة ولازم يتم إنشاء محطات توليد كهرباء جديدة من تاني

وأي محطة لو بدأنا فيها النهاردة هتخلص في شتاء 2011 ومستحيل قبل كده حتى لو التصميمات كلها جاهزة

يعني السنة الجاية هتكون أسوأ

esraa يقول...

أولا السلام عليكم
ثانيا آمييييييييييين و ربنا يرحمنا من كل ظالم و مفترى
يعنى هما عاوزينا نرشد طيب احنا مستعدين نرشد مع اننا بنرشد من قبل ما يقولوا بس نرشد تانى مفيش مشكلة بس هما كمان يرشدوا يعنى الوزرا يشيلوا كل اجهزرة التكييف اللى عندهم فى مكاتبهم و بيوتهم و كمان يا ريت يقفوا تصدير الغاز لاسرائيل و لوا عملوا كده احنا هنرشد كمان و كمان

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات