Blog Archive

كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


الحلقة هـ،،ـنـ،،ـآ .. دوووس..

تابع المجموعة الاولي ..

ابدأ بداية صحيحة _ ارسم خطك للجنة
والحلقة بعنوان ..
أجعل حياتك كلها لله

امبارح ابتدينا وقولنا .. دوووس..
ابدأ رمضان بنية كبيرة
وقولنا مجموعة من النيات عشان نبدأ بيهم

حلقة اليوم تبدأ بحديث شريف مهم جدا

" كل عمل ابن آدم له إلا الصيام .. فإنه لي وأنا أجزي به "

الاخلاص ..

أنت لله .. عيش لله .. خليك لله وحده

ومش معني خليك لله انك هتسيب الدنيا
لاء خد الدنيا بكل اللي فيها وروح بيها لربنا
استمتع بكل ماتملك بس خليهم لإرضاء ربنا ..

*************

تيجو نبدأ بداية صحيحة مع الله ؟

عايز تعيش سعيد وتتبسط في الدنيا ؟

ازاى ؟

الأول في حكاية فنان مشهور لم يذكر اسمه

حاول البحث عن السعاة في المال والشهرة والعلاقات النسائية والاجتماعية والحفلات والسهر

ولكنه لم يجد السعادة

فيحكي انه في يوم كان يقوم بلقاء مع صحفي ما .. وقد سأله الصحفي !

أكيد انت من اسعد الناس ؟

قال له انا لست سعيدا ..

سعيد كلمة مكونة من 4 حروف .. انا معايا 3 .. انا بسعي .. لكن لسة الـ د مجتش !

لانه في مليون حاجة بتشده .. بتنتزعه ... مابين المال والشهرة والنساء والعلاقات الاجتماعية وغيرها ؟!

ووعد الصحفي عندما يجد السعادة كاملة .. وحرف الدال ! .. سيتصل بالصحفي ويبلغه ^_^

يقول الفنان هذا ..

ان له قريب متدين عاقل .. اتصل به وقابله وطلب منه انه يقول له الاشياء التي تشده في الحياة

فرد عليه ..
المال والشهرة والنساء و و و و ..

فقال له ان هناك آية في القرآن الكريم تتحدث عنه ..

--> يقول الله تعالي :
"ضرب الله مثلا رجلا فيه شركاء متشاكسون ورجلا سلما لرجل هل يستويان مثلا  "

قاله .. يا فلان .. خلي حياتك لربنا لوحده تعيش سعيد !

رد عليه الفنان ..
بس انا مش مستعد اسيب كل حاجة واروح لربنا لوحدي

قاله لاء خد كل حاجة وروح لربنا .. لكن بنية ارضاء الله ..!!

اجعل كل شئ بنية الله !

يقول : فتحت المصحف مرة وجدت الآية تقول :

قل ان صلاتي ونسكي ومحياي ومماتي لله رب العالمين لا شريك له

انا كلي لله وحده وبذلك أمرت !
*************

اخلص لله .. عيش لله وحده

وهناك حديث عن النبي " ص " كان يفتتح به الصلاة قبل قراءة الفاتحة :

--> اللهم انت الملك لا اله الا انت ... انت ربي وانا عبدك
الخير كله بيديك والشر ليس اليك
وانا بك وإليك .. !!

انا بك يا الله وعشان انا بك .. لازم اكون إليك

نعرف نعيش بالحديث وبالآيه ونحطهم شعار لنا في حياتنا ؟؟

ممكن تفكر ثوانى ...

ازاى نخلص ونعيش لله ؟

ممكن ناخد القرار .. ونخلص لله بجد ؟؟
*************

حياتك هتكون هي هي بدون تغيير لكن هتغير النية جواك
معاك فلوسك وشغلك وولادك وكل ماتملك هتكون لله

مثلا .. الفلوس كانت الاول ليا انا وولادي ..
هتفضل الفلوس هي هي .. لكن هنخلي النية ... بإن الفلوس دي هتكون بنية ارضاء الله ..
هاكل الغلابة ، واعلم بيها الناس ، واصلح المجتمع ..
هاستخدمها بإنها بتاعتك انت مش بتاعتي أنا يارب !

وهكذا في الاولاد .. 
اننا عاوزين نخرج نبتة صغيرة تعبدك يارب وتصلح الكون ويكونو صالحين مصلحين !

حتي العلم ..  
توجيهه من أجل الله !
اصبح بذلك كل دقيقة علم ومذاكرة ومسك القلم بنية ارضاء الله وحسنات !

--> ما خطا عمر بن عبد العزيز خطوة الا وكان له فيها نية !

أنوي حاجات كتيرة !

مقدرتش .. انوي حاجة واحدة
اختار حاجة واحدة وخليها لله !

*************

تخيل ان معاك شنطة فيها كل ممتلكات حياتك
فلوسك .. شهاداتك العلمية .. شهادة ميلاد أولادك .. عقد تمليك الشقة اللي عايش فيها ! .. والباسبور والموبايل وسجادة الصلاة .. وهكذا !!

تيجو نخلي الشنطة باللي فيها لله !!
*************

الاخلاص ان تولي وجهك لله وان تجعل جهتك لله في الحياة هي الله !

بداية رحلة الطيارة او السفينة او السيارة .. اتجـآه ..
وكذلك رحلة السعادة !

--> وجهت وجهي للذي فطر السموات والارض حنيفا

--> رجل يقول للرسول " ص" يسأل :
اي الاسلام خير ؟
قال : ان تسلم قلبك وتوجه وجهك لله وحده !
قال ومن احسن دينا ؟
قال من اسلم وجهه لله تعالي !

الوجه هو رمز الاتجاه .. فما هو اتجاهك ؟

لو اخلصت هتعيش سعيد !!!

جرب في رمضان تجعل حياتك لله وحده .. تسعد و هتعيش سعيد ..
*************

اللي نجا سيدنا يوسف من الفاحشة الاخلاص !

واللي رفع سيدنا موسي عند ربنا الي منزلة عالية جدا اخلاصه !

الشيطان يقول انه يقدر علي الناس كلهم .. قال :
فبعزتك لاغوينهم كلهم اجمعين الا عبادك منهم المخلصين
 
تلت القرآن .. سورة الاخلاص ..
*************

هــا .. يالا ننوي حالا حالا
بان كل حاجة لله ؟

مش قادر ؟

طب اختار حاجة كبيرة في حياتك وقول دي لله !

جرب وقرر واختار من دلوقتي وهتسعد !

هتبقي سعيد لان الله وعدك بكدا ..

هتصدق وعد ربنا ؟

--> قال تعالي :
 وما لأحد عنده من نعمة تجزى إلا ابتغاء وجه ربه الأعلى ولسوف يرضى
*************

الزوجة تقول انا مخلصة لزوجي
والرجل يقول انا مخلص لعملي

بتستنو للناس انها تشهد لكم باخلاصكم .. فماذا عن الله تعالي ؟

الا نخلص له ؟؟

تيجو نخلص لله ؟؟
*************

انت مأمور تخلص ..
يعني مش هتخلص لله جدعنة منك !!


عارف لو مأخلصتش !!

ممكن تروح بشنطة ممتلكاتك في الدنيا وانت مش عايش لله وانت عايش لنفسك
وتفتح الشنطة واللي كان فيها ممتلكاتك تجدها اتحولت الي شوك .. وطوب وزلط !

ترضي تيجي لربنا يوم القيامة تلاقي الشنطة كدا !

ابن القيم يقول :
العمل بغير إخلاص ولا اقتداء كالمسافر يملأ جرابه رملاً يثقله ولا ينفعه

كمان لو مأخلصتش هتكون عايش عكس اتجاه الكون ..
الكون كله رايح لربنا .. يخلص لله ..
اياك ان تمشي عكس اتجاه الكون وتعيش لنفسك وتترك الله !
*************

ربنا يضرب لنا مثل في القرآن للاخلاص !

يقول تعالي :
وَإِنَّ لَكُمْ فِي الْأَنْعَامِ لَعِبْرَةً نُسْقِيكُمْ مِمَّا فِي بُطُونِهِ مِنْ بَيْنِ فَرْثٍ وَدَمٍ لَبَنًا خَالِصًا سَائِغًا لِلشَّارِبِينَ

لاحظوا كدا .. اللبن بيحلب من مكان بين مكان التبول ومكان الدم !

فربنا يقول انا جايبلكم لبن خالص نقي مافيهوش شائبة ما بين مكان التبول ومكان الدم !؟

سبحان الله !

تخيل لو 1% من اللبن جه عليه دم ! او اتعكر ؟
هترضي تشربه ؟

اشمعني تروح لربنا باعمال مش مخلصة وانت مش راضي تشرب اللبن لانه مش خالص ؟

------------------------------
دعاء جميل تخيل انك تعيش به
دعاء كله اخلاص !

اللهم اني أسألك حبك ..
وحب من احبك ..
وحب عمل يقربني إلي حبك !
اللهم ما رزقتني مما أحب ..
فأجعله قوة لي فيما تحب !
اللهم ما اخذت مني مما احب ..
فاجعله فراغا لي فيما تحب ..!!
------------------------------


ازاى ابقي مخلص ؟

1_ ادعي كل يوم بالاخلاص ! ..
اللهم ارزقني الاخلاص
2_ اجعل عمل خاص بينك وبين الله في السر !
3_ علق ورقة اكتب عليها احاديث وايات تحث علي الاخلاص
4_ قبل ما تخرج من البيت كل يوم انوي الاخلاص
*************

اكتب كل ماتملك واجعله لله !
اخلص لله
اجعل حياتك كلها لله

:)


4 CoMeNTaToOoOoZ:

خواطر مراهـــــ استثنائي ــــــق يقول...

جزاك الله خير علي العمل الرائع
تلخيصك جيد جداا للحلقة و لا ينقصه شيء
بارك الله فيك

أع ـقل مـ ج ـنـونــة يقول...

جزانا واياك اخي زكرياء

بوركت :)

مصطفى يقول...

ماشاء الله جهد مميز..

تقريبًا في حد هايسبقني في رمضان :)

أع ـقل مـ ج ـنـونــة يقول...

مصطفي ..

اشكرك يا مصطفي
وربنا يجعلنا متسابقين الي الجنة ويرزقنا اياها يارب العالمين

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات