Blog Archive

كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )

الحلقة هنــ،،ــآ .. دووووس ..

الحلقة بعنوان النفس المطئنة ..
هتتكلم عن انواع الانفس
وازاى نوصل للنفس المطمئنة
مع مجموعة من الاحاديث والايات والحكايات عن السعادة بسبب النفس المطمئنة ..

*********************

الحياة مش تعاسة .. الحياة فيها سعادة ..

في سعادة في الدنيا  .. زي ما في سعادة في الآخرة والجنة بالظبط


يقول الله تعالي :
من عمل صالحا من ذكر او انثي فلنحيننه حياة طيبة

معني كدا ان اللي يعمل عمل صالح .. سيحيا حياة طيبة .. في الدنيا
حياة طيبة مطمئنة !
*********************

بتعرف تنام بالليل بسهولة ؟
ولا مبتعرفش تنام وبتنام بصعوبة !

حاسس بإحباط وبتكون متضايق ؟
بتحس بالخوف والفزع من كل حاجة !
ولا هادي وبتاخد الدنيا ببساطة ومتفائل !؟

لو انت كدا .. متفائل ومشرق .. تبقي نفسك مطمئنة !
*********************

شوفو كدا القصة دي !

إمراءة هي زوجة تاجر سلاح كان بيمول حرب أهلية ..
والحرب كل ماتهدي كان بيشعلها أكتر عشان يشتغل
وفعلا الراجل اشتغل واغتني وعمل قصر كبير
بعدها زوجته حست بإن ارواح كل الناس اللى قتلت في الحرب الاهلية دي هتطاردها
وامتنعت عن الخروج من البيت
وصممت في قصرها 500 غرفة نوم عشان خوفها من النوم في غرفة واحدة !
قضت عمرها غير مطمئنة
ماتت علي سريرها فـ الاخر .. لكن ماتت غير مطمئنة !

شايفين عدم الاطمئنان بيعمل ايه ؟
*********************

حديث عن النبي صلي الله عليه وسلم ..
نور يهتدي بــه !

عن ربيعة بن كعب الاسلمي :
كنت ابيت علي باب النبي "ص" فأسمعه يقول وهو يصلي بالليل :
خشع لك سمعي وبصري ومخي وعظمي وعصبي
يقول ربيعة : ويظل يرددها ويرددها حتي تهدأ نفسي وتنام عيني !
فخرج النبي مرة فوجدني علي باب بيته نائما
فقال له النبي : سلني ياربيعة .. فلم تسألني شئ الا اعطيتك اياه !
فقال له : اسالك مرافقتك في الجنة
فقال له النبي : فأعني علي نفسك بكثرة السجود !!

اسجد لربنا كتير .. لروح لربنا كتير
تكون صاحب نفس مطمئنة !
*********************

عارف نوع نفسك ايه ؟
زي مانت عارف ماركة موبايلك او ساعتك

العالم الخارجي بنتعرف عليه بالحواس الخمسة
لكن نفسك ! .. اللى جواك !! ..
 
عارف نفسك ؟

تخيل أكبر كارثة في الدنيا انك مش عارف نفسك هي ايه ؟

والكارثة الاكبر ان يكون حد فاهم نفسك اكثر منك فيستخدمك وانت لا تشعر !

زي لما يكون حد عارف البن كود بتاع الموبايل وانت صاحب الموبايل مش عارفه
وهو يعمل تليفونات وانت تدفع
تخيل فاتورة الحساب هاتيجي ازاى ؟

تخيل برده لما حد يستخدمك وانت معرفتش نفسك !
تخيل حسابك يوم القيامة !
*********************


  • أنواع النفوس ..

3 أنواع :

النفس الامارة بالسوء :

وما ابرئ نفسي ان النفس لامارة بالسوء
وفيها 3 صفات ..
1_ شهوتها غالبة علي عقلها
2_ شرها غالب علي خيرها
3_ اخلاقها السيئة غالبة علي اخلاقها الحسنة

النفس اللوامة :

لا اقسم بيوم القيامة ولا اقسم بالنفس اللوامة

وصفاتها
انها متقلبة ومترددة
تصلح وتغلط وتندم وترجع تاني تنقلب
تعصي وترجع تاني تتوب وترجع تاني تعصي

لكن فيها حاجة كويسة انها مستيقظة .. بدليل انها لوامة
وحلها انك تفكرها دائما بيوم القيامة !

النفس المطئنة :

يا ايتها النفس المطئنة ارجعي الي ربك راضية مرضية فادخلي في عبادي وادخلي جنتي

وصفاتها :
ان بين الناس وهي حيارة بتكون هي مطمئنة
ثابتة بين الناس المترددة
وعندها سكينة دائما

الثبات والسكينة دا لاطمئنانها انها معاها ربنا !
*********************

في ناس بتكون الـ 3 أنفس في يوم تتقلب عليهم

بس انت نفسك مين وايه فيهم ؟
فرصتك في انك تعرف نفسك !!!
*********************


حديث عن ابن مسعود رواه البخاري :
جلس النبي فخط لنا طريقاً مستقيماً وخط بجوار الخط المستقيم خطوط متعرجة وقال هذا صراط الله المستقيم وهذه هي السبل على رأس كل سبيل شيطان يدعو إلي النار.

النفس المطمئنة هي النفس التي تستطيع المشي علي الصراط المستقيم
*********************

أحد التابعين يحكي بداية توبته ..

يقول في احد الاعوام كانت هناك مجاعة شديدة لا يوجد طعام في الاسواق ولا يوجد مطر
وفي وسط حالة الحزن وجد عبدا يدخل الي السوق وهو يضحك ويغني
فاغتاظ منه وقال له كيف تطمئن وتضحك والناس فيما هم فيه .. الا تستحي ؟
قال العبد : ولما احزن وانا عبد عند سيد عنده مزرعة مملؤة بالطعام !
فلما قال ذلك جاءته فكرة في رأسه ..
وانا اذا كان هذا العبد مطمئن لان سيده عنده مزرعة
فكيف انا وسيدي عنده خزائن السموات والارض !
*********************

هل انت مطمئن مثل ابن تيمية
عندما سجنوه وهو يقول :

ان قتلوني فقتلي شهادة وان نفوني فنفي سياحة وان سجنوني فسجني خلوة
أنا جنتي وبستاني في نفسي وقلبي وقلبي بيد ربي

*********************


  • ازاى تكون نفسك مطمئنة ؟

1_ ذكر الله كثيرا ..

الا بذكر الله تطمئن القلوب ؟
--> يقول النبي "ص" :
مثل الذي يذكر ربه والذي لا يذكره كمثل الحي والميت فلنحيننه حياة طيبة

2_ جـاهد نفسك .. وامنع نفسك من فعلا الاخطاء

3_ اكثر من حسناتك
فان الحسنات تذهبن السيئات

ذهب عبدالله بن رواحة الي النبي وقال له :
اوصني يارسول الله
قال له :
 لا تيأس وان أسأت تسعا أن تحسن واحدة فالحسنة بعشر أمثالها فيقبلك الله عز وجل

4_ اكثروا من السجود
" سجدة صلاة طويلة ، سجدة شكر .. بعد كل صلاة ..  "
*********************

كدا الحلقة خلصت

يارب اجعل انفسنا مطمئنة 
واعنا علي ذكرك وشكرك وحسن عبادتك

14 CoMeNTaToOoOoZ:

sony2000 يقول...

ربنا يارب يباركلك
اللهم امين:)

Haytham Alsayes يقول...

جميلة الحلقة النهاردة فعلا
والمجموعة الاولي مهمة لبدء اي عمل كانت النية والاخلاص امس
اما اليوم النفس المطمئنة

ربنا يكرمك

كل سنة وانتي طيبة

sal يقول...

ربنا يبارك لك

وكل رمضان وانت بالف خير

أع ـقل مـ ج ـنـونــة يقول...

سوني ..

اللهم آمين يارب
بوركتي ياحبيبتي ^_^

أع ـقل مـ ج ـنـونــة يقول...

هيثم ..

البداية هي أهم شئ في أى خطوة بنخطوها
ودي خطواتها
يارب يعيننا علي القيام بها يارب العالمين !

تسلم يارب

كل سنة وحضرتك طيب ومنور المدونة :)

أع ـقل مـ ج ـنـونــة يقول...

sal ..

بوركت ..

وكل سنة وحضرتك طيب وبخير
صوما مقبولا بإذن الله ^_^

Unknown يقول...

اولا كل عام وانتى بخير ورمضان كريم ومبارك عليكى واشهد انى احبك فى الله لما تقدميه من خير وعلم

ثانيا :

جزيتى خيرا وجعله الله فى ميزان حسناتك

وهل يمكننى نقلها فى مدونتى بذكر المصدر

ودة ايميلى ويشرفنى ان اتحدث معك
basma_elnassery@yahoo.com

بسمة الناصرى من مصر من الجيزة

فى كلية زراعة عين شمس

أع ـقل مـ ج ـنـونــة يقول...

بسمة الناصري :

وانتي بخير وطيبة ياقمر
احبك الذي احببتني فيه

جزانا واياكي حبيبتي
وأكيد من حقك ومن حق أي حد نقله او تشييره في المواقع الاجتماعية المختلفة والمدونات ايضا

جزيتم خيرا باذن الله

انا ضفتك علي الميل واتشرف جدا بمعرفتك ياقمر

Ramy يقول...

جميلة التدوينة جدا

بجد

قد اية لو عرف الأنسان نفسه ده هيسهل عليه حاجات كتير فى حياته

ربنا معاكى ويوفقنا جميعا للى فيه الخير

حـــــروف متــبعترة " عــمرو الشــايب يقول...

حلوووووووووووووووووووووووووووووووووووووووووووووووووووووووة بجد بجد بجد بجد
مستنيكي دايما
ربنا يجازيكي و يفتحها عليكي يااااارب

Unknown يقول...

:)
شكرا على تلخيص الحلقات :)
الله يبارك لك

أع ـقل مـ ج ـنـونــة يقول...

Ramy

ميرسي رامي لمرورك العطر ..

الانسان لازم يعرف نفسه ويكتشف نفسه عشان يحدد هو مين وايه !

تسلم يارب وميرسي جدا لمرورك

أع ـقل مـ ج ـنـونــة يقول...

عمرو وائل ..

جزانا واياكم يا عمرو
بالاستفادة يارب
وان شاء الله تكون رحلة سعادة جميلة نكون فيها كلنا

كل سنة وحضرتك طيب

أع ـقل مـ ج ـنـونــة يقول...

شيماء علي ..

عفوا ياقمر
بوركتي ويارب بالاستفادة ان شاء الله

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات