Blog Archive

كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )



اكيد طبعا كلنا او معظمنا عارفين برنامج رحلة للسعادة للرائع عمرو خالد ولا نزكي علي الله أحدا

وانا قررت من الحلقة دي وانهاردة تاني يوم رمضان اني اعمل ملخص لكل حلقة من حلقات البرنامج واحطه في المدونة

ياريت لو زملائنا المدونين والمدونات كل حد فينا يقرر انه ياخد برنامج معين ويبتدي يعمل تلخيص لاهم الحاجات اللى في البرنامج


اللي بيحب يتفرج يتفرج .. واللي بيحب يقرأ يقرأ .. واللي بيحب الاتنين يعملهم برده ^_^

انا بتفرج علي الحلقة علي النت لاني مش متابعة التليفزيون وخايفة اتابعه :D


هاجيب لينك الحلقة.. وبعدين ملخص الحلقة واهم النقاط فيه ..


واللي عنده اضافة يضيفها او نتناقش في الحاجات دي ونفيد بعض اكتر فيها


هاسيبكو مع لينك الحلقة علي اليوتيوب وبعد كدا الملخص

^_^

الحلقـ،،ــة هنــ،،ــآ .. دوس ..

ودي المواعيد علي قناتي المحور والرساله !

http://amrkhaled.net/newsite/images/sa3ada-ad.jpg
-------------------------------------


السعادة خلطة وتوليفة بين 7 مجموعات !

لو واحدة ناقصة تعيش تعيس مش سعيد !!

* بداية صحيحة مع الله : ارسم خطك للجنة
* اسعد من حولك تسعد
* نفس نقية من موانع ومعوقات السعادة
* قلب كبير يرضي ويعفو ويكون في سماحة
* الارادة
* علاقات اسرية دافئة
* صلة عامرة بالله
-------------------------------------
المجموعة الأولي ..

*** ابدأ بداية صحيحة  ***

اللون الذي ترمز له المجموعة : البرتقالي .. لون اشراق الشمس

اعبد الله السنة دي بنيات جديدة ..

" هاخد طاقة وهمة وقوة ورصيد من قرب من ربنا يعيني  علي هموم السنة الجاية لان رمضان طاقة نور من ربنا "

زود في رصيدك من الطاقات في رمضان لانك هتسحب طول السنة كتير

فرق كبير بين واحد سحب الف جنيه بس لكن  مش معاه رصيد في البنك ودخل السجن
وبين واحد سحب مليون جنيه لكن معاه رصيد تاني كتير !!!

** علماء النفس يقولون
 
اي عادة سيئة تحتاج فترة 21 يوم لتغييرها !!

وامامنا فرصة رمــضــان ^_^
--> اذا جاء رمضان جاء منادي : ياباغي الخير اقبل ، ويا باغي الشر اقصر

--> اذا جاء رمضان فتحت ابواب الجنة .. واغلقت ابواب النار وسلسلت الشياطين

خد نية من النهاردة :

يارب هاعبدك السنة دي عبادة كبيرة يارب
يارب زيل عني الهم والغم يارب

** نية جديدة لعبادة رمضان السنة دي :
ازالة الهم والغم عننا !!

--> من صام رمضان ايمانا واحتسابا غفر له ما تقدم من ذنبه وما تأخر

" يارب هاعبدك السنة دي بجد "

** نية جديدة كمان :

رفع الهمة .. ادعو دعوة صادقة ..
ارزق بنتي الزوج الصالح السنة دي
ارزق ابني وظيفة كويسة
.. وهكذا ..
--> ان الجنة لتتزين من السنة الي السنة في شهر رمضان
فاذا جاء رمضان نادت الجنة : يارب اكتب لي في هذا الشهر من عبادك سكانا

فمن صام رمضان فصان نفسه في رمضان كتب له قصر في الجنة
لو الدنيا لو جمعت فجعلت في هذا القصر لم تكن الا كمربط عنز في الدنيا

--> ولله عتقاء من النار في رمضان وذلك كل ليلة ..

ياتري هانعتق السنة دي ؟؟

** ايات الله في القرآن توضح وعود الله لنا بالسعادة في الدنيا وفي الآخرة في الجنة طبعا

المهم نبدأ صح !!
ادعولي اقدر كل يوم اعمل ملخص بسيط للحلقة
ويارب نقدر نطبق سوا مع بعض
 
***********
دعاء قاله عمرو خالد في بداية الحلقة ان الرسول " ص " كان يقوله كل يوم في الصباح
 
اللهم اني اسالك عيش السعداء وموت الشهداء ومرافقة الانبياء
اللهم اني اسالك عيشة هنية وميتة سوية ومرداً غير مخزي ولا فاضح

8 CoMeNTaToOoOoZ:

P A S H A يقول...

بارك الله فيكي وجعل الله هذا العمل في ميزان حسناتك اللهم آمين

:)

كل سنة وأنتِ طيبة ورمضان كريم

ZIYAD يقول...

جزاك الله بالف خير
البرنامج جميل جداا ..ايضا اصبحت افضل المشاهدة عبر النت


رمضان مبارك سعيد
زوروني هنا
http://almitliya.blogspot.com/

مصري جدا يقول...

استني بس

يعني ايه هعبد ربنا السنه دي طب واللي قبل كدا؟

خدي بالك كدا حجه عليكي

يا ناس فكروا الأول


اسمها هزود شويه

سأستزيد

مش من الصفر كدا

ولا حول ولا قوة الا بالله

أع ـقل مـ ج ـنـونــة يقول...

بــاشا ..

بوركت ..
ويارب بالافادة يارب ان شاء الله :)

كل سنة وحضرتك طيب ..
الله أكرم ^^,

أع ـقل مـ ج ـنـونــة يقول...

زيــاد ..

جزانا واياكم يا افندم
فعلا البرنامج هايل مثل كل برامج الاستاذ عمرو خالد ^_^

كل سنة وحضرتك طيب :)

أع ـقل مـ ج ـنـونــة يقول...

مصري جدا ..

استني بس ايه

اولا انا البوست كله تلخيص للحلقة
مش كاتبة ولا كلمة من عندي

الجملة مقصود بيها هاعبد ربنا بجد

مش هابدأ في عبادة ربنا !

او انا قبل كدا مكنتش بعبد ربنا !

لاء طبعا

بس جايز واكيد كلنا مقصرين قبل كدا

ودي فرصة لينا اننا نعبد ربنــا " بجد " ..

يعني ننوي ونكون جد في عبادتنا
مش مجرد طقوس يومية وخلاص !

يارب تكون الفكرة وصلت

وياريت تسمع الحلقة هايكون افضل :)

قهوة بالفانيليا - شيماء علي يقول...

كل عام و أنتِ بخير ..
:)
هاستنى اشوف الملخص لأني مش باشوف الحلقات .. أوقاتها مش ماشية معايا خالص :)
شكرا يا حبيبتي .. و ينعاد عليكي :)

أع ـقل مـ ج ـنـونــة يقول...

شيماء علي ..

كل سنة وانتي طيبة يا قمر

حتي لو مش هتشوفيه علي القنوات

هتلاقي لينك الحلقة ان شاء الله مع كل بوست

اعتقد ان الملخص هايكون افضل لمحبي القراءة اكتر من الاستماع

اتمني لكِ التوفيق حبيبتي

وينعاد عليكي بالخير دائمــآ ^_^

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات