Blog Archive

كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


http://www.almoultka.com/montada/imagehosting/thum_518849e8bd5648359.jpg

ابو العريف ظاهرة مصرية عربية خالصة

علي سبيل المثال مينفعش تمشي في الشارع وتسأل حد علي حاجة ويقولك معرفش !
لانه مينفعش !!

99,9 % من المصريين أصبحو وبقدرة قادرة أبو العريف !!

مينفعش حد يسأل حد علي حاجة ويقول

Sorry .. I don`t Know ^_^

او مخابرشي

أو معارفشي
مينفعشــــــي

أبو العريف لقب .. مش للرجالة فقط

لان في برده أم العريف ومنتشرة بشدة خصوصا وان البنات نسبتها اضعاف مضاعفة للرجالة

علي سبيل المثال ..

أم العريف .. اللي بتمشي الدنيا علي مزاجها والدين حسب أهوائها

قــال الله وقال الرسول ..

لكن وقت ما تقولها حاجة غلط أو حرام .!!

تقولك لاء دا اختلفت فيه الروايات .. مع ان ممكن يكون الحديث صريح !!!!

وايضا أم العريف أخري لما تقول ان الكلام عن المحصنات بيتهزله عرش الله فوق السماوات السبع ..

ولما تقعد معاها ساعة تلاقيها بتتكلم علي طوب الارض !!

لما نرجع لابو العريف تاني ..

تلاقيه شغال 24 ساعة فاهم وعارف كل حاجة

وفاهم انه اذكي من البشر كلهم وفاهم دماغ كل البشر

وحجته " أنــا مش تلميذ .. أنا مش خرونج !! "

حتي الحكومة " ولامؤاخذة <_< " .. بقت أبو العريف

الفزلكة هتطلع ويقولو هنخلي التوقيت في رمضان شتوي .. ولما يخلص نرجعه صيفي !!

مش فاهمة ليه ولا عاوزة أفهم !!!!!!!

احم احم <_<
المهم ..

خلاص رمضان جانا وفرحنا به بعد غيابه

وكل سنة وانتم كلكو طيبين كويسين صايمين

بالفوانيس لاعبين

علي المسلسلات مش متابعين

بالصلاة وقيام الليل والدعاء مواظبين

وربنا يبعد عنكم الحر والشمس والولعة والعطش والجوع

واللسان الطويل والنرفزة والفزلكة عنكو بعيدين

قولووووا آميـــــــــــــــن
ومتنسوش ..

وقت الفطار الدعوة مستجابة

فادعولي وانا هادعيلكووو كلكووووو بظهر الغيب

وربنا يتقبل مننا جميعا يارب العالمين

 
(-•♥رمضان مبارك لاحلى أعضاء أحلى منتدى~ ♥•-)

13 CoMeNTaToOoOoZ:

P A S H A يقول...

كل سنة وحضرتك طيبة وبألف خير وصحة وسلامة إن شاء الله
:)
رمضان كريم

ALHBALABADY يقول...

اقول أمين

كل سنه وانتى طيبه

رمضان كريم

أتنين حبيبين يقول...

تحياتى ليكى حبيبتى
ربنا يباركلك ويعزك
ويستجيب لدعائك
رمضان كريم عليكى وعلينا وعلى الامة الاسلاميه جمعاء حبيبتى

ربنا يتقبل صالح الاعمال
دمتى بكل ود

توتا

مصطفى يقول...

تقبل الله منا ومنكم ..

موضوع أبوالعريف دا أكتر شيئ فيه قواسم مشتركة بين المصريين .. وكله بتفلسف على كله وكله يتفزلك على كله ..

عمرو يسرى يقول...

كل سنه و انتى طيبه وبخير

محذوف يقول...
أزال المؤلف هذا التعليق.
محذوف يقول...

كل سنو و انت علي خير و طيبة
حقيقة .انا لا اعرف من هو هاد الشخص لي تكلمتي عنو

sara draz يقول...

امييييييييييييين
كل سنة وانتى طيبة يا مونمون
ورمضان كرييييييم
وربنا يهدى كل ابو عريف وامو عريف فى بلدنا..^_^

مؤنس فرحان يقول...

كل سنة وانتى طيبة وان شاءالله رمضان خير عالجميع
----------------

فى بعض الافلام الامريكانى كان بييجي فى وسط
الاحداث ناس تسخر من شخص ويسموه

MR : KNOW EVERY THING

يعنى الموضوع موش عندنا بس .. سواء اللى مابيرضاش ويشوفها تقيلة اوى على لسانه انه يقول معرفش او حتى اللى يكون موش عارف ومايرضاش يسأل ويحب يجيبها بالفهلوة والفكاكة

سياسة لا أعرف مفقودة عندنا زى حاجات كتير

لكن كله بييجي بالتعود والتربية والتعليم الصح

كونك تغيرى مفاهيم وطباع وثقافة مجتمع دى موش سهلة
أى سلبيات عندنا ممكن تتغير لكن محتاجة وقت واننا نشوف اسبابها ونعالجها من جذورها

ورمضان كريم

محذوف يقول...

هههههههههههههه فعلا اعقل مجنونة
تدودنة كثير حلوة و اكيد الناس هادي موجودة في المغرب و في كل البلاد ..صراحة انا بيضحكوني كثير ...خصوصا لما يكونو في موقف محرج و في وسط جماعة من الناس
هههههههههههههههههه
الله يهديهم اكيد هادي مشكلة نفسية و يمكن يكون ليها اسباب من التربية و العلاقات الاسرية و العائلية ....

لمسات سمسمية يقول...

فعلا ام العريف وابو العريف ظاهرة منتشرة في الشارع المصري

ومن الطرائف اني كنت تايهة عن منطقة معينة في قلب القاهرة
وقلت ما بدهاش اسال
أسأل مين اسأل مين ايوة أسأل عسكري المرور
والمشكلة انه مكنش يعرف حاجة
ووداني آخر الدنيا مع إن المكان كان في الشارع اللي وراه

كل سنة وانتي طيبة يا اجمل واعقل مجنونة

Tamer Nabil Moussa يقول...

كل سنة وانتى طيبة

رمضان كريم

ابو العريف شخصية موجودة تقدرى تقولى عليها بقت اثرية

مع خالص تحياتى

Unknown يقول...

كل عام و أنتم بخير

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات