كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )

http://images.buycostumes.com/mgen/merchandiser/34047.jpg


في افلام الابيض واسود

وفي جيل امي وابويا

وجيلي

ولحد جيل اختي واللي ادها من الولاد الصغيريين

كنت تسأل اي طفل وانت بتطبطب عليه وتقوله نفسك تطلع ايه ياحبيبي
" بغض النظر عن اطفال الايام دي <_< "

المهم ان اي طفل كان بيقول كأول حلم ليه ..

نفسي اطلع ظابط

دلوقتي ياتري لو ابني قالي عاوز اطلع ظابط هاقوله ايه ؟

بالرغم من اني نفسي لما اتجوز اخلف ولاد " رغم الصراع المتبادل بيني وبين آدم "

--> بالمناسبة نفسي اجيب ولد اسميه آدم :D

المهم اني نفسي اجيب ولاد عشان اطلعهم رجالة

يعدلو الحال المايل

مش يميلو الحال المعدول

مش متخيلة اني اشوف طفل الايام دي يحلم مجرد حلم بانه يكون ظابط ؟

ظـــــــابط يعني في زمننا دا يعني نصاب قتال قتلة

وزارة الداخلية اصبحت وزارة البلطجية

نفسي اتكلم مع ظابط واشوفه بيفكر ازاى ؟

بيدرسوله ايه في الجامعة ؟

بيقولوله لفق .. واضرب وعذب .. واقتل ؟

ولا ايـــــــه؟

طب كل الظباط كدا ؟؟؟

طب لو ابني قالي عاوز اطلع ظابط ياماما ؟

اقوله ايه ؟

لو ابن جارتي الصغير ولا ابن صاحبتي قالها ياماما عاوز اكون ظابط ؟

هاتقوله ايــــــــه؟؟؟

*_* ملحوظة *_*
 
---- انا كتبت الموضوع دا بعد ماقريت قصة في جروب كلنا خالد سعيد
بتقول ان ام نهرت ابنها لما قالها عاوز لما اكبر اكون ظابط ! -----

تخيلت الموقف وتخيلت اد ايه الظباط دلوقتي اهانو مهنتهم اوي

واهانو بلدهم ووطنهم اوي اوي اوي

وانا بجد حزينة عليهم أوي :(
 
علي رأى نوارة نجم
 
البـــــلد اللى حيلتي بااااااااااااااظت

37 CoMeNTaToOoOoZ:

أتنين حبيبين يقول...

السلام عليكم

ممممممم

ياترى هو أنا أول تعليق

طب احجزززززززززززز

وارجع تانى

أتنين حبيبين يقول...

بصى حبيبتى
أنا متفقه مع كلامك مليون الميه
كلنا كنا بنحلم واحنا صغيرين بكده
بس للاسف حال البلد اتغير

أتنين حبيبين يقول...

ده كان كلام وصلنى على الميل
اكيد هيعبر عن كلامك وعن الحاله دى

*******************

ما شربتش من نيلها؟ ..لا يا عم المية كانت قاطعه طب جربت تغنيلها.. صوتى وحش ومبعرفش اغنى اصلا جربت فى عز ما تحزن تمشى فى شوارعها و تشكيلها.. جربت مرة بس كلت تهزىء ما مشيتش فى ضواحيها؟ فى قانون طوارىء يا خفيف طيب ما كبرتش فيها هوا انتا ما تعرفش انا اصلا مولود فى السعودية ولا ليك صورة ع الرمل دامت ع الشط بمعانيها. ايه يا حج هو...ا البحر نشف ولا ايه..زمانها اتمسحت فى دقيقتها

**********************

ميرسى ليكى كتير وسعدت بالمرور
وان شاء الله يبقا التواصل

مودتى
توتا

mrmr يقول...

احنا كامهات نقدر قوى حال البلد وقد ايه وظيفه الضابط بقيت مهانه من الشعب من كتر الظلم والافترى والاستعباد
لكن الاطفال بطبيعتهم بيحبوا يعملوا عصابه

كنا زمان بنحب نلعب قوى لعبه عسكر وحراميه وكان الحرامى بتحبس بس
لكن دلوقتى مش الحرامى لالالالا
المواطن الشريف بتبهل مجرد انه بيطالب بحقه

ربنا يعدى ايامنا بخير

باحث عن حب يقول...

اعرف ضباط شرطه
معررفه
بيفكروا
عادى
بس
عندهم
الاوامر
شئ مقدس
ممكن يعصوا ربنا اما
الاوامر لآ
حسبنا الله
وعم الوكيل

سمع هوص (Abo 3li) يقول...

بصي يستي صوابعك مش زي بعضها... زي مفيه ظباط اولاد..... فيه برضه ظباط اولاد ناس ومحترمين... شايفين شغلهم صح منغير افتري ولا قلة ادب... ودول كتير علي فكرة... انا مش بدافع عنهم... بالعكس... انا بس بوضح ان الخير والشر موجود في كل مهنة وكل مجتمع.... ممكن الشر هوا الواضح وفضايحه وريحته المعفنة مغطية علي الباقي...

بالنسبة للبيدرسوه ... احنا نظام التعليم عندنا بكل انواعه ميري وحكومي وخاص نظام فاااااااااااااااااااااااشل... محدش بيتعلم حاجة في اي حتة.... بتتعلمي لما تتخرجي هتشتغلي ازاي وبأيه....

وبس خلاص

Haytham Alsayes يقول...

ظابط اعوذ بالله

صح انتي بتتكلمي صح

وياريت متتكلميش مع ظباط عشان ممكن يفكروكي من القلة المندسة ولاحاجة

ربنا يخلصنا من الظلمة

تحياتي

Ramy يقول...

انا هعلق من الأخر

بااااااااظت باااااااااظت
(:

دة حقيقى الواحد كان حقيقى يفتخر ان ليه حد قريبه ظابط

بس برضه هيفضل حلم انه يكون ظابط موجود

ليه بقى علشان يبقى ضهر لعيلته من بطش اللى الله يسمحهم و يجازيهم فى نفس ذات الوقت

انا اه كبرت فيها و كلت منها و شربت و كرهتها على قد سنين عمرى بس من ورا قلبى
عبيط بقى (:

تسلم ايدك

الميكروباص يقول...

انا ليا واحد صاحبي ضابط
الحقيقه كان ولد كويس وطيب زمان
لكن دلوقت من كثرة المناظر اللي بيشوفها أصبح وحش كاسر

مش مشكلة الضابط صدقيني
لكن المشكله في الاشكال اللي بيشوفها كل يوم

كان مرة بيحكي لنا عن ضبطيه
راحوا يجيبوا واد مجرم- ولما فتشوا المكان لقوه في بيت عمته -وكان مع عمته في وضع مخل-
كارثه بكل المقاييس
صدقيني الضباط مشكلتهم الوحيده انهم اصبحوا لا يميزوا ابدا بين الراجل المحترم والمجرم- وده أصل المشكله الكبيره
ولولا ان الحرامي عارف انه لو عمل حاجه هايلائي اللي يدفنه بالحياء كانت البلد باظت من زمان
تخيلي ان الوحيد اللي بيخوف المجرم والبلطجي هو الضابط
انا الحقيقه شفت كم من البلطجيه كتير جدا وشفت ناس الحرق بالنار قليل عليها
لكن زي ما قلت لك
مشكلة جهاز الشرطه حاجتين
الاولى انهم مش بيميزوا
والثانيه الكائنات الحيه اللي اسمها امناء الشرطه
ودول انا اتكلمت عليهم في "على جنب ياسطى- المحطه الرابعه- في مدونه الميكروباص"

غير معرف يقول...

اعتقد ان في المستقبل القريب ... ومع ازدياد معدلات الحركة النسائية , وحالة نهب الحقوق المستمرة ليل مساء ... ومع ازياد البطالة والعنوسة هنالك اكثر من سيناريو للازمة ... ومع شوية مؤثرات صوتية ... واستلهام روح الكابة والعشوائية ... من روح الخالد يوسف ومحمد امين ... ومع قليل من العسل الاسود ... وبتتر المبدع دائما ابو الليف ممكن ان يكون المستقبل كالاتي
1- مع ازياد معدلات البطالة في اوساط الرجال والنساء ... وتفشي فيروس العنوسة ... يا اما مش ها يبقي في عيال اساسا عشان يطلعوا ظباط ... يا اما هايبقوا كلهم عيال شوارع

2- او مع الانتصار الساحق للمراة في جميع المجالات باعتبار انها ستكون الاغلبية دائما في المستقبل القريب بحكم العدد... ستمارس ديكتاتورية الاغلبية ... واعتقد ان النساء كلهم ها يكون من الظباط الاحرار ... والرجال ها يتحولوا كلهم الي لصوص للحصول علي حقهم في الحياة والوجود ... علي شاكلة سبارتكوس .. وروبن هود...علي الزيبق ... ويليام والاس ... او فريناندو توريس ... او يمكن يتحولوا لإنجي .. ونبقي كلنا إنجي بقي

3- السيناريو الاسوء بقي لو ابن الجنايني بقي ظابط ... هنا تكتمل المأساة ... واحتمال يقفلوا سوق العبور .


بس الحل الامثل ... سيبوهم يطلعوا ظباط ... بس بلاش مخبرين ونبي ... اصل هزارهم تقيل موت ... ياعني هزار يموت من الضحك

سلام بقي ... عشان انا متراقب


بهجت الاباصيري

sony2000 يقول...

هي فعلا كل مهنه فيها الكويس وفيها الوحش
موش موضوع الظباط و وبس
يعني ذي الافلام كدا
هتلاقي دلوقتي كل االي موجود افلام تافهه وهايفه او بتحلي الواحد يجيلو احباط
لكن هاتي فيلم واااااااااحد يباشر كويس
موش عتلاقي
لان للاسف كل اللي بيطلع دلوقتي
نماذج سلبيه
ورببناااااااااااااا يوستور

ستيتة يقول...

هي الكلمة اللي تعبر فعلا
البلد اللي حيلتي باظت
ويارب عوض علينا

غير معرف يقول...

لو عايزه تكلمى حد منهم
مممكن تتصلى ب 122

بوليس النجده و فضفضى معاهم و احنا مش هاننساكى بالعيش و الحلاوة

أع ـقل مـ ج ـنـونــة يقول...

اتنين حبيبين

نورتي اول تعلييييييييق

:D

حال البلد اتغير للمايل ويارب يتعدل

ههههههه

ضحكت اوي علي اللى وصلك ع الميل

فعلا هم يضحك وهم يبكي ^_^

نورتيني ياحبيبتي

أع ـقل مـ ج ـنـونــة يقول...

mrmr


فعلا كل احلام الاطفال انهم يكونو ظباط !

ولعبة العسكر والحرامية دي كنا دايما بنلعبها

عجبني تعبيرك <_<

للاسف دلوقتي الشريف هو اللى بيتحبس ويتهان

والحرامي حر طليق <_<

نورتيني

أع ـقل مـ ج ـنـونــة يقول...

محمود(باحث عن حب)

استغفر الله العظيم!

يعصو ربنا لكن ميخالفوش الاوامر !!!!!

بجد حسبي الله ونعم الوكيل

البلد اللى حيلتي بااااااااااظت :( :(

أع ـقل مـ ج ـنـونــة يقول...

ابو علي ..

اتمني يكون كلامك صح

ويكون لسة في ناس كويسيين من الظباط

اتمني بجد يكون لسة في ناس بتتقي الله فيهم

واتمني برده نظام التعيم الهباب دا يتعدل <__<

نووووووووووورت ياسيدي ^_^

أع ـقل مـ ج ـنـونــة يقول...

هيثم

فعلا .. لما يذكر سيرة الظابط المفروض نقول اعوذ بالله :D :D

انا لاقية حد اكلمه <_<

مش هاكلم حد عشان بقرف :D :D

نورتني ^_^

أع ـقل مـ ج ـنـونــة يقول...

رامي ..

باظت بالتلاتة ياخويا :D

عندك حق

الحاجة الوحيدة اللى تخلي الواحد مفتخر بان في عيلته ظابط انه بقي ليه ضهر :]

حسبي الله ونعم الوكيل <_<

أع ـقل مـ ج ـنـونــة يقول...

لورنس العرب

عندك حق في كلامك

هما بيتحولو مع الزمن

المفروض يدرسو علم نفس بدقة شوية عشان يقدرو يميزو

ميرسي جدا لردك .. نورتني :)

أع ـقل مـ ج ـنـونــة يقول...

بهجت الاباصيري

ههههه
بجد كلامك ضحكني جدا

والحق اجري عشان انت متراقب :D

وربنا يستر وميكونش دا الحال فعلا <_<

أع ـقل مـ ج ـنـونــة يقول...

سوني

عندك حق برده في كلامك

ربنا يستر علي البلد دي ومتبوظش اكتر ماهي بايظة

أع ـقل مـ ج ـنـونــة يقول...

ستيتة حسب الله الحمش ..

بااااااظت بااااااااااااظت :(

أع ـقل مـ ج ـنـونــة يقول...

ايها المجهول

علي مسئوليتك الحل دا:D :D ?

انا بحب الحلاوة بالبندق ^_^

مؤنس فرحان يقول...

فى ملاحظة قاللى عليها واحد صاحبى ..
ان غالبية الظباط ووكلاء النيابة بيتجوزو منهم فيهم .. لأن كتير من العائلات المصرية العادية بيرفضو الظابط لبنتهم من منطق انه واخد على (قلة الأدب) فممكن يهينها ويضربها زى مابيتعامل طول اليوم فى قسم الشرطة

رحاب صالح يقول...

مساء الورد يا عسولة
والله انت معاك حق بس تعرفي يا ريتها جات علي حد الظابط وبس ...دي بقت ف كل المهن عندنا ...الاطباء المهندسين الاساتذا دكاترة الجامعات ......اغلبهم دلوقت بيميل الحال المعدول مش بيعدل الحال المايل ....نفسي بجد البلد دي تتغير ,...يا ريت بجد نقدر نعمل حاجة

♥ ♥ Amira Samy ♥ ♥ يقول...

موضوع راااائع
استمتعت بقرأتة
تقبلى مرورى حبيبتى

تحياتى لك

عايشه لنفسي يقول...

بقوا زى سواقين الميكروباصات بالظبط
فئه مايعلم بيها الا ربنا
بس ميمنعش وجود قليلين كويسين

لو حد من عيالك قال عاوز اطلع ظابط هتيهولي وانا هظبطهولك

أع ـقل مـ ج ـنـونــة يقول...

@ مؤنس فرحان ...

تصور فعلا كنت لسة بفكر ف النقطة دي

في حد بيرضي يجوز بنته لظابط ؟

بجد ميرسي علي الاضافة والمعلومة .. وياريت يتهببو ينضفو بئة <_<

أع ـقل مـ ج ـنـونــة يقول...

re7ab.sale7

مساءك سكر يا رحاب

عندك حق فعلا .. انعدم الضمير عند كل الناس

يارب هونها وعديها علينا بخير ويلحق يجي الجيل الجاي والاصلاح ابتدي علي الاقل <_<

أع ـقل مـ ج ـنـونــة يقول...

سلسبيل

تسلمي ياقمر ..

نورتي المدونة والموضوع

أع ـقل مـ ج ـنـونــة يقول...

عايشه لنفسي

ليه تظلمي سواقين الميكروباص ياحبيبتي ؟

دول ملايكة جنب اللى مايتسمو <_<

انا هاجيبلك العيال تظبطيهم من قبل ما يقولها ياحبي :D

عابرة السبيل يقول...

عندك حق

sara draz يقول...

للاسف الظباط بين كوسين اللى مش كويسين
شايفين ان فى ايديهم كل حاجة
وانهم فوق القانون
وده طبعا نظرا لانتشار الفساد والرشوة والكووووووسة ولله الحمد
...
بس فى وسط ده كله اكيد لسه فيه
ظابط عنده ضمير ومبادئ
..
وان شاء الله ربنا يكرم ويتغيروا بقى
واحنا كمان نتغير ونحاول نغير نظرتنا ليهم
ولازم نكون عارفين حقوقنا كويس جدا واحنا بتعامل مع الظباط عشان مش
يتعدوا حدودهم معانا..^_^
واسعدنى المرور حقا بالمدونة
وتحياتى

أع ـقل مـ ج ـنـونــة يقول...

أم بقلظ ..

نورتي المدونة بوجودك

----------------

ريحانة الاسلام ..

كلامك جميل

فعلا اكيد في ناس كويسين
ويارب يكتروا ونقدر نغير نظرتنا ليهم

ميرسي جدا واسعدني مرورك ووجودك

غير معرف يقول...

يعني ندعي ولا لأ

آخر أيام الخريف يقول...

الف مبروك النجاح يا جميلة ..و احييكى على الخواطر الدافئة دى

تحياتى

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات