كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


وحشتوني أولا ..
مكنتش مستعدة للكتابة دلوقتي بأي شكل من الاشكال نتيجة عطل فني ومرضي :D
لكن امبارح كنت في حفلة التخرج .. في الهرم ..
وفي الطريق والجو الساحر بتاع الغروب وشوية اغاني كنت بسمعها ف العربية ..
مع شوية جمل لغادة السمان و أحلام مستغانمي معلقة في دماغي 
جاتلي فكرة القصة القصيرة دي ..

اتمني تعجبكم .. واعذروني لو الاسلوب بتاعي في الكتابة بئة غريب شوية ..
انا حاسة اني ابتديت انسي الكتابة .. وعشان كدا دونت الفكرة فورا بنفس هيئتها في دماغي ..
المهم اني اشغل عقلي وايدي لـ ياخدو علي الركنة :D


*************
http://lh4.ggpht.com/_bA-s-QgnSiU/SZcVq9VRp2I/AAAAAAAAAJk/Vm7UHWbLNXs/f01c7e19fe_thumb%5B2%5D.jpg

عارف بقالنا كام سنة مع بعضنا ؟
عارف كام مرة في الفترة دي عن بعض بعدنا !
عارف كام مرة قسيت عليا .. بحنيتك دي
وكام مرة كنت اكتر حد حنين عليا بنفس القسوة دي !

كل مرة كنا بنتفارق كنت بحس ان الخيوط اتقطعت بيننا
لكن لان حبنا صادق وحقيقي كنا كل مرة بنرجع رغم الالم
لان الفراق بينا يعني اختبار ..
يعني نار
يعني حاجة بتخلي الحب جوانا يزيد ويكبر
العشق جوانا بيكتر !!

عكس ناس كتير
من اول فراق بيكرهوا بعض ..

دا اسمه حب ياحبيبي ؟
ولا حبنا احنا لبعض هو دا الحب الحقيقي !

أنا فاكرة لما افترقنا واتخاصمنا .. وحاولت تصالحني
كالعادة .. بجرأتك المجنونة اللى بتدوبني
 
فاكرة لما غنيت لي بصوتك
والاغنية شغالة جنبك بتداري علي وحاشة صوتك
بس تصدق صوتك دا كان احلي صوت سمعته في حياتي ؟
تعالي وقولي بس اشتقتلي ياحبيبي دا انت وحشتني
اديني قبلك قولتها

غنتها بصوت عالي فيها استعطاف لقلبي
وانت بتقولي .. اديني قبلك قولتها ..
قوليها بقي .. بحبك والله ..

آآآه منك ..
لو فضلت اقول طول عمري بعشقك بحبك بموت فيك
كل احاسيسي اللى جوايا عمرها ماهتكون لحد غير ليك !

--------------------
بـــس

حصلت وقعة بينا ياحبيبي
وقعة كبيرة اوي حاولت اقاومها
لكن غصب عنك .. عارفة انه مش بايدك
سبتني ..
في اللحظة اللى احتجتلك جنبي
وانت عشان مصلحتي
ودعتني ..

خلتني استسلم .. واستسلمت

بس اتفاجأت بيك ..

جاي دلوقت ..
بعد مافات الوقت ..
ومبقتش أنا ..

جتلي في وقت كنت بخرجك من قلبي فيه
وقت قررت اتحرر منك بكل المعاني والاحاسيس

آسفـة ..
مبقتش أنا بتاعة زمان
عارفة ..
اني دلوقتي مستهلش حبك 

--------------------

تصور .. 
مش عارفة اكرهك
بتناقضك دا
بحنيتك بقسوتك
 
في حد كدا زيك !
يمكن عشان كدا بحبك
أو يمكن عشان انا متناقضة زيك !؟

--------------------

بس آسفة خلاص ..
قررت أكون لوحدي .. قررت انساك للابد
--------------------

بنسي .. بحاول .. بقاوم ذكراك 
 
لكن جيت ليه تاني ؟
عشان تقولي انك هتكون لحد غيري ؟
دا بجد ولا بتختبرني !!
" كيف عدت..
بعدما كاد الجرح أن يلتئم.
وكاد القلب المؤثث بذكراك أن يفرغ منك
شيئاً فشيئاً وأنت تجمعين حقائب الحبّ، 
وتمضين فجأة لتسكني قلباً آخر."
" أحـلام مستغانمي "

لكن .. تصور .. فرحتلك ..
 
تصور بجد فرحت برغم دموعي اللى كانت بتموتني !
بس فرحت بجد

جايز لما تكون لغيري انساك نهائي

الف مبروك .. فرحتني .. والله يتمملك بألف خير
يا أجمل ما شافت عيني وأحلي مانطق لساني بأسمك
--------------------

مطلعش اختبار وكنت بتحاول تنساني بواحدة تاني
ومقدرتش .. زي ما انا مقدرتش انساك بالظبط !

ودلوقتي كـالعادة .. 
المفروض لحظة العودة بعد الفراق !!

بس خــلآص ياحبيبيي
خلاص متحاولش
خلآص بقاوم الرغبة وبمشي مع تيار الواقع
"لم يعد الفراق مخيفاً ..
يوم صار اللقاء موجعاً هكذا"
" غــادة السمان محقة فعلا "

ودآع يا عشق قلبي
--------------------

"اّه كم افتقدك
انا التي ودعتك للتو ...
وكيف احتمل رحلة الليل
ريثما تشرق ثانية في عالمي
!!!"
غــادة السمــان ..

http://www.ibtesama.com/vb/imgcache2/153350.gif

27 CoMeNTaToOoOoZ:

مصطفى يقول...

الحمد لله إنك رجعتي تكتبي تاني..ربنا مايقطعش ليكم عادة أبدًا..

:)

مصطفى يقول...

أنا ق{ات التدوينة مرة..بس أنا منعوس دلوقتي..إن شاء ربنا أقرأها لما أكون فايق.. :))

sony2000 يقول...

بجد حلوا وعجبتني:)

Noha Saleh يقول...

جميلة اوى
كويس انك رجعتى تكتبى تانى
كان ممكن ترجع له ساعات لازم الواحد ياخد فرصة تانية او يجرب تانى فشل التجربة من اول مرة مش معناه فشل فى كل مرة

MR.PRESIDENT يقول...

ربنا يرجع الأحبة
وميجرحش القلوب
بس الاهم انها تكون في طاعة
ويجمع بين المحبين بالزواج
قادر ياكريم
كل سنة وانتي طيبة
وعودا حميدا.

البرنسيسة ريماس يقول...

بسم الله الرحمن الرحيم

قواك الله عزيزتي

واصلي إبداعك المميز

أع ـقل مـ ج ـنـونــة يقول...

@ سوني ..

ميرسي ياقمر الحمدلله انها عجبتك

نورتيني ياحبيبتي

أع ـقل مـ ج ـنـونــة يقول...

@ نها صالح ..

لو تلاحظي ان التجربة فشلت اكتر من مرات كتيرررررر مش مرة واحدة

عشان كدا هي فضلت تمشي مع تيار الواقع ومتقاومش :)

نورتيني ياقمر

أع ـقل مـ ج ـنـونــة يقول...

MR.PRESIDENT

اللهم آمين يارب ..

وكل عام وحضرتك طيب وبخير والي الله اقرب

نورت :)

أع ـقل مـ ج ـنـونــة يقول...

ريماس ..

دعواتك لي دائما :)

شرفتي بمرورك العطر :)

Ramy يقول...

الله

جميلة جدا بجد

فين الأسلوب اللى انتى خايفة منه

لا أسلوب رائع

و كمان مقاطع الشعر محطوطه صح

اكتر واجدة عجبتنى
لم يعد الفراق مخيفا بعدما سار اللقاء موجعا هكذا

تسلم ايدك و اختياراتك

ربنا معاكى و بالتوفيق دايما

عمرو يسرى يقول...

جميله جدا واسلوب رائع

زهرة يقول...
أزال المؤلف هذا التعليق.
زهرة يقول...
أزال المؤلف هذا التعليق.
زهرة يقول...
أزال المؤلف هذا التعليق.
زهرة يقول...

عوداً أحمداً يا حبيبتى

حلوة أوى وليه بس متسغربة كتابتك .. دى حاجة والله زى الفل

ومتناسقه ومحسوسة ..

تسلم إيدك يا قمراية :)

أع ـقل مـ ج ـنـونــة يقول...

عمرو يسري ..

اشكرك لمرورك ونورت المدونة بمرورك العطر

أع ـقل مـ ج ـنـونــة يقول...

زهرة

تسلمي يازهورتي

الحمدلله انها طلعت كويسة كنت حاطة ايدي ع قلبي :D

نورتيني ياحبيبتي

ريحانة الاسلام يقول...

عود حميييييييييييييد
وبجد القصة تحححححححفة
بس للاسف البطاطس اتحرقت وانا بقرا القصة لانى اندمجت فيها ونسيت البطاطس ^_____^
هههههه
بس بجد تسلم ايديكى
ودمتى متألقة

فاتيما يقول...

حمدلله ع السلامة
و كل المقاطع هايلة و لامسة القلوب
هرجع اقرى البوست تانى بتأنى
لأن واااااضح ان الموضوع كبير قوى

خالص حبى ليكى يا ست العاقلين

Tears يقول...

اسلوبك لطيف


حمدلله على السلامة :)

أتنين حبيبين يقول...

المهم

انك رجعتى ونورتى مكانك من تانى وده الاهم
بجد وحشتينى كتير
رمضان كريم
وكل عام وانتى الى الله اقرب واسرتك الكريمه

تحياتى

طلباوي يقول...

حمدةالله علي السلام

.................

تحياتي لك

Bent Men ElZaman Da !! يقول...

اولا حمدالله على سلامتك يا جميله
احساسها تحفففففففه والله
عاجبانى اووووى واحساسها جامد
وعاجبتنى جمله غاده السمان
"لم يعد الفراق مخيفاً ..
يوم صار اللقاء موجعاً هكذا"
حقيقيه جداااااااااا
تسلم ايدك

mrmr يقول...

حمد الله بالسلامه

وكل سنه وانتى طيبه

رمضان كريم

rona ali يقول...

لم يعد الفراق مخيفا بعدما سار اللقاء موجعا هكذا

<3

انتى بوستاتك ورطه لما بدخلى كمان مقاطع رهيبه كدة يا رهيبه

Aya Mohamed يقول...

عارفة اول ما خلصتها اتنهدت وقلت يا وجع قلبى
مع دمعتين كدا مكنش ليهم اى لازمة
بس بجد جميلة اوى

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات