كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )



لاااااء 

كله الا زينة رمضان

دا زينة رمضان بتخلي لمصر شكل وطابع خاص 

الفانوس الكبير اللى بيعمله شباب حتتنا دا ليه احساس لوحده

الباب وهو بيخبط والاقي جيراني بيقولو لبابا فلوس الزينـــة ياعم عصــــام

احســــاس رائع لوحده

ايه يابلد .. ايه ياحكومة

حتي الزينة هاتمنعوها ؟

روحـــو .. وتعالو بسرعة عشان هتوحشونا

اللهـــــــي يجيكو ويحط عليكو يابعدا 

شوية شوية هاتاخدو ضرايب ع الابتسامة مش حتي الضحكة

رحمـــــاكـ يـــــاربي 

وكل سنة وانتو طيبين 
ورمضان كريم
وجهزوا العيدية من دلوقتي

والسلامو عليكو

38 CoMeNTaToOoOoZ:

Ramy يقول...

صحيح انا مش مسلم

بس احتفالات رمضان و الفوانيس كانت من الحاجات اللى بتدفى جو القاهرة
فى وسط الكآبة الموجودة دلوقت

كل عام وانت و كل اخواتى بخير (:

بيطرية ومش بايدى يقول...

ياحلاوة
لا والله حتى الزينة كمان
انا بيتهيالى ان احنا نبتدى نخزن هوا دلوقتى فى اكياس عشان وارد لا ده اكيد انهم هيبيعوا الهوا
ويطلعوا الاعلان فى التلفزيون عن هوا احمد عز ويقولوا الهوا هوايا ومحدش معايا
عماااااااااااار ياحكومة
وعماااااااااااار يامصر
صباحو فل

ريحانة الاسلام يقول...

ده على اساس ان مشاكل مصر خلصت وجت على زينة رمضان ..ههههههههههه
واعجبى
بس بجد زينة رمضان دى حاجة جميلة جدا
الحمد لله انى جربت الاحساس ده
كان كل بنات وولاد المنطقة نتجمع ونلم الفلوس من البيوت ونشترى الزينة ونطلع البيوت نعلق
بجد احساس رهيب ربنا ميحرمناش من حلاوة رمضان يارب
...
تحياتى اليكى يا جميلة

عايشه لنفسي يقول...
أزال المؤلف هذا التعليق.
عايشه لنفسي يقول...

نو كومنت

منهم لله

MR.PRESIDENT يقول...

بعد السلام والتحية
أما بعد ..
من رئيس الجمهورية
هههههههه
ياريت علي الزينة أو الضحك
بكره عشان الواحد يعمل إإح هياخذ اذن
شكل الحكومة عايزة اللمبي

خواطر شابة يقول...

هذه الزينة الرمضانية تقليد مصري خاص هنا في المغرب نفرح ونستعد للشهر الفضيل نتزاور لكن لاتوجد زينة في الشوارع فقط يوم 27 رمضان تزين صوامع الجوامع بأضواء الزينة
دمت بكل ود ورمضان كريم ان شاء الله

Lady E يقول...

ولسه ياما هيعملوا :(

الزينة والفانوس بيعملوا جو حلو اوي لرمضان ايه معنى القرار الغريب ده !

sony2000 يقول...

بجددددددددددددددددددددددددددددددددددددددددددددد
خليني مسكه نفسي احسن
ورمضان كريم:))

سمع هوص (Abo 3li) يقول...

هما بيقولو عاوزين يوفرو كهربا.... بس هي جات في دي.... ياساتر... دي حكومة كئيبة...

لورنس العرب يقول...

محدش يقدر يمنع زينة رمضان
ده حتى المستورد اللي بيجيب الزينه من الصين هايزعل وياخد على خاطره منهم

sal يقول...

الممنوع مرغوب
هما عارفين اساليب التسويق جيدا
تلاقيهم جايبين حاجات عايزين يبيعوها
فيقولوا ممنوع ؟
وعنادا ورفضا وتحديا انا حزود الزينة
وسادعوا كل الجيران والاحباب يكثروا
ويزودوا ويفتروا
بس عاوزين مستر برزدنت
يطلع قرار
هههههه

تحياتى

أع ـقل مـ ج ـنـونــة يقول...

رامي ..

دي احلي حاجة في مصر بجد
ما الشباب اللى بيطلعو ياخدو مننا الفلوس عشان الزينة معظمهم مسيحيين :D

ووانا صغيرة كان في واد بيضايقني عشان ياخد الفانوس بتاعي لحد ما مامته تجيبله واحد كان اسمه حنا :D

هي دي حلاوة مصر بجد :)

وانت بخير وكل عام وانت بخير برده ^_^

أع ـقل مـ ج ـنـونــة يقول...

بيطرية ومش بايدي ..

هههههههههههههههه
اه يالا نخزن الهوا من دلوقتي
بس الهوا هايكون بتاع علاء مبارك ولا بتاع خديجة و لا فريدة :D


عمار يا اوختشي ونورتيني :D :D

أع ـقل مـ ج ـنـونــة يقول...

ريحانة الاسلام ..

اه يا بونيتي امال ايه
كل المشاكل انتهت من زمااااااااااااان
احنا محتاجين بس نوفر طاقة وفرحة وضحكة وهوا ومية ونور وكهربا وكله !

احساس الزينة والفانوس والنور المعلق دا بيكون احساس جميل اوي

مع فرحتنا بالطاعة وراحتنا

لكن هما غاويين ينكدو علينا <_<

تحياتي ليكي ياريحانة .. تسلمي ياقمراية ونورتيني

أع ـقل مـ ج ـنـونــة يقول...

زوها ..

نو كومنت ياحوبي

يخربيت اللى يزعلك :D :D

أع ـقل مـ ج ـنـونــة يقول...

سيادة الرئيس ..

هل معاك امن كفاية :D

ههههههههههههههه

حلوة عشان الإإح دي :D
يخرابي

لكي الله يامصــــــــــــر

والبلد اللى حليتي بااااااااااظت :D

أع ـقل مـ ج ـنـونــة يقول...

خزاطر شابة ..

فعلا الزينة تقليد مصري خالص ليه احساس خالص وفرحة خالصة ..

نورتيني ياجميلة المغرب :)

أع ـقل مـ ج ـنـونــة يقول...

Lady E

رخامة ياحبيبتي

عارفة المثل اللى بيقول سكتناله .. دخل بحماره ؟!

أع ـقل مـ ج ـنـونــة يقول...

sony2000

امسك ف نفسك ياعم الحاج :D

كل سنة وانتي طيبــــــــــة ^_^

أع ـقل مـ ج ـنـونــة يقول...

سمع هوص (Abo 3li)

يعني جات علينا ف الشهر دا يوفرو كهربا

شوف كل مسئول من دول عنده بيوت اد ايه وتكييفات اد ايه ونور اد ايه

جاتهم الارف ملو البلد <_<

أع ـقل مـ ج ـنـونــة يقول...

لورنس العرب

علي رائيك
وهما اصحاب واجب مبيحبوش يزعلو حد منهم <_<

أع ـقل مـ ج ـنـونــة يقول...

sal

هههههههههههه
مستر بريزدنت اعتبره طلع القرار خلاص

ويالا نجو اون :D :D :D

أع ـقل مـ ج ـنـونــة يقول...

sal

هههههههههههه
مستر بريزدنت اعتبره طلع القرار خلاص

ويالا نجو اون :D :D :D

Tarkieb يقول...

ده بيتكلم عن الزينة اللي بالكهربا يعني اللمب الكهربا...نظام اعلانات.دي بتاعة الناس الحيتان...لكن زينة رمضان بتاعتنا ده نظام نشا وعجين وشوية جلاد...طبعا دي ماشي وبعدين هو الفانوس اللي بيتعلق ده بيسحب كهربا كتير ده حاجة اننن اوووووي...ماتخافيش ياستي انت بس اعملى الزينة وانا اعلقلك بنفسي بس نبدا بزين العابدين الاول ماشي....

عمرو يسرى يقول...

اعتقد انه سياتى يوم ويقولون لنا عزيزى المواطن مادمت على ارضنا سواء حيا او ميتا ستدفع ضريبه وجودك على ارضنا مع العلم انك لو كنت سعيدا سنزيد الضريب عليك ضعفا ملحوظه الضرايب اكتئابك اولا

زهرة يقول...

دى زينة رمضان حاجة جميله أوى .. بتحسسنا بجو رمضان والفوانيس والالوانات اللى بتملى الشوارع ..

السنه اللى فاتت قضيت اول اسبوع رمضان فى اسكندرية ..كان ممتع بجد

كل سنة وكلنا طيبين وبخير
وبلا حكومة بلا هم
هنعمل زينة بردوا .. ويبقوا يلفوا بقى يلموها *_^

أتنين حبيبين يقول...

الله
امته بقا يجى وحششنى موت ياشهر الغفران والرحمه
واللمه والزينه

ياااااااااااااااااه

كل سنه وانتى طيبه ياقلبى
بوست جميل حسيته اوووووووووووووووى

وحشتينى حبيبتى يارب يبارك فيكى
ومنتظراكى تزورينى

mrmr يقول...

كل سنه وانتى طيبه
الزينه دى حاجه ضروريه ومن مظاهر شهر رمضان ومفتكرش يجى هذا الشهر من غير ذينه

يعيش عم عصام ويدفع

انا افتكر كانت لينا جاره اسمها ام احمد كانت ديما تنادى على ماما علشان تمد معاها الزينه من البلكونه بتاعتنا الى بلكونتها فى الشارع وكانت المحبه بينهم كبيره ما فيش فرق بينا كلنا نسيج واحد
الله يرحمك يا ماما ويرحم موتانا
ربنا يديم المحبه بنا والسعاده

طالبة مقهورة ..درجة أولى يقول...

لاااااا :( :(

ده استعباط ممزوج باستهبال

والله مش ينفع كده اصلا ده شهر في السنة..ارحمونااااااا اللهي يرحمكوا

انا اتنرفززززززززززت يا ريمو ومش مسئولة عن اللي هيحصل في مدونتك ^_^

re7ab.sale7 يقول...

صحيح كله الا زينة رمضان
ياسلام ده طعم ولون وريحة رمضان يمكن متحلاش الا بالزينة دي بجد ده حاجة كدة مش عارفة اقول اية عليها بس بجد مش حايزة اقول تقليد دي حاجة اساسية وبجد حرم بس تقولي اية بلد كدة يعني وتقريبا زي ما انت قلت هيعملوا ضرايب ع الابتسامة ده لو في حد لسة بيبتسم
تحياتي

أع ـقل مـ ج ـنـونــة يقول...

Tarkieb


كهربا ولا مش كهربا بئة
هما اساسا بيدورو علي حاجة يخنقونا بيها !
والا يموتو بقهرتهم انهم مبيحرقوش دم حد

قطيعة .. محدش بياكلها بالساهل :)))))))))

أع ـقل مـ ج ـنـونــة يقول...

عمرو يسرى

هههههههههه تصدق فعلا !

كله كوم وحكاية الضرائب مصلحتك اولا دي
!

علي رائيك .. الضرائب اكتئابك أولا :))

أع ـقل مـ ج ـنـونــة يقول...

زهرة..

ولا يقدرو يعملولنا اي حاجة

الكلاب تعوي والقافلة تسير :)))

تصدقي نفسي اقضي رمضان برة بيتنا !
وياسلام لو علي بحر زي اسكندرية كدا :)))

يبقي الامل :)

أع ـقل مـ ج ـنـونــة يقول...

أتنين حبيبين

اعذريني حبيبتي لتقصيري في حقكو كلكو
مدوناتكم قبل مدونتي والله

اللهم بلغنا رمضان يارب واغفرلنا وارحمنا فيه :)

نورتيني جدا

أع ـقل مـ ج ـنـونــة يقول...

mrmr

الله يرحمها ويغفرلها يارب

والله يبارك لينا في رمضان ويغفرلنا كل ذنوبنا ما تقدم وماتأخر :))

ربنا يخليكي ياقمراية

ونورتيني :)

أع ـقل مـ ج ـنـونــة يقول...

طالبة مقهورة ..درجة أولى

ههههههههه

اهدي يارضوي :D

بلاش المدونة هي اصلا متدمرة الايام دي خلقة :D :D

ولا تزعل نفسك ياباشا خير ان شاء الله :))))))

أع ـقل مـ ج ـنـونــة يقول...

re7ab.sale7

هما هايسيبونا الا لما نموت مقهورين مشلولين محروقين مولعين بغيظنا منهم !!!!!!!!!!

حسبي الله ونعم الوكيل :)

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات