كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


احتويني يا رجل
احتويني .. لا تحتلني
احنو علي لا تقسو
الا تعرف غير القسوة طريق؟
الا تعرف معني الاحتواء ياسيدي ؟

نعم سيدي
ولكني لست أمتك
لست جاريه في بلاط حكمك
فـ انا اريدك لي سيد
واريدك تجعلني لك اميرة !
اريدك تشعرني بأنوثتي ..
لا تشعرني بجبروتك !

اتعلم كم احترمك !
وكم اريدك تشعر بقيمتي !
فـ أنا أم .. وابنة .. وأخت
فـ أنا النصف الذي يأتي بالنصف الآخر
اتدري ماذا ستكون بدوني !
ستصبح مثل الشجر في الخريف
بدون أوراق
بدون حيــاة
بدون معني !
فـ لماذا تقلل مني !

لا اريد منك الا الاحتواء فقط
ان كنت ابي .. او اخي ..
او حتي رجلي من دون الرجال
اؤمن بي حقا
واعلم ان ايمانك هذا لن يزيدني شيئا
بل سيزيدك انت اشياءا
ستشعر بها اثناء احتوائي
فستجدني الابنة او الاخت او الحبيبة الصديقة

واعلم لو كنت رجلي من دون الرجال
انك كما اخترتني انا اخترتك
كما اصطفيتني من دون النساء
فقد وافقت عليك من دون الرجال
الا يكفي دليل علي اني مثلك !
لي القدرة علي الاختيار
استطيع الموافقة والرفض !
لست مسيرة بعقل رجل
بل مخيرة بعقلي وقلبي واحساسي

نعم ..
فـ أنا المرأة
التي كرمها الاسلام
وسيد الآنام
أنا المرأة
التي تملك العاطفة والاحساس
وتملك قوة اقوي الناس
وتملك مشاعر .. حب وكره
وغدر واخلاص
أنا المرأة
التي تستطيع جعلك ملك البلاد
والتي بامكانها جعلك صعلوك الاوغاد

فقط احتويني
احتويني وستجدني بين يديك ملاكا
اما ان قسوت !
فستجد شيطانا عنيدا 



27 CoMeNTaToOoOoZ:

The illusionist يقول...

سلام عليكم يا ست عاقله

The illusionist يقول...

انا الاول
ده كويس
اول احتلال اسجله عندك

The illusionist يقول...

بس انا اعتزلت الاحتلالات من زمان قوى

معلش نحتلك النهارده
مش مشكله

The illusionist يقول...

الكلام بتاعك كلو هيقولك جميل وسلمت اناملك وايه الحلاوه دى يا مرسى
وانك لمخك حلو
بس محدش هيفكر فى اى حاجه فيه
عارفه ليه
لانهم عارفين كل ده
وده بديعى
بس الحاجات اللى زى دى بتبقى لتذكره الواحد بحاجه هو مبيعملهاش
كانك بتقلبى المواجع
فبلاش بقى سلمت اناملك
سلم حبرك الالكترونى

sony2000 يقول...

بجد بجد
روعه
وعجبتني:)

أع ـقل مـ ج ـنـونــة يقول...

سوني

شرف ليا انها عجبتك يا قمراية

ويارب تعجب الرجالة ويعملو بيها يا اوختي :D

أتنين حبيبين يقول...

رقيقه جميله

احساسك فوق الخيال

يارب يعملوا بيها الرجاله

هههههههههه
دمتى بكل الخير
وبتمنا تشرفينى بمدونتى

توتا

سمع هوص (Abo 3li) يقول...

ايه الحلاوة دي ياريمو...
ياريت كانت الستات دي وجهة نظرهم.... بلا خيبة...

السُـلطانة يقول...

كلمات أنثوية رقيقة وعذبة .. سلمت الأنامل

Ramy يقول...

عاقلة (:

الكلام جميل

عارفة انا كل مرة بأكتب للى بحبها

بحاول اوضح دة ليها

انى بكون عاوز ابين ده ليها

يمكن انا قايل دة فى اخر بوست عندى

دمتى متألقة على رايى المحتل الأول دة تذكرة (:

عصر الجنون يقول...

eh elkalm el gamed da
likeeeeee
فقط احتويني
احتويني وستجدني بين يديك ملاكا
اما ان قسوت !
فستجد شيطانا عنيدا
goood

غير معرف يقول...

والله كلام معقول جدا

بس سؤال كدا عالماشي

هوا فيه ست بتخضع للعقل؟

رحاب صالح يقول...

الله بجد استمتعت جدا
تعرفي انا كنت بتكلم مع صديقتي في الجامعة عن الحب واختيار الزوج , لقيتها بتقول انا عايزاه يحتويني بس ياريت الاقي راجل بجد يفهم معني كلمة احتواء ...تحياتي يا اعقل بنوته مع انك صغيرة بالنسبة لي لكنك كبيرة ف عقلك جدا
مساؤك وصباحك ورد ونرجس ابيض يا جميلة

أع ـقل مـ ج ـنـونــة يقول...

أتنين حبيبين

اه فعلا ياريت الرجالة يعملو بيها

بس دول ودن من طين والتانية من عجين يا اوختي :D

نورتي المدونة ياقمراية :)

أع ـقل مـ ج ـنـونــة يقول...

سمع هوص (Abo 3li)

بلا خيبة O_o

والله دي وجهة نظر كل البنات بس الرجالة تفهم معني احتواء !

أع ـقل مـ ج ـنـونــة يقول...

قطرات امرأة حكيمة

سلمتي غاليتي

وميرسي لمرورك ووجودك

نورتيني :)

أع ـقل مـ ج ـنـونــة يقول...

Ramy

جميل انك تكون راجل وحاسس بالكلام دا وبتحاول تبينه لحبيبتك

اشكرك لردك الجميل

:)

أع ـقل مـ ج ـنـونــة يقول...

عصر الجنون

ميرسي يا قمر

والكلام لايك يو :D

أع ـقل مـ ج ـنـونــة يقول...

مصري جدا ..

مممممممم

في كتير بيخضعو للعقل

بس المشكلة ان الرجالة مبتصدقش !

وبتحب تشتغل برده علي العاطفة الزيادة اللى عند المرأة اللي ممكن تكون هي حولتها لعقل اكتر ..> ودا قليل اوي من البنات بيعملو كدا :)

تحياتي ^_^

Ramy يقول...

بس يا ريت هى تسمع بس

العفو (:

أع ـقل مـ ج ـنـونــة يقول...

re7ab.sale7

رحاب ..

الاحتواء شئ ضروري جدا للمرأة القوية قبل الضعيفة

الاحتواء اللى بيبين مدي رجولة الرجل في الاعتماد عليه

في انه يكون الاب والاخ والصديق والزوج وكل حاجة بالنسبة ليها

لكن الايام دي للاسف قليل من يعرف معني الاحتوار من الرجال الرجال او الرجال الذكور :)

تحياتي لرائيك واتشرفت بيه جدا

نورتيني ياقمراية

أنا - الريس يقول...

ربنا يجعل بين المحبين احتواء ومودة .. وبين المختلفين مودة ورحمة .. وبين الناس اجمعين هدي .
الكلمات رقيقة . . وتشرح نفسية المرأة تشريح ...
سلمت الأنامل . وبالتوفيق في الإحتواء يارب .

غير معرف يقول...

جميل اوى كلامك
بس تقولى لمين
هما كده
امال سموهم رجاله ليه
انتى بجد كلك رقه
بس صدقينى معاهم كونى شرسه
ههههههههه
اسفه فلى غلاستى بس صدقينى الدنيا مش
كده
الدنيا جميله اوى ودافيه جدا واحنا جنبهم
بس صدقينى هما عاوزين حاوى يتعامل معاهم مش ست بكل الرقه والنعومه
تحياتى

أع ـقل مـ ج ـنـونــة يقول...

MR.PRESIDENT

اللهم آمين

دعائك دا ياريت ندعو به دائما

سلمت لمرورك العطر :)

أع ـقل مـ ج ـنـونــة يقول...

الشـــــوكه النــاعمه

تصدقي انا شرسة جدا :D

اوعو حد يصدق اني ركيكة

انا قولت في اخر الخاطرة

احتويني وستجدني بين يديك ملاكا
اما ان قسوت !
فستجد شيطانا عنيدا

وهي دي انا

^_^

فهمتي حاجة :D :D

والله انتي سكر

منوراني دايما ياقمراية ^_^

المغترب عن مصر بالقوة يقول...

كلمات جميله تقدر من شأن المراه والراجل الذي يراه من المراه الطيبه والاخلاص لايبخل عليها بكل ما تريد

اشكرك ريمو علي الكلمات الجميله
وننتظر منك المزيد
بارك الله فيكي وحفظك ورعاكي

المغترب عن مصر بالقوة يقول...

كلمات جميله يا ريمو
ولكن عندما يري الرجل المراه مخلصه له
فلا يبخل عليه باي شئ في الدنيا ويعطي ما تريد ان تستشعر به .
ننتظر منك المزيد
بارك الله فيكي وحفظك ورعاكي ريمو

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات