كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


وحشتوني أولا ..
مكنتش مستعدة للكتابة دلوقتي بأي شكل من الاشكال نتيجة عطل فني ومرضي :D
لكن امبارح كنت في حفلة التخرج .. في الهرم ..
وفي الطريق والجو الساحر بتاع الغروب وشوية اغاني كنت بسمعها ف العربية ..
مع شوية جمل لغادة السمان و أحلام مستغانمي معلقة في دماغي 
جاتلي فكرة القصة القصيرة دي ..

اتمني تعجبكم .. واعذروني لو الاسلوب بتاعي في الكتابة بئة غريب شوية ..
انا حاسة اني ابتديت انسي الكتابة .. وعشان كدا دونت الفكرة فورا بنفس هيئتها في دماغي ..
المهم اني اشغل عقلي وايدي لـ ياخدو علي الركنة :D


*************
https://blogger.googleusercontent.com/img/b/R29vZ2xl/AVvXsEhNOMdoBu1qzNuJrt51Ml4nchA-p3ViubLz19eceM0DOOkdisJ46jJ8aw8mopqqzyxulpVuJukYH0Fy49I968z456hpyQM0BZ_jirUYe2BN5wieUsFtRGccy6Ld7HUIrseNrsEI3Z0gGn4U/

عارف بقالنا كام سنة مع بعضنا ؟
عارف كام مرة في الفترة دي عن بعض بعدنا !
عارف كام مرة قسيت عليا .. بحنيتك دي
وكام مرة كنت اكتر حد حنين عليا بنفس القسوة دي !

كل مرة كنا بنتفارق كنت بحس ان الخيوط اتقطعت بيننا
لكن لان حبنا صادق وحقيقي كنا كل مرة بنرجع رغم الالم
لان الفراق بينا يعني اختبار ..
يعني نار
يعني حاجة بتخلي الحب جوانا يزيد ويكبر
العشق جوانا بيكتر !!

عكس ناس كتير
من اول فراق بيكرهوا بعض ..

دا اسمه حب ياحبيبي ؟
ولا حبنا احنا لبعض هو دا الحب الحقيقي !

أنا فاكرة لما افترقنا واتخاصمنا .. وحاولت تصالحني
كالعادة .. بجرأتك المجنونة اللى بتدوبني
 
فاكرة لما غنيت لي بصوتك
والاغنية شغالة جنبك بتداري علي وحاشة صوتك
بس تصدق صوتك دا كان احلي صوت سمعته في حياتي ؟
تعالي وقولي بس اشتقتلي ياحبيبي دا انت وحشتني
اديني قبلك قولتها

غنتها بصوت عالي فيها استعطاف لقلبي
وانت بتقولي .. اديني قبلك قولتها ..
قوليها بقي .. بحبك والله ..

آآآه منك ..
لو فضلت اقول طول عمري بعشقك بحبك بموت فيك
كل احاسيسي اللى جوايا عمرها ماهتكون لحد غير ليك !

--------------------
بـــس

حصلت وقعة بينا ياحبيبي
وقعة كبيرة اوي حاولت اقاومها
لكن غصب عنك .. عارفة انه مش بايدك
سبتني ..
في اللحظة اللى احتجتلك جنبي
وانت عشان مصلحتي
ودعتني ..

خلتني استسلم .. واستسلمت

بس اتفاجأت بيك ..

جاي دلوقت ..
بعد مافات الوقت ..
ومبقتش أنا ..

جتلي في وقت كنت بخرجك من قلبي فيه
وقت قررت اتحرر منك بكل المعاني والاحاسيس

آسفـة ..
مبقتش أنا بتاعة زمان
عارفة ..
اني دلوقتي مستهلش حبك 

--------------------

تصور .. 
مش عارفة اكرهك
بتناقضك دا
بحنيتك بقسوتك
 
في حد كدا زيك !
يمكن عشان كدا بحبك
أو يمكن عشان انا متناقضة زيك !؟

--------------------

بس آسفة خلاص ..
قررت أكون لوحدي .. قررت انساك للابد
--------------------

بنسي .. بحاول .. بقاوم ذكراك 
 
لكن جيت ليه تاني ؟
عشان تقولي انك هتكون لحد غيري ؟
دا بجد ولا بتختبرني !!
" كيف عدت..
بعدما كاد الجرح أن يلتئم.
وكاد القلب المؤثث بذكراك أن يفرغ منك
شيئاً فشيئاً وأنت تجمعين حقائب الحبّ، 
وتمضين فجأة لتسكني قلباً آخر."
" أحـلام مستغانمي "

لكن .. تصور .. فرحتلك ..
 
تصور بجد فرحت برغم دموعي اللى كانت بتموتني !
بس فرحت بجد

جايز لما تكون لغيري انساك نهائي

الف مبروك .. فرحتني .. والله يتمملك بألف خير
يا أجمل ما شافت عيني وأحلي مانطق لساني بأسمك
--------------------

مطلعش اختبار وكنت بتحاول تنساني بواحدة تاني
ومقدرتش .. زي ما انا مقدرتش انساك بالظبط !

ودلوقتي كـالعادة .. 
المفروض لحظة العودة بعد الفراق !!

بس خــلآص ياحبيبيي
خلاص متحاولش
خلآص بقاوم الرغبة وبمشي مع تيار الواقع
"لم يعد الفراق مخيفاً ..
يوم صار اللقاء موجعاً هكذا"
" غــادة السمان محقة فعلا "

ودآع يا عشق قلبي
--------------------

"اّه كم افتقدك
انا التي ودعتك للتو ...
وكيف احتمل رحلة الليل
ريثما تشرق ثانية في عالمي
!!!"
غــادة السمــان ..

http://www.ibtesama.com/vb/imgcache2/153350.gif

عقــلي مركـــون علي الــــــرف 
                                       ......
                                               وجنــانـــي مش لقيــــــاه !!!


وحشتوني ووحشتني المدونة أوي
بس مش قادرة اكتب اي حاجة 

فاقدة القدرة علي التعبير بشكل كبير أوي 

قــولت اسلم عليكم .. واقولكم رمضــان كريم لتاني مرة وكل سنة وانتو طيبين .. 

دعــواتكم واوعو تنسوني :)))


 




لاااااء 

كله الا زينة رمضان

دا زينة رمضان بتخلي لمصر شكل وطابع خاص 

الفانوس الكبير اللى بيعمله شباب حتتنا دا ليه احساس لوحده

الباب وهو بيخبط والاقي جيراني بيقولو لبابا فلوس الزينـــة ياعم عصــــام

احســــاس رائع لوحده

ايه يابلد .. ايه ياحكومة

حتي الزينة هاتمنعوها ؟

روحـــو .. وتعالو بسرعة عشان هتوحشونا

اللهـــــــي يجيكو ويحط عليكو يابعدا 

شوية شوية هاتاخدو ضرايب ع الابتسامة مش حتي الضحكة

رحمـــــاكـ يـــــاربي 

وكل سنة وانتو طيبين 
ورمضان كريم
وجهزوا العيدية من دلوقتي

والسلامو عليكو




لما اخد اختي في حضني
واقولها نفسك في ايه ؟
تقولي مش عاوزة اكبر !
* ليه ؟
*عشان مش عاوزة اتعب واشيل هموم زيكو
!!

---------

لما تلاقي كل الناس مش حاسين بيك
لما تلاقي نفسك لوحدك !
لما متلاقيش حد عارف يسعدك
افتكر ..
اذا لم يسعدك أحد .. حاول ان تسعد نفسك
هتفرق معاك كتير

---------

هناك من يبحث السعادة
وهناك من يصنعها
..
ايه رائيك تبحث عن السعادة في محاولة صنعها ؟
---------

اعتراف اعترفته من فترة ..

أنا لست كـ مجنونة
أفعل الاشياء بدون أسباب ..
 وأنما أنا " اعقل مجنونة "
ارتب الاسباب فـ أقرر فـ أنفذ ..
 وأعطي لنفسي قبل الجميع الفرص قبل اتخاذ اي قرار ..
 واذا وجدت من يحب الكلام دون الفعل .
 اوضح اني احب الفعل دون الكلام ..
فإن لم يحدث ..
فـ إني أفعل كل شئ بصمـــت ..
وللاغبياء خالص التحية ^_^
---------

احساس يراودني

عفوا فهذا زمن الاعتراف بالحق " خطيئة " ..
عفوا فهذا زمن الالهة وانصاف الالهة اللذين لا يخطئون ابدا ..
عفوا هذه ليست حياتي ولن تكون ..
ان عالمي هو عالم خيالي وافتخر اني وحدي اعيش في داخله ..
ولكني ارغب في من يشاركني هذا العالم الخيالي
وان كان في خيالي ايضا :)
---------
عجيبة أوي !

في زمننا دا
اللي تحبه بتبلعله الظلط
واللى متحبوش تشرده !
واللى تكره تتمناله المرض
واللى تعشقه لما يتعب تمَرَّضُه
وعجبي عليك يازمن العجايب !
---------

اكتشفتها متأخر !

في كل حاجة حكمة
في النعمة او في النقمة
علي الالم هاكون انا قادرة
وهافضل للاخر صابرة
---------

توووووووت

اخر محطة ..

نفسي افضل كدا .. بقسوتي بحنيتي المتداخلين في بعض
بطيبتي بشري .. بعصبيتي بهدوئي
بعقلي بجناني
انا مبسوطة اوي اوي اوي كدا
---------

وحكمة اليوم وكـل يـوم

ابتســـــــامة بسيطة
تخفف همـــوم غويطة
فهنيالك يا مبتسم
يامحارب الهموم المنتصر
---------

وطلب آخير

ادعولي بحاجتين

*انجح عشان النتيجة علي الابواب
*وربنا يحسن ختامي وختامنا جميعا



تحديــــث


تتح واصحابه نجح :D

مبروووك للثلاثي المرح ^_^

اتخرجنــا رسمـــي بشهادة الحكــومــة 
http://images.buycostumes.com/mgen/merchandiser/34047.jpg


في افلام الابيض واسود

وفي جيل امي وابويا

وجيلي

ولحد جيل اختي واللي ادها من الولاد الصغيريين

كنت تسأل اي طفل وانت بتطبطب عليه وتقوله نفسك تطلع ايه ياحبيبي
" بغض النظر عن اطفال الايام دي <_< "

المهم ان اي طفل كان بيقول كأول حلم ليه ..

نفسي اطلع ظابط

دلوقتي ياتري لو ابني قالي عاوز اطلع ظابط هاقوله ايه ؟

بالرغم من اني نفسي لما اتجوز اخلف ولاد " رغم الصراع المتبادل بيني وبين آدم "

--> بالمناسبة نفسي اجيب ولد اسميه آدم :D

المهم اني نفسي اجيب ولاد عشان اطلعهم رجالة

يعدلو الحال المايل

مش يميلو الحال المعدول

مش متخيلة اني اشوف طفل الايام دي يحلم مجرد حلم بانه يكون ظابط ؟

ظـــــــابط يعني في زمننا دا يعني نصاب قتال قتلة

وزارة الداخلية اصبحت وزارة البلطجية

نفسي اتكلم مع ظابط واشوفه بيفكر ازاى ؟

بيدرسوله ايه في الجامعة ؟

بيقولوله لفق .. واضرب وعذب .. واقتل ؟

ولا ايـــــــه؟

طب كل الظباط كدا ؟؟؟

طب لو ابني قالي عاوز اطلع ظابط ياماما ؟

اقوله ايه ؟

لو ابن جارتي الصغير ولا ابن صاحبتي قالها ياماما عاوز اكون ظابط ؟

هاتقوله ايــــــــه؟؟؟

*_* ملحوظة *_*
 
---- انا كتبت الموضوع دا بعد ماقريت قصة في جروب كلنا خالد سعيد
بتقول ان ام نهرت ابنها لما قالها عاوز لما اكبر اكون ظابط ! -----

تخيلت الموقف وتخيلت اد ايه الظباط دلوقتي اهانو مهنتهم اوي

واهانو بلدهم ووطنهم اوي اوي اوي

وانا بجد حزينة عليهم أوي :(
 
علي رأى نوارة نجم
 
البـــــلد اللى حيلتي بااااااااااااااظت



http://img513.imageshack.us/img513/7638/60739906lv4.jpg

كتبت موضوعين قبل كدا ربطت بيهم التاريخ القديم بالحديث

علي اسم مصر

و

سياسة وتفريغ وترحيل العقول البشرية
<< اللي مقرهمش يقراهم >>

دلوقتي مفيش في دماغي كلام منظم اكتبه

غير احساس متلخبط بان مصر في عصر اضطراب جديد

" مجبتش حاجة من عندي .. والعالم كله واخد باله من الاضطراب اللي فيها مصر انبي حارسها ؟ "

بس حبيت اتفلسف وافكر نفسي باللي ذاكرته خصوصا اخر امتحان اللى لسة متنساش لحد دلوقتي دا

هاقولكو مظاهر الاضطراب اللى كان موجود ايام الفراعنة وبيتكرر دلوقتي

* انتشار القتل .. لدرجة ان القتل يبقي حاجة عادية خالص

ايه يعني نجيب سلاح واقتل بالخمناشر ولا بالتمناشر ؟

عادي ما ارواح الناس بقت رخيصة في وطن رخصه شعبه وناسه وحكومته ورئاسته " طويل العمر عنخ وجا سنب "

*  السرقة والفساد والرشاوي وانعدام المبادئ وانهيار القيم

ودا طبعا حدث ولا حرج !

لدرجة ان ايام الفراعنة بالرغم من انهم كانو بيقدسو الملوك الا ان من كتر الفساد اللى عندهم بقو يسرقوا كنوز مقابر الملوك !

واحنا دلوقتي الاب بقي يقتل عياله عشان مش عارف يأكلهم مع انه حرام ؟

والشاب بينتحر عشان مش قادر يتجوز مع انه حرام !

والراجل الكبير العجوز الشايب ممكن يختلس عشان يجوز بنته مع انه غلط وحرام وعيب !

* زيادة الهجرات برة البلد 

ومـــــــا أكثـــــــــــرهـــــــا

* كثرة الفتاوي وآآآآآه ياوجع قلبي

الدنيا تقع ويحصل الاضطراب وتلاقي رجال الدين ظهروا ياحبة عيني ماصدقو يجيلهم شغل

زمان الكهنة كانت تصدر الفتاوي وتحلل وتحرم علي مزاجها او حسب القرش اللى جايلها من كبار رجال الدولة حسب مصالحهم الشخصية

ودلوقتي .. بيحصل من فتاوي كارثة كل يوم بنسمعها

واللى زاد توقعات العالم الكبير احمد زويل بان الفتاوي هتكتر في مصر ف الفترة الجاية ودخولها في فترة مظلمة للغاااااااااااية

اكتر من كدا ضلمة ؟؟

كل واحد يمشي شمعته معاه وكبريته في جيبه

والحقو نفسكو يابشرررررررر

كل واحد يصلح جواه عشان برة يتعدل

ومتنسونيش

شمعه قليلة تمنع ضلمة كبيرة

وهنيالك يامولع العشة


:D

احتويني يا رجل
احتويني .. لا تحتلني
احنو علي لا تقسو
الا تعرف غير القسوة طريق؟
الا تعرف معني الاحتواء ياسيدي ؟

نعم سيدي
ولكني لست أمتك
لست جاريه في بلاط حكمك
فـ انا اريدك لي سيد
واريدك تجعلني لك اميرة !
اريدك تشعرني بأنوثتي ..
لا تشعرني بجبروتك !

اتعلم كم احترمك !
وكم اريدك تشعر بقيمتي !
فـ أنا أم .. وابنة .. وأخت
فـ أنا النصف الذي يأتي بالنصف الآخر
اتدري ماذا ستكون بدوني !
ستصبح مثل الشجر في الخريف
بدون أوراق
بدون حيــاة
بدون معني !
فـ لماذا تقلل مني !

لا اريد منك الا الاحتواء فقط
ان كنت ابي .. او اخي ..
او حتي رجلي من دون الرجال
اؤمن بي حقا
واعلم ان ايمانك هذا لن يزيدني شيئا
بل سيزيدك انت اشياءا
ستشعر بها اثناء احتوائي
فستجدني الابنة او الاخت او الحبيبة الصديقة

واعلم لو كنت رجلي من دون الرجال
انك كما اخترتني انا اخترتك
كما اصطفيتني من دون النساء
فقد وافقت عليك من دون الرجال
الا يكفي دليل علي اني مثلك !
لي القدرة علي الاختيار
استطيع الموافقة والرفض !
لست مسيرة بعقل رجل
بل مخيرة بعقلي وقلبي واحساسي

نعم ..
فـ أنا المرأة
التي كرمها الاسلام
وسيد الآنام
أنا المرأة
التي تملك العاطفة والاحساس
وتملك قوة اقوي الناس
وتملك مشاعر .. حب وكره
وغدر واخلاص
أنا المرأة
التي تستطيع جعلك ملك البلاد
والتي بامكانها جعلك صعلوك الاوغاد

فقط احتويني
احتويني وستجدني بين يديك ملاكا
اما ان قسوت !
فستجد شيطانا عنيدا 



لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات