كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


آه لو املك جناحين واقدر اطير
وابعد بعيد .. واعيش في تغيير
اكون لوحدي في عالم علي ادي
او حتي اكون في عالم كبير
بين ناس كتير !
بس لازم يكون فيه حرية تعبير
ميكونش فيه تجريح .. ميكونش فيه تلميح
يكون كل شئ واضح وصريح
ميكونش فيه سيد .. ولا حتي فيه عبيد
كله علي نفس الأد
واستخدم جناحاتي واطير بين الورد
وابعد وارجع تــآني لنفس الأرض
انشر حب وخير وسلام
ونحقق سوا كل الأحلام
وارتاح لما اجي انام
واصبح افرح .. اجري واطير
وافضل كدا انا فـ التغيير
وافضل اعبر ..واقدر اقرر
واكبر واعلي ..وانجح اكتر
واعرف حبايبي واعلم ولادي
احببهم أكتر في كل بلادي
وقتها هتخلي عن عصبيتي وعنادي
وهاكون اخر روقان
^_~
هاقضي علي الفساد
في كل شبر ف البلاد
هانشر ف الكون كل الامجاد
هنشر فرح ..
هاوزع مرح
هاعمل كوكتيل غير النكد والالم
هاقضي ع الملل
هامسح اليأس هافرق أمل
هايكون في كتير
انواع من الخير
وبكدا هاعيش دايما
فـ أحلي تغيير
آآآآه ..
أه لو كان لي جناحين واقدر اطير

^_^

15 CoMeNTaToOoOoZ:

أنا - الريس يقول...

ربنا يوفقك في طيرانك ..
وكلماتك الطيبة ..
فكرتني بستي الله يرحمها
لما كانت تغني لعمي
كان نفسي اكون طيار في الجو ليل
ونهار
لكوبري فاتح ولا ترعة
ومش فاكر بقيت الاغنية
عمي بقي مهندس
بس يارب تحققي كل احلامك وامالك
وطموحاتك
ويسعدك وتعرفي تربي ولادك زي ما انتي عايزا
---------
الكلمات غنائية ..
تحياتي ليكي مرة تانية .. بالتوفيق ..

♥♥ شذا ♥ الروح ♥♥ يقول...

حبيبتى مافيش حاجه بعيده على ربك

والحلم مش حرام وأكيد هيجى اليوم اللى هيتحقق فيه احلامنا وده ابسط حقوقنا

بس اهم حاجه انك تكونى راضيه عن نفسك ياقلبى

ربنا يسعدك يارب ويوفقك

احبك فى الله

Ramy يقول...

أخبارك اية وأخبار الأمتحانات ان شاء الله يكون كلة تمام

بس من البوست الجميل دة

بالرغم من ان يحمل بين طياتة حزن على عدم وجود هذا العالم المثالى
لكن أظن أن الأمور تمام

ربنا معاكى و يوفقك فى الأمتحانات و حياتك ويحقق لينا كلنا (: امنيتك

يلا سلام اسيبك مع المذاكرة

sal يقول...

بوست جميل
خاصة المقطع الاول والاخير واللى فى النص

اسعد الله ايامك

هامسح اليأس هافرق أمل

تحياتى

Bent Men ElZman Da !! يقول...

"واعرف حبايبي واعلم ولادي
احببهم أكتر في كل بلادي
وقتها هتخلي عن عصبيتي وعنادي
وهاكون اخر روقان"

حبيته اوووى الجزء ده
ربنا يحقللك احلامك
وتبقى رايقه على طول يا قمر
ويارب يكون الامتحان عدى تمام عليكى

أم الخـلـود يقول...

حلقي في سماء الحرية وأطربينا دائما .. سلمت الأنامل كلمات أكثر من رائعة ..دمتي بخير غاليتي

البرنسيسة ريماس يقول...

كلامات ولا أروع

الله يعطيك العافية

تقبلي مروري

خواطر شابة يقول...

انا ايضا مثلك يا ريت لو كان لي جناحين

Tears يقول...

جميل جدا

و كله أمل و انطلاق و حرية


برافو :)

غير معرف يقول...

لو ليكي جناحين هتعملي زي عباس بن فرناس


اخرتها حتة دين هضر

ولم المتكسر بئا يا عم الحاج

mohamed ghalia يقول...

ياريت كلنا نقدر نعمل ده

زهرة يقول...

حلم جميل ..ومادام مش من حقنا نحقق معظم أحلامنا .. يبقى من أبسط حقوقنا نحلمها

عملتى إية فى إمتحاناتك؟؟

مش انا بدأت إمبارح .. واااااااااااااااء
إدعيلى شكراً والنبى

had-befham يقول...

جميله اوى كلماتك

محمود ابوالعزم يقول...

you make me can"t say any comment

صعب الكلام جدا
صعب السكوت جدا
و ازاي قلوبنا تعيش
لو كل شئ بقى صعب
صعب الكلام يتقال
أنا بس عندي سؤال
ازاي يا أغلي وطن
بقى فيكي أرخص شعب

محمد فاروق الشاذلى يقول...

إلى عزيزى / خالد
كلامك مظبوط قوى وللأسف أغلبنا هاينساك بعد شوية، لكن أنت متأكد إن ربنا مش هاينساك وهايجب لك حقك، وساعتها أكيد هاتكون فرحان.
وداعاً

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات