كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )



http://vb.arabseyes.com/uploaded/25202_1187442785.gif

ريمو اكيد غلطت وكانت تقصد ما قتل مش ما هطل !

لاء ريمو قاصدة مية ف المية العنوان

زائد انها عاوزة تضيف كمان حب ايه اللى انت جاي تقول عليه



نعم عزيزي القارئ لقد اصبت بـ " كتابوتا في السكلانص "
 
-->  اما عن كلمة كتابوتا فهي كلمة شهيرة بتقولها اختي سلمي لما بتلاقي الدنيا اتلغبطت وبتحب تهيس علينا 
--> وكلمة سكلانص معرفش هي ايه الصراحة

اكيد سمعته عن اللي شنق نفسه علي كوبري قصر النيل عشان مش عارف يكمل مصاريف الجواز

مقدرش يصبر شوية وال ايه قبل مايشنق نفسه كتب للمحروسة جواب يقولها

"أستطيع ترك الدنيا لكنى لا أستطيع أن أترك حبيبتى"

افرح يا موكوس .. اديك سبت حبيبتك وسبت الدنيا كمان ..

لا وايه .. في هدية كمان .. انك سبت الاخرة !!!!!!

حب ايه اللي انت جاي تقـــــول عليـــــــــه

هو اي حد مش عارف يتجوز يعمل اي مصيبة قلة ايمان وعدم رضا بقضاء ربنا ويقولولنا حب !!

ولا احنا كل حاجة هنرميها ع الحكومة

لاموآخذة ياحكومة

ماهو في اكتر من نص الشباب دا لو مكنش تلت ترباعهم مش عارفين يتجوزو

كانو هببو هبايبكو دي ؟

اصل الاسبوع اللى فات سمعت حادثة كدا بس حيائي يمنعني من اني اقولها 

انا حاسة اني بخطرف ياجدعــــــــان

عن جد .. ربنا يهدينــــــــا كلنــــــــا


البوست دا مش استهتار بحد مات وبئة بين ايدين ربنا

بس تحذير لاي شاب واي بنت يفكرو ينهو حياتهم عشان اي حد

دا ابتلاء من عند ربنا

ولا انت وهو وهي يعني فشلة في كل حاجة حتي الاختبارات الالهية

جاتكو الارف مليتو البلد

ابئة اشوف حد فيكو انتحر تاني عشان حد

اللى هينتحر هاجتلـــــــــــــــــــــــه



36 CoMeNTaToOoOoZ:

سمع هوص (Abo 3li) يقول...

هههههههههههههههه... عارف الحادثة البتقولي عليها...


وعلي رأيك هوا حد عارف يتنيل دلوقتي...
واينعم الحب حلو وكل حاجة.. بس الواحد ميجيش علي نفسه علشانه بقي... لان ببساطة مفيش حد يستاهل للدرجة ان الواحد يظلم نفسه علشانه...
وانا كمان بعد مهتقتليه... هعلقه من رجله...

سمع هوص (Abo 3li) يقول...

ااااااااااااااه
تصبحي علي خير ياريموووووووووووووو...

سمع هوص (Abo 3li) يقول...

مش عارف ليه ليا مزاج ابعت تعليق كمان...

سمع هوص (Abo 3li) يقول...

ده التعليق "ال كمان"... القلتلك عليه التعليق الفات...

سمع هوص (Abo 3li) يقول...

اخر واحد اخر واحد ...

سمع هوص (Abo 3li) يقول...

بس كفاية كده... بدل متضربيني...

يلا تصبحي علي خير..

ريم وجيه يقول...

روعة بجد البوست ده
تسلم ايديكى يا قمر

أم الخلود يقول...

بس خطرفة حلوة .. ههههههه تحياتي لك

رحاب صالح يقول...

صباح الورد
يااااااه مش معقولة بجد اني اخيرا هكتب تعليق عندك بقالي فترة مش عارفة النت معاند معايا لية في مدونات معينه ومنهم مدونتك
شوفي بقي الموت ده حاجة كبيرة وصعبه وانك تنتحر ده مصيبة يبقي لا طكولتها دنيا ولا اخرة
والحب مش كل حاجة برغم اني رومانسية اوووي اووي لكنه مسألش نفسه انه كان ممكن يكون في حل تاني ؟ وهي اكيد هتعيش حياتها بعدها وطبيعي جدا وهي والخسران في كل حاجة
ربنا يعافينا يارب وما نفكر في الانتحار ده خالص
تقبلي مروري يا قمرة

أع ـقل مـ ج ـنـونــة يقول...

ميرررسي ريم

نورتي المدونة كلها ياقمر ^_^

أع ـقل مـ ج ـنـونــة يقول...

ام الخلود

يالا اهم بيخلونا نخطرف وخلااااااااص

احسن من نكتم جوا ونفرقع :D

نورتي ياجميلة ^_^

أع ـقل مـ ج ـنـونــة يقول...

رحاب صالح

حمدالله ع السلامة ياقمررررررر

بجد مش عارفة الناس اللى بتفكر تنهي حياتها كدا ازاى ممكن ينهوها بجد ؟

علي رائيك

البنت دي اكيد اكيييييييد هتعيش حياتها عادي

وتتجوز واحد تانى

مش عشان هي مكنتش بتحبه .. لاء هي اكيد حبته

بس حياتها مش هتقف خالص <_<

ربنا يهدي الجميع يارب .. ويرحمه ويغفرله

نورتي ياقمر

Unknown يقول...

احم احم
سلامو عليكو

انا داخل وبقول :
يارب تكون نسيتني يارب تكون نسيتني
هههههههه

انا اتفقت مع نفسي علي حاجة زمان
واعتقد انها ماشية معايا كويس لحد دلوقتي
وهي ان انا بقيم اهتماماتي علي كل اللي حواليا
صحيح بيبقي في ناس ليها جزء كبير وفيه ناس ليها جزء اقل
لكن مفيش حد واحد واقفة عليه الدنيا
اكيد وطبيعي ان ممكن ناس تبيع او ناس تخون
ده طبع البشر
لكن المستحل ان كل الناس تخون او تبيع في وقت واحد
دايما هتلاقي حد شاري
حد ياخد بايدك لما تقع

اذن الحياة مش بتقف لا علي حد ولا علي حاجة
بس مش معني كده ان انا لو مش عارف اتجوز اسكت بقي واقول نصيب
لا يا معلمين
ده انا ادغدغ الدغاديغ
بس بالعقل يعني
هههههههه

شكرا ليكي

ويارب تكوني نسيتي برضو

♥♥ شذا ♥ الروح ♥♥ يقول...

هههههههههه

ايه الحلاوه دى والطعامة دى

بجد انتى جميله اوووووووووووى
ارق واخف دم بالوجود كله شوفته

ربنا يسعدك يارب ويحفظك من كل شر

دمتى بكل الخير

زينب علي حبيب يقول...

ياااااااااه معاكي حق

صح انا فيوم من الايام أوهمت نفسي اني بحب وكل حاجة...بس انتحاااااااار!!!

اخر حاجة وصلتها بالنهاية اني ممكن اتحدى الكل بحبي ليه و احاول اقنع الكل بيه ههههههههههه دلوقتي اكتشفت اني حتى بالحب كنت بحاول استخدم عقلي قد مقدر...اهو جناااان

عشان اروح للنار طوالي...يا حلاوة يا ولاد!

ربنا يجيرنا احنا باخر الزمان!

وتسلم ايديكي

beautiful mind يقول...

علي فكره انا كنت انوي اكتب نفس البوست بتاعك دا
واتكلم عن نفس الموضوع
بس انتي سبقتيني
واكيد اللي سبق اكل النبأ
بجد فكرك تحفه
نفس اللي كنت هقوله والله
تسلم ايدك
تحياتي

خواطر شابة يقول...

بالمطلق انا معك ان لاأحد ولاشئ يستحق ان ننهي حياتنا لاجله لكن في حالة عمرو خصوصا الله اعلم بظروفه وبحالته ربما يكون مريض نفسي ربما يكون مصاب بالاكتئاب نحن ندعوا له بالرحمة والله وحده هو من يملك سلطة الحساب ان شاء غفر وان شاء عذب
تحياتي لك عزيزتي

غير معرف يقول...

والله عندك في اللي قولتي
حب ايه اللي انت جايه تقول عليه
مفيش حاجه في الدنيا دي تحتاج اننا نغضب ربنا عشانه بس للاسف احنا اللي نفوسنا ضعفت قووووووي وبعدنا عن ربنا قووي
نسينا انه الارزاق بيدي الله
وان الجواز ده قسمه ونصيب
والجواز ده رزق
اللهم اهدي شباب المسلمين علي الصراط المستقيم يارب العالمين
بارك الله فيكي وحفظك
ودمتي بخير وصحه وسعاده وراحه بال
وجعلك الله من المتفوقين

galaxy يقول...

هههههههههههه
بوست جامد بجد
عندك حق والله
فعلا من الحب ما هطل
موش فاهمة الناس اتهبلت ولا ايه
ينتحر ليه أهو صحيح خسر الدنيا والاخرة
أول مرة أرد ليكى على بوست
بس أكيد مش آخر مرة إن شاء الله

ماجد العياطي يقول...

كلمه حلون منك يااعقل مجنونه

للناس اللي عايزه تتجوز

اصل الجواز مش هزار

ده مسئوليه وصبر وطولة بال

بوست جميل

تحياتي

JehadHussien يقول...

ههههههههههههههههه ... والله المدونة دى دمها خفيفا اووووى
تسلمى

Mr. Saad يقول...

مدونة جميلة والله ومواضيعكم حلوه

ascii-group.blogspot.com

أع ـقل مـ ج ـنـونــة يقول...

♥♥ شذا ♥ الروح ♥♥

احرجتم تواضعنا بالكلام الجامد دا ^_^

وانبي انتي اللى عسل وسكر كمان :D

ربنا يخليكي ياقمراية

ومنووورة دايما ^_^

أع ـقل مـ ج ـنـونــة يقول...

قطرة وفا ..

ساعات دماغنا بتضرب

ما احنا لو من الاول نعرف ان نصيبنا هايجيلنا مهما عملنا !

مكناش هببنا هبايبنا دي :D :D

نورتي ياقمر ^_^

أع ـقل مـ ج ـنـونــة يقول...

beautiful mind

متكلمتش ليه يا مايند .. اكيد كان هايكون في كلام تاني زيادة ومختلف ويوصل لناس تانية

حاول تكتب عن الموضوع دا .. ومتنساش ان في متابعين ليك مش بيتابعوني والعكس

يعني الفكرة هتوصل لناس اكتر ان شاء الله

:)

أع ـقل مـ ج ـنـونــة يقول...

خواطر شابة

في الغالب اللى بيقدم علي الانتحار بيكون مريض نفسي

ربنا يرحم الجميع

والله انا مش اقصد استهتار بحد مات

وربنا يسامحني ان وصل لاحد هذا

بس اللى اقصده اني ارش مية علي الشباب اللى ممكن تفكر في كدا عشان تفكر مليون مرة ان في ربنا بيحاسب وان كل شئ نصيب لازم نرضي بيه ^_^

يارب تكون وجهة نظري وصلت :)

أع ـقل مـ ج ـنـونــة يقول...

المجهول اللى مش عارفاه :)

نورتني يا افندم .. وكلامك مظبوط بجد

اللهم آمين يارب :)

نورت ^_^

أع ـقل مـ ج ـنـونــة يقول...

galaxy

نووورتي ياقمر

وفعلا عندك حق .. كدا مش هايكسب حاجة اللى هاينتحر

وهايخسر كل حاجة

ربنا يهدي الجميع

وان شاء الله اشوفك كتيرررررررررر هنا ^_^

أع ـقل مـ ج ـنـونــة يقول...

ماجد العياطي

حضرتك لمست نقطة مهمة فعلا

ان مبقاش في طولت بال عند الشباب

واول ما بيتزنقو بينتحروا !!؟

ربنا يهدي الجميع يارب ^_^

كالعادة منورني :)

أع ـقل مـ ج ـنـونــة يقول...

GeHaD HaNy

ميررررسي يا افندم

واتمني اشوف حضرتك كتير معانا هنا :) :)

تحياتي :)

أع ـقل مـ ج ـنـونــة يقول...

|:| ASCII® Company GROUP |:|

شكرا جزيلا :)

نورت المدونة :)

Aiaa يقول...

إنتي مشكلة بجد :D

"
افرح يا موكوس .. اديك سبت حبيبتك وسبت الدنيا كمان ..
"

موكوس .. شعار أساسي عندنا :)

عجبني البوست يا ريمو ♥

أع ـقل مـ ج ـنـونــة يقول...

ايه دا

آيه الملواني علقت عندنا :D

يامرحبا يامرحبا ^_^

هو فعلا ممكن نخلي موكوس دا في بطاقة كل مصري !!!

نورتي ياقمراية ^_^

Bent Men ElZman Da !! يقول...

انا بردو استغربت ان الراجل انتحر عشان واحده بيحبها
اصل فكره الانتحار دى مش هينه ابدا
ومش قادره اتخيل حد يفكر فيها ويخططلها بالتخطيط ده كمان
واللى استغربتله اكتر
انى قريت بعدها فى جريده حوادث ان اهل الشخص اللى انتحر ده بيقولوا انه اصلا متجوز بس مراته مش بتخلف !!!
عمتا
فى ناس بتبقى شايفه مشاكلها الصغيره اكبر من اى مشاكل فى الدنيا وكأنها لا حصلت لا حد ولا هتحصل

تسلم ايدك يا ريمو

(ست* جنى* الحسن) يقول...

سلامو عليكو..
كل ده كنتى هتعمليه؟؟
لك تحياتى
برجاء زيارة مدونة جنة وتحميل فيديو (رحلة جنيه)9

شفـقــة و إحســــان يقول...

جميلة اوى الذكريات القديمة دى ولو انك فرحانة بانك خلصتى الا انه بعد كده هتندمى على الايام الجميلة دى

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات