كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )




هما 17 ولا 15


طب احسبهم من أول سنتين

آه هاحسبهم بئة من أول سنتين :D

ما ماما كانت بتمسكني تضربني كل الم والم عشان بكتب الـ ب .. ن

--> لن انسي لها هذا الموكف :D

17 سنة من حياتي راحو في التعليم !

أحلي أوقاتي .. وأرخم أوقاتي

مش مصدقة

انا كدا خلاص ؟

بقيت حرة


أنا خلعت التعليم بالتلاتة :D

من تعبي الصبح قولت لماما انا ممكن ماخدش كورسات بسبب الامتحانات !

مش عاوزة امتحن تاني :D :D

لكن خلاص انا خلصت .. انا بقيت حـــــــرة :D :D

عارفين ..

انا فاكرة أول يوم روحت فيه الحضانة

وفاكرة الدادة المنقبة .. اللى كانت تدخل معانا تقلع النقاب

وانا مستغربة

هي ليه بتمشي متغطية !!

فاكرة أول يوم دخلت فيه المدرسة

فاكرة ميس رحاب أول ميس درستلي في المدرسة في أولي ابتدائي

فاكرة اخر يوم في امتحانات 5 ابتدائي والفرحة اللى كانت جوايا اني كبرت ودخلت اعدادي !

فاكرة أول يوم دخلت فيه اعدادي وشلة الفساد اللي معرفش عنهم حاجة دلوقتي

دعاء نمنم .. مني الشهيرة بمروان " عشان كانت بتقص شعرها خالص زي الولاد وبتحط جيل :D " وانجي بكبوزا :D

وفصل 3\4 كله في مدرسة الاورمان الاعدادية الثانوية بنات

فاكرة ثانوية عامة واول سنة واللي فلت وكمل معايا من اعدادي لثانوي في نفس المدرسة

مني الصاوي وبسنت ومنال وبقيت الشلة المجنونة

فكراكو ومش لاقيالكو مكان يامصايب

فاكرة الهم اللى شلته وانا في ثانوية عامة

فاكرة امتحان الكيميا اللى عكيت فيه

وبقيت المواد اللى كنت مقفلاهم تقريبا :D

فاكرة درس الفيزيا بتاع 3

اللى قررت قبل الدرس بربع ساعة اني احول ادبي :D :D

وقولتلهم مش رايحة الدرس ومش هاكمل علمي

انا اصلا عاوزة ادخل اعلام يابشر مالي ومال صيدلة اللى بابا عاوزني ادخلها ؟؟؟

فاكرة الصدمة يوم النتيجة علي كام من عشرة في المية ومدخلش اعلام

فاكرة اني سمعت نصيحة ناس رخمة قالولي ادخلي اثار :D

مع ان مجموعي كان يجيب السن !

بس يلا مبقتش فارقة سينا من سونيا

:D :D

الحسنة الوحيدة من الكلية دي اني طلعت بأحلي اخت في الدنيا

سهــــــى ـآ

بحبك أوووووووووووووي وان شاء الله انتي اللى تفضلي ليا من 17 سنة خدمة في تعليم :D

نسيت اقولكو ..

اني فاكرة أول يوم دخلت في الجامعة وانا قلبي بيدق كل ما اقرب من القبة

فاكرة اصلا وانا صغيرة لما بابا كان بيفسحنا ويقولي بصي دي الجامعة الىل هتدخليها لما تكبري

أنا كبرت !

انا فاكرة لما كنت بلعب بالميكانو .. فاكرة لما كنت بكلم الدباديب وبذاكرلهم !

يــــاه

عاوزة حد يعضني :D

ما انا مش مصدقة

طب افرح ولا احزن واقلق ؟

انا سيباها علي ربنا

انا مطمنة اني عندي هدف احققه

وعندي اصحاب بحبهم وبيحبوني

كانو بيقولولي " بعض الناس " انتي معشتيش حياتك في سنين الجامعة

ضيعتي احلي 4 سنين من حياتك عشان مكنتيش بتنزلي فيهم كتير

مكنش عندك اصحاب كتير

مكنتيش بتخرجي كتير

بس انا بقول انا راضية اوي عن نفسي كدا ولعل دا الخير ليا والصح ليا كمان

انا بس نفسي اللى جاي مضيعهوش واحقق اهدافي اللى 97% مع اصحابي والـ 3 % المفروض احققها بيني وبين نفسي فقط

انا مبسوطة .. وقلقانة .. ومستغربة !

الوقت بيجري أوي والعمر عدا هــوا

كفاية رغي بئة وانا عاملة زي العيل الزنان المزبهل :D

باي بااااااااااي احلي وارخم سنين عمري

بااااااي بااااااااي 17 سنة من عمري

41 CoMeNTaToOoOoZ:

أتنين حبيبين يقول...

الوووووووووو

حد هنا

انا توتا ممكن ادخل

اتفضلى

ههههههههههههههه

أتنين حبيبين يقول...

"باي باي 17 سنة من عمري"

يااااااااااااه فكرتينى بيا ياقلبى
ههههههههه

الحمد لله انك خلصتى بقا وبقيتى حره
ربنا معاكى بقا والمرحله اللى بعد كده مرحلة الشغل وهى الاهم
استعدى بقا ياجميل
مبروك وجميل اووووووى الذكريات الجميله دا انا مش فاكره اى حاجه ليا نوهئى هههههههه
ربنا معاكى

تقبلى مرورى
توتا

Ramy يقول...

ياااااااااااه يااااااااااااااااه يااااااااااااااااااااااه

ههههههه

بجد فكرتينى نفس الكلام اللى قالهولى الناس

بس كويس جدا انتى عارفة عاوزة اية دى حاجة كويسة

طبعا تقدرى تفرحى و تضيقى و تستغربى مش دخلة مرحلى جديدة فى حياتك

ربنا معاكى و يوفقك

و تقدرى تسمعى أغنية باى باى يا مدرستنا يا حبيبتنا بتاعة ماجدة الرومى بس حطى يا جمعتنا بدل مدرستنا

سلام اسيبك تسمعى بقى على رواقة(:

أع ـقل مـ ج ـنـونــة يقول...

اتنين حبيبين ..

ياسلام ياسلام منوووووووورة الدندونة كلها ياقمراااااااااية

ههههه

حلو اني فكرتك بنفسك :D

وفكرتك بالذكريات

والله أحلي أيـــــــــام

الله يبارك فيكي ياسكرة وعقبال الجميع ومنورة بجد :D

أع ـقل مـ ج ـنـونــة يقول...

رامـــــــي

مش هاقولك الا ادعيلي ^_^

ربنا يستر بجد حاسة اني مش مصدقة وفرحانة وخايفة كله في بعضه :D

هاسمعها حالا وهاحطها ع البيدج كمان :D

ثانكيووووووووووووووز

أنا - الريس يقول...

بعد السلام والمرحبة
ربنا يوفقك يا حجة
انا خلصت السنة اللي فاتت
وقلت ياريتني مخلصت
بس الحمد لله اني خلصت
هوا شعورين متناقضين
علي العموم استغلي حياتك
لأنك مش معقول تقعدي بدون حاجة
اتعلمي حجات جديدة مكنتيش حطه في دماغك
انك تتعليمها ..
كمبيوكر
اي حاجة
والسلام

توتا توتا خلصت الحدوته

أع ـقل مـ ج ـنـونــة يقول...

ربنا يستر ومتوصلش بيا المرحلة اني اقول ياريتني ماخلصت :D

هتعلم حاضر ودا اللى هيحصل

دعــواتك بس ^_^

باحث عن حب يقول...
أزال المؤلف هذا التعليق.
باحث عن حب يقول...

الف مبروك على التخرج

ذكريات
جميله

فكرة من الزمن ده يقول...

اولا مبروك التخرج
ويارب تحققي كل امنياتك وطموحك
وميرسي على زيارتك لمدونتي سعيدة بيك جدا ويشرفني تكوني صديقة لمدونتي
يا اجن عااقلة
تحياتي

البرنسيسة ريماس يقول...

بسم الله الرحمن الرحيم

ألف ألف ألف مبرووووك

والله يوفقك في المرحلة العملية

The illusionist يقول...

الف مبروك عليكى انك خلصتى
فى كورسات زينا كدا
لما تخلصى امتحاناتك تدريب صيفى
متنسيش الكلمه دى
عشان هتعرفى انها لطيفه جدا لو دخلتى كليه فيها تدريب صيفى

Unknown يقول...

مبروك التخرج .. عقبال التكليف , صحيح هو مينفعش الصيدلي ياخد رخصة مزاولة مهنة من غير التكليف ده ؟

عموما الأيام دى حتفضل أحسن أيام عشتيها فى حياتك

تحياتى

sony2000 يقول...

الحمد لله
انا وانتي
بايباااااااااااااااااااااااااااااااااااااااااااااااي
غوري ياتغلييييييييييييييييااااااااااااااااااااااااااااام يلا موش عوذين نشووف وشك تاااااااااااااااااني:))

مؤنس فرحان يقول...

الف مبروك عالتخرج وان شاءالله اللى جاى أحسن من اللى فات

ذكرياتنا هى احنا .. من غيرها بنموت

sweet angel يقول...

الف مبروك

عقبالي يارب لما اودعهم انا كمان
ولسه البرج الي في عقلي موجود

أع ـقل مـ ج ـنـونــة يقول...

@ محمود ..

الله يبارك فيك وادعيلي بالنجــاح ^_^

@ فكرة ..

مبسوطة أوي بزيارتك المدونة

وانا لاقيت مدونتك فكرة بجد ^_^

الله يبارك فيكي ياحبيبيتي ودعـواتك ^_^

أع ـقل مـ ج ـنـونــة يقول...

@ ريماس ..

الله يبارك فيكي ودعــواتك يارب يستر معايا ف اللى جاي ^^


@ The illusionist

لاء انا مش داخلة كليات تاني :D

بس باذن الله هاشوف الكورسات والبتاعات دي :D

منور المدونة وميرسي علي زيارتك :)

أع ـقل مـ ج ـنـونــة يقول...

@ М€ŝЋМΣŞĦ

انا مش في صيدلة O_o

والحمدلله :D :D

نورت البلوج ^_^

@ sony2000

حبيبتشي ياسوني وانتي حرة طليكة :D :D

يغور يختي ولا عاوزين نعرفه :D :D

أع ـقل مـ ج ـنـونــة يقول...

@ مؤنس فرحان

الله يبارك فيك وربنا يجعل كل ايامنا الجاية احلي

ميرسي للمرور العطر ^_^


@ sweet angel

ههههههههههههه

ان شاء الله هتودعي التعليم وانتي في كامل قواكي العقلية

بس استعيني بالله واشربي بؤ مية قبل ماتروحي الكلية :D

ماجد العياطي يقول...

كلنا مر علينا الاحساس ده اول ماتخرجنا

وكلنا مازلنا عايشين فيه

المهم ان احنا نعيش اللي جاي بصدق

تحياتي

حـــــروف متــبعترة " عــمرو الشــايب يقول...

مش عارف اقولك مبرووووك
و لا اقول للبيت ربنا يكون ف عونكوا
بقيتي فاضية و هتجينهم
بس اقول ايه دة قدر و مكتوب يا بنتيو لما تتعلمي الطبخ اكيد هتفنني و تبوظي الميزانية و هياكلوا دلفري لو انتى الى طبختي هههههههههههههههههههههه
مبرووووووووووووووووووووووووووووك
و احلى ايامبجد الواحد بيعشها وسط صحابه الانتيم من زمان حتى لو مش عرف هما فين

mrmr يقول...

فى اغنيه كانت بتيجى زمااااان
بتقول
متحشبوش يا بنات ان الجواز راحه ولا ومتزعلوش يا بنات ان قلنا بصراحه ان الجواز عمره عمره ما كان راحه
انا كما بقولك اوعى تفتكرى انك لما تخلصى تبقى ارتحتى لا ياجميل لسه التقيل جاى ورا
وابقى افكرك
ياللا بقى شدى حيلك وشوفى الخطوه الجايه ايه

وبجد انا بحسدك على ذاكرتك القويه
نفسى اكون ى دماغ افتكر الذكريات دى
مش علشان انها مش جميله علشان المخ تعب قوى
ربنا يسعدك ويكون معاكى
باااى باااى 17 سنه من عمرك

زهرة يقول...

مبروووووووووووووووووك

انا عايزة كاتوة وميرندا برتقان علشن بحبها (ايموشن خم موووت)

ربنا يسعد ايامك يا حبيبتى

سمع هوص (Abo 3li) يقول...

كفاااااااااااااااااااااارة يشيخة...
مبروووك يستي الافراج...

وربنا يوفقك في حياتك الجاية... شدي حيلك.. وحددي اهداف المرحلة الجاية.. وربنا معاكي...

أع ـقل مـ ج ـنـونــة يقول...

@ ماجد العياطي

دعواتك يا استاذنا بالتوفيق ^_^

@ عمرو وائل

قولي كفااااااااااارة :D

وعموما انا مش ناوية اخنقهم كتير ف البيت يعني

وبما اني بحبهم وبخاف عليهم اكيد مش هأكلهم من أكلي :D

أع ـقل مـ ج ـنـونــة يقول...

@ مرمر

والله انا مرعوبة من دلوقتي

وعارفة ان اللي جاي دا اصعب بكتير من اللى فات

زي ما فرحت وانا ف 5 ابتدائي اني كبرت ودخلت اعدادي واكتشفت اني داخلة عالم اصعب بعد كدا

نفس الاحساس دلوقتي

دعــواتك ^_^

دائما الذكريات الحلوة بتفضل محفورة

سواء من الهدايا اللى كانت بيننا

او من الشخابيط اللى كانت في الكراريس بتاعة المدرسة

او الرسومات اللي كنا بنرسمها ونحط قلوب فيها عليها اسامينا

ياااااااااه ذكريات جميلة أووووي

لو ركزتي شوية وقعدتي مع نفسك هتفتكري كل الحاجات دي ^_^

أع ـقل مـ ج ـنـونــة يقول...

زهرتي حبيبتي

ربنا يسعدك ويخليكي ياقمر

وليكي عندي تورتاية وجاتوه وصندوق حاجة ساقعة بيبسي :D

" ايموشن كريم مووووووووووت :D "

تسلميلي ياحبيبتي ودعواتك ليا دايما ^_^

أع ـقل مـ ج ـنـونــة يقول...

ابو علي

الله يبارك فييييييييييك

السجن للجدعان :D

دعــواتك بئة ^_^

العلم نور يقول...

للرغي فنون وخذوا الحكمة من أفواه المجانين والعيال الكُبارة الحلوين!!

مبسوطة كتير إنك بخير .. تحياتي لك

عايشه لنفسي يقول...

لووووووووووووووووووووووووووووووووولي
رمحتى قلبي وروحى وعمري
يارب يكون الجاي ليكى احسن واجمل
ويارب تفضلي معايا ومع سما علي طول
واشيل عيالك "واللى بخدود منهم هعضه من غير زعل" وهسيبك تعضي ولادى برده؛)
أمال هنخلفهم ليه مش علشان يتعضوا
ويارب نحقق احلامنا سوا ويكرمنا كلنا
ومنندمش علي لحظه واحده في عمرنا من النهارده
بحببببببببببببببببببببببببببببك
يأغلي من الاخت والصديقه
بنزعل من بعض بس بنتصافا وان شاء الله منتفرقش ابدا
باي باي 17 سنه تعليم من عمرك ومن عمرى

Bent Men ElZman Da !! يقول...

الحمد الله انك خلصتى على خييييير
بس والله رغم ان الواحد بيفرح انه خلص
بس ايام الدراسه دى بجميع مراحلها مش هتتعوض
بالضحك والهزار والاصحاب اللى كانوا فيها
كان الواحد بيحس انه طفل بجد مهما كبر
ربنا يوفقك فى حياتك يا قمر :)

ألـوان التفاؤل ~ يقول...

ماشاءالله ..
ألف مبروك التخرج ..

واستمتعت وانا أقرا التدوينة ..
وأرى شريط ذكرياتك من الحضانة إلى الجامعة ..
ذكريات حلوة بالفعل .. لايمكن ينساها أي شخص : )

الله ينفع أمة الاسلام فيـج وبعلمج ..

دمــتِ بسعـآدهـ ~

أع ـقل مـ ج ـنـونــة يقول...

@ أم الخلود ..

تسلميلي غاليتي ودعــواتك :)

@ سها روح قلبي وانتيختي

تسلميلي يا روح قلبي وربنا يخلينا دايما لبعض ومع بعض

وهافضل احبك علي طووووووول لحد ما اموت ^_^

أع ـقل مـ ج ـنـونــة يقول...

@ بنت من الزمن دا

ازيك يابنوووووتة

الايام الحلوة بتعدي بسرعة وبتفضل جوانا ذكرياتها الجميلة

بس المهم ربنا يوفقنا ف اللي جاي !

دعواتك حبيبتي

أع ـقل مـ ج ـنـونــة يقول...

ألـوان التفاؤل ~

اهلا بيكي في مدونتي المتواضعة

استمتعت كتير بكلماتك الجميلة ودعواتك دائما :)

تحياتي ^_^

غير معرف يقول...

يااااااه احساس جميل ان الواحد ميبقاش طالب وكل شوية امتحانات وكويزات وريبورتات وبروجكتات ومذاكرة وخنقة وووو

الف مبروووك التخرج ، ربنا يجعلها قدم الخير عليكي وتكون بداية جديدة ليكي تستمتعي فيها بكل لحظة

:)

غير معرف يقول...

مبروك عليكى الخرج
واللحظات الحلوه دى
تعرفى انا وبدرس كنت ارفانه مش بروح الا بالعافيه
لما خلصت الدراسه بقيت بتمنى يوم من ايامها
ربنا يفرحك دايما
تحياتى

أع ـقل مـ ج ـنـونــة يقول...

سمو الامير

الله يبارك فيك يارب وعقبال الجميع :D

دعواتك بئة ^_^

أع ـقل مـ ج ـنـونــة يقول...

الشـــــوكه النــاعمه

الله يبارك فيكي حبيبتي

وفعلا انا كنت قرفانة منها :D

بس لسة مشتقتلهاش :D :D

دعواتك :)

آخر العنقــــــود يقول...

باين عليهم 17 سنة انما ايه.. جننوكي وطلعتى الجنان ده فى التدوينة دى

فعلا الايام بتجري.. بحلوها وبأشوكها
المهم نفتكر منها اللى بنحبه ونستفيد فيه من اخطأنا.. والباقي فى أقرب سلة مهملات وانتِ ماشية
سعيدة جدا بمرورى على البوست ده اللى فعلا ضحكنى :)

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات