كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


اثناء تقليبي في صفحات الانترنت واسع المجال

لفت نظري حوار مع الفنان محمد صبحي

واللي سمعت الكلام اللى في الحوار دا قبل كدا في احدي الحوارات التليفزيونية ليه

المهم .. بيقول انه اثناء اختياره لاطفال مسلسل ونيس الجزء السادس

سأل عدد كبير من الاطفال .. مين هو رئيس مصر ؟

معرفوش !


ولما قالهم مين هو حسني مبارك ؟

قالوله لعيب كورة


افتكرت وقتها اني ضحكت من الصدمة

وجريت علي اختي الصغيرة .. " سلمي 9 سنين " ..

وسألتها تعرفي مين رئيس مصر ياسلمي

قالتلي مبارك

اخدت نفس عميق


وقولت لسة في ولادك خير يامصر

ماما لحقتها بسؤال تاني

طيب مين مرات الريس ياسلمي

قالت رزان 
 

 
نظرة تتنيحة زي الفل نتيجة الصدمة

مصحوبة بـ صمت تام لمدة دقائق معدودة

كان نتيجتها استغراب وازبهلال البنية الغلبانة 
 

 
بعدها حليت الموقف بـ إني ضحكت وفهمتها ان رزان دي بتاعة ديل اور نو ديل

لكن مرات الريس اسمها سووووزاااااااان

اللي اسمها بيكون علي القصص اللى بجيبهالك يا ست سلمي

--- انتهي ---

مرت الايام وامبارح كانت لابسة النضارة الشمس بتاعة بابا

فـ بقولها طه حسين يا اخواتي

قالتلى مين طه حسين دا

قعدت افهمها مين طه حسين

اه حسيت اني بتحامل علي طفلة لسة 9 سنين لما اكون عاوزاها تعرف طه حسين ونجيب محفوظ ومصطفي محمود

بس قولت افهمها وخلاص حاجة للزمن

وافتكرت حاجة ..

احنا ليه مبنحاولش نفهم اطفالنا من صغرهم ونعرفهم تاريخ بلدهم ورموزها وشخصياتها المختلفة قديمة وجديدة ؟

عشان يقدرو يعرفو مين اللي بنو البلد بالفكر .. والسياسة .. والفن ..

ومين اللى هدها بنفس الوسائل !

بالمناسبة ..

ادعوا لسلمي بالشفاء لأنها تعبانة شوية وتعبها مسبب قلق للبيت كله بما انها آخر العنقود وروح قلب الكل

31 CoMeNTaToOoOoZ:

حياه بلا عنوان يقول...

السلام عليكم ورحمه الله وبركاته
طبعا انا سعيده جدا بمرورى لمدونتك الجميله تعرفى لما بتفرج على المسلسل دلوقتى بقول ياه قد ايه بتكلم عن الواقع فلا فعلا فيها قيم ومبدئ كتير الواحد زمان كان ماشى عليها لكن دلوقتى للاسف لما بتفرج على بشوف حفيده فى المسلسل اللى هو امان بستغرب وبقول ماشاءالله لان مفيش كده فعلا ههههههه ياريت تقبلى مرورى
تحياتى

حياه بلا عنوان يقول...
أزال المؤلف هذا التعليق.
beautiful mind يقول...

اطفالنا في السن دا اللي هو سن سلمي
بيكونو في مرحلة بناء العقل والمعلومات وانهم فعلا زي ما قولتي محتاجين اننا نعرفهم حاجات كتير ومنخفش عقلهم هايستوعبها ولا لا
بوست جميل
تسلم ايدك

واحدة مفروسة يقول...

اولا ربنا يشفى اختك يارب
و يطمنكوا عليها
ثانيا انتى شكلك مجنون بجد
عاوزة تفرسيني
ازاي يعنى عاوزة تعلمى الاطفال تاريخ بلدهم
سواء اكان تاريخهم الثقافى او السياسي
انتى اتجننتى بجد
اومال همه عاوزين يطوروا التعليم ليه؟؟
مش علشان يغيروا فيه براحتهم
يعنى بكرة نجيب محفوظ ده مش حيكون له ذكر
بكرة زمن ابن عز وغيره
حيسألوا فى الامتحان للعيال
مين اللى احتكر الحديد؟؟؟
مين اللى لغا الدايرة 25؟؟؟؟
مين اللى فرس مصطفى بكرى و خلاه حيروح السرايا الصفرا عن قريب؟؟
كده يعنى
هوة ده المنهج الجديد يا مجنونة

انتى عاوزة تضللى الجيل الجديد؟؟؟؟
شكلك عاوز يفرسنى

و بعدين ما تسيبيها تقول رزان
هو يطول
ههههههههههه

مرايتى يقول...

فعلا معاكى حق للأسف دلوقتى بقى كل إلى بيعرفوه لعيبة الكوره والمغنين والممثلين

وللأسف كمان إن تعليمنا بقى بيساعد على ده

ولو إتكلمنا بقى على السلبيات مش حتكفى المدونه

ربنا يشفى سلمى يا حبيبتى وكل مرضى المسلمين اللهم أمين

وشكرا على الزياره

دندنة قيثارة الوجد يقول...

في الحقيقة فكرتيني ببرنامج شوفتوا من فترة لما سألوا بعض من الشعب الأمريكي عن اسم دولة تبدأ بحرف u فذكروا عدة دول لكن لم يذكروا اسم أمريكا usa وقالوا لهم ما تعرفوش إن أمريكا تبدأ بحرف u جاوبوا وقالوا نحن نعرف أمريكا بس.

تحياتي لك

بسنت صلاح الدين يقول...

بجد اللى انتى بتتكلمى فيه ده مش مشكله سلمى دى مشكله شباب اعمارهم قد عمر سلمى تلات اربع مرات كمان ،، التفاهه المسيطره على الاجواء و التعليم بتاع امتحن و اقلب خرب عقول الناس و خلى كل واحد حلمه الوحيد ناكل و نتفرج على المسلسلات التركى ،، ياريت كل واحد يبدأ بنفسه و يحاول يعلم اللى حواليه حاجه عن تاريخنا او بلادنا ،، ربنا يقومهالك بالسلامه ان شاء الله و يطمنكم عليها

Haytham Alsayes يقول...

اول مرة ادخل مدونتك وفعلا طلعت جميلة
اما عن ابوست كارثة فعلا بس ياستي هي جات علي دى ماهو خربانة خربانة بس بجد انا بحاول في مدونتي ان الناس تعرف شوية عن التاريخ وليا مدونتين للغرض دة يعني لعل وعسي الناس تعرف وتفكر وتتدبر من حولها وربنا يثبتنا ويخلصنا من النكبات اللي احنا فيها

وربنا يشفي سلمي

تحياتي لكي

أبو العريف يقول...

مدونتك حلوه قوي

حاجه كده لذيذه وروحها خفيفه

دي اول مره اجي هنا

ومش الاخيره ان شاء الله




بالنوسبه للموضوع

عايزه حد 9 سنين يعرف طه حسين


دانا معرفتوش الا السنه اللي فاتت

لما عادوا المسلسل بتاع اشرف عبد الباقي

سمع هوص (Abo 3li) يقول...

اولا الف سلامة علي سلمي...

ثانيا حلوة رزان دي.. هههههههههههه....

ثالثا انتي عاملة اييه..؟؟

اقصوصه يقول...

الله يشفي اختك الصغيره يا رب

كريم مرزوق يقول...

طه حسين ده مغنى باين
ههههههههههههههه

funky girl يقول...

رزان سوزان كلو واحد مش فارقة :)
بجدجميل اوي التوبيك
;)
انا مبسوطة بزيارة بلوجك
:D
ان شاء الله اختك تخف بسرعة ربنا يشفيها يا رب ابقي طمننا عليها :)

" يـ ألوناتك ! " يقول...

ان شاء الله اختك تخف بسرعة

اخر العنقود سكر معقود :)

وفعلا لازم الاطفال يعرفو كل شي عن بلدهم وعن الناس اللي بنوها واللي هدوها برضو على رأيك ..

عارفة عنا بغزة شي غريب .. انه حتى الاطفال بيفهمو بالسياسة .. اه والله .. وبيعرفو مين هادا ومين هداك .. يمكن تخفى عليهم اشياء معقدة .. لكن الصورة الواضحة بتكون عندهم :)


بوست حلو :)

أع ـقل مـ ج ـنـونــة يقول...

حياة بلا عنوان

سوري ع الرد المتأخر .. بس المدونة كانت مخصماني بقالها يومين :D

نورتي ياقمر .. وفعلا امان دا ياريت يكون في حد موجود منه ف الحقيقة ^_^

أع ـقل مـ ج ـنـونــة يقول...

beautiful mind

والله انا بحاول اعمل معاهم كدا

لكن بحس انها بتيجي في وقت هاتقتلني من الغيظ وهي بتقولي ايه الااااااارف دا :D

نورتني :)

أع ـقل مـ ج ـنـونــة يقول...

مفرووووووووسة

نورتي البلوووووج ياقمرررر

ايوة عاوزة افرسك امال ايه :D

اهو بئة انا عاوزة اكون ضد اللي مايتسموش عاوزين يعملوه واعلم اختي وولادي واعرفهم احنا مين وفين وازاى وامتي :D
---------------
ادعيلها يا مفروسة :(
----------
يالا الله يسهله هو ورزان ^_^

نورتيني ياقمراية

أع ـقل مـ ج ـنـونــة يقول...

مرايتي :)

نورتي المدونة ياقمر

وفعلا عندك حق .. بس الحل ع الاقل للاجيال الجديدة دي في ايدينا احنا :)

تحياتي وميرسي جدا لزيارتك واتمني تتكرر

أع ـقل مـ ج ـنـونــة يقول...

دندنة ..

عن جد ضحكتيني :d

يعني مطلعناش احنا وبس ولله الحمد ^_^

أع ـقل مـ ج ـنـونــة يقول...

بسنت ..

في ناس مستفيدة من التفاهة والجهل والخيابة اللى بقينا فيها

عشان كدا عاوزين نغيظهم شوية ونمشي عكس التيار ونبدأ من نفسنا والاجيال الجديدة وان شاء الله تكون بفايدة

ميرسي ياقمر لمرورك .. وادعيلها دايما :)

نورتيني واتمني تنوريني كدا دايما ^_^

أع ـقل مـ ج ـنـونــة يقول...

هيثم ..

اسعدني مرورك وان المدونة عجبتك

واسعدني اكتر رسالتك وهدفك

وياريت كلنا نكون كدا هنغير في امتنا كتير بجد :)

اتمني تكرار زيارتك دايما

أع ـقل مـ ج ـنـونــة يقول...

ابو العريف ..

نورتني وميرسي علي رائيك ويارب اشوفك دايما هنا مشرفني بزيارتك

ثانيا .. حرام عليك :D

بلاش اكمل بئة :P

ادعي لاختي يا ابو العريف وابقي اعرف مين طه حسين

وبعدين ايه علاقة طه حسين باشرف عب باقي؟

أع ـقل مـ ج ـنـونــة يقول...

ابو علي ..

اولا .. الله يسلمك

ثانيا .. رزان ولا سوزان احلي :D ؟

ثالثا .. انا كويسة الحمد لله :D

رابعا .. برافو ع التاج :P

خامسا .. نووووورت طبعا ^_^

أع ـقل مـ ج ـنـونــة يقول...

اقصوصة ..

اللهم آمين يارب ويشفي جميع مرضانا :)

أع ـقل مـ ج ـنـونــة يقول...

كريم مرزوق

O_o

أع ـقل مـ ج ـنـونــة يقول...

فانكي جيرل ..

انا مبسوطة اكتر بزيارتك واتمني تتكرر دايما

ادعيلها وان شاء الله هطمنكو عليها :)

نورتيني ياقمر

أع ـقل مـ ج ـنـونــة يقول...

يا الواناتك

للاسف .. اطفالنا هنا مرفهين زيادة عن اللزوم

ربنا يحرركو يارب وينصركو علي الاعداء :)

نورتيني ياقمر

عايشه لنفسي يقول...

ههههههههههههههههههههههههه
والنبي جيل تحفه
ثانيا رزان احلى من سوزان :)
ثالثا ربنا يشفيها يااااااااااااارب ونطمن عليها وتقوم تنط زى الاول:)

أع ـقل مـ ج ـنـونــة يقول...

ساسو انتيختي حوبيبتي

اه رزان احلي من سوزان

هووووووس هنروح ف داهية :D

ربنا يشفيها يارب ويريح قلبنا عليها يا ساسو

نورتي ياحوبي ^_^

MaNoO يقول...

أولا تقبلى مرورى وربنا يشفى سلمى يارب زمانها بقت زى الفل
عارفه ان دى مشكله كبيره جدا فعلا ننا فاكرين ان كمه طفل يبقى مينفعش نتكلم معاه مع ان علميا اننا لازم نتناقش معاه ونعلمه اسلوب المناقشه وفى وسط الكلام نعلميه حاجات تانيه من المبادىء بتاعتنا حتى عقله يكبر بسرعه وفى نفس الوقت يبقى عايش طفولته

أع ـقل مـ ج ـنـونــة يقول...

مانو ..

نورت المدونة

ربنا يكرمك ميرسي علي الدعاء

وزي ما قال بيوتيفل مايند .. ان دا سن تكوين عقول الاطفال .. فـ يارب نستغله صح

:)

نورت ويارب اشوفك دايما منورني ومشرفني بزيارتك :)

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات