كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )



https://blogger.googleusercontent.com/img/b/R29vZ2xl/AVvXsEgTPOEBe_NrVLvTzrGgbS03OYS7RW0OtErUFOPBs4RPwkO2tRpnS73z9tHWRQzy8qNeLC8ViFkwVeD_1VPvx95Y0SqUbE-f26FiwTYhVhEUD2vKUkvXaWdGcDcK9qnxVRZAxtg4Sk4wS14/s400/%D8%B1%D8%B3%D8%A7%D9%84%D8%A9.gif

قبل ما اوريكو الرساله دي 

حــابة بس اتكلم في كذا نقطة

  • من اول ما بدأت في التدوين .. وانا في فكرة نفسي اكتب عنها .. وخصوصا بعد ما شوفت بوست معين في مدونة بنت من الزمن دا اللي غايبة عننا بقالها كتير ولعل المانع خير

دا البوست .. حبيبى....فى ستين داهيه .. 

منكرش حبيت البوست جدا والكلام جدا واتخيلت الحالة دي وكان نفسي اكتب عنها بصورة كوميدية مستفزة برده

لكن كانت قدرتي علي الكتابة ضايعة في الفترة دي .. وتحديدا بقالي سنة مش بعرف اكتب رباعية حتي :D .. 
  • من فترة واثناء تخاريفي قبل النوم .. لاحظت ان بتجيلي افكار عبقرية جدا قبل ما انام مباشرة .. 

وطبعا بصحي من النوم كله بيتبخر وبيتنسي

لحد اليوم اللي جه في دماغي الكلمات اللى هتشوفوها بعد شوية

وعشان الحقها قبل ماتطير .. كتبتها ع الموبايل .. ومكنتش ناوية احطها في اي حتة ولا اوريها لاي حد

مش عارفة ليه .. بس قولت لان الكلام ممكن يتفهم غلط اذ ربما !!!

بس انهاردة اصحابي اناتيخي شجعوني انزلها .. ومطلوب انهم يحموني لو اتهدر دمي :D 
  • المهم وانا طولت ف المقدمة كدا ..

الكلمات هتشوفوها دلوقتي .. هي كلمات مستفزة شوية ..

بس .. لا اقصد بها أحد .. لا اقصد بها أحد .. لا أقصد بها احد .. 

كررتها 3 مرات اهو .. عشان محدش يفهم غلط .. ومحدش يقولي انتي تقصدي مين بالكلام دا ..

حـــــالة شوفتها كتير ادامي وحبيت اعبر عنها بطريقتي الخـــــــــاصة 

كفاية مقدمات ..

استعدو ..

اللي عنده الضغط او سكر او حتي صداع .. والمخنوق والمكتئب .. خصوصا الرجال الرجال .. او حتي الرجال الذكور ..

.. بلاش تشوفو الكلام دا حفاظا علي صحتكم الغالية .. 


تفتكر ندمانة
علي حبك ندمانة ؟
أنا بس زعلانة
ع وقتي اللي ضاع معاك
بس خلاص ..
همسح من تاريخي حتي ذكراك 

ماهو انت ماتستاهل تتحب
انت اخرك بالشوز تتلب
مش عارفة ازاي اتهفيت في عقلبي
وحطيتك انت في القلب

بفكر .. نفسي اوصل
علي ايه انا حبيتك ؟
كنت فاكرة نفسي اعقل
من اني لقلبي انا اديلك 

لا لاقيت فيك جد ولا عقل ولا طموح
ياشيخ روح
بص لنفسك في مرايتك
اخلع عبايتك
هتلاقي كدب وسوء وخداع

عرفت ليه انا قلبي باع ؟
هاقولك ليه 

عشان انت ملكش امان
كلامك سهل كأنه لبان
اجيبلك ميت شاهد عيان !
هتنكر .. ما انا عارفاك جبان 

اقولك تاني من دا كلام ؟
لاء .. انا عارفاك مريض اوهام
الجد عندك هزار ، احلام ! ..
اقولك .. روح اتغطي ونام

يا اتفه مخاليق الكون
غور امشي ما انت مش مجنون
دا عقلك تقريبا مرهون
شغال بس في الهيافات 

روح اعرف يعني ايه راجل
وحاول ربنا تعامل
دي نصيحة من واحدة بتحاول
آهــي تجامل

اظن كفاية بئة تجريح
انا كلامي كله صريح
مقصدش بيه حد بعينه
ولا حتي بالتلميح

32 CoMeNTaToOoOoZ:

المغترب عن مصر بالقوة يقول...

علي فكره انا قريت كلامك وانا نعبان نفسيا جدا
وانت تعبتيني اكتر بكلامك هههههههههههههه
بس كلامات متنساقه وجميله بجد
بس اوعي يكون حقيقي وقته لو انا مكانه وسمعت الكلام ده هنتحر احسن

ملحوظه خاصه بي
اختي الغاليه انا عامل لنفسي مدونه بس في بعض الحاجات اللي ناقصه في مدونتي فكنت عاوز استسمحك تفهميني بعض هذه الحاجات

اخوكي هشام

غير معرف يقول...

دي نفس الحالة لي نفسي اعبر عنها

عجبتني بززاف

أع ـقل مـ ج ـنـونــة يقول...

اشكرك اخي زكرياء :)

P A S H A يقول...

طب وربنا عســـــــــــــــل

بجد كلام حلو قوي وعجبني

أنا كده على فكرة .. الوحي الرذل اللي ما بيجيش إلا أما عينك تروح ف النوم .. وهــُـب .. تقومي جري زي الملسوعة وما تلاقيش غير الموبايل تسجلي عليه أفكارك .. بس لاحظت إني فقدت متعة الكتابة بالقلم الرصاص ! ودي حاجة مفتقدها جداً ومزعلاني قوي مني .. عشان كده بقيت أحط تحت المخده ورقة وقلم رصاص .. وبرضه باسجل ع الموبايل ههههههههههه
لو لقيتي حل ابقي قوليلي .. دمتي مبدعة

خالص تحياتي وتقديري
:))
سلام

أع ـقل مـ ج ـنـونــة يقول...

بـــاشا ..

منوور المدونــة عن جد ..

انا الاول كنت بكسل واقعد افكر وافتكس و اطلع حاجات عبقرية واقول اول ما اصحي هاكتبها

لكن ساعات احيانا بلاقي اني لازم اسجل الكلام دا في نفس الحال ومالاقيش الا الموبايل ادامي :D

اهو احسن ما يطير زي اخواته :D

نورتني ^_^

خواطر شابة يقول...

ههه يكاد المريب يقول خذوني كل ده تأكيد " لاأقصد احدا لاأقصد أحدا لاأقصداحدا" يالله يا ستي أمنا بالله بس صراحة الكلمات عجبتني كان نفسي لو انهيتيها هنا
دي نصيحة من واحدة بتحاول
آهــي تجامل
كان يكفي تصريحك الاول ان لاأحد مقصود دون اعادة ذكر ذلك في قلب الخاطرة
أرجو ان يتسع صدرك لتعليقي عزيزتي
دمت بكل ود

أع ـقل مـ ج ـنـونــة يقول...

خواطر شابة ..

شرفتيني بزيارتك وردك الجميل

وانا بكتبها نهيتها ع النهاية دي .. ومكنتش هانشرها

بس لما اصحابي شجوعني قولت انبه فقط ف الاول

ونسيت احذفها ف الاخر :D

معلش بئة خيرها في غيرها ^_^

نورتيني ياقمر

:)

زينب علي حبيب يقول...

هههههههههههههههههههههههههههههه

تحححححححححفة

بجد ضحكتيني

мαησηα يقول...

ماهو انت ماتستاهل تتحب
انت اخرك بالشوز تتلب
مش عارفة ازاي اتهفيت في عقلبي
وحطيتك انت في القلب


والله العظيم كلام مية مية

تسلمى وتسلم اياديكى اللى كتبت ياريموو

ومخبياه عننا ليه يا استاذة

بجد والله يارب الرجالة تفهم قلتى المفيد

وياريت البنات قبلهم يفهموا ان مش اى حد تحبه

وتبقى هتموت عليه وهو ولا يستاهل

تسلمى مرة تانية وتالتة ورابعة وعاشرة

دمتى متألقة

أع ـقل مـ ج ـنـونــة يقول...

قطرة الوفا

يارب دايما مبتسمة وضاحكة ياقمر :)

اسعدني مرورك

أع ـقل مـ ج ـنـونــة يقول...

منووووووونتي

شوفتي يامنونتي مواهبي المستخبية :D :D

هههههه

نورتيني ياحوووبي عن جد ^_^

sal يقول...

iiiii
ههههههههههههه


كقر خيره اللى خلاك تقولى الشعر الحلو دا

ما دام ما يستاهلش
نفضىىىىىىىى


ربنا يوفقك ويسعدك
تحياتى

همس الارواح !! يقول...

كلام جميل اوى ياعسل
وخفيف على القلب كمان
دومتى بصحه

Lady E يقول...

"ماهو انت ماتستاهل تتحب
انت اخرك بالشوز تتلب "

نياهاههاها

بجد عجبني الجزء ده :)

أع ـقل مـ ج ـنـونــة يقول...

همس الارواح

انتي الاجمل ياقمر

منورة المدونة :)

أع ـقل مـ ج ـنـونــة يقول...

ليدي

^_^

شوفتي الشر

نيااهاهاهاههاا :D

نوووووورتي ياجميلة :)

funky girl يقول...

ههههههههههههههههه
بجد تحفة اوييييي :)
انا عجبني جدا

عايشه لنفسي يقول...

اجررررررررررررررررررررررررررررررررررررررررررررري
بسررررررررررررررررررررررررررررررررررررررعه

ههههههههههههههههههههه
انا اللى شجعتك شكلي هضرب معاكى

سمع هوص (Abo 3li) يقول...

تطلع اجدع منه وتقف جنبه..

غير معرف يقول...

شوفي هو كلامك مزبوط
بس قولتيلي دا قبل ما تنامي :)))))))))
اوووومال وانتي نايمة بتعملي اااااااااايه .
لا بس في الصميم :9
عيشي حياتك :)

أع ـقل مـ ج ـنـونــة يقول...

فانكي جيررررل

ثانكيووز يا قمر .. الحمدلله انها عجبتك

^_^

أع ـقل مـ ج ـنـونــة يقول...

هههههههههههههه

لا زوها .. الحمدلله لحد دلوقتي مفيش ضرب ^_^

يا رافعة من معدنياتي يا اوختشي :D

أع ـقل مـ ج ـنـونــة يقول...

يـ ألواناتك

يا قمراتك يا كومنتاتك بسلطاتك ببابا غنوجك :D

هههههههههههه

ابداعات بئة :D

مش بيقولو كل العباقرة بيعبقرو قبل النوم :D

انا بعبقر قبل النوم بئة ^_^

سمع هوص (Abo 3li) يقول...

ههههههههههههه... معلش ... اتلخبطت... كان بقالي بتاع 35 ساعة منمتش.. ومقضيهم علي الجهاز...

سمع هوص (Abo 3li) يقول...

ههههههههههههه... معلش ... اتلخبطت... كان بقالي بتاع 35 ساعة منمتش.. ومقضيهم علي الجهاز...

سمع هوص (Abo 3li) يقول...

ههههههههههههه... معلش ... اتلخبطت... كان بقالي بتاع 35 ساعة منمتش.. ومقضيهم علي الجهاز...

سمع هوص (Abo 3li) يقول...

ههههههههههههه... معلش ... اتلخبطت... كان بقالي بتاع 35 ساعة منمتش.. ومقضيهم علي الجهاز...

Marmar Peace Blackness يقول...

Gammmmmmmmmmmmmmmmmmmmmmmmmmmmmmmmda awi di ya bet :D :D :D
3gbtny a5r 7aga (F)
estmry b2a b2a b2a :D

أع ـقل مـ ج ـنـونــة يقول...

بييييييس ^_^

ميغسي ياجمر :D

هاستمر بئة بئة بئة :P

يو ار ويلكم

يو يو يو :D

Bent Men ElZman Da !! يقول...

"ماهو انت ماتستاهل تتحب
انت اخرك بالشوز تتلب
مش عارفة ازاي اتهفيت في عقلبي
وحطيتك انت في القلب"

طب والله جامده هههههههههههههههههههههههههههههههه
بموت فى الحاجات الشريره دى ههههههه
مش شرط كل حاجه بتكتبيها يبقى بتعبر عن حاله شخصيه مثلا
فى افكار بتيجى للواحد فجأه كده من حاجات كتير بيشوفها قصاده بيحس انه عايز يعلق عليها بطريقته
بس جميله اوى بجد
تسلم ايدك

أع ـقل مـ ج ـنـونــة يقول...

ست الحسن منوووووورة :)

--------------

بنت من الزمن دا

فينك يابنتي مختفية كدا ليه

حمدالله ع السلااااااااااااامة ^_^

Miss LoZa يقول...

يا ساتر يا رب !

أيه يابنتى ده
دى لو كانت بتحب كلب مكنتش قالت كده اصلا
هههههههههههههههه

حلوة أوى يا ريمو
هههههههههههههههههه

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات