كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )


كل سنة وانت طيب ياريس

كدا كملت كام سنة !

اصلي معرفش ومسألتش

بس اللى اعرفه انك عايش بقالك كتير

اللهم لآ قر

انا مبحسدش ولا بقر


بس مش عارفة اقولك ربنا يديك طولت العمر ولا اقولك ربنا يهديك ولا اقولك ربنا يحسن ختامك

لا انا مش قصدي حاجة وحشة اوعي تفهمني صح


احم احم

المهم .. كل سنة وانت طيب ياريس

في عيد ميلادك الـ مش عارفة كام حبيت اقولك اننا مبسوطين اوي ياريس

بناكل لحمة كل يوم

وبنزل الجامعة وانا مرتاحة .. المواصلات والطريق بيكونو حلوين اوي

الشباب لاقية شغل ياريس اهي وزي الفل

الشقق كتيرة والبنات كتيرة بس هما اللى بيتسرمحو مش عارفة ليه !

النـــاس محترمة أوي ياريس

بالذات الموظفين!

لا في رشاوي ولا في معاملة سيئة ولا في اي شئ وحش !


بجد حبيت اقولك كل سنة وانت طيب ومتهني

زي ما انت مهنينا كدا بالظبط !

اقولك تــاني ..

كل سنة وانت طيب ياريس


------------

حاجة برة البوست ولآموآخذة ياريس


انا غيرت شكل المدونة يارب يكون كدا أخف

عارفة انه مش حلو أوي ومش أحترافي

بس دي أول محاولة ليا شاملة في تعديل مدونة !

لسة في طريق التعليم يعني


فـ استحملوني بئة وان شاء الله دا هايفضل فترة كبيرة وهايتعدل عليه بس لو فيه مشاكل عشان متضربونيش



ملحوثة بث ثغنتوتة 
الكومنتات من فوق ياجماحة .. عند العنوان .. عشان في ناس بترد في مواضيع تانية خالث

------------

حاجة تانية معلش


مش عاوزاكو تنسوني بالدعــاء

ممكن ؟؟

 
------------


يــالا .. فوتكــو بـ ع ــافــية ..


وكــل سنة وانت طيب ياريس !

 

17 CoMeNTaToOoOoZ:

شفـقــة و إحســــان يقول...

بقول ايه نجيب العيش والحلاوة على فين؟؟
هههههههههههه
كلامك مظبوط ويارب يكون ليه مجيب
تسلمى

أع ـقل مـ ج ـنـونــة يقول...

ههههههههههههه

شفقة منورة بجد

ودخلت مدونتك تحففففففففففة

:D

نورتيني ومتقلقيش بس الحلاوة دي بقت قديمة اوي!!

انا عاوزة بانية ومكرونة وبتنجان مخلل :D :D

نورتي بجد ياقمر ^_^

أنا - الريس يقول...

ربنا يهديه ,, ويحسن ختامه ويمكن ربنا يخليه يتعدل في اليومين اللي هيعيشهم ,,, ربنا يكرمك
بث حلو الملحوظة الثغنطوطة ,,
واحسن حاجة خش علي البوست واكتب تعليق ومبروك علي الشكل الجديد للمدونة وان شاء الله تتعلمي
ممكن ابعت ليكي لينك

http://www.deluxetemplates.net/

أع ـقل مـ ج ـنـونــة يقول...

سيدي الرئيس
طبعا الكلام مش علي جنابك ومعاليك يا افندم :D :D :D

نورت طبعا المدونة

وادعيلي بئة اتعلم ^_^

وميرسي ع اللينك
انا باخد قالب وباقعد العب فيه عشان اغير شكله :D

رخمة بئة ومجنونة نعمل ايه :D

نورت يا افندم ^_^

ستيتة يقول...

كل سنة وفخامته طيب
طب مش ها ناخد تورتاية ونروح ولا ها نقصر في الواجب؟
غلط جدا تهنيه بعيد ميلاده وتعلني عن "تغيير" في المدونة في نفس الوقت
ده ممكن يعمل قلق في القاعدة :)

أع ـقل مـ ج ـنـونــة يقول...

ههههههههههههه
سوتيتة ياحبيبتي :D

ما انا خدت الاذن الاول وقولتله لاموآخذة ياريس :D

وبعدين انا داخلة جمعية عشان اجيبله التورتاية :D

نورتيني ياحبيبتي ^_^

sony2000 يقول...

يراااااااااااجل
لولولوولووووووووووي
مبرووك ياريس:)
اعملي حسابك بأذن الله هنيجي جنبك
وانا وانتي العيش والحلاوه هيجي راااااايح جاي لينا:)

Unknown يقول...

احم احم
سلامو عليكو

تؤ وانتي جايه تقولي الكمنتات فوق بعد ما نزلنا تحت
مش تنبهي من الاول ؟؟؟؟
يلا خليها عينا المرده ناخد تاكس تاني

علي فكرة
انا جدي اتوفي وهو عنده 82 سنة
احم
انا مش قصدي حاجة علي فكرة

ربنا يسترها علينا
سلااااااام

غير معرف يقول...

يعني بتحرقي دمي عالصبح؟


ربنا يجعلها اخر الاحزان

ويروح يستلقا وعده

غير معرف يقول...

طيب كان قولتو من بدري .. كان جبت حاجة في ايدي وانا جاية
مش عيب برضو يبقا عيد ميلاد الريس - وبالمناسبة دي نبقا نهديله يلا حالا بالا حيو ابو الفصاد هيييييييه - و اجي ملقيش لا تورتة ولا ساقع ولا ايتوها حاجة .. مفيش افتكره بشوية بسكوت طيب :p

يلا بقا كل سنة وهو مهنيكو :)) واوعي تفهميني صح

سمع هوص (Abo 3li) يقول...

تعيشي وتفتكري...

أع ـقل مـ ج ـنـونــة يقول...

سوني ..

قولتلك العيش والحلاوة موضة قديييييييمة

غيرووو بئة احنا داخلين علي مرحلة صعبة :D :D

أع ـقل مـ ج ـنـونــة يقول...

انســــــان عــآدي ^_^

الله يرحم جدك يارب .. ويرحمنا دنيا وآخرة

ركز بئة عشان مش في كل بوست هاقولكو الكومنتات فوق :D

أع ـقل مـ ج ـنـونــة يقول...

مصري جدا ..

اجيب المطافي يعني :P

أع ـقل مـ ج ـنـونــة يقول...

يا الوناااااااااتك

بتذلينا ولا ايه

آه نسيت انك من غزة !!

:((

ادعيلنـــــــــا ربنا يهنيه هو زي مامهنينا كدا بالظبط

هو اللى مأكلنا هو :D :D

غير معرف يقول...

ههههههههههه متزعليش

بس الموضوع لزيز

ويا ستي كل سنة والمعفن عباس بخير هو كمان وابقا اجبله تورتة حمضانة كدة ع حسابي في عيد ميلاده واعزمك بقا و قولي اللي في نفسك :)

بصي احنا نعمل يوم واحد لكل الرؤساا عشان التوفير ويبقا تمام

:)

أع ـقل مـ ج ـنـونــة يقول...

يا الواناتك ياعسل انتي :D

ايوة علي رائيك نخليهم كلهم في يوم واحد ونجيبلهم تورتة مسممة :D

استري علينا بئة :D :D

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات