كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )

 

اتدبست في تـــاج .. واول مرة اجرب الموضوع دا 

تعـــالو الأول نشوف ايه هو التاج دا

التاج السُـلطاني  


قوانين التاج السُلطاني كالآتي:
 
  • اذكر اسم من طلب منك حل هذا الواجب.
  • اذكر القوانين المتعلقة بهذا الواجب.
  • تحدث عن ستة أسرار قد لا يكتشفها من يقابلك للمرة الأولى.
  • حّول هذا الواجب إلى ستة مدونين، واذكر أسماءهم مع روابط مدوناتهم في موضوعك.
  • اترك تعليقًا في مدونة من حّولت الواجب عليهم؛ ليعلموا عن هذا الواجب.

 

  • اللي دبستني في التـ،،ــاج دا ..

غاليتي وعزيزتي دندنة قيثارة الوجد


    • القوانين مذكورة فوق ^_^
    • اسراري اللي محدش يعرفها من المرة الأولــي 

    احم احم .. 

    هما تقريبا كتير ..
    فـ أنا أحيانا بكون بئر اسرار وعشان اتفهم محتاجة جلسات ^_^

    السر الأول .. 

    اني حد فريش أوي ومش شايل للدنيا هم ..
    مع ان ممكن يطبقو عليا اغنية حمادة هلال " شايل في قلبي جراح تكفي الكون دا كله " 
    .. بس من النوع اللي بيحب يبان كدا

    السر الثاني .. 

    اظهر برده للناس باني اجتماعية جدا .. وانا بطبعي اعشق لحظات الوحدة 

    السر الثالث ..

    اني بعشق القراية ..
    وبشوف فيها الوسيلة المثلي للخروج من اي حالة نفسية سيئة 

    السر الرابع ..
     
    اني طبع النكد غالب عندي " جوايا " ..
     بالرغم اني اظهر للناس باني اكبر مهرجة ^_^

    السر الخامس ..
     
    مخلصة جدا لمن اشعر انه يستحق .. وبعد اختبارات ومواقف كتيرة ..
     وللاسف بغدر باللي مش يستحق برده بعد اختبارات 

    مقصدش الغدر الغدر ..
    بس يعني بمسحه من حياتي باستيكة واذ فجأة أو علي موقف هايف  <_<

    السر السادس وليس الأخير ..
     
    عبيطة جدا ، مع اني ابان سوسة :D

    مش بعرف اركز ف الحاجة واستسوس من المرة الأولي ..
    دايما بقدم حسن النية لحد ما بستكشف الأحوال ..
    وبعد كدا تبدأ مرحلة التسويس بئة 

    وبرده من العبط اني بيتضحك عليا بكلمتين ..
    بس لما بيقفل المخ الصعيدي .. اجاركم الله 

    وبرده احيانا بيتضحك عليا بعد ما المخ الصعيدي بيتقفل :D :D

    -------------

    لازم ادبس 6 معايا .. محتارة جدا فيهم !
    - ابو علي سمع هوص 
    " هو كدا بئة لاقيت مدونتك ادامي قولت ابتدي بيك "

    - مدونة الشط التاني من نفسي 
    " انتيختي بئة اموه "

    - فكك مني .. كيكي عوووووو ..
    " نياهاها عووو "

    - بـهذا حدّثتني نفسي ..
    " معلش بئة عربون تعارف المدونات علي بعضيها "

    - يـ ألوناتك ! 
    " الفلسطينية الجميلة اتدبسي بئة ياحلوة ^_^ "

    - مش عارفة....بس نفسي اعرف  
    .. دكتورة ستيتة حسب الله الحمش .. " احبك في الله ^_^ "

     

    ج ــآري تنفيـــذ الشرط الأخير 






    22 CoMeNTaToOoOoZ:

    ستيتة يقول...

    احبك الله الذي احببتني فيه

    بس والله انا يا بونيتي اللي يشوفني ومن اول دقيقة يعرف عني كل شيء
    هو انا موديني في داهية الا وشي الفضاح لمشاعري و"مكمومات" صدري :)
    اما عن اجاباتك ففيها كتير مني
    اهمها اني بئر لأسراري ومخرجش شيء من جوايا بسهولة وده ساعات بيخليني زي الحلة البرستو من غير منظم بخار :)

    تحياتي

    عايشه لنفسي يقول...

    علي يدى
    فؤاد كان قاعد هنا وام المهندس كانت قاعده هنا :)
    والله وكبرتى واتعملك تاج يارحمه كنت خايفه اموت قبل ما اشوفك معمولك تاج
    بصي انا موافقه
    بس سؤال انتى دخلتينى ليه مانتى عارفه كل حاجه عنى ماتشيلينى ودخلي حد متعرفهوش اوى علي سبيل التعارف ؛)
    خلاص انا بعد ابو علي وربنا يستر

    كيكى عوووووو يقول...

    مساءك سكر
    بس معلش ماتزعليش انا التاج دة حليتوا من سنتاااااااااااااااااات
    ياااااااااااااااااااه حسيستينى انى من مواليد برج ابو نكله
    تصدقى فيكى حاجات كتير فيا مابتظهرش مممممممممم
    وش بيغمز

    دندنة قيثارة الوجد يقول...

    والله مش باين عليك العبط أبدا .. والتهريج حلوووو أوي وأنا أحبه كتير ..

    سعدت كثيرا بتلبية الدعوة وشكرا لك من كل قلبي.. تحياتي لك

    أع ـقل مـ ج ـنـونــة يقول...

    ستيتة .. ربنا يخليكي ياقمر
    ماهو كل بني آدم في حاجات مفضوحة وفي حاجات مستخبية جوة :D

    نورتي ياقمراية ^_^

    أع ـقل مـ ج ـنـونــة يقول...

    زوها .. امال ارخم عليكي ازاى ياحوبي ؟
    ابدئي من دلوقتي ملكيش دعوة بابو علي :D :D

    أع ـقل مـ ج ـنـونــة يقول...

    كيكي عوووووووووو

    يالا انا عملت اللى عليا :D :D

    عاوزة اشوف تاجك بئة :P :D

    أع ـقل مـ ج ـنـونــة يقول...

    دندونة .. لا ميغركيش المنظر

    انا ساعات بكون عبيطة جدا :D

    تؤتؤ محدش يعلق هاه :@

    وانا سعيدة اكتر بتعرفي علي حد جميل زيك :)

    راء يقول...

    هههههههههههه

    ع فكرة اسرارك شبه اسراري الموجودة ف اعماق اعماقي

    بس السادس مختلف عني لأني ببان طيبة جدا وابقى قاعدة هادية بس ببقى فاهمة كل حركة حواليا البعض بيقول على النوع ده سوسة...بس مش عارفة اغيرها اقول لعقلي متفهمش يعني ^_^

    أع ـقل مـ ج ـنـونــة يقول...

    هههههههههههههه

    لا يا رودي بجد انا ساعات بكون غريبة اوي

    حاجات تحصل ادامي وتكون معناها واضح .. واحس اني بستغبي

    وساعات بئة يحصل حاجة وافهمها ولما اجي اتكلم واقول ايه دا وبتاع .. اللي ادامي يستغل نقطة عبطي دي ويحسسني بالغباء واني فهمت غلط :d

    بس علي مييييييييييين

    خلاص اتعلمنا بئة نسجل من اول نظرة ^_^

    nigro يقول...

    أن أن آآآآآآآن
    مش عارف ليه مش راكب معايا حوار تفسيرك لحتة الغدر دي
    الواحد يبدأ يخاف منك كده يا مدموازيل أعقل مجنونة
    :))

    ثم اسمحيلي أفقع حتة ياااااااااااااااااه
    لإنك فكرتيني بالذي مضي و الله يا بنتي
    خدي دي و بالشفا و لما كان

    سلامـُـه عليكم

    أع ـقل مـ ج ـنـونــة يقول...

    مش عاوز يفتح عندي يا نيجرو !

    وبعدين اه خاف بئة :P

    انا بقول بعد اختبارات واني احس ان اللي ادامي مش يستاهل الاخلاص دا ^_^

    ابعت اللينك تاني بئة

    nigro يقول...

    لا مؤاخذة
    ده اللينك و لما كان

    أع ـقل مـ ج ـنـونــة يقول...

    شوووفته :D

    سمع هوص (Abo 3li) يقول...

    انا هعمل نفسي مدخلتش ومشوفتش حاجة هنا... نيهاهاهاهنيهاهاهاها...
    ومحدش هياخد باله....

    تاج لااااااااااااااااا.... مش كفاية ال عملته فيا سمية "ستار ان زا سكاي" قبل كده... ههههههههههه...

    عموما علشان خاطرك بس هعمله... مع اني كنت ناوي معملش تاجات تاني... هههههههههه...

    بس مش هلتزم بالقوانين اوي... وهعمله بكرة ان شاء الله... علشان انا بنام علي روحي حاليا...

    يلا تصبحي علي خير

    أع ـقل مـ ج ـنـونــة يقول...

    المهم تعمله :d

    برافو عليك مطييييييييييع :D :D

    كيكى عوووووو يقول...

    عايزانى اكشف اسرار الدولة ولا ايييييييه
    !!!
    كدة عايزنى اروح تحرى

    أع ـقل مـ ج ـنـونــة يقول...

    اه :D

    فدايا يا كيكي :P :P

    sony2000 يقول...

    عرفاااها انا الجمجمه الصعيدي دي
    دا احنا اولاد مونطقه وااااااحده
    ولا اييييييييييه:)

    أع ـقل مـ ج ـنـونــة يقول...

    ايييييييييييييييييه :D :D :D

    KEBLAWYAT يقول...

    طيب كويس

    أهى رزان فعلا تبقى سيده اولى تشرف كده :) ...


    بس انا اتذكر وانا عندى 9 سنين كنت طفل عارف المعلومات دى يعنى

    أع ـقل مـ ج ـنـونــة يقول...

    قبلاوي .. تقصد البوست الفوقاني دا :D

    انت كنت من الاطفال المثقفين القليلين ف البلد

    ^_^

    نورتني

    إرسال تعليق



    WelCome To

    ~ A32l MaGNoNa ~

    لايك ماي بيدج ع الفيس

    ديلفري اعقل مجنونة

    حط ميلك هتوصلك المواضيع لحد عندك ^_^:

    Delivered by FeedBurner

    أج ـمل مدونـات