كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )




اولا أسفة علي عدم اهتمامي بالمدونة الفترة اللى فاتت .. 
وعدم التواصل مع الجميع

ارجوكم ادعو لخالتي بالرحمة والمغفرة .. 
وربنا يصبر أولادها وزوجها 

حاسة اني حزينة أوي .. واخيرا قدرت اعبر عن حزني بالكتابة !!

كتبت الكلمات اللي هتشوفها بعد شوية .. اللى مش عارفة أهديها لمين ؟

هاوريهالكو .. وبعد دعائكو ليها ولاولادها بالذات .. حاولو تقولولي أهديها لمين 



جايز احنا مقدور علينا

جايز احنا حزننا فينا
 
لكن هما هاعيشو ازاى من غير عنيها

دا هما كانو كل حاجة ف الدنيا ليها
 
مكنش في حياتهم حاجة غير راحتها
 
فجأة بنتها لقت أمها سابتها ؟

وابنها تايه ف دنيا كبيرة
 
بيلف ف ساقية وكأنها مغامرة خطيرة

وجوزها مش عارف يضحك ولا يبكي

مش قادر حتي للناس يشكي
 
مقلش في يوم انها تعبته
 
ولا من حياته زهقته

كان مستحملها في روقانها وغضبها
 
كان بيشاركها حتي في تعبها
 
دلوقتي راحت .. ولسة لما

الدوشة تخلص وتفضي اللمة
 
هايفوقو انهم بئو لوحدهم

وراحت اللي كانت بتضمهم

سابتلهم الحيــاة
 
ورجعت للي خلقها .. رجعت لله

" اللهم أجرني في مصيبتي واخلف لي خيرا منها "

------------

فكرت أهديها ليــا و ليكو 
خلو بالكو من امهاتكو .. ارضوهم 
دلوقتي معاكم .. لكن الله اعلم بكرة هايكونو معاكو ولا لاء ؟
وانتو دلوقتي معاهم .. وبرده الله أعلم بكرة هاتكونو معاهم ولا لاء ؟
------------

24 CoMeNTaToOoOoZ:

أنا - الريس يقول...

اللهم إجرك في مصيبتك واخلفها خيرا منها .. ربنا يرحمها ويجلها من اهل الفردوس ويصبر أهلها ...
اهديها لكل شخص فقد شخص عزيز عليه ...

sony2000 يقول...

البقاء لله
وربنا يصبرك يارب
واهديها لكل شخص عزيز عليا
تكون تذزكره ليه بأنه يهتم باللي حوليه كويس وميخسرش رضاهم ابدا
اللهم ارض عنا وعن موتانا
اللهم امين

فاتيما يقول...

مش محتاجة تتحيرى
و تفكرى تهديها لمين يا حبيبتى

انتى تهديها لكل حد عنده عزيز مش واخد باله من غلاوته
و مش لازم يستنى لما يفتقده
عشان يقوله بحبك

نصيحتك فى محلها و جدا
و طول الوقت بحطها قصادى
لن أمى اتعذبت معانا كتير
و مفيش وقت نزعلها تانى و لازم نراعى الحكاية دى جدا ..قدر امكاننا


احساسك عالى جدا فى كل كلمة
و واصلنا ببساطة شديدة


شدى حيلك كدا و ربنا يتغمدها بوافر رحمته .زكلنا ودائع فى إنتظار أن ترد لصاحبها و البنى آدم سيرة و الحمدلله غاليتك سيرتها عطرة فوصلتلنا بأمر الله و فضله عشان ندعيلها معاكى

جمدى قلبك الرقيق دا
و خلى بالك من نفسك قوى

ستيتة يقول...

انا لله وانا اليه راجعون
عظم الله اجوركم ورزقكم الرضا بالقلوب

اقول لك حاجة
خيرها انها تروح للي خلقها
وخيرهم
وخيركم
اي نعم مش ها نفهم الحكم الربانية
وها تقولي ايه الست القاسية جدا دي
بس اقسم بالل ما قسوة
انما الأيام علمتني وعلمت عليا قوي
ما نفهمش حكمة ربنا جايز
منها حكم مخفية
لكن كون كلها خير ده لا جدال عليه

كلنا على نفس الطريق يا حبيبتي
كلنا على الطريق
محدش بيسبق محطته ولا بيبطيء عنها

ربنا يصبر قلوبكم كلكم

عايشه لنفسي يقول...

الله يرحمها برحمته ويرحم كل الاموات المسلمين
ويصبر اولادها وجوزها واخواتها
ويخلي لينا اهلنا امين يارب العالمين

مشخبطاتي يقول...

السلام عليكم..

رزقكم الله ,وأسرو الفقيدة الصبر وآجركم في مصيبتكم..

ونسأل الله أن يرزقها خير مافي البرزخ ويدخلها الجنان من أيّ الأبواب تريد !

وعظم الله أجركم.

سمع هوص (Abo 3li) يقول...

البقاء لله... ربنا يصبر كل اهلها...
اهديها لكل الناس... لاننا علي طول بنفقد ناس بنحبهم.. دي سنة الحياة...

متخليش الحزن يتملكك... ربنا يفك عنك..

تحياتي

أع ـقل مـ ج ـنـونــة يقول...

MR.PRESIDENT

اللهم آمين ..

جميل اهدائك .. واشاركك فيه

نورتني يا افندم :)

أع ـقل مـ ج ـنـونــة يقول...

ربنا يخليكي ياسوني
اهدائك جميل اوي وبرده بشاركك فيه

---

اللهم آمين يارب العالمين

نورتيني ياحبيبتي

أع ـقل مـ ج ـنـونــة يقول...

فاتيما ..

مش عارفة اقولك ايه .. بجد كلامك ريحني كتير

انا صدقوني مش زعلانة .. لاني عارفة انها ارتاحت بعد صراع مع المرض

وبدعيلها كمان علي طول بالرحمة

بس اللي مش قادرة اتخيله ان حد يعيش من غير أم .. صعبان عليا ولادها اوي

هما كبار مش صغيرين يعني 23 سنة و 26 سنة

بس برده !!

ربنا يخلي لينا كل عزيز وغالي بالذات الأم

ومايحرمش حد منهم أبدا

نورتي المدونة ياحبيبتي :)

أع ـقل مـ ج ـنـونــة يقول...

ستيتة ..

اكيد دا المكان الافضل ليها ولينا كمان

وزي مانتي بتقولي .. محدش عارف حكمة ربنا من الشئ فين وايه وازاى؟

جزاكي الله كل خير

وربنا يخليكي ويتقبل دعائك ودعائنا يارب

أع ـقل مـ ج ـنـونــة يقول...

عايشه لنفسي

ساسو ياحبيبتي وربنا يخليكي ليا انتي وسما يارب ومايحرمني منكو ولا يحرمكو من اي حد عزيز وغالي عليكو

وخلي بالك من طنط يابت ^_^

نورتيني ياحبيبتي :)

أع ـقل مـ ج ـنـونــة يقول...

مشخبطاتي

عودا حميدا :)

وربنا يتقبل منك دعائك يارب

أع ـقل مـ ج ـنـونــة يقول...

ابو علي ..

عندك حق .. سنة الحياة

وزي ما قال أخ ليا .. احنا اللى ضيوف ع الدنيا .. مش هما اللى بيمشو وبيسيبو الدنيا !

جزاك الله كل خير

وبرده معاك فـ اهدائك

نورتني وربنا يكرمك يارب :)

راء يقول...

يااااه كل ده وانا مش كنت هنا :(

انا اسفة اوي اوي ربنا يرحمها يارب ويدخلها الجنة

احساسك عالي جدا وكلماتك رهيبة
بس الحمد لله اكيد ده فيه الخير
وعجبتني النصيحة

:)
بحبك ف الله

زينب علي حبيب يقول...

بجد معرفش اقولك ايه

ربنا يصبر اهلها


و يزود ايمانهم

الموت حق


وربنا يغفرلها و يرحمها يااااااا رب

KEBLAWYAT يقول...

البقاء لله

ربنا يرحمها ويسكنه فسيح جناته

ويجعل قبرها روضه من رياض الجنه

كلمات دوت كوم Kalemat.com يقول...

ربنا يصبرك يارب اللهم إجرك في مصيبتك واخلفها خيرا منهاوالبقاء لله جعلها الله اخر الاحزان تحياتي لكي وتعبيرك مؤثر جداً

beautiful mind يقول...

اللهم ارحمها واغفرلها
وسكنها جنتك
واجعل قبرها روضة من رياض الجنه
اللهم امين

كيكى عوووووو يقول...

ازيك ياحبيتى
معلش اتاخرت عليكى
البقاء لله
ربنا يصبرهم ويصبرك

أع ـقل مـ ج ـنـونــة يقول...

رضوي ..
وحشتيني ياحبيبتي وربنا يوفقك ف دراستك يارب
ربنا يخليكي ياقمر
أحبك الذي احببتني فيه
وانا كمان بحبك في الله ^_^

أع ـقل مـ ج ـنـونــة يقول...

قطرة وفا
قبلاوي
أبو مودة
مايند
كيكي

ربنا يخليكو كلكو ويكرمكو يارب

جزاكم الله كل خير :)

غير معرف يقول...

ربنا يرحمها ويصبر ولادها
اللهم احشرها مع النبيين والصديقين والشهداء

كلمات صادقة جدا
ربنا يجعلها آخر الأحزان عليكم وعلينا جميعا

البقاء لله وحده

أع ـقل مـ ج ـنـونــة يقول...

جزاك الله كل خير سمو الامير ..
تقبل الله منك دعائك وربنا يرحمها ويصبرنا جميعا يارب :)

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات